喜膳燒

营业中

休息中

放工約左朋友去尖沙咀飲野，途中經過呢間串燒店，有啤酒飲又有串燒食，唔洗飲完野再搵地方食晚飯～-海鮮選擇有好多燒貴妃蚌 $88/2pc大大隻貴妃蚌蒜蓉黎燒，肉質彈牙同埋好鮮味～燒特大扇貝（蒜蓉味）$88/2pc粉絲好入味！扇貝果然係好大隻～啖啖肉！而且帶子燒到剛熟，鮮甜多汁。馬來西亞大蜆 $79燒芝士響鈴 $19/2pcs打邊爐響鈴就食得多～串燒就比較少見～仲要加上芝士，一咬落去好脆！喜歡芝士一定要試下～ 燒肉桂焦糖菠蘿$32菠蘿上有一層肉桂同埋焦糖，甜味中和左菠蘿的酸～好juicy！燒山賊雞翼$54一向都係燒雞翼的fans，外皮充滿孜然粉好香，內裡肉質嫩滑多汁好好食！！安格斯肉眼$54霜降一口和牛 $59兩款牛各有特色，不過燒得略為熟左少少～蒜容牛油焗娃娃菜 $38食咁多肉都要食返ｄ菜中和下～埋單大約$300/head，雖然價錢算中高價位，但食物選擇多，有水準！值得再黎～

同朋友去呢間串燒餐廳食~🥰就係寶勒巷，地鐵站行過去都好快~👍🏻🕺🏻舖頭細細間，但係坐得幾舒服，唔會話好逼咁~🙆🏻‍♀️叫咗嘢食之後，第一輪食物係用熱石上👍🏻，之後嘅串燒侍應會放上熱石，非常有誠意！🥰 食串燒最緊要係食物熱辣辣，有咗呢塊熱石，同朋友慢慢傾計都唔怕串燒變凍。❤️❤️好快已經會有野食~👍🏻揀咗最鐘意嘅🥢燒鱔食，好香，皮有少少脆。😻😻不過個醬汁有啲多得濟，搶咗鱔味。但都係好好味！🥢牛舌係厚切，味道幾好，都幾爽口~唔會話好乾~~🥢五花肉都幾好味，可惜有啲老同「鞋」。🥢蒜蓉包香味十足，非常脆口！🥢韮菜大大串，落夠粉，好惹味~🥢蒜蓉娃娃菜~好好味~用錫紙包住好正~🥢茄子蒜蓉夠多~熱辣辣好味！OVERALL食物質素ok! 這個地點來說價錢不算貴~而且任坐任傾唔會趕人走~🥰👍🏻👍🏻👍🏻放工聚腳好地方~👍🏻🙆🏻‍♀️🍻🍻

這一夜，來到這間藏身於寶勒巷大廈內，自成一角，環境佈置滿有八九十年代東瀛風的居酒屋吃串燒。 一客三件的「蒜蓉法包」（19/3件）蒜蓉味不算太濃，不過都烘得幾香脆。 小食「涼拌牛舌」（$38）的牛舌早已切成切條，麻麻辣辣的，頗為開胃，教人不知不覺間把它全部吃光。 「海鹽燒牛肩胛」（$48）與「日本霜降和牛串」（$59）一起上桌奉客。前者肉質稍韌，較有嚼頭，後者肉質柔軟，比牛肩胛為佳。「燒新鮮白鱔」（$64）肥厚多肉，皮脆肉香，兩夫妻都大感滿意。 「燒貴妃蚌」（$88/2隻）肉質鮮甜，以蚌汁伴吃，佐以蔥、蒜、粉絲，感覺上佳。 「燒蒜蓉茄子」（$24）不過不失，算是在牛肉與海鮮以外的蔬菜選擇。個人覺得，這間頗有懷舊日本風情的居酒屋的食物其實是不錯的，足以証明這間居酒屋的師傅廚藝不差，不過這兒侍應的態度就只是強差人意，仍有不少改善空間。

