喜鍋 海鮮‧火鍋‧小廚 (已結業)

😎打邊爐不分季節。一排無洽下洽下，今晚就相約家姐去旺角行街順便兩姊妹打個邊爐。.見到呢間係朗豪坊附近嘅小店Like social media有88折，又近近地幾就腳，就揀佢黎做我地晚餐嘅落腳點。💕桂花蚌（$138）無膽固醇同脂肪嘅桂花蚌，幾乎係我食親打邊爐都必叫嘅健康之選。呢度嘅桂花蚌非常新鮮，望住佢由淺粉半透，變到洽完之後嘅肥肥嫩嫩，明明係30秒到1分鐘左右嘅時間，已經令人感覺等到頸都長，急不及待地一擺落口，果然無令人失望，柔軟中不失爽彈，正！💕活魚刺身（$298）家姐最近減緊肥，奉行低澱粉高蛋白質飲食，所以我地成餐邊爐都focus係海鮮為主，而剛好呢間餐廳有自設魚缸🐟，海鮮望落份外新鮮，所以我地就叫咗即切嘅活魚刺身黎試下。是日活魚係立魚刺身，立魚雖然低卡，卻無損佢嘅美味，半淡紅半白身嘅魚肉，質地清爽、咬落帶點煙韌咬口，淡淡甘甜，加上豐腴魚脂味，令人一食愛上，果然新鮮即切係唔同啲。除咗刺身之外，呢個魚刺身仲可以一味兩食。刺身部分食完之後，仲有大魚頭同魚骨位嘅魚肉，餐廳會主動幫忙切件，比客人放落鍋底打邊爐，好貼心，而洽熟之後嘅魚肉同生食一樣，都係非常高質。💕大元貝（$38 - 2隻）色

係朗豪坊做完facial, 約左幾個閨蜜食火鍋。Google map過，5分鐘腳程就有一間火鍋店你睇個湯底幾足料係花膠同鯊魚骨呀～～原來鯊魚骨係食得架，仲好爽口添，口感好特別。呢個湯底係配埋泡飯㗎～脆卜卜嘅泡飯加入熱湯，好新奇既配搭，非常好味。我建議大家加湯馬上食兩啖，然後留返另一半泡飯浸一陣湯先食！咁就可以食晒脆卜卜泡飯，同埋吸哂湯，軟林林既泡飯～～兩種感覺，一樣好味爽脆鮮綠嘅萵筍麻醬冰菜～原來冰菜咁樣食係好爽脆，好清新架多女仔就自然食得多蔬菜類～哈哈涼拌秋葵係必吃既鬼馬油炸鬼淥幾秒就食得！香脆之餘又無油益味～正呢個牛魔王塔，影相一流之餘，味道都好好！有齊三層牛肉，唔同口感，油脂感，三種唔同享受(牛頸脊，安格斯牛，手切牛)而家只要分享喜鍋專頁，全單即享88折！！真係超抵～～～優惠唔知做到幾時㗎～記得打去問吓先呀

戚起條根想去打邊爐，又想食好啲食材，唔想食放題見，呢間comment唔錯就嚟試下～一嚟到就比個湯底吸引左，花膠好多地方都有，但用鯊魚骨熬湯就好少，仲有泡飯送tim！個湯都好足料，花膠夠大舊，鯊魚骨係軟骨部位，可以成條食哂！個湯入口好甜，又無味精味！個泡飯係飯焦，撈埋一齊食勁正！個湯無揀錯！另外值得一讚係個蜆介鯪魚球，好香夠味又唔腥！蝦膠油炸鬼好香口，送酒一流！我呢隻牛肉控，打邊爐梗要食牛肉！可惜我地得3個人去食，原來佢地4個人有得送安格斯四品盛牛天梯！sit鬼左！我地點左個牛魔王塔，$428有哂3款牛都幾抵！肥牛粒同最底嘅安格斯牛頸脊，睇啲油花分佈就信正嘢！好有油香又唔un，我可以自己隊哂成碟肥牛粒！但中間個手切牛頸脊就略嫌有啲un。海鮮試左白鱔同桂花蚌，夠新鮮分量都唔少！總括嚟講，價錢係貴過放題，但勝在食材新鮮靚料，份量又足！侍應服務好好，唔洗三催四請，會自己主動問我地洗唔洗加湯，又會主動幫我地收碟。一間有heart嘅火鍋店，加正嘅安格斯牛，值得我再幫襯！

