喜鍋 海鮮‧火鍋‧小廚 (已結業)

天氣雖熱，但有時都會想吃火鍋 今晚就走到油麻地上海街的「喜鍋」。 樓高兩層，下層都比較熱鬧，我們選擇坐樓上。枱上會有紙袋供食客存放口罩，亦有提供消毒洗手液。*分享social media可以計全單8.8折 或者 送小食一客* *醬料每位$13，另計+1服務費*火鍋湯底方便大家想清一點，所以點了《香茜皮蛋鍋 $68》，內有馬蹄、豆腐、皮蛋和香茜，清而香。喜鍋的牛肉高質吸引，但朋友不想吃牛肉，所以點選了《鮮雞件 $78》，加入湯中變清雞湯底，哈哈。雞件肉滑，煮耐了亦沒有變韌。另外點了兩款手打丸：《手打鮮蝦丸 $58》- 蝦肉彈牙亦甜。《梅菜豬肉丸 $48》- 加上豬肉鮮味，加入梅菜十分提味。最後加個《讚岐烏冬 $18》就滿足了！職員友善，印象不錯。

有日跟朋友去旺角打邊爐朋友感嘆做左媽媽後跟朋友食飯真係一件好奢侈的事所以都係帶朋友食餐好既來一個鮮檸酸菜魚鍋$168都好抵食自家製的味道新鮮檸檬配上酸菜選用新鮮鱸魚做魚塊湯底是奶白的魚湯打邊爐前，食返幾塊鮮美嫩滑的鱸魚豐富蛋白質的魚湯暖胃酸酸地檸味提鮮呀仲有蟹子墨魚油炸鬼未滾好之前食下小食夠脆口，墨魚鮮味彈牙蟹子夠多卜卜脆爺孫餃算係獨創椰菜酸菜餃子椰菜爽口鮮甜酸菜酸得過癮呢個配搭真係好夾仲有愛牛的必點牛魔王塔有頂層安格斯牛肉粒，中間本地手切牛脊，底層是安格斯牛頸脊好重牛味油脂分佈好平均，食落很甘香用到teaset 架，真係好貴婦feel

嗚嗚提大家四人同行係因為我三個人食所以冇得送😢好彩share 社交平台都有全單8.8👏🏻woohoo$208招牌花膠鯊魚骨膠原湯鍋(送甘香泡飯)🍲湯底主要係芹菜味，亦都聞到陣陣胡椒香☺️湯底非常清澈，花膠大約有6-8舊，鯊魚骨熬的湯底偏奶白色，魚骨入口即化，但亦十分有咬感👍🏻甘香泡飯似飯焦，但粒粒分明。加入熱湯浸一陣黎食，又變成軟綿綿的粥☺️$48椒鹽魷魚鬚🦑魷魚鬚分量多，外層的炸粉唔算厚，熱辣辣炸起脆卜卜🤤好香魷魚味👍🏻$58蟹子墨魚油炸鬼😈油炸鬼放耐咗都一樣咁脆，三層口感有特式！必食🤤$208頂級安格斯牛頸脊🐮牛肉鮮嫩、紋路分明，水滾淥數十秒已可食用👍🏻🥰$98羊肉片🐑好重羊羶味👃🏻本人是十分喜愛的❤️$128日本黑豚肉🐖豚肉肥瘦均勻，肉質軟稔☺️👍🏻推介$68秘製芝士墨魚丸🧀墨魚丸爽口彈牙，芝士雖然唔係流心感，但咬落都成口芝士🤤🤤🤤內裡選用的應該是車打芝士，夠咸不用加調味☺️👍🏻用餐前，店員會細心講解食物及其食用方法👍🏻過程中又不時幫忙加湯，又更換撇油碗具👍🏻超級細心😆總括而言，肉肉貴精不貴多😋與其去任食火鍋，倒不如比同樣價錢享受番高層次肉肉👍🏻

