嚐品慕茶 (已結業)

我地七個同事一點鐘午市到到但多款食物都已經賣光，可樂沒有煎餅飯沒有咖哩雞飯沒有（本來食物選擇已不多），食物來了飯竟然係涼的胃口已減一半，味道亦非常普通，燒雞飯同出面Aeon 買外帶的質素冇分別，呢個價錢換來這樣的食物實在非常不值燒雞飯d汁凍到凝左係d肉上面，西餐肋骨亦只是微熱，肋骨明顯係沒有腌過，煮得非常求其講真附近有更多餐廳價錢比佢更抵但更加好食，起碼係有心整出黎的熱的真係唔會光顧第二次！希望貴餐廳吸取意見好好改善

早幾排發拙到牛頭角有一間小清新既cafe，充滿田園氣息! 下午茶時間黎到，選擇唔多，咁岩朋友未食野，我地就叫多少少野食！ 卡邦尼煙肉意粉($62) 卡邦尼汁有D稀，個人偏好杰身既醬汁，意粉彈牙有咬口，整體不過不失。炸半邊雞翼配日式餃子($48) 明知餐牌寫明各4隻，但好想食炸野關係都係叫左呢個。份量少左D，感覺好貴，雞翼新鮮熱辣，非常燙口，如果係4隻雞翼會開心d，餃子應該係平時食既急凍款式，所以唔太驚喜～黑醋煙三文魚烤三文治($52) 論味道係幾好食，黑醋令到個三文治好開胃，煙三文魚份量都幾多。不過口感方面就比較遜色，三文治口感有點硬，可能係我食唔慣呢D麵包~朱古力心太軟配手工雪糕($68) 心太軟係幾失望，幾乎已經唔流心，但朱古力味幾濃。旁邊既玄米茶雪糕非常推薦！玄米茶雪糕比較少見同少食，佢地既有香濃既茶味，口感軟滑，又唔太甜！所以想試多D佢地手工雪糕！朱古力鮮奶咖啡($30) 有靚靚既拉花，朱古力味幾濃，少飲咖啡既朋友都幾中意～～ 當日餐廳部分位置被包場，不過空間感幾大，場地好寬敞，仲有一半餐廳既空間被食客使用。而每張桌之間距離都幾遠，所以坐得舒服，壓迫感唔大。雖然有人包場，但整

今日成班人12點半上去, 唔洗等位, 快快手落左ORDER, 5個有4個叫同一個餐 (日式燒雞)15分鐘後上菜 發現有D唔對路其中一個份量特別小 叫左侍應問 問左三個先話叫廚房加番塊肉結果過左半個鐘個個吃飽哂侍應先竟然話賣哂 (當時1點幾) 話比番個雪糕你算唯有死死氣食埋個餐 好彩味道都算OK

下雨天，無阻小姐與小妹的約定。我們，撐起雨傘，去觀塘蒲Cafe。 嚐品慕茶，位於觀塘偉業街一角的工廈閣樓。拾級而上，樓梯兩旁掛滿了小燈泡，挺有意境的！ 嚐品慕茶的裝潢佈局集粗獷工業風、少女夢幻和清新田園風格於一室。紅磚牆及烏絲燈泡是工業風的代表作。絨布純白宮廷梳化、爉燭形吊燈及金餐桌又是古典華麗的少女風格。木枱及乾花植物擺設，又滲透出濃濃的田園氣息。這裏，無疑可以滿足不同人的需要。慕茶地方闊落，空間感強，座位也十分靈活具彈性。由一人座，雙人座，甚至乎多至十人的座位也有。當然，你也可以根據個人需要，提出包場的要求。餐廳會以屏風作間隔，為你提供專用空間。當日所見，就有工作坊在一角進行。據知，這裏曾舉辦過市集、工作坊及婚禮。 點餐後，食物很快就送上枱來。 玫瑰花奶茶$30，入口質感香滑，玫瑰花味道也頗為突出。 抹茶奶綠$28，呈嫩綠色的，入口啖啖濃郁的抹茶香，甘中滲出奶香，是小姐喜歡的味兒。七彩雞米花配蟹肉薯餅$52，一客有六粒七彩雞花花，惜炸得過火了，口感乾硬，色澤黝黑，賣相不太討好。蟹肉薯餅，外脆內嫩，然而，說好的蟹肉不見了，徒有少量蟹柳。 黑松露帶子忌