終於等到餐廳晚市開番 緊係想同D friend 食飯吹水 咁就想搵餐廳即刻book 位 發覺好多間都有時間限制 突然間諗起之前見到個friend係社交平台分享有間打邊爐有折 ，仲記得寫名任坐無限時 即刻問下個friend 攞料 ，原來叫「喜鍋」！仲要喺旺角超方便。一去到喜鍋，我竟然見到「冰菜」係menu~ 我真係好開心 ，因為唔係好多地方有得食 ，呢度仲要新鮮爽脆 ，因為我試過喺其他地方食係「梅梅地」～ 第二樣最吸睛嘅就係嗰個「牛魔王塔 」，原來入面有齊肥牛粒、安格斯牛同本地牛頸脊，平時我好怕肥牛粒好「鞋」，但係估唔到呢三樣嘢裡面最好味係肥牛粒 ，入口即溶 ，好似食緊牛腩咁，反而本地牛頸脊 就冇咁滑口 ！講咗咁耐打邊爐最緊要係個湯底 ，呢度有成10款以上嘅湯底...掙扎咗好耐 ，最後要咗職員介紹嘅「花膠鯊魚骨湯」仲會送泡飯 ；喺香港我好似未試過 ，所以我地就想試吓 ! 呢個湯同佢個名一樣一飲落後就覺得好多「膠原 」，又冇乜味精味又足料 ，之前去過第二啲地方都有咁足料嘅湯底 ，但係就一定唔係呢個價錢 ！ 職員會提議你飲咗一碗湯先 ，然之後佢哋馬上加返白湯俾你淥嘢食 ，加完湯之後個湯底依然

天氣時冷時熱，亦無阻對打邊爐的那份熱情。近來 L 追求養生，選了一客藥膳醉雞鍋。雞肉油份相對小，皮薄肉滑。加上用花雕酒泡浸令肉質香味更出。羊肉片快熟又不騷打邊爐湊個「鮮」字順德魚腐，入口腍及滑，魚肉味都算重。吸收湯汁每口都幾滑。魚皮餃，皮彈牙脆鯇片跟羊肉片一樣快熟，而且就是個「鮮」字，一口魚一口羊夾着吃，古人創造字的確有其智慧！蔬菜拼盤有西生菜、白菜等，鮮甜。醬料貴精不貴多，值得一讚是這個 XO 醬，不會一味過咸。L 一開始就一加再加落小碗，確保吃到最後仍有。分享到社交平台專頁更有全單八八折，超抵。

爸爸生日，打邊爐吃海鮮，他就高興整了!叫了一個魚湯海鮮鍋，再加配料吃已很豐富～但因餓了，直接叫了兩個小食，不用淥也能吃!椒鹽魷魚鬚，很酥脆，炸得很香，加了椒鹽很惹味。蟹籽墨魚油炸鬼也很多人叫，鬆脆的油炸鬼釀了墨魚滑，頂層加了一堆蟹籽，鬆，滑，脆3個口感，正!魚湯海鮮鍋，有蟹啦，蝦，蜆和扇貝，材料都幾豐富唔錯，特別是蝦，鮮甜又大隻，而且數量也不少，有10隻左右!湯底不是味精鍋，都是海鮮自有的味道!整個鍋的海鮮，兩個人吃完真的已飽了!

路經此地🤣看到門口寫打邊爐有88折，被吸進去了🤣魚湯海鮮鍋～有很多配料，有蝦，水蟹，大蜆，扇貝，木耳及雞脾菇～打邊爐前，還可先喝海鮮湯才再加配料～海鮮方面，很新鮮，有鮮甜味的～鮮蝦雲吞～有一隻原隻大蝦跟免治豬肉做餡料，調味也剛好夠味，惹味的～讚岐烏冬～食烏冬一向也愛吃讚岐，因讚岐的烏龍夠晒彈牙又煙韌～菜心苗～雖然只是廿多元，但份量一點也不少，都多的，而菜心苗把打邊爐的精華也吸了，吃到最後才下菜吃，是最好味😋