係旺角行完街突然好想打邊爐，見到呢間邊爐好多人介紹，終於同朋友黎左食入到去因為好早所以人唔算多，安排左我地三個人坐卡位，平日 share 社交平台page 仲可以全單 88 折一入座職員服務就好週到，比水我地再清洗 d 餐具，再提供埋口罩袋，口罩袋唔小心整濕左即卡話幫我換，非常細心。同時介紹埋有咩優惠做緊同時令海鮮，解釋得好詳細清楚醬料自己調首先湯底揀左佢既招牌花膠鯊魚骨膠原湯鍋（送甘香泡飯），未打邊爐之前先飲佢既湯，入面有花膠，鯊魚骨，豬手同雞腳，骨膠原滿滿，好滋補既感覺，忍唔住飲左幾碗仲有個飯，係比我地浸係 d 湯飲，有 d 似飯焦，食落脆卜卜幾特別揀左餐前小食蟹籽墨魚油炸鬼同埋椒鹽魷魚鬚油炸魚炸得好脆，蟹籽配上墨魚味道好香口。魷魚鬚就勁大碟，亦都好脆，咸咸地好好入口。肉類揀左頂級安格斯牛頸脊（細），雖然話係細份但超大碟，3個人食都夠哂，油花分佈好平均，肉質好嫩滑，高質仲有日本黑豚肉同羊肉片，豚肉厚硬適中。羊肉就夠哂騷香，真心唔錯。丸類叫左個秘製芝士墨魚滑，食落去超濃芝士味，雖然唔係流心，但有大大 pat 芝士係入面，配埋墨魚滑一流雖然叫得唔多款菜都每款都好高質份量好足，食完好滿足

蟹籽墨魚油炸鬼🦀新鮮炸起脆卜卜，脆卜卜嘅油炸鬼加埋墨魚滑俾想像中夾。即使擺咗一陣已經唔熱，油炸鬼仍然脆卜卜，值得一讚👍🏻椒鹽魷魚鬚🦑魷魚鬚都係熱辣辣，加埋啲椒鹽真係一流，好快比我清晒🙈招牌花膠鯊魚骨骨膠原鍋（送甘香泡飯）🦈個湯好多料，有花膠、鯊魚骨、豬手、雞腳同埋啲蘿蔔粟米🌽果然係滿滿嘅骨膠原😚而且個湯好清甜，平時唔飲湯嘅我都飲咗好多碗😆因為個湯本身好鮮甜所以啲牛肉豬肉其實都唔係好使點醬料已經好好食😋甘香泡飯🍚其實係飯焦嚟，乾乾嘅飯焦要加湯浸泡一段時間，等啲飯浸淋先可以食頂級安格斯牛頸脊🐃邊個真係不得之了地好食🤤雪花分布平均，牛肉唔會過肥。而且食落好濃嘅牛肉味，唔點醬料反而可以突出啲牛味💕💕羊肉片🐐雖然有少少羶味🤏但我都接受到🤣日本黑豚肉🐷個豬肉煮極都好淋，唔會鞋口，證明真係靚豬肉。而且豬肉味好香，一啲都唔肥秘製芝士墨魚丸🧀本身以為係流心芝士丸，點知唔係🙈不過入邊啲芝士都係半溶狀態，好正。 墨魚丸彈牙， 而且食到粒粒墨魚，證明好足料。加上濃濃嘅芝士味， 食過返尋味😝值得一提嘅係分享喜鍋社交平台專頁，即享全單8.8 折

