喜鍋 海鮮‧火鍋‧小廚 (已結業)

天氣微涼，特別想打邊爐，朋友book咗呢間喜鍋，地點就腳，可以行吓街先上去食餐飽因為朋友唔食辣，我哋特別叫鴛鴦鍋，一邊香茜皮蛋，另一邊四川麻辣鍋。配料方面，特別點了侍應推介嘅餐前小食，蟹籽墨魚油炸鬼，其他配料就有雪花美國肥牛，魚腐，午餐肉，水餃，蟹柳同炸魚皮。估唔到碟碟都好足料好大碟！上菜又快，見到咁多嘢都有啲驚食唔晒，特別係個炸魚皮，簡直係重量級！水餃大大粒，入面竟然唔係菜肉，而係有蝦，非常驚喜！食物新鮮，份量十足，員工體貼細心絕對係值得再幫襯嘅賣點！

初秋起鍋,來吃火鍋鮮味食材,滋味鍋底用心製作,湯底料足服務良好,環境舒適時冷時熱,岩食火鍋入座洗手,洗碗,消毒 ~醬料到,自助配,蔥蒜辣椒醬油夠新鮮夠鮮味,調一個你要的味道湯底選了藥膳醉雞鍋,半隻$148~半隻鮮雞,肉質有保証,食材鮮,湯底靚已經令人好期待~鍋底熱起,聞到濃濃既藥材味待湯熱就推雞件入去煮雞肥肉厚,好食到連雞皮都清曬,雞件夠大骨細選料都相當好,唔會斬到好多碎骨,有料到 等火鍋備料既時間,食住小吃先~先來一客蟹籽墨魚油炸鬼 餐前小吃又得,當火鍋料又得~炸得脆身,墨魚肉彈牙,加埋蟹籽口感更豐富雞皮薄身,雞肉夠厚,食起上黎肉質細嫩  藥膳湯非常夾,唔洗點醬汁食都好夠香濃食到咁上下,配料都開始上叫左份貢丸同手工水餃,仲有自家製既竹蔗水清甜解渴,夠曬甜好好飲!!貢丸夠彈牙 水餃夠大隻夠飽滿,皮超薄~有木耳絲,鮮肉餡吸曬湯底既味道,好吃!最後仲叫左個蔬菜盤食,中和一下油膩感總評:食材新鮮,湯底足料,點食都好食喜鍋 海鮮‧火鍋‧小廚 

秋風起，又是火鍋的季節。經過上海街，下著綿綿細雨，恰巧碰到這間火鍋店，便立即走去試試看。可能我們太早，樓上暫時得兩枱客，可是，未幾已坐無虛席！店員先給我們自選調味料，調味料可不少啊！我們選了個鴛鴦鍋底，有勁辣的四川麻辣鍋底和下火的皮蛋莞茜鍋底，恰似每個人一鍋，十分乾淨衞生！因為肚子餓，我們先點了熟食，店主立即推介了這款招牌菜給我們：就是這個蟹籽墨魚油炸鬼！外硬內軟，香脆可口，還有粒粒蟹籽，很美味啊！然後，當然要點我最喜愛的炸魚皮，這客炸魚皮的份量竟然多得我們吃不消！朋友自選的順德魚腐，味道不錯啊！這個鳳城水餃最特別，以為只有菜，但原來有鮮蝦在內。還有松葉蟹柳，頂級午餐肉，雪花美國肥牛……再配上竹庶馬蹄茅根作清熱飲料！吃得滿滿飽肚又有點眼睏啊哈哈

朋友想食火鍋, 係OPENRICE揀左呢間超多好評既餐廳地點都好方便, 近油麻地地鐵站, 門口有個大魚缸, D海鮮一定好新鮮去到餐廳, 地方乾淨又光猛, 最貼心既係有口罩袋提供!店員仲會介紹個餐牌有咩招牌湯底同食物依家like同share佢個社交平台仲有88折優惠我同朋友叫左以下食物蟹籽墨魚油炸鬼: 食火鍋前, 先食呢個小食, 油炸鬼炸得好脆, 上面鋪左滿滿既蟹籽, 墨魚肉又彈牙, 好好味胡椒濃湯豬骨煲: 有兩大條豬骨. 仲有雞腳, 粟米, 蘿蔔, 飲落好有老火湯既味道, 胡椒味夠濃, 用黎打邊爐一流雪花美國肥牛: 慳家既我, 揀左款最平既牛肉, 牛味都好夠, 脂肪比例岩岩好豬粉腸: 冇苦味, 處理得好好, 抵鑽脆鯇骨腩: 呢個必點推介, 好鮮味, 魚肉好爽口油麥菜: 有一大盤, 好抵食最後提下大家, 醬料一定要落埋佢個XO醬! 可以令食物既味道提升! 店員既服務好貼心, 不時會幫你換碟加湯, 仲好有禮貌, 值得再幫襯