✨中女獨食難肥日誌 ✨喜鍋海鮮火鍋小廚 heypot 中女食旺角乍暖還寒的四月，來打個邊爐心情總是好！💛這家良心火鍋店要多多支持！因為疫情對專做火鍋的餐廳真的好受影響..而店家一入店即問是否需要口罩紙袋及搓手液，衛生又細心！麻醬冰菜 免費🆓！Like page share post即送小食麻醬冰菜，新鮮爽口！蟹籽墨魚油炸鬼 $58在等雞煲時先點個小食，炸得香脆油炸鬼上爽口墨魚滑，還有大量蟹籽！重慶麻辣雞煲 $148（半隻）兩個人食半隻份量好足! 選了中辣，雞件味濃而不會太辣太搶，而且雞肉好嫩！自家脆響玲卷 $48看見鄰桌點的脆響玲卷好大碟又見是自家製，即點！新鮮炸起又索滿湯汁，好好味呀！秘製芝士墨魚丸 $68墨魚丸大大粒，猶如小朋友拳頭，有彈牙新鮮墨魚粒，中間有芝士，一粒已經好飽肚😆百福豆腐 $28火鍋不能沒有豆腐！好滑👍🏼芝士竹輪 $48店員特別提醒芝士爆出小心燙口，一碟有8粒，超幸福！萵筍 $38吃雞煲通常點萵筍，因其他菜蔬太吸油了！萵筍波浪紋，爽口好吃！特別抗疫優惠🤩每枱入座四位以上送價值$268安格斯！share 社交平台還有88折，可以再約朋友來吃😉📮地址: 喜鍋 海鮮‧火鍋

同屋企人食飯，又好耐無打過邊爐，就決定去呢間試下。佢有好多湯底可以揀，亦可以雞煲打邊爐。我地最後決定試下鮮檸酸菜魚鍋。🔸鮮檸酸菜魚鍋店員會先叫我地食左魚先，魚肉分量多而且幾滑，唔會全部散哂，湯底唔會過酸🔸日式胡麻醬冰菜估唔到前菜會有冰菜，唔錯既選擇🔸頂級安格斯牛頸脊油脂雪花紋幾靚，輕輕灼幾下就得，嫩滑有牛油香🔸鴨血、蟶子皇、脆鯇骨腩蟶子皇大大隻，當晚仲做緊優惠，幾抵食！打邊爐點少得脆鯇骨腩，分量又多，好正。鴨血就稍為有少少腥味🔸牛天梯包括有安格斯牛頸脊、安格斯牛柳粒、牛展、牛脷托，一次過可以試下唔同部位，而且只要4個人去食，就會送牛天梯！🔸芝士竹輪、秘製芝士墨魚丸🔸鮮蝦雲吞、爺孫餃、黑椒牛筋丸🔸皇帝菜、娃娃菜、蓮藕、超甜粟米秘製芝士墨魚丸size係巨型，入面包住超濃既芝士，墨魚丸幾爽彈！爺孫餃入面係椰菜酸菜同豬肉，幾有趣既配搭～🔸竹蔗馬蹄茅根、青檸柚子蜜

今日約左朋友，一行4人打邊爐，今次就食港式邊爐！4人同行，like 社交平台既話仲有牛天梯送，非常大方~埋單仲有88折！湯底叫左近期好hit既酸菜魚湯底，魚肉好滑，仲有大量豆卜配料。叫左好多野食，店員好好知我哋想影相，幫我地放係隔離(影完有收番)，免得阻住來緊既客人。🔸頂級安格斯牛頸脊(大)安格斯牛牛味重，雪花均勻唔會過肥，肉質軟硬適中。🔸聖子皇做緊特價只係$38/隻，放入湯底甩殼就可以食用，肉質彈牙，新鮮爽甜！個個食完都好滿意。🔸脆肉骨腩因為叫左酸菜魚湯底，所以再叫多份魚，脆肉鯇魚肉質爽彈，骨腩位更係油脂鮮味，同湯底好夾。🔸秘製芝士墨魚丸size應該有一般丸類既兩倍，大大粒又彈牙，除左中間包住芝士餡，仲有墨魚粒。食既時候一定要小心，因為煮熟後既人芝士餡非常熱！🔸爺孫餃睇名完全睇唔出包左咩餡，問左店員原來係椰菜+酸菜+豬肉，椰菜爽口加埋酸菜味道特別。🔸芝士竹輪漲卜卜既竹輪包住芝士，芝士唔會好膩，又係食既時候要小心熱。🔸黑椒牛丸+蝦肉雲吞蝦肉雲吞唔係大大粒果隻，比較接近一口一粒既，蝦肉爽彈。黑椒牛丸都有黑椒味，同樣都彈牙。飲品叫左竹蔗馬蹄茅根、青檸柚子蜜。不得不讚呢度店員真係好細心，會留