朋友收工約我出嚟「喜鍋」打邊爐🍲她最喜歡小店嘅體貼安排，圍裙、手機套、口罩袋等，另外，店員服務態度，親切友善，平日光顧更有全單8.8折優惠🥰🥰鴛鴦墨魚油炸鬼 $68冇得輸嘅餐前小食，新鮮墨魚滑釀入油炸鬼，炸成香脆彈牙嘅小食，除鋪滿原有蟹子外，另加黑松露口味，各有不同風味😋😋藥膳醉雞鍋半隻 $148真材實料煲成嘅鍋底，黨參、北芪、淮山、紅棗、桂圓肉、杞子，清澈鮮甜，花雕酒香氣撲鼻，飲咗兩大碗😁😁加上嫩滑嘅鷄件，滋補養顏😘😘時令兩人海鮮盆 $128小店揀選時令游水海產由晚上五時至九時半供應食客，今晚就有大大隻青口2隻，鮮甜花螺4隻，彈牙鮑魚2隻、大過隻手嘅鮮甜大蝦四隻😍😍鮮淮山 $38我最喜歡淮山吃起來很飽肚，更可以代替米飯作為主食，有益健康👍👍

喜鍋 海鮮‧火鍋‧小廚 Hey Pot港式火鍋蟹籽墨魚油炸鬼 $58有驚喜！招牌菜！油炸鬼炸得好香好脆口，同入面既墨魚肉好夾，再加上上面既足料蟹籽，相當有口感。好食！麻醬冰菜like 同share FB就有得送！好味，冰菜好新鮮好脆口，開胃既前菜！重慶麻辣雞煲(半隻雞) $148雞肉好嫩好新鮮，一d雪/冰鮮味都無！個雞煲醬好濃好香，加上足料既配菜，紅椒、西芹、洋蔥等等，好食！手打五寶丸 $88墨丸、蝦丸、鯪魚、牛肉、豬肉，好新鮮，種纇又多！值得一試，都唔會有雪藏味道，肥瘦均勻。魚皮餃 $48自家製魚皮餃既皮係特別好食同有口感，有魚既鮮味又足料！自家脆響鈴 $48自家炸真係無得輸，好脆，好多層好有口感，索晒個湯底！健康芋絲 $28爽口索湯！芝士竹輪 $48正！一咬入面d芝士立即湧出黎！娃娃菜 $28新鮮清甜！白蘿蔔 $28無渣又甜！萵荀 $38好甜好淋！好食！竹笙 $48必叫！份量多又大條，完全索晒個湯底！口感爽口！薏米檸檬水 $25足料，多薏米，一邊飲一邊打邊爐，爽！📍有誠意有質素既火鍋店！每碟份量都超足，每一樣都係自製！仲要新鮮，值得一試！

好耐無打邊爐啦，呢晚係油麻地做完野，同朋友經過上海街附近，俾餐廳食物既圖片吸引左入去😻食肉獸朋友一坐低就決定要嗌牛魔皇塔🥩 三層架上放左3款吾同部位既牛肉，牛柳粒有啲硬，其他2款都好好食👍🏻牛味濃又嫩，好大一盤，值得推介👏🏻珊瑚蚌好新鮮，輕微煮幾秒鐘就食得，口感爽口彈牙👅原本想食黑柏葉，不過賣晒，所以嗌白柏葉。份量吾少，好爽口😋鴨紅吸收左麻辣湯底既精華，軟淋淋既口感帶點麻辣味，超好味😻😻 成碟鴨血差吾到我自己食晒😆好高質既火鍋店，下次會再黎👏🏻👏🏻

又約左一班朋友聚會，今次我哋就去咗旺角「喜鍋. 海鮮. 火鍋. 小廚」，雖然有2層，但地方不大，樓上有vip房，坐位都算舒服，價錢親民，仲要share 社交平台 page全單88折，更加抵食，店員服務質素好。店長推介嘅「鮮檸酸菜魚鍋」，除左酸菜，仲有幾種配料，包括芽菜豆卜，加入咗檸檬，配上新鮮鱸魚，打邊爐前先飲湯吃魚肉，湯底酸酸辣辣好醒胃，魚肉嫩滑，非常惹味，清曬魚肉，便加湯可以打邊爐。打邊爐之前，我地食左「蟹籽墨魚油炸鬼」， 非常脆口，墨魚肉彈牙，上面好多蟹籽， 有口感又好味。「牛魔王塔」包括安格斯牛肉粒、本地手切牛及安格斯牛頸脊，用上層架放置，每款牛都新鮮肉嫩， 油脂分佈平均，味道很不錯。「時令海皇盤」(2人份量) 包括蟶子皇、青口、大蝦、大蜆及鮑魚，非常新鮮， 其中聖子皇，好爽口鮮嫩，大蝦就彈牙鮮甜。「爺孫餃」是椰菜酸菜餃，爽口微酸，配搭幾夾。另外仲食了自家脆響鈴及芝士竹輪等，都很美味。飲品叫咗一渣青檸柚子蜜，微微甜，夠消暑。