天氣轉冷，又係時候出發打邊爐啦！今次揀咗油麻地呢間喜鍋，因為朋友食過話唔錯，好彩有book位咋，去到已經全店滿座。量完體溫一坐低，伙記已經好好俾個口罩袋同消毒酒精比我哋，個箱好有意思，香港人真係要加油💪🏻我哋叫左胡椒濃湯豬骨煲，豬骨煲非常足料，有雞腳、豬腳仔、粟米、蘿蔔，仲有最重要係兩個大豬骨，湯底非常好味！打邊爐配料方面，叫左美國雪花肥牛，牛肉味濃，而且雪花均勻，入口雖然唔會有即溶既感覺，但食得出係靚牛肉。然後脆鯇骨腩，呢個係必點推介，啲魚肉脆口美味，仲有啲魚膏係度，我感覺呢個係我食過最好味😋既鯇魚呢！再黎叫左粉腸，估唔到一啲腥味都無，仲係唔苦添，新鮮！小食方面，我哋叫左佢哋嘅推介蟹子墨魚油炸鬼，果然係推介呀，啖啖肉之餘仲要好脆口，除咗即食之外，仲可以擺落去打邊爐，口感又唔一樣，好特別！提提大家，分享佢哋嘅fb仲有88折添，大家記得享受呢個優惠啦

天氣開始涼，又係打邊爐既時候了～今次就近近地係屋企附選左間良心火鍋店，打個靚邊爐暖下個肚😆藥膳醉雞鍋$148南非鮑魚$58美國桶壕$168金菇菜$28西洋菜$28娃娃菜$28醬料$13/位身位「雞精」既我地，毫不猶豫就叫左醉膳醉雞鍋食，貪佢有雞食又可以補補身子～湯底有多種藥材，飲落都好有藥膳味道。佢既醉雞分開上，一店員拎到來就聞到陣陣酒香味🤤，食落雞件都好嫩滑帶有酒香味ge~經過店員既極力推介，話黎左d靚既南非鮑魚，咁我地就食好豪d,叫左兩隻鮑魚同美國桶壕試試佢～果然一分錢一分貨，鮑魚很大隻，食落新鮮清甜，肉質好彈口👍😱桶壕肥美鮮甜冇腥味，冇得頂啊😋另外，仲叫左兩三款菜清下腸胃😼，每款都好新鮮ge~總結：食物材料新鮮，價錢散叫都相宜，店員服務都好友善，推介給打邊爐愛好者啊🤓

-🔸藥饍醉雞鍋 $148🔸美國桶蠔 $168🔸南非鮑魚 $58🔸金菇菜 $28🔸西洋菜 $28🔸娃娃菜 $28🔸醬料 $13/位-天氣涼陣陣，把握機會打邊爐先。琴晚到訪呢間良心食店，支持醫護人員七折優惠，社交平台打卡都有8.8折，變相就免加一咁都好～坐低店員就遞上香港人加油嘅口罩袋，貼心又窩心。湯底揀咗藥饍醉雞鍋補一補，撈一撈底有一大堆紅棗、桂圓、杞子、黨參、當歸，湯頭勁足料而且好滋補。另外醉雞分開上，半隻都好多喎，兩個人食叫多少少菜就夠晒。友善嘅店員推介今晚南非鮑魚靚，又唔貴當然要試試喇，果然大隻厚肉，咬落爽口彈牙有濃郁鮮味，果然冇介紹錯啊！見海鮮質素咁高，再加單一份美國桶蠔，超大隻又肥美，落咗湯夾返起都仲有咁大隻，而且好鮮甜冇腥臭味，食完勁滿足啊～

同老公出左旺角買野，老公見我好耐無打邊爐，所以BOOK左喜鍋帶我去。係門面見到有好多湯底揀，已經好吸引，特別易拉架介紹個果 花膠鯊魚骨湯底，入秋食呢個湯感覺好正，即刻入場就叫左呢個湯底先^^個湯底黎到，老闆就教學先飲左個滋潤湯，同埋呢個湯專誠送了一筒脆焦香飯，粒粒都脆，加上花膠湯的鮮甜味道，嘩我同老公一開始就食左大半鍋湯先落餸打邊爐，真心好舒服好好味。小食之選：蟹籽墨魚油炸鬼，廚師推介，果然真係必食。 油炸鬼新鮮香脆，加埋蟹籽墨魚滑，一脆一軟，好夾。聖子皇，好抵食，其實喜鍋有好多海鮮叫，仲要係生猛捉來即切即碌。奈何得我同老公兩個，驚食唔晒浪費，所以最後食左呢個聖子皇，一人一隻，好鮮味也啖啖肉，好好大隻老公中意食鵝腸，呢碟鵝腸特色在，新鮮鵝腸，唔係雪藏個啲。老闆特別來解說一下個鵝腸會比坊間平時食開既多啲肥膏，口感更飽滿。 咁我同老公都唔介意肥HAHAHA  ，真係～滾起食既新鮮鵝腸真係好滑又有點咬口之餘，好香甜，係值得一試。要來打邊爐就要而家啦，因為喜鍋做緊 88 折，如果你係醫護更加係7折 支持您地，特別留意個佢地的防疫設施好好的，送口罩袋，個盒我就好中意既 XD埋單有88折～食完好

