喜鍋 海鮮‧火鍋‧小廚 (已結業)

天氣微涼，特別想打邊爐，朋友book咗呢間喜鍋，地點就腳，可以行吓街先上去食餐飽因為朋友唔食辣，我哋特別叫鴛鴦鍋，一邊香茜皮蛋，另一邊四川麻辣鍋。配料方面，特別點了侍應推介嘅餐前小食，蟹籽墨魚油炸鬼，其他配料就有雪花美國肥牛，魚腐，午餐肉，水餃，蟹柳同炸魚皮。估唔到碟碟都好足料好大碟！上菜又快，見到咁多嘢都有啲驚食唔晒，特別係個炸魚皮，簡直係重量級！水餃大大粒，入面竟然唔係菜肉，而係有蝦，非常驚喜！食物新鮮，份量十足，員工體貼細心絕對係值得再幫襯嘅賣點！