喜鍋 海鮮‧火鍋‧小廚 (已結業)

喜鍋 海鮮‧火鍋‧小廚 (旺角).呢間好耐之前食過一次，價錢唔算貴但味道又挺不錯先來一個魚湯海鮮鍋，內有蟹仔，扇貝，菇等配料，湯好飲！然後叫左個人人到來都必吃的蟹籽墨魚油炸鬼，脆脆的油炸鬼配上彈牙的墨魚膠，點上泰式辣醬，好吃！ 另外like 社交平台送一個麻醬冰菜，菜上充滿水點，咬落口係非常爽脆新鮮配料我倆一如既往，娃娃菜粟米韭菜餃必備！特別一提佢嘅脆肉腩，係非常非常脆，邊位咬落去脆而且充滿魚油！最後我們還加了一個烏冬，索晒魚湯味😋.喜鍋 海鮮‧火鍋‧小廚 (旺角)旺角上海街428號地舖.—————————————————————-#hkig#hkigfood#hkfoodie#hkdaily#foodiehk#foodig#foodlife#hkfood#foodblogger#hkfoodblogger#hkgirl #foodporn #旺角美食#喜鍋 #火鍋

諗唔到食乜於是決定打邊爐，意外發現呢間服務勁貼心嘅小店。火鍋配料好齊全，不過我第一眼係俾餐前小食嘅蟹籽墨魚油炸鬼吸引入去嘅🙈Share 社交平台 仲有折添！坐低即刻openrice 下有乜推介，見到好多人推蟶子皇，可惜今日無貨試唔到。坐定定之後，店員拎咗個醬料架嚟俾我哋揀，驟眼睇都係基本嘢，但左上嗰個係勁足料XO醬，好好味，有驚喜！我期待已久嘅蟹籽墨魚油炸鬼，啱啱炸起脆卜卜，真係好食到停唔到口呀！可能見我哋有幫前菜影相，於是店員放低個煲，有問我哋要唔要影張相先🤣滾起咗之後店員幫我哋撈均啲醬汁同雞，Make sure每舊雞都沾到汁。我哋今日嗌咗中辣，一入口唔覺得辣，但食食下啲辣味先慢慢滲出嚟，後勁十足呀！好大舊嘅即炸響鈴，店員上菜remind我哋食嘅時候要小心，因為啱啱炸起個心好熱。雖然舊響鈴都幾大舊，但都好鬆脆😋😋個芋頭片好綿好好食，但因為佢太綿嘅關係，煮得耐會成舊溶左🙈總括而言，我覺得個份量都對得起個價錢，味道唔差，店員服務態度好好！

同朋友定期聚會今次揀左黎呢度打邊爐店員非常友善因為我地諗左好耐都諗唔到要咩湯底店員主動埋黎推介耐心解釋湯底材料又有講解宜家餐廳做緊啲咩優惠感覺親切落完單嘢食黎之前店員會拎一籃調味料過黎比你混醬開心有xo海鮮醬一定要落 好香先黎一個餐前小食蟹籽墨魚油炸鬼油炸鬼脆卜卜面頭嘅蟹籽又脆卜卜仲食到一粒粒墨魚肉記得要點埋泰式酸辣醬一齊食之後就係雞煲喇叫左半隻雞中辣計埋之後打邊爐嘅料三個人食半隻雞其實都好夠食得辣嘅人可能要大辣再加辣另外加辣醬要加20蚊我唔係太食得辣就覺得啱啱好啲辣越煮越出張相唔知點解搬唔到位唯有喺度插一句入座嘅時候店員會提供口罩紙袋火鍋料推介頂級安格斯牛頸脊同自家脆響鈴卷 超讚牛頸脊花紋分佈平均 厚薄適中 肉質好軟好滑不過牛味就唔太重響鈴即叫即炸超級熱辣辣 勁鬆脆真係要小心辣親嘴配埋雞煲醬勁好味個人覺得直接點雞煲醬比之後打邊爐浸湯更濃味更好食另外窩荀都值得一讚厚切波浪紋冇咁易變淋店員介紹嗰個優惠就係宜家社交平台 share可以全單有八八折 都幾抵 四個人仲有安格斯牛肉拼盤送 早知叫多個人黎