呢個時勢晚餐時間寶貴，出街食得一餐隨時唔知幾時先食到第二餐。同老婆搵左間打邊爐小店，一般打邊爐小店都係賣新鮮同自創湯底。今次呢間都係衝住個花膠湯底所以揀。鋪頭而家做緊醫護7折支持佢地另外仲有分享88折（之前行過見到先book試試）入到門口老細即刻派紙袋洗手液，服侍周到；同時老細都慢慢介紹果日海鮮同有咩招牌菜。同老婆諗左陣當然就叫個花膠湯鯊魚骨花膠湯跟機仲有桶米通飯，原湯底係豬骨湯底，同花膠鯊魚骨煲煲出晒味好有膠原味老婆都話好有膠質，補骨膠原，正米通吸晒湯汁好好食，又有脆口感，又有膠原味。飲左兩碗湯+米通已經開始飽。小食蟹子墨魚滑油炸鬼新鮮好脆口，墨魚滑有墨魚味又滑再黎係蟶子王，大大隻未至於新鮮到仲郁但都係睇到當日鮮貨，放左落煲一d都唔縮，又滑又多肉。同老婆一人一隻多數去大鋪頭食都未必有鵝腸，入到小店當然即刻叫返一碟肥鵝腸，睇相都知夠肥，我唔多講肥厚新鮮好食。最後食埋個五寶丸，蝦丸有蝦味同蝦肉豐富，不過我同老婆都覺得一般，主要係梅菜豬肉丸同牛肉丸都中唔係咁咁啱我地口味。呢餐整體食到飽到上心口，價錢維返都一人$320。不過就食到d大鋪頭食唔到嘅新鮮海鮮

因為好朋友生日，大家想食火鍋但唔想又食連鎖店，所以揀左喜鍋試下。因為疫情其實都有啲擔心，但啲座位隔得好開，又有好高嘅隔板，一坐低又提供口罩袋同搓手液，所以都可以安心食。另外一坐低已經感受到店員貼心嘅服務態度，真係好抵讚。講返食物。本來計劃減肥，天氣又咁乾😂所以叫左個好滋補嘅湯，花膠鯊魚骨膠原湯鍋。招牌花膠鯊魚骨膠原湯鍋（送炸米）$208店員提我地飲啖湯先，我地足足飲左成碗😂因為真係好滋潤好好味，好足料，真係食料都飽！😆相信女士一定會鐘意。之後就加湯入炸米，我第一次食，好香口好特別！蟹籽墨魚油炸鬼 $58坐低肚餓，想先食小食。店員推薦蟹籽墨魚油炸鬼，冇試過所以試下。油炸鬼炸到香口，墨魚滑都好彈牙，加埋最愛泰式甜酸醬，唔錯。元貝 $38/1元貝好新鮮，食落都係好鮮甜好彈牙，都唔會有沙嘅口感，唔加醬料都勁鮮味！鮮淮山 $38打邊爐我必點鮮淮山，份量十足，食落十分新鮮。手打五寶丸（墨魚、蝦丸、鯪魚丸、牛丸、豬肉丸） $88一次試曬五款丸，每款有2粒，2個人食唔洗爭。食得出係手打丸，好彈牙！我自己最期待係梅菜豬肉丸，因為真係冇見過！我好鐘意食肉餅，味道果然冇令我失望，好香梅菜味。青檸柚子蜜 $4

近期入秋開始想打邊爐，於是約咗朋友去佢食過覺得唔錯既餐廳。我地一睇menu就好有共識去點養生又美顏既花膠鯊魚骨膠原鍋（＄208）🤣🤣湯底既配料除咗花膠同鯊魚骨，仲有雞腳同豬手，好多骨膠原👍呢個鍋仲送埋甘香泡飯。木桶入面係香脆既飯焦，加咗湯落去再等一陣，飯焦半軟半脆好好味。泡飯份量都唔少，我地一人食咗一碗之後仲有得添。除咗湯底，我地仲點咗蟹籽墨魚油炸鬼、元貝、丸類仲有響玲卷。自己最鍾意食元貝，食落有好鮮甜既海水味道朋友就鍾意食蟹籽墨魚油炸鬼，油炸鬼上面有一層墨魚滑，再上面就有蟹籽，所以食落口感豐富，蘸埋酸酸甜甜既醬汁就更惹味！至於丸類，最出色係梅菜豬肉丸，食落好有媽媽既味道☺️因為like咗社交平台，所以埋單有88折，正！

