嘉麟樓

营业中

休息中

早個多星期就book位，就係為左媽媽重出江湖既第一餐茶啦！媽媽大病住左成3個月醫院，康復出院緊係要食餐好啦！好掛住D蝦餃燒賣呀！嘉麟樓既裝修好有懷舊，好有種舊上海既feel，不過燈光有點暗。幾年前曾經黎食過，覺得點心一般。相比之下，今次既點心味道好似好味D! 當然，樣樣點心都係熱辣辣上枱，梗係加分啦！我最欣賞就係雪山叉燒包，外脆得黎個包又好軟熟！正！另外，鮑魚酥好食就緊係唔使講啦！隻鮑魚既好味又好淋！除左點心，炸子雞亦都好好味！當然隻雞即叫即炸緊係好食啦！味道好之餘，仲好有雞味！好食到唔停到口，半隻都唔係好夠分！最後，當然要有D澱粉質落肚啦！我地叫左碟蟹肉炒米粉，米粉非常幼細，鈔得唔油，但又唔太乾！呢碟賣相一般，但係就好有驚喜！整體來說，大家都非常滿意呢餐茶，各樣食物都好味！雖然價錢有點貴，但最緊要大家食得開心，身體健康！

來到聞名遐邇的嘉麟樓，步入大堂，乍見神獸麒麟昂然而立在櫃台，神獸後方有百子櫃，也有博古架，袈上有一個個紫砂茶壺，既裝飾也應有實用，櫃台該是沏茶地方，櫃台兩旁兩旁牆壁各有幾個濾水器，大小不一，顏理紋型通通不同，可惜走馬看花，專注食物，分不出神來觀摩。侍應招呼周到，拉凳讓你坐下，浦坐下就送上餐牌，餐牌的紙有點皺，眉頭猛猛一皺就舒懷，眼光都放上了筷子座，像帆船，象徵香港由小漁港脫變為城邦嗎？再望到桌上綠色琉璃裝飾，侍者送上琥珀核桃，手一拈，發財手送入添丁口，好味，差點忘了自己肌腸轆轆，選了以下：糯米釀脆皮乳鴿陳醋珍珠耳紅袍三叠魚湯竹笙釀翡翠蟹肉金絲米粉以上名稱乃默記而得，如有錯漏，祈請指正。珍珠耳先打頭陣，陳醋添香，不太酸，味不重，好味，也不驚艷。未吃罷就上脆皮乳鴿，輕輕一夾，糯米飯溢滿而出，忙不及吃一口，鴿身去骨，如斯飽滿，都是糯米飯，糯米飯軟糯而臘味濃濃，鴿皮脆卻有嚼勁，跟糯米飯相異奇趣，臘味濃郁，但吃不到半片臘肉沒半粒臘腸，只有滿佈臘味濕濡的糯米飯，有脆皮，滿臘味，不覺膩，吃後一舊很想再夾，卻怕吃得急，暴殮天物。手工菜該慢慢嘆，糯米飯粒粒有臘香，卻不見臘肉，猜是生炒，乳鴿去骨，釀糯米再

我咁知慳識儉，平安夜唔會食西餐而食中餐，預早頂枱食lunch.每年聖誕的裝飾，半島酒店及置地廣場我至like.這裏的點心需然無夏宮咁多選擇及特色，但佢有佢特色環境及服務。還有我最喜歡前菜-銀盤載虎珀合桃。鮑粒芋角，ok, 鮑粒細，食唔到鮮味雞絲粉皮，粉皮有些硬，非一般食慣粉皮，雞絲夠滑，匈牙利卷毛豬义燒包~酒店水準，豬肉味無乜特別，帶子燒賣餃粒帶子好厚身，猪肉夠弹牙。蟹肉炒金米粉，生拆蟹肉食到少少蟹売，新鮮，米粉用蛋黃炒過，金黄色又幼細，味到適中，賣相又靚。嘆完舒適茶（張枱夠大枱布夠滑），已是3時多，去吓名牌商場-外邊，扮吓有錢太先，去大堂聽吓現場交響樂。

前幾天在家全柒福食到一吐氣，今晚轉戰嘉麟樓，點了個set， 每人一份。 燉湯水準高，頭抽煎鮑魚good, 長腳蟹伴麵餅的玉心夠熱脆，抵讚。服務属中上水平。其餘菜式: 乳豬件，三式頭盘(叉燒/螺肉tart/豆腐金磚)，三色炒蝦球(淮山/紫薯/南瓜)，和牛粒，chef select dessert 。