難得平日放假, 攝影師朋友約我去影相, 可惜今日天公不做美下大雨, 最後朋友介紹去近牛頭角既一間CAFE, 說這裡環境不錯, 而且更有Lunch set/tea set食, 價錢亦唔貴。於是我地就決定去一試!Cafe附近為寫字樓, 所以平日tea-time未見有其他食客, 但很有驚喜就是這裡的環境真的超超超靚啊!!! 沙發那邊很有歐美風, 而另一邊很有田園氣息。地方亦很大, 很有空間感!!我就點左一個tea set:【黑松露煙三文魚忌廉汁意粉】HK$88 (配餐飲)雖然是TEA SET, 但意粉份量好比一個lunch set, 忌廉汁比較杰, 而且多汁。啖啖都有很重既黑松露味, 不過煙三文魚就只有一片, 如果多幾片會更好。餐飲我就揀左奶茶, 茶味好濃, 甜度可自行調教~食完Tea set係cafe周圍影下相, 最後又再order個甜品 - 是日手工精品雪糕 (HK$32@1球; HK$58@2球)雪糕味道幾多, 而且特別, 不過每日既供應有限, order前要先問問職員當日提供咩味。我就揀左 玄米茶雪糕+青檸伯爵茶雪葩口感香滑, 茶味突出, 玄米茶雪糕中更帶有幼粒既玄米, 增添口感呢間

放假當然四處找好東西吃，今日成功與同事一同放假，九龍人的她帶我食好西，九龍區樓上咖啡店一想我便想起工業區美食天堂觀塘，哈哈，又錯了。原來係MegaBox附近，由MegaBox出發行去約10多分鐘，路程上還可以，但也有更近的路線，就是由牛頭角站出發，只需8分鐘。裝潢十分文青，傢俱以木為主，十分大自然，環境舒服。當天中午到達，人還真多，還好地方夠大，有位置。我們點了肉醬芝士意粉，忌廉殼型粉伴豬頸肉，藍莓芝士蛋糕，餐湯，熱MATCHA LATTE及熱華田。先上的是肉醬芝士意粉，肉醬咸咸甜甜，但不失蕃茄的酸味，面頭還有一層厚厚既芝士。意粉方面，軟硬度剛好，經過烤焗後還有點濕潤，不會太乾。再上的是忌廉殼型粉伴豬頸肉，外型上完全普通，與自家制品不分上下，哈哈。沒想到放入口是如此美味。芝士同忌廉味十分配合，汁的稀傑程度啱啱好，可以完美咁黐住粉上。豬頸肉夠淋唔會過硬。飲品來了，latte外型美觀，面頭的奶厚厚，味道唔甜帶有淡淡綠茶清香，還不錯。華田和一般茶餐廳差不多，普通貨色。藍莓芝士蛋糕，凍點還可以，不算太甜，芝士味濃，但藍莓醬有點失色。走時還看見有野餐盒借用服務，最夠文青。

經過觀塘，梗係要去工廈食個lunch,需知道觀塘ge 工廈好多隱世食店。今次尼到呢間，個名已經好特別。坐下簡lunch set, 好多選擇，千簡萬簡叫左香莫白酒浸三文魚。凱撒沙律-配左煙肉，芝士粉同沙律醬，非常惹味，作食starter 咁肚餓ge 情況下好快就食哂。白酒浸三文魚-好厚身有份量，加左小小鹽配味，由於非常新鮮，已經夠好味，配左小量蕃茄同玉米，好正。配左薯蓉同茄子青瓜。薯蓉係out of expectation!!唔係一般淡而無味個種，係調好哂味，不知不覺就食哂喇。茄子青瓜又係好讚，唔係出面細細舊拎尼裝飾個種，係大大塊，仲要燒過，誠意度好高呀！呢個main dish 睇得出師父落左唔小心機。Brownie-叫左個dessert,略唔夠軟熟，但都好重朱古力味，多人可以一試，因為有4件，一個人食會食唔哂。呢間真係好唔錯呀，難怪咁多人食。

今日約咗個客，去咗九龍灣新起的商業大厦，開完會就過咗對面新開的嚐品慕菜食lunch，地點是在志明橋附近。不要睇少間嘢位於舊工厦入面，入面真喺柳暗花明又一村，環境超舒服，唔洗多講，睇圖首先來了一個漢堡，賣相精緻，用太陽蛋真是妙絕，賣相不錯之餘，蛋黃溶於牛肉，加上芝士，煙肉，混起來的感覺比窩蛋牛肉更勝一層樓。不過如果薯條能換成薯角就更完美。這角牛肋骨，用了美式煮法，但比美式餐廳更厚身，更多肉，而且味道和口感也不錯，抵這個九龍灣的小天堂真的不錯，可以肯定如果早幾年如果志明行過，一定過來食。