#打邊爐萬歲🤟🏻依家打邊爐冇分季節 想打就打🙈🙈喺旺角行完街行吓行吓經過呢間火鍋小店見到做緊社文平台分享全單88折優惠幾扺甘係因為優惠勾起我想打邊爐條引先去食 所以本身係冇特別抱有期望 點知俾到我驚喜🤩一坐低就有服務生走過來講解有咩推薦 有好多款式既火鍋湯底選擇 有啲出邊仲好少見我地為左就流星雨距地就揀左鮮果椰青雞鍋🐤見個湯加咗蘋果火龍果 就諗會唔會好奇怪估唔到原來係會甘清甜😍😍😍而雞肉分量都好多 肉質嫩滑👍👍前菜方面叫左個招牌蟹子墨魚滑釀油炸鬼又爽口又香脆❤️❤️ 流星雨起鐘意🙈🙈菜式方面就叫咗安格斯牛天梯 時令海皇盤 四寶餃 秘製芝士墨魚丸牛肉丸 甘香泡飯牛天梯係一共有四款不同牛部分有牛展牛舌牛柳粒牛肉片每款各有特色 啱晒牛肉愛好者😎時令海皇盤每款海鮮有二人分量$128 有鮑魚 扇貝 青口 大蝦 蜆樣樣都好新鮮🥰🥰而我個人覺得最特別又好食嘅係甘香泡飯 一粒粒脆卜卜既飯粒 配埋清甜嘅椰子雞湯真係好食到無法形容最後打邊爐又點少得飲品 點左支潘芳堂檸檬薏米水酸酸甜甜啱哂解渴😌😌

喜鍋 海鮮‧火鍋‧小廚位於旺角上海街428號地舖，由油麻地地鐵站A1出口，步行約3分鐘左右到達，地點方便易找。餐廳以家做緊優惠，只要分享社文平台 ，就可以全單8.8折，我覺得好抵食。湯底多達十多款，而且還有雞煲可以選擇，配料亦有少見的牛脷托、豬花腰、豬天梯、唧唧墨汁魚麵等等。我地點了鴛鴦鍋和幾款配料。鴛鴦鍋（沙嗲鍋+芫茜皮蛋鍋），沙嗲鍋味道相當濃郁，而芫茜皮蛋鍋好足料，入面有大量芫茜、馬蹄、皮蛋。配料我地點了蟹籽墨魚滑、健康芋絲、自家脆響鈴、美國雪花肥牛，蟹籽墨魚滑食到好多粒粒墨魚，墨魚味濃郁，口感彈牙，自家脆響鈴加入沙嗲鍋，吸盡湯汁精華，非常惹味，而牛魔王必點美國雪花肥牛，厚薄適中，好軟腍。

原本諗住打邊爐嘅，點知一喺menu度見到有雞煲，就突然之間想食少少麻辣嘢，於是就叫咗半隻雞煲，同埋一啲打邊爐嘅食物。先講雞煲，辣度適中，唔會太麻，符合我嘅期望。雞肉亦都煮得啱啱好，唔會老。值得一提嘅係其他配料份量亦都好充足，絕對係一個唔錯嘅雞煲。值得一讚嘅係店員好細心，不是過嚟睇吓我哋食晒啲雞未，跟住先幫我哋加湯，好細心。係店員嘅推薦底下，我哋叫咗個蟹子墨魚油炸鬼。上菜嘅時候仲熱辣辣，應該係啱啱炸好嘅。油炸鬼夠趣，加埋上面嘅墨魚滑同埋蟹子，係一個唔錯嘅頭盤。全晚我最滿意嘅係個牛肉。我哋叫嘅係至尊本地牛頸脊。牛頸脊嘅厚薄程度適中，油花分布得唔錯，有好濃嘅牛肉味。我哋叫嘅係細分，兩個人我覺得啱啱好。