連續幾日復活節假期，最啱同朋友約埋一齊打邊爐，烚吓烚吓🍲是日晚上就去咗砵蘭街「喜鍋 海鮮•火鍋•小廚」食晚飯。餐牌上有多種特色火鍋湯底、餐前小食、新鮮菇菜、海鮮及火鍋配料重慶麻辣雞煲小辣雞煲唔算太辣，裏面除咗有好多雞件之外，仲有薑蔥蒜、芫荽、辣椒等等配料，香口惹味😋雞件啖啖肉，肉質好嫩滑四寶餃鮮蝦雲吞、韭菜水餃、鳳城水餃、爺孫餃 (左起)，餃子每粒都大大件，好足料！韭菜餃鮮香味美！鳳城水餃餡料有豬肉同雲耳，增添爽脆口感，正哦！鮮蝦雲吞都有原隻鮮蝦肉，真材實料芝士竹輪普通日本竹輪就食得多，芝士竹輪則比較少吃。店員溫馨提示食用時小心芝士漿一湧而出⚠️竹輪口感彈牙，配上半溶芝士，芝味十足，不得了呀鮮腐竹腐竹有彈性，唔易散開，豆味香濃，吸收晒雞煲湯底嘅精華脆鯇片鯇魚魚片厚薄適中，魚肉位置口感鮮嫩，同時帶有脆脆的口感，好特別！最重要係脆鯇片非常新鮮，就咁白灼已經好好食蔬菜拼盤白菜、芥蘭、菜心、生菜🥬每款菜顏色都好翠綠新鮮，灼熟後鮮甜爽脆，火鍋配料健康之選青檸柚子蜜一大樽適合同朋友多人分享🥂清涼解渴，當中嘅柚子肉及青檸營造出酸酸甜甜的味道，感覺清潤

天氣乍暖還寒，忽冷忽熱，所以今晚同朋友去咗屋企附近食火鍋，圍爐取暖🍲黎到呢間位於旺角砵蘭街的「喜鍋 海鮮•火鍋•小廚」餐廳主打時令海鮮、多種特色湯底、火鍋配料等等。指定優惠時間分享喜鍋某社交平台專頁即可享全單八八折。每枱入座四位以上，亦可享追加抗疫優惠，贈送安格斯四品盛牛天梯重慶麻辣雞煲雞煲可以選擇半隻或一隻；小辣、中辣或大辣，當晚揀咗小辣。雞煲整體辣度不高，加咗大量薑、蔥、蒜頭、青椒、黃椒、芫荽調味，格外香口～雞件份量充足，骨肉比例平均，雞肉滑溜而且好入味，令人食唔停口呀頂級安格斯牛頸脊牛頸脊有兩款：至尊手切本地或頂級安格斯🐮Order左小份的頂級安格斯牛頸脊，雪花分布均勻，肉質軟硬適中，牛味濃郁豐腴四寶餃四款雜錦水餃有：鳳城水餃、鮮蝦雲吞、韭菜水餃、爺孫餃，每粒都勁大隻！餃子皮薄餡靚，餡料飽滿充裕，味道同口感都好豐富呢！我個人最喜愛嘅係韭菜餃，韭菜鮮味好突出，正哦手打五寶丸五款手打丸分別係：鯪魚、牛肉、豬肉、蝦丸、墨丸，每粒都好似乒乓波咁大～豬肉丸加入左梅菜，鹹香滋味！牛肉丸啖啖肉！鯪魚丸加咗蔥花更加香口😛墨丸同蝦丸都口感彈牙，鮮味十足