眾所周知，嘉麟樓月餅一向都是月餅中的名牌，每年都吸引大量的買家，炒家，年年進貢當然憑著半島這兩個字已經很吸香了，更何況加上嘉麟樓這招牌難怪索價將近＄５００一盒仍能有一眾粉絲追捧今天托公司的鴻福，有幸嚐到一件傳說中的奶黃月小心翼翼把它從紙盒中拿出來，放到小碟子上再放到微波爐裡面加熱１０秒一打開就聞到濃濃的烘烤酥皮的味道切開後看到薄薄的酥皮包裹著偏橘色的奶黃餡可是吃下去卻沒有驚喜的感覺這款月餅外皮確實做得不錯豐腴的牛油香味，酥皮薄但帶有微脆感可惜內餡一般，沒有想像中的好吃蛋黃的鹹香味一般，但軟硬度很好，不會過實比起市面一般的奶黃月餅還是優勝的如果是為了嚐個鮮是可以的始終它們家是手工製造又不添加防腐劑送禮又很體面，感覺比其他的健康吧嗯，只是對我來說還是貴了點只好等明年公司再請吃了。。。

好感動，細佬出黎做左幾年工作，終於有能力請家姐去半島食餐好既。一入到去已經俾呢個茶具佈置吸引坐位後既佈置，好有舊上海既風味。連筷子座都好有特色餐前小吃 - 琥珀合桃，好甜好脆好香口，之後問職員原來樓下有得買，不過要百五蚊得一小包。片皮鴨 - 一生人中食過最好食既片皮鴨，個皮好脆好香。個海鮮醬好香甜，味道有啲似平時食腸粉用既甜醬。塊包皮好薄又唔易穿，唔似出面果啲一係就厚到似棉胎，一係就薄到穿窿。有4款配料，除左平時成日見到既三絲外，仲多咗一款蜜瓜絲，十分清甜爽口。綜合呢道菜黎講，一個字：正！食片皮鴨時有專人係隔離serve我地，食完一塊會主動幫我地包第二塊，服務一流！剩番既肉同骨職員問我地想點整，我地決定用黎煲湯，個湯十分濃郁好味！紅燒豆腐（唔係好記得菜名） - 個豆腐好香好滑，竹笙好爽口，唔錯！咕嚕蝦球（？）（又唔記得菜名）- 我唔食蝦，不過佢地話好食。香桃匈牙利鬈毛豬咕嚕肉（呢個超記得菜名）- 啲豬肉炸得好香脆但唔會影響左肉既質感，加埋甜酸醬同啲桃既配襯，簡直係一流！瑤柱蛋白炒飯（？）- 個飯炒得幾香，不過同之前幾個餸相比下就冇乜特別乾清棗皇糕 - 甜得嚟唔會太膩，好香既紅棗味，又唔

一年容易又中秋。今年公司收到收到嘉燐樓的月餅，大家滿心歡喜的搶著來吃。小人因為忙著工作，未有番叮再食，確實有點硬。一咬開，一分為二，下面的一舊壁咚的跌了下來……叮軟之後十分好食，確實是好吃要趁熱。

芸芸月餅中，半島嘉麟樓的出品名震中港，若非早早預訂，即興零售是買不到的。究竟是質素，或只是送禮名牌，大家心中有數，各有喜好。今年我依然有張美國運通半島信用咭，因此有預售優惠，7月31號前訂購，原價$485，卡會員折扣價$412.3，即是85折，每人限買30盒，因為友人要買來送禮，代買的同時我亦順便購一盒自用。外賣紙袋只嘉麟樓平常用的。包裝禮盒，多年來不變，深褐色的底色，配上專貴的金色字樣及標誌。每盒八件，分兩層，每件月餅上皆刻上嘉麟樓的獅子標誌。附上說明書，最佳吃法是把奶黃月餅放進200度的焗爐內焗6分鐘。因為月餅皮是西方的餅皮，在焗爐內加熱後，蛋黃香郁氣味湧出，香濃樸鼻，相比西方批餅更香！半島酒店保持了英國殖民地風格，當年嘉麟樓出品融合中西精䯝的迷你蛋黃月餅，也許一鳴驚人，名聲保持至今，在加上送禮文化，才這樣專貴，變得一盒難求。論食味，月餅皮確是好，焗熱後更見香脆，皮饀比例1：2.5左右，蛋黃特別香，切開有碎粒但不碎裂，入口奇香但不及傳統月餅油潤，亦吃過其他品牌的，是柔軟潤滑但欠香脆，估計拿得平衡不易，話說回來，並非非常好吃，依我口味，過乾了些！正如上段提及，當年少人做得好，驚為天人