今日同朋友去左旺角酒店staycation, check out之後想食火煱，上網搵到間良心火鍋店係旺角，就果斷咁去左食！😅 入到去職員已經超好服務態度，餐廳係你一坐低就會提供口罩信封，叧外又會提供搓手液，眼見疫情緩和，好多餐廳都鬆懈咗，但呢間餐廳就依然好盡責！👍👍😁講番食物，質素真係極高！😋😋我地叫左唔算好多野食，但食到好飽！重慶火鍋雞煲 半隻 (小辣) ($148)雖然呢度唔係做雞煲為主，但雞煲一樣整得出色！👍雞都頗滑，麻同辣既比例恰到好處，果種麻係愈食愈過癮！😍頂級安格斯牛頸脊 (小 $208)一上到枱，見到牛既紋都覺得好靚，係高級貨。食落口感一流，韌力十足，好正！😍👍👍👍手打五寶丸 ($88)呢個可以一次過試5種丸，分别係墨魚，鯪魚，蝦丸，豬肉，牛肉。我最愛就係墨魚同蝦丸，真係口感一流，個味道都好突出，正呀！😋😋我地仲叫左響玲同油麥菜，都唔錯！👍依家係社交平台打卡仲有88折，有一樣我好想，職員既服務真係一流！😆環境係普通火鍋店，但食物質素高，服務好到位，欣賞！

連假假期最後一日緊係要約啲朋友出黎食返餐啦！今日我就同班friends黎左油麻地既喜鍋打邊爐🍲平時已經好鍾意食雞煲既我就逼大家同我一齊食🤣呢個重慶麻辣雞煲有大中小辣揀我地就揀左小辣、半隻（$148）🥳食完有得免費加湯打邊爐但個雞煲都好平😋一路食個雞煲店員就會一路幫我地搞下個煲、加下水防痴底、同埋換下碟、又比個兜我地裝骨🤭真係超級好服務！👍🏻講返個雞煲，啲雞肉就唔算大舊但都幾厚肉，啲肉質都唔錯😛😛幾嫩滑個麻辣好香好麻，非常惹味🤣另外佢入面有好多配料，洋蔥、紫洋蔥、燈籠椒、茜等等😝食完個雞煲就加湯打邊爐，佢地推介手切本地牛頸脊同安格斯牛頸脊🐄我地就叫左平啲既安格斯😌$208 細份佢好大碟而且片片肉都好夠厚😋食落牛味好出，點啲鼓油就夠晒味了😌之後我地仲叫左五寶丸，分別係豬肉丸、牛丸、蝦丸、鯪魚丸、墨魚丸😋😋我私心推介海鮮三丸（蝦丸、鯪魚丸、墨魚丸有咬口又鮮味，仲唔會腥但牛丸就覺得有少少蘇味～總括黎講啲野食全部都好高質，CP值爆燈呀！

呢排天氣開始轉涼又係食雞煲嘅季節今次嚟咗油麻地附近呢間試下一坐低老闆就好熱心等我哋介紹菜式因為夏天太熱太耐冇食個雞煲所以就決定叫咗個小辣重慶麻辣雞煲唔食得辣嘅朋友要小心因為小辣都有d辣除咗你雞煲配料之外仲有好多餐前小食今次試咗蟹籽墨魚油炸鬼油炸鬼炸到香口而且墨魚彈牙幾特別配料方面當然唔少得肥牛 e碟算幾有肉味餐牌上嘅肉丸同餃子都可以雙拼咁叫我地就叫咗手打墨魚丸同手打牛丸墨丸彈牙牛丸就好冧 比想像中好食仲叫咗爺孫餃拼鮮蝦雲吞爺孫餃即係椰菜酸菜加豬肉食落幾特別最後叫埋個烏冬食到捧住個肚走

最近成日都打邊爐，而旺角呢間火鍋店真係比到好大surprise我。由食物到服務都好好當日我哋叫咗個超牌花膠鯊魚骨膠原湯鍋～味道就好似煲過嘅鮮魚湯咁，另外仲有個泡飯送。食住個泡飯飲湯同埋花膠，其實都有少少飽😂😂飲完湯就就到打邊爐，先講佢嘅海鮮。我哋分別叫咗蟶子皇（$38隻）同鮑魚（$48隻）兩隻都好新鮮，爽口！同個魚湯仲好夾！而佢嘅安格斯牛睇落好新鮮，份量合理！響鈴係自家製嘅，厚厚嘅一條，而且冇油益味！題外話，當日俾朋友彈咗熱湯落面到😖😖老闆好好人比冰我敷，又借燙火膏俾我用！👍🏻thank you ~~