其實每個月都要去打下邊爐滿足下邊爐隱，今日經朋友推介，我地去左喜鍋打邊爐以家分享喜鍋社交平台 專頁即享全單8.8折，而且仲會送餐前小食，麻醬冰菜，冰菜外表好吸引，葉子上有閃閃發亮的結晶，食落非常爽脆。鴛鴦鍋一邊沙嗲一邊香茜皮蛋鍋，兩款湯底各有特色，兩款湯底味道濃郁，不會愈食愈淡味。雪花美國肥牛肉質鮮嫩而不油膩，滾一滾就食得另外我地亦點了新鮮黑牛柏葉、鮮蝦雲吞、脆皮芝士腸，好小餐廳有新鮮黑牛柏葉，非常難得，黑牛柏葉滾一滾就食得，不會太韌，另外亦最喜愛鮮蝦雲吞，入面大大隻蝦，蝦肉夠新鮮，爽口彈牙。最後飲埋枝雪梨菊花茶，清熱滋潤。

《喜鍋》同朋友喺旺角行街，行到餓餓地就嚟到呢間都幾多好評既火鍋店打邊爐🤩 餐廳雖然比較舊同地方唔算大，但防疫措施係做得好足，會俾袋你裝口罩，仲可以裝埋手機！好貼心！濕紙巾呢啲係基本～🍲藥膳醉雞鍋(半隻，$𝟷𝟺𝟾)佢有成𝟷𝟾種湯底俾大家選擇😳 我地都諗咁好一陣先決定到叫呢款湯底！最近大家都好注重健康，藥膳變到好ʜɪᴛ好搶手～個湯都好足料，有紅棗、桂圓、杞子黨參，當歸等～半份雞份量都唔少，用左花雕同杞子去泡，雞肉滾熟後好嫩同入味，很不錯👍🦑蟹籽墨魚油炸鬼($𝟻𝟾)個人覺得係必點😂雖然係極度邪惡🙈油炸鬼上面有唔少墨魚肉同蟹籽😍墨魚食落好彈口，蟹籽爽爽的，油炸鬼好香口，夾埋一齊食口感好豐富！🤤🥟爺孫餃($𝟺𝟾)爺孫戀就聽過😂 爺孫餃真係第一次見，就點嚟試下～原來爺即係椰菜，孫即係酸菜😂餃子外皮好似雲吞皮咁，好薄好滑～美中不足係入面有啲花椒⋯ 好彩唔算好多～🍜 讚岐烏冬($𝟷𝟾)普通烏冬質素，點醬料食很惹味～

喜鍋 海鮮‧火鍋‧小廚 (旺角).重慶麻辣雞煲- 每次前來係吃火鍋，今次決定一試雞煲，價格實惠又夠惹味雞件半隻份量多，洋葱同京葱完全索曬雞煲醬味，夠香，叫BB辣對我倆而言剛好Share 社交平台仲送一客胡麻醬冰菜，啱晒打邊爐嘅時候食呢度嘅招牌小食係蟹子墨魚滑油炸鬼，配上甜酸醬，非常易入口的炸物二人海鮮盤勁抵食，有大扇貝，青口，鮑魚等，非常新鮮，特別係大扇貝個郡邊超好食，好有咬口配料叫左娃娃菜，爽口嘅黑柏葉，都幾甜嘅粟米🌽以及店員推介黑松露墨魚滑，都好有味爽口彈牙.喜鍋 海鮮‧火鍋‧小廚 (旺角)旺角上海街428號地舖