📍 喜鍋📍 旺角 • 上海街428號地舖抓住了冷天氣的尾巴，來到了油麻地《喜鍋》享受熱騰的雞煲火鍋🔥《喜鍋》有著最新鮮的海鮮，而且價廉物美。喜歡吃海鮮的你，一定要跟親朋好友一起來享受！-他們之前有｛感謝醫護的付出｝，給醫護人員優惠以示支持，也值得我們支持喔💕除此以外，還提供眾多優惠：• 分享社交平台專頁 全單88折‼️• 社交平台打卡贈送小吃‼️• 四位以上 贈送牛肉拼盤‼️還不快點致電訂座？😛😛-進店以後，店員會提供酒精搓手液、口罩袋、熱水（洗碗碟用）... 感覺很衛生！-日式胡麻醬冰菜 (原價$38; FB打卡贈送)FB打卡贈送的小吃視乎季節以及供應～這次我們獲贈的是｛胡麻醬冰菜🥬｝！第一次吃冰菜～～表面的水珠令它閃耀透亮，好特別！胡麻醬涼拌冰菜，可以吃得到冰菜的爽脆口感，味道清新，不錯不錯。•蟹籽墨魚油炸鬼 ($58)油炸鬼內釀入蟹籽墨魚滑，外香脆，內彈牙。沾上甜酸醬，很搭。先放進火鍋裡滾一滾再吃，外皮仍然微脆，也蠻好吃～•醬料 ($13/位)•重慶麻辣雞煲 ($148/半隻)雞煲的辣度任君選擇～不太能吃辣的我們只點了「少辣」🤣但是都很夠辣勁和惹味！花椒、香料、薑、蒜、紫洋蔥等等的調味

呢間做緊優惠，share某社交平台就有88折同送個小食😆蟹籽墨魚油炸鬼 $58呢個真係好令人回味，香脆嘅油炸鬼配爽滑彈牙嘅墨魚滑，再加上大量蟹籽🤤重慶麻辣雞煲 $148比一般雞煲多種椰奶味，香濃得黎又唔會太攻鼻刺激，中辣都係唔太辣，雞件超嫩滑！胡麻冰菜 冰菜真係好有趣！超爽脆，係好開胃清新嘅前菜秘製芝士墨魚丸 $68成個拳頭咁大粒😆大量墨魚製成，但芝士係唔會溶的竹庶馬蹄茅根 $42自家脆響鈴 $48芝士竹輪 $48萵筍 $38百福豆腐 $28紅薯粉 $28

今日同朋友仔去呢個位於旺角嘅一間食雞煲火鍋，叫咗一個鮮果椰子雞， 個湯好清， 裏面有啲蘋果同埋奇異果椰果 ，未試過覺得幾有趣， 鍾意食清淡口味嘅可以試呢一個，不過特別一提就係去社交平台打卡佢會送冰菜啊，真係勁好食超清新， 打邊爐叫咗個羊片，鴨血， 手打墨魚丸 ，至於佢個雞都幾大份， 飲品方面叫咗竹蔗茅根， 雖然地方細細但都ok好坐嘅。 小食佢有好多唔同款選擇，叫咗一個類似油炸鬼釀咗啲墨魚丸同蟹子，都好脆口啊， openrice訂位佢仲會有八折添。

見到佢而家做緊八八折優惠，所以就同朋友嚟試吓～店員服務超熱心，除咗會認真推薦有啲咩食物好食之外，仲會時時留意你有啲咩需要，服務態度滿分！邊度拖隊有好多款，重慶麻辣雞煲、酸菜魚、海鮮湯底等等，有多款選擇。強烈推薦日式胡麻冰菜，冰菜之前都有食過口感爽脆非常特別，但係當沙律咁樣生食都係第一次，原來咁樣食先係最美味！搞到我返到屋企即刻去買冰菜..另外蟹籽墨魚油炸鬼都係佢嘅必食之選，墨魚滑釀左係油炸鬼入邊，非常香脆，果然值得推介。邊度配料叫左半隻雞、萵筍、蝦丸、羊肉～整體來講都不錯

喜鍋 海鮮‧火鍋‧小廚 (旺角).🔹魚湯海鮮鍋🔹.店舖非常貼心，入到去有酒精搓手以及口罩套提供.先揀鍋，魚湯海鮮鍋都係其中一個招牌鍋，入面本身已經有蟹，貝同埋一啲菇菌，另外再叫左招牌小食，蟹籽墨魚滑油炸鬼，夠香口食左鍋內的海鮮七七八八後，就叫左羊肉，脆骨腩，韭菜餃，娃娃菜等店舖另外都有做好多抗疫優惠，原來四人同行送個四品盛牛天梯，不過我地兩個人食only😂所以like 社交平台送左個麻醬冰菜，我好喜歡😂打邊爐食到熱辣辣，冰菜凍冰冰又爽口好正！脆骨腩係超級新鮮，魚油末端脆之餘一咬充滿魚油香，韭菜餃都超大隻！.喜鍋 海鮮‧火鍋‧小廚 (旺角)旺角上海街428號地舖.