周末同心愛嘅人舒舒服服食個lunch，想飲茶又唔想同人迫，所以揀咗呢度一點半去到，唔算太多人，即刻有位！2個人，點咗唔係好多嘢，真係簡單幾個點心 ，好好坐一個下午。和牛雪山，飽皮超正，飽內D和牛唔算多不過剛剛好！個菜餃嘅皮真系有蔬菜味，唔只係得個樣必須註明佢D蝦係原隻新鮮蝦，冇得輸！㕚燒酥係講唔出嘅好食！如果唔大食，其實嚟呢度飲吓茶，食幾個點心，渡一個下午真係好低！起碼唔洗係大堂排晒隊等食Tea靜靜哋傾吓計，食吓嘢!

下午茶時候，特意來到半島酒店裡的嘉麟樓試他們的紅蝦小龍包。他們特別之處就是一個籠只有一個小籠包， 而且非常大顆， 裡面是紅蝦蒸出來的精華，外面的皮很有彈性，而且不會那麼容易破，湯水十分香甜美味， 而且紅蝦的味道非常特別， 唯一的問題就是價格有點貴， 90塊一籠。

星期日，同朋友兩家人，四個大人四個細路，想坐得舒舒服服飲餐茶。揀咗呢間，早一日定位大枱都full左，要下晝兩點先至有位。幾年前裝修完，大致保留幾十年前嘅風格，仲特別安排左係上層，有少少包房嘅感覺。食物方面點左蝦餃(一籠四件七十元)、燒賣（一籠得三件＄66）、叉燒酥(3件$66)、鮑魚雞扎($80)，仲有睇之前推蜂巢芋角(6件$132)，另外叫咗，帶子蟹肉炒飯（$390）俾小朋友，我點左薑汁炒芥蘭（$180），想試吓廚房功力，星洲炒米（$250），傳統粵菜飲茶嘅項目。點心方面都係蝦餃係我至愛，層皮嘅澄粉係有咬口，啱啱好，唔係好似好多其他出酒樓搞到似橡皮咁。含方面有蝦有小小肥豬肉及荀片，OK嘅。個鮑魚雞扎⋯⋯就真係有少鮑魚邊，果件魚肚細細件唔係鬆散果種或者，都叫做幾好拗口，唔腥亦唔會有異味。其他點心屬於正常水準。而芋角屬於的即叫即整嘅水平，略大件咗，一件已感肥膩，三件一碟，叫咗六件，出事，一人半件就夠！碟炒飯係最有期待，飯粒係香嘅，抄得講爽，無半滴油出。可惜D蟹肉片被炒得太乾身，啲帶子粒亦冇乜甜味，成四舊水，失望。炒芥蘭就係全日精彩！因為薑汁同細細粒蒜蓉連小小嘅獻，啱啱包住每條唔會太長芥蘭

肯恩一年一度的壽辰派對，選擇了在半島酒店的嘉麟樓度過。某大銀行的其中一款信用咭，除了在半島酒店可以享有九折優惠之外，在生日月份還可以免費獲增生日蛋糕乙個。但是，這份生日蛋糕優惠，並不是隨便可以享用。首先，當然是要數日前預先跟半島預訂。除此之外，還需要於攜帶由信用咭銀行發出的生日蛋糕換領券出席晚宴。不過銀行就在發出生日蛋糕換領券上出現問題。不但在生日月份收不到任何換領券，後來打了電話要求銀行重新發出換領券後擾攘了十天也收不到新的換領券。最後要勞師動眾由銀行親自出馬把換領券fax到半島再作確認才把事情處理好，也不得不讚一讚銀行在處理這件事上服務的周到。嘉麟樓分兩層。訂檯的時候店員没有特别向客人詢問想要用餐的樓層，所以不太知道食店是按甚麼規則分配客人用餐的位置。不過按目測下層的餐桌應該較多，所以食客應該較大機會於下層用膳。是夜肯恩與眾英雄的聚會也是在下層舉行。嘉麟樓現今的裝修是按照半島酒店1928年開幕之初的裝潢為藍本，走上海古風。與其說它的裝修走的是懷舊風，肯恩更覺這是香港殖民地時代的見證。古色古香的感覺，在中菜廳前台的位置更能感受得到。一列百子櫃，旁邊伴上各式各樣的中式茶壺。茶壺大小形態