平時喺觀塘緊嘢食講嗰個今次就試吓牛頭角呢邊幾間餐廳。之前佢哋喺觀塘都有分店食過覺得唔錯。朋友又再次同我都介紹咗佢，所以特登就去咗呢個食lunch呢度嘅午餐都幾抵食我哋兩個人一人叫咗一個。以咁嘅環境同埋服務來計食物真係幾有質素，而且仲可以兩個人喺度談心，環境超級舒服。辣烤天多利雞伴油酥餅，平時好少見到餐廳會有咁嘅餐所以我哋一個就叫咗飯一個就叫咗蔥油餅嚟食。雞件都幾滑，上面會有啲醬汁，份量同埋調味都適中。蔥油餅啱啱整起非常之熱辣辣，而且幾鬆化配埋上面嘅辣汁開胃又好味。香草白酒浸三文魚扒，旁邊有啲效果茄子亦都用咗黑椒調味幾有心。車厘茄同埋上面嘅配料都唔錯，選擇我哋選擇咗食飯，上面亦都會有少少粟米同蕃茄，口味都幾清新，呢個菜都幾健康。呢度嘅午餐都幾抵食同埋做得都幾用心。蘋果金寶配雪糕，幾香嘅蘋果味配埋雪糕作為呢一餐甜品總結。另外仲叫咗檸檬撻，佢地口味作為飯後甜品非常清新，上面會有少少水果，呢間餐廳俾人嘅感覺非常健康。上面嘅百合係我同朋友喺出邊行完山搵反來的，清新嘅白合味配埋咖啡我哋牛頭角又可以多一個午餐地點拉。

午餐時段到了偉業街一帶的嚐品慕茶準備享受一個悠閒午餐正是上班族的午飯時段，大家都在尋找午飯的地方呢。Lunch Set價格合理，挺適合上班族。位置寬闊。餐廳內很多花花裝飾呢給予悠閒感覺。Lunch Set三文魚扒配上薯蓉，薯蓉很甜三文魚扒也煎得挺香。家的感覺不會很油膩。煙鴨胸肉都挺大片呢Lunch Set+8$的熱日本丸安抹茶奶，挺濃抹茶味的+6$就可有是日餐湯，而這天的餐湯是西蘭花忌廉湯呢。Lunch Set+18$的藍莓芝士蛋糕花花靚景悠閒地渡過了午餐時光

這餐廳開了數月，第一次與同事過來試食午餐～午餐由$55起，可以接受～上到去，嘩左一聲，好大裝修也好靚不過重點是食物同速度，不知如何？午餐也有幾選擇～我選了豬扒蛋飯再加$8 飲抹茶鮮奶賣相唔錯，豬扒都頗厚而且夠淋至於杯抹茶鮮奶，望落去抹茶味好夠，飲落又真係幾濃抹茶，不過略嫌加了過多抹茶，有一點點苦澀，但是，味道完全可以接受～現在，打卡送雪糕，是次送紫薯雪糕，但略嫌甜了點⋯話說這次是午餐，只有一小時，但這餐廳上菜速度非常好，我們12點多到達，12點8左右已吃飽飽不錯的餐廳，環境靚，食物質素又唔錯，以後午餐有多個選擇

約了在觀塘上班的朋友食晏，地點就由她話事 由於她的 office 較近牛頭角果邊 她帶了我去附近的一間樓上 cafe 食晏 她的午飯時間較早，中午 12:30 食客不是太多 Cafe 很大，裝潢簡潔，仲有倘大舒服的梳化位，感覺舒服悠閒 午市套餐價錢由 HK$55 - HK$88 包熱飲品 想食得豐富一點的可以加餐湯、沙律、藍莓芝士蛋糕或朱古力布朗尼 我們加了一份餐湯 +HK$6 和雜豆沙律 +HK$15 意大利煙肉雜菜湯味道不錯，如果賣相改善下會更好 雜豆沙律很大碟也佷豐富，有角豆、紅腰豆、粟米、橄欖片和沙律菜，足夠兩人分享我們兩個都想食煙鴨胸，所以點了兩客 ... 辣蕃茄醬意大利麵伴煙燻鴨胸鍾意鴨胸夠厚，食起來至有口感辣蕃茄醬的味道不太辣，配上意粉很惹味，不錯在 Facebook 或 Instagram 打卡就送意式雪糕一球 ... 這日送的是伯爵茶意式雪糕食飽飽，嘆杯咖啡和奶茶傾多陣 ...** 以上分享是以我的口味、喜好和情況作出分享及感受，一試 / 合用與否請自行決定