旺角人氣火鍋店座位尚算舒適，桌子也夠大，店舖有上下兩層，環境非常熱鬧～提供口罩袋，醬料每位$13，另收+1服務費湯底與食材都算足料，價格定位適中，兩人埋單$600左右，愈多人一起吃、分享會更抵。#胡椒濃湯豬骨煲 $168兩件大大豬骨，有三至四隻雞腳，建議最頭先食，淡淡骨膠原加上濃郁胡椒味～還有粟米蘿蔔等配料，胡椒味濃郁，還有少少辣，有點像胡椒豬肚湯的味道。另外，招牌花膠魚湯送甘香泡飯好像更加吸引，有機會再試下。#雪花美國肥牛 $128重牛味而且不會太肥，火鍋必食，不錯～#自家製響鈴好吸湯，浸1-2秒就淋，不會熱氣#芝士墨魚丸 $68有6粒結實芝士的彈牙墨魚丸，還有一粒粒墨魚🦑增加口感#豬天梯 $58結實爽口，像豬皮。不是我杯茶XD #蔬菜拼盤 $48有生菜、芥蘭、菜心和白菜仔汽水 $12服務質素：7/10環境舒適度：7/10ᶘ ᵒᴥᵒᶅ個人口味評分：6/10

趁住天氣乍暖還寒，想打多幾次邊爐，今晚就揀左位於上海街的喜鍋，想試下賣相非常吸睛的牛魔皇塔！有營冰鎮萩葵（$38）只要於社交平台簽到打咭，就會送一碟，萩葵配上麻醬，非常清新好吃。招牌花膠鯊魚骨膠原湯鍋（$168），送甘香泡飯（$28）湯底就咁飲都非常好味，入面有雞腳、豬手、花膠、鯊魚骨，用料豐富！蟹籽墨魚油炸鬼（$58）店員好貼心咁提我地蟹籽好易掉下來，要小心食，但我再小心蟹籽還是掉了：P牛魔皇塔（$398）我係衝着呢個塔而來的，上層有安格斯牛仔粒，中層係本地手切牛肉，而最底下係安格斯牛。結論是底層的最好吃，因為肉質最嫩滑。讚崎烏冬（$18）煙煙韌韌的烏冬，是我的大愛！炸枝竹（$28）用來索湯汁食，一流！今餐好滿足，食咁多好野每人都係二百幾蚊。同樣價錢，但質素明顯拋離好多任食火鍋，真心推薦！

係開飯見到評價咁好就過黎試下，點左個雞肚鍋，個鍋一黎到就感覺到有D不妙。個鍋有一陣臭味，當時我稔可能係豬肚既蘇味，滾起左會消失。到滾起左後蘇味變為一陣臭味，我畢起舊豬肚同雞試下，一咬落去我要即刻吐出黎，成口一陣豬X味。豬肚係因為洗唔乾淨所以臭味其實係一陣豬X味，舊雞D臭X味都滲哂入去🤮，真係救命。最後要換個第二個鍋。換左個皮蛋芫荽鍋都算正常。到食火鍋料時，點左個我最愛食既手切本地牛頸脊。黎到時令我大失所望，D肉切到有厚有薄，有大有細，厚既有塊紙皮箱既紙皮咁厚，薄既係薄到透光。切法亦都唔同，有D係蝴蝶式切法打開，有D一大片攤係隻碟到。牛肉冇油花，滾熟後好韌，似食緊牛肉乾。一路食一路都唔明點解呢間店個評價咁高，到臨走時見到一D文字同表態，即刻明哂呢間店係某種顏色既店，成班手足有理冇理比好評，老點我食呢間。

冬天真係打邊爐嘅好季節呀！今日就同女朋友黎食好野！打個邊爐爽一爽！黎旺角打邊爐真係總有一間係左近呀！完全唔怕冇選擇！今日就黎試一試喜鍋！我地揀左個胡椒豬骨湯底！大大鍋，都幾足料！又有蘿蔔又有粟米又有大大舊豬骨！我地叫左細碟嘅至尊牛頸脊食！雖然佢係細碟，但份量真係一啲都唔券嫁！兩個人食真係好夠！另外仲叫左魚皮餃！牛筋丸同埋蝦滑！最好食係牛筋丸！有肉汁好juicy！好好食！又夠咬口！唔錯呀！不得不提佢碟雞髀菇份量多到不得了！大大份又大大舊！好好食！好滑好厚切！呢間喜鍋真係好抵食！我地星期日黎食仲有88折！好抵好優惠！下次一定會再黎呀！

