喜鍋 海鮮‧火鍋‧小廚 (已結業)

之前同朋友黎過打邊爐，覺得相當唔錯，尤其係上次個花膠鯊魚骨膠原鍋，😍所以今次就試下傳統野—胡椒濃湯豬骨煲（$168），雖然豬骨煲感覺好傳統好平凡，不過好多時店家只專注於特色湯底，而忽略最基本的，不過呢到嘅豬骨煲材料十足，有好多豬骨，仲有好多配料如紅蘿蔔、粟米～湯頭飲落有香濃嘅胡椒香，微辣惹味！😌頂級安格斯牛頸脊（小）（$208）細份兩個人食就啱啱好！牛肉油花均勻，肉香細嫩，又不失嚼勁，唔需要點醬汁，已經好正！😋四寶餃（$68）有鮮蝦雲吞、鳳城水餃、爺孫餃、韮菜餃，餃子自家製，皮薄餡靚，價錢便宜，性價比高！其中最鐘意韮菜餃，豬肉同韮菜比例剛好，鹹香惹味～唐生菜（$28）份量合理，新鮮爽脆。