朋友拿到了德福MCL的免費戲票，所以周六約好到觀塘接她放工後，再到牛頭角的樓上cafe吃午飯，最後到九龍灣看電影。 朋友想到慕茶吃飯，可惜離九龍灣有點遠，所以，我們決定到它新開的分店 - 「嚐品慕茶」試試。 由於是新開張，所以沿樓梯直上，可以看到一個又一個的恭賀花牌。而這裏的佔地較觀塘佔大很多，基本上可容納100+人以上。 由於這天餐廳有function被（部分位置應被包場），所以main course只得4款意粉選擇，而小食及沙律均不能提供。 選擇太少的關係，我與好友都點了相同的黑松露煙三文魚忌廉汁意粉 。意粉的賣相沒有我想像中的精緻，只是略略把煙三文魚捲成花形，算是不過不失吧！ 意粉嗅起來是有淡淡的黑松露香味，入口卻被忌廉味道完全遮蓋，而且忌廉的味道極濃，加上意粉內沒有任何配料，如蘑菇粒或三文魚肉碎，所以吃一點點就已經有點膩，最後不能提全碟完成。 伯爵茶鮮奶咖啡 - 咖啡沒有美美的拉花，令人感到失望，不過，味道還是非常不錯，咖啡口感滑餾，入口時先喝到伯爵茶的茶香味，慢慢地咖啡的醇厚香味湧出來，層次感極高。 伯爵茶朱古力 - 由於是凍飲的關係，待一會基本上冰粒已經融化，所

觀塘的慕茶去了兩次。第一次，一次過吃了七種口味的雪糕，瘋狂但滿足。第二次，推出了午餐，主食沒有令人回頭的質素。開了新店，再約我的瘋狂吃伴一起去試。位置不太方便。從牛頭角站走到偉業街，車輛在馬路飛馳，加上天氣悶熱，空氣質素極差，大概十分鐘的路程變得有漫長。一直走，直至見到右邊的花籃，上樓梯就到了。午飯時間，將近1時，全場滿座。比觀塘的慕茶大得多，較光猛開揚，沒那麼焗促。不過，人多又應聲，吵得有酒樓的感覺。入口處放著同一架車，對雪糕滿心期待。窗邊有大圓枱，也設有四人枱，但碰巧被安排到由二人桌拼成長枱的中間。餐桌不大，座位有點逼，兩邊貼著陌生人。人手不足，店員忙個不停，不斷在餐桌中穿梭。入座後，等了15分鐘才等到餐牌，不過友人遲遲未到，等等也無所謂。雜豆沙律鷹咀豆、紅腰豆、粟米、橄㰖和沙律菜，本是健康又美味之選，營養豐富，多層次口感。可是，大量的芝麻醬破壞了清新，把細膩的天然味道變得粗豪。後來才見到餐牌寫著，可選黑醋／芝麻醬，但店員落單時沒有問。奇怪地，碟子的一碟熱得微燙。熱日本丸安抹茶奶午餐加＄8，把餐飲改為抹茶奶。沒有絲毫的甜，抹茶味濃，奶香亦濃郁，面層的泡不厚但帶抹茶粉的微嚡，出色之作

陽光普照，週末與姊妹共聚，相約在一家新開牛頭角工廈的咖啡店午膳。門面的佈置十分漂亮，爬一層樓梯便來到開闊的店面，很精美的簡約風佈置，店內各處均通透著午日陽光。鄰近幾枱似乎都是住進附近酒店的內地遊客，或許是仍在試業階段，店面只有一位服務員在工作。我們點了抺茶帶子鮮蝦意粉$98、黑松露煙三文魚忌廉汁意粉$88，蟹肉忌廉薯餅拼彩色炸雞球$28。食物在點餐後等了一陣子才奉上，入口尚有微溫，綠色的意粉很新穎，味道與普通意粉差不多，沒有茶的苦澀味。意粉比較黏口，有數隻小蝦、少量蟹籽，和一隻帶子。伴碟亦是綠色的生菜。另一道意粉的黑松露忌廉味濃郁，醬汁很濃稠，以兩片煙三文魚砌成花的形狀佈置在意粉上。薯餅雞球只賣$28很抵食，即叫叫炸香脆可口。很有趣的是抺茶奶綠（跟餐$10）只有凍飲，而伯爵茶鮮奶咖啡（跟餐＄8）只有熱飲。朋友的抺茶奶綠挺滑身，不太甜，伯爵茶latte茶味清香，具飽肚感。