呢排天氣咁凍，真係好岩打邊爐呀！黎到旺角油麻地一帶，真係好多選擇！花多眼亂！一時間都唔個揀邊間好呀！今次就黎到喜鍋試一試！唔好睇呢度地方細細，原來仲有二樓嫁！有海鮮或者牛肉任你揀！唔錯嫁！我地俾呢度嘅優惠吸引！因為呢度逢星期日至四，可以有88折優惠！仲會送埋海鮮一客！真係抵到爛呀！我地見咁抵！就叫左好多野食呀！打邊爐梗係要叫牛啦！我地叫左個靚牛！前菜仲叫左冰菜！幾fresh幾特別呀！仲叫左魚皮餃，牛筋丸仲有蝦滑同埋雞髀菇呀！全部都份量十足！不得不提個胡椒湯底都幾夠味！辣辣地幾惹味又可以暖胃！真係唔錯嘅選擇呀

油麻地港式海鮮火鍋店😋任何時段like fb有8.8折優惠 當然唔可以錯過啦而且為左支持醫護人員既付出, 持香港醫護證更有7折優惠!👍🏻👍🏻坐低之後店員會提供紙袋裝口罩 亦會比熱水洗洗餐具 好貼心地提我地要襯熱洗😆🥢蟹籽墨魚油炸鬼 ($58)先來一份餐前小食 唔洗餓住等個鍋滾☺️將墨魚滑釀左入油炸鬼 面層既蟹籽都比得好大方油炸鬼炸到熱辣辣 食落脆卜卜好香口 墨魚肉彈牙 唔會好油膩 沾埋甜酸醬更惹味😋🍲魚湯海鮮鍋 ($228)呢度有好多特色湯底 中意海鮮既我地叫左海鮮鍋😋入面有蟹🦀,蝦🦐,元貝,沙白蜆,花菇,秀珍菇,雞脾菇,蘿白,木耳成個湯底吸收晒海鮮既精華 好香好鮮甜 一啲都唔腥特別係蟹同沙白蜆都好新鮮 蜆冇沙又鮮甜🥰🥢南非鮑魚 ($48/隻)聽店員講南非鮑魚好受歡迎 果然大隻厚肉 咬落爽彈😋🥢頂級安格斯牛頸脊 小 ($208)牛頸脊雪花紋路好靚 油脂分布均勻 有韌刀又重牛味♥️🥢日本黑豚肉 ($128)肉質鮮嫩 唔鞋口🥢四寶餃 ($68)有爺孫餃, 韮菜餃, 鮮蝦雲吞,鳳城水餃粒粒都好飽滿 皮薄饀靚 最特別係第一次聽既爺孫餃😂入面係椰菜加酸菜 帶少少酸又出奇地好食😆值得一試🥢手打墨魚丸

最近天氣轉涼即係又到左打邊爐嘅季節今次去咗油麻地度打邊爐打邊爐梗係要揀番個靚湯底啦🍽魚湯海鮮鍋入面好足料有蜆肉、大蝦、蟹、紅蘿蔔🥕、白蘿蔔、木耳、鮮菇😍海鮮鍋點都要試吓個湯底先我同友人都覺得好鮮甜職員仲俾咗隻碟我哋裝海鮮殼非常貼心🍽降霜手切肥牛粒油脂比例比較多啲有一種入口即溶嘅感覺要小心注意時間淥得太耐就會有少少韌🍽牛坑腩牛坑腩夠晒牛香、腍身痴住少少筋夠晒爽口🍽四寶餃分別係鮮蝦雲吞、水餃、韭菜餃、椰菜餃可以試足四款唔同口味嘅水餃雲吞粒粒餃d餡料都夠晒大粒飽滿🍽竹蔗馬蹄茅根清甜滋潤打邊爐咁熱氣最啱飲

