嘉麟樓

营业中

休息中

每年必定買呢度既月餅，因本人喜愛奶黃，呢度既月餅就係我食月餅既first choice 。 $148.00 有8個迷你月餅，係雪櫃羅出來，就先釘佢甘秒先食，年年水準都一樣，正呀~~

咁大個仔第一次入半島，就係來幫襯嘉麟樓買月餅俾女友屋企人。HK$148返到女友屋企開來慢慢吃，覺得無乜特別，女友仲懷疑呢盒唔係月餅。第二日去旅行一口吃半個，先發覺味道均勻，相當好味！建議大家食時最好一口一舊！(睇你口幾大就切幾大舊。)

無法想像完全西化o既半島酒店, 內裡有裝修古典o既中式茶樓. 餐前小菜有甜合桃, 滷水牛展同素雞, 合核非常鬆化, 牛展林而入味, 好食.點心可以以人頭計算, 每人一件, 咁就可以樣樣試均. 主力推介係: 叉燒蘇(皮好鬆,真係好好味), 炸芋角, 魚翅鮮蝦燒賣(原隻蝦附係燒賣上, 爽而甜) 其他:春卷,九菜餃,蟹王餃(係蝦餃皮內包賽磅蟹,味道冇咩特別,反而覺得膩),糯米雞,鮑魚絲炒伊麵…感覺比較普通,冇咩驚喜最後試食左出名o既奶黃月餅…曲奇餅皮,奶黃唔會太甜, 細細個, 味道唔錯, 唔會好似傳統月餅咁膩, 更新價錢係HK$148/盒, 一盒有八小個.

老闆為左招待公司大客, 特地o係嘉麟樓買左盒半島馳名o既酥皮奶黃月餅請佢食, 食完午飯即席拆開品嚐, 嘻嘻, 我又有食神啦! 據說月餅係嘉麟樓師傅每日新鮮製造, 不含防腐劑, 所以保鮮期只有十天左右. 一盒八件, 份量係迷你版, 一人一個, 口大一啖就解決佢. 我老實不客氣, 一口咬下, 酥皮薄薄, 裡面係混左蛋黃o既奶黃餡, 甜度低, 反而有少少蛋黃o既鹹香味, 食落較傳統蓮蓉月餅無咁漏. 我幾鍾意. 但係老闆同客人食完後都異口同聲話較鍾意傳統蓮蓉餡月餅, 老闆仲話, 早知就買老字號蓮蓉月餅俾佢食啦!

一圍12人食午飯, 有大有細, 點心選擇唔係好多, 味道可以, 亦無話拿到黎涼浸浸, 份量偏細. 碟頭飯麵一般ok, 有少少失望, 但佢用傳統銀器盛載既甜合桃就相當好味, 夠甜,又好趣口, 食唔返o甘好味! 再加上好似三十年代上海毫宅般裝修, 同埋行上黎二樓條樓梯上的超厚超有質感的地毯, 為佢爭返不少分數! 唔知各位食家有無同感, 環境佈置呢d 細眉細眼野都好影響食既心情, 其實以半島呢d先天條件o甘好既地方, 應該放多d心機在食物方面, 我地唔係機械人, 唔係黎淨食裝修o架!

八年前, 我第一次聽到"嘉麟樓"的大名, 當時已經想去見識下, 但估唔到等了八年才圓夢.今日(星期日)早上十一點黎到, 主要係食點心, 點心水準不俗, 但有邊款點心係特別好食? 我又講唔出. 另外, 亦都叫左一些小菜, 有炸子雞, 西蘭花同豆腐, 水準亦唔錯, 但又唔算好高水準.埋單平均$200 一位, 我覺得有點貴, 但整體而言, 我都覺得滿意. 不過見識過一次之後, 我相信再光顧的機會不大.

大部份點心都是一碟3件，$38一碟，蝦餃$42，茶錢每位$15。如有需要，可要求點心份量加大，如一碟5件等，價錢照乘。整體上食物質素及服務都不是差，但又不至於超班。

今日嚟食晏，有每位normal tea($19)同貴價茶($40-$60)揀，要咗白牡丹，$40位，梗有番咁上下既本來諗住剩係叫點心，點知又好似無乜想揀喎，所以叫餐，有個$300一位，但一啲都唔吸引，有個$380，睇落好似好啲(其實都唔係咁吸引)，咁就要呢個啦(1)點心拼盤，例牌兩蒸兩炸蝦餃，當然唔係最好拍檔細細隻既淡水蝦，但用來佬貨，鮮得嚟略大，而皮爭少少薄韮 菜餃，都幾好春卷，都幾好叉燒酥，唔算好好(2)三寶(雲腿、海參、冬菇)燉菜膽，雖然ok，但不嬲對呢類嘢麻麻，而我屋企啲料都靚過佢(3)豆酥銀雪魚，應該係隔水焗，味道都ok，但始終認為銀雪魚應該略煎後焗(4)蘿蔔炆牛腩鯪魚球，呢個ok拉啦，牛用來佬貨，所以唔會差，可以話係幼細版，但無特色(5)「鹹魚肉餅飯」，呢個真係無說話好講，不知所謂，用料又cheap，又難食！(6)栗子露麻蓉湯丸，栗子成份少，溝嘢煲，味略淡，湯丸皮幾好，餡都幾好，整體ok菜式其實較為家常，略為普通，水準參半(以呢個價計)，比我揀，會去唐閣(朗廷)多啲，點心同小菜吸引啲 啲，且又平啲

之前D同事成日都話呢度D月餅好正...我試0左1/4,覺得麻麻地咋喎...好一般, 唔算太好食.

包裝唔差,可惜只係迷你size

不嬲都有買開嘉麟樓既月餅，奶黃餡好好味，如果叮熱三十秒先食，熱熱地仲好食。另外，因為公司d客送中國會月餅比我地，所以都試過下，包裝相當靚，而味道亦都ok，唔會太漏，係另一值得推薦既月餅!

呢2年都有0係嘉麟樓買呢個奶皇月餅. 佢係一盒有8個0既迷你月餅. 個盒仔好靚, 六角型. 幾特別!!味道就好好, 好好食. 個皮好鬆, 個餡好香奶黃味. 而且唔會好甜添~~ 由於細細個, 食幾個都唔會膩. 好正. 價錢都唔貴, $105一盒. 半島喎, 真係幾抵食.

點心正，份量因應食客人數調整~ 件件份量十足~ 質素好、招呼好！"超級"推介<<栗子露>>！味道濃郁不特止，既香滑又唔太甜；~飽到死都要食~