已經一段時間沒有到訪尖沙咀的嘉麟樓星期六午餐時間相約爸爸來飲茶當然兩個人只可以點一些點心或簡單菜式享用大家安坐好後，泡一壺茶解解渴茶味極其清、爽渴到嘴裡滿口生香，回味悠長吃過茶先來點琥珀合桃作前菜，合桃口感酥脆一吃停不了口，多吃幾件是自然不過的事情﹗香脆甜蜜.作為頭盤前菜，實在當之無愧讓午飯帶來一個美好的開始隨著點了個小炒海參王打開頭陣這個做法也有一點新意思，把大蔥,洋蔥切絲海參王切成條片，把海參加入醬汁爆香海參吸收大蔥的鮮香和醬汁的甜味，全部吸入海參之內海參其肉壁肥厚而具軟韌度，香甜不膩口感爽脆彈牙吃了一片忍不住要再吃一片蒸瑶柱蘿蔔糕，配料十足蝦米，乾元貝是上等貨色，而且蘿蔔夠多爸爸就是喜歡剛剛蒸熟趁熱食熱辣辣的蘿蔔糕，中間軟綿綿，味道清甜多汁！蘸點辣椒醬，其味無窮，吃得上癮豪皇义燒包，上桌時熱燙燙的鬆軟的口感，內餡叉燒甜度亦來得剛剛好味道非常棒，實在討人歡喜另外蝦餃，燒賣，特色茶果等等水準都絕不失禮，品質真的不錯還是那句老話 小吃多滋味，多吃壞肚皮今天吃這幾個菜式已經好足夠我們了

半島酒店呢間中菜廳的點心都比較傳統，選擇亦只有十多款。我要試一試考功夫的芋角，芋頭合時令，芋蓉夠香夠滑，火喉都掌握得好。但外層也未做到出色水準，應該炸至產生蜂巢狀，一層一層鬆化酥脆，所以有蜂巢芋角之稱。我事後查看Open Rice其他食評人upload的相片，發現他們的芋角比我碟似樣好多。接着是紅蝦小籠包，上枱之後，我問點解冇醋，服務員話係紅蝦小籠包，不配醋，佢冇解釋，轉身走了際，我們還是堅持要一碟。唉！立即後悔，等等等，等了3分鐘，望着件小籠包開始冇冒煙又皮又開始縮，都係食咗先。我對紅蝦認識不多，紅蝦湯包呈紅色，觀感很好，味道比較蟹粉咸香，頗惹味，但我嫌饀料較削。他們上了兩個點心後，其他點心竟然要等多半小時先有，等到無哂心機！我追最後一碟的上湯牛肉球時，服務員回我一句:牛肉係要煮耐些。下?最後，乾炒牛河，唔合格，無鑊氣，色澤dull, 河粉太硬身，有些粉更未散開，有少部分河粉更上不到色。銀芽蔥段overcooked.  sorry，真係連我附近的街坊小鋪都炒得好過佢。好可惜，唔記得影低呢碟咁失敗之作。我朋友更懷疑廚房不是用新鮮河粉。我都好想知道廚房用新鮮或乾河粉?

親戚送來半島嘉麟樓奶黃月餅，兩年前食過，但記憶糢糊且冇認真食，只留下乾同散嘅不快印象， 一於今次試真d原先擁有美心奶黃月冇話有特別保存方法，估唔到半島嘅要雪藏， 講真有d怕會雪到裂，都係快食為妙餅盒精美，盒身硬淨，十二邊形盒形配以將軍綠啡色盒面，盒面只有標誌的簡單設計，邊沿加入少量暗花，形造東方高貴格調，如有藏明珠在內，個盒必留紀念之用 內裏各月餅安全無缺， 不過原來無獨立包裝，難怪要雪藏嘍，見人地食評話原先已經裂左，而我又未見有咁嘅情況，係我幸運定係人地唔好彩？ 以下我講下雪過之後叮左同冇叮嘅情況為免切碎，今次用嘅係某m快餐店之無剧齒塑膠刀，一刀切而非“剧“開叮左叮完後打開微波爐已聞到濃郁奶黃味， 如同聞到熱騰騰的奶黃包餡，叮過後皮沒有裂（安全！） 切時月餅十分脆弱，要小心，切完餅皮有微散，不過仍然保持形狀 原來與美心分別是半島為曲奇皮，美心是酥皮，（難怪餅皮易切散 ）因為曲奇皮，吃起來消失了軟的感覺變得微脆，而且較乾，但曲奇皮奶香比較突出，亦比較香甜，（平時喜歡曲奇撻皮）  奶黃餡沒美心的鬆散，較軟滑， 吃時不太狼狽，奶黃餡味道香甜不油膩，甜度適中，不算很甜，