最近天氣涼涼地於是拉埋朋友一齊去烚吓烚吓行過俾門口餐牌上面嘅款式吸引住就決定同朋友入去試一試打邊爐有靚湯底絕對唔少得湯底揀咗餐牌推介嘅魚湯海鮮鍋🔻魚湯海鮮鍋望落去看似好平凡 估唔到都幾足料有蟹、大蝦、花甲、白蘿蔔、鮮菇等等湯底夠哂鮮甜就咁都已經飲咗一碗🔻降霜手切肥牛粒油脂較多咬落去入口即溶嘅感覺每啖都充滿好重嘅牛味🔻牛坑腩呢樣就同手切肥牛粒啱啱相反要煮得耐啲先夠腍身痴住少少肥膏食都唔會覺得肥膩🔻四寶餃我同友人想試嘅款式都唔同所以就叫咗個四寶餃貪佢每樣都有啲可以滿足我同友人有鮮蝦雲吞、水餃、韭菜、椰菜餃水餃大大粒 餡料夠晒飽滿🔻竹蔗馬蹄茅根清熱下火同打邊爐簡直係絕配

近排天氣開始轉涼又係瘋狂打邊爐嘅季節😚今次就去到油麻地試下呢間偏中式嘅火鍋店~🍴魚湯海鮮鍋($228)湯底本身入面包左蝦、蟹、蜆、元貝同一些菌類❤️海鮮都幾新鮮尤其係元貝同蟹好有鮮味😋個湯底本身都好夠味但唔會太濃蓋過本來配料嘅原味渌完份外提鮮😉🍴蟹籽墨魚油炸鬼($58)因為太肚餓所以叫左份小食頂住先😋食落好脆墨魚滑都算彈牙~😋建議要趁熱食如果唔係就會變硬🥺✨🍴頂級安格斯牛頸脊($208/小)✨牛頸脊油花分佈好均勻🤤食落肉味香濃之餘肉質仲好嫩有少少入口即化嘅感覺❤️🍴日本黑豚肉($128)黑豚肉厚薄適中而且切得夠大塊😋望落油脂好似比較多但咬落成個口唔會好膩剛剛好😋🍴南非鮑魚($48/1隻)南非鮑魚都幾抵食差唔多拳頭咁大隻😋渌分幾鐘就食得好彈牙好有鮮味❤️🍴手打墨魚丸($58)墨魚丸食落好彈牙仲會咬到墨魚粒粒😋🍴四寶餃($68)餐廳嘅餃都係佢地自己包架🤤今次叫左四寶餃分別有雲吞、水餃、韭菜餃同椰酸餃😋個人比較推薦椰酸餃同韭菜餃~椰菜酸菜加豬肉嘅配搭比較特別😋🍴娃娃菜($28)🍴萵荀($38)🍴竹蓆馬蹄茅根($38/楂)另外餐廳而家仲做梗優惠只要like佢地嘅社交平台就會有88折優惠~❤️📍 喜鍋

聽過喜鍋很久了，因為這裡的湯底選擇很多，還可以先飲湯，才打邊爐。餐廳坐得舒服，很適合和朋友慢慢打邊爐傾下計。一如剛才所說，湯底選擇很多，有雞鍋、豬肺湯、海鮮鍋等等，真係好想一次過試曬咁多口味！最驚喜的是，餐廳正在做88折promotion！🌟香茜皮蛋鍋：和朋友點了最簡單的香茜皮蛋鍋，湯底好香香茜味外，還有好多皮蛋～🌟梅菜豬肉丸：是餐廳的新款丸類，用上新鮮豬肉，配上梅菜帶出豬肉的鮮味。🌟鮮蝦雲吞：包了一大隻鮮蝦在內，好足料，而且皮薄，口感不錯。🌟鮮雞件：想不到雞件份量都多，而且肉質滑嫩雞味濃，幾好食～🌟蟶子王：做緊特價，$38（再88折）就食到，仲要非常大粒，肉質鮮甜。🥬蔬菜拼盤：打邊爐總要叫點菜，這個有好多不同款的蔬菜，而且非常新鮮。最開心的是，埋單時看到有88折🥳下次再來吃海鮮鍋！