店舖並唔係位於大街上，而係位於寶勒巷其中一幢大廈內的地舖，大家只要見到大廈寫住PRAT 10行入去就會見到，入到去係一間太約有30個位的小店，我地7點去到，唔太多人，但之後已經越黎越多人，幾乎滿座，想黎食既朋友最好預先訂位。串燒款式非常多，有海觧類、牛肉、其他肉類、蔬菜類同埋一d特戌的串燒，鍾意食辣的朋友一定要試佢的醬汁，有點泰底醬汁的感覺，仲幾辣添。蒜蓉燒廣島生蠔3PCS—生蠔好鮮甜，平時好少會配蒜蓉食，估唔到咁夾，必食推介。燒珍寶大扇貝—珍寶大扇貝足足有手掌咁大呀。貴妃蚌 2PCS—貴妃蚌唔係恆常MENU有的食物，見到有梗係即刻叫黎試下。黑松露鵝盰多士燒黑豚肉龍躉卷 (鹽燒) —燒到外脆內軟。沙嗲燒厚魚肚、日本霜降和牛串、海鹽燒皇牌牛舌、海鹽燒牛肩胛、燒雞心、海鹽燒法國鮮蘆筍沙嗲燒厚魚肚—魚肚真係好厚，配埋惹味的沙嗲汁，正。日本霜降和牛串—帶有濃郁的和牛味，肉質好軟熟。

同寶寶去完尖沙咀行街，又要尋覓一下新餐廳喇。今次終於唔係食西餐/日本菜，而係地道既串燒餐廳。啱啱行街個陣，食左少少野，所以最啱就係輕食。餐廳裝潢簡約，牆身掛左一個個菜牌，寫住每一款串燒既菜名。哩度既選擇好多，有餐廳推介、海鮮、牛肉、其他肉類、蔬菜瓜果等等不能盡錄。餐廳其中一大特色，就係用「熱石🔥」上菜，唔似一般餐廳用隻冷冰冰既菜碟，用「熱石」可以一直保持串燒溫度，唔會咁快變凍。侍應每次一燒好另一串，就會放上「熱石」，絕對係即叫即燒。如果串燒太熱，亦可以將串燒放係葉子上面，慢慢降至可入口溫度。沙嗲厚燒魚肚燒雞腎串「喜膳燒推介」燒魚肚，沙嗲味十分濃厚，魚肚亦有成寸厚，好似食棉花雞咁有口感。雞腎亦都香口，有𡁻頭。燒美國珍寶生蠔叫左一隻燒生蠔同寶寶開心share，表面睇好似細細隻，又驚佢無乜肉食。但原來有驚喜，蠔殻入面仲有脹卜卜既蠔肉，夾起就見到好大舊肉，十分厚肉。食落亦有陣陣既海水味，夠曬新鮮。下次應該要一人一隻先至夠享受。海鹽燒皇牌牛舌牛舌鹽燒香口，唔會韌。仲可以加上七味粉，更能吊出香味。燒山賊雞翼哩個亦係人氣之選！調味料濃味帶辣，係對味蕾既一大刺激享受。但唔食得辣既你，就可能要選擇第二款

星期六中午食咗個大Brunch飽左成個下午，晚上就心血來潮想食港式串燒，上網見到呢間位於尖沙咀寶勒巷的「喜膳燒」，評價都不錯，就來試試啦！餐廳鄰近尖沙咀地鐵站，地點好方便，店舖面積唔算大，但裝修卻充滿地道風味，有少少似日式居酒屋嘅感覺串燒嘅選擇好多款式啊，分門別類，仲有海鮮同特色推介，逢星期日至四晚上10點後入座仲有全單七折優惠添泰式燒原隻鮮魷魚原隻魷魚好嫩口且新鮮，帶點炭燒香，配埋酸酸辣辣嘅泰式醬汁非常開胃，好味道燒沙嗲魚皮餃魚皮餃脹卜卜，塗抹了滿滿的沙嗲醬，魚皮餃外皮充滿嚼勁，餡料飽滿有肉香霜降一口和牛和牛粒香軟肉嫩，充滿牛肉香，而且肉味好濃郁，非常高質燒香辣燒賣採用嘅並唔係麵粉燒賣，好彈牙而且帶有魚肉香，外皮香辣好惹味燒日本一口甜薯甜薯仔好粉糯，滿口香甜薯味燒玉子有蛋香，燒玉子好香甜燒蜜糖頂級魚片頭金黃魚片頭好大塊，好新鮮，咬落有彈性而且帶有魚肉香，好好味呀蜜糖燒墨魚丸墨魚丸爽口彈牙，墨魚肉比例頗高，外皮甜甜地，帶有蜜糖獨特的甜香鹽燒鮮冬菇看似簡單的鹽燒冬菇要燒得好其實唔容易，而呢度嘅廚師就拿捏得好好，唔會燒到乾晒水，每啖都充滿冬菇嘅香氣芝士翠玉瓜鹹香芝士配搭超juicy的翠玉瓜

前幾日同朋友去左尖沙咀行街，無意之中發現原來依間串燒店。鋪頭唔大，但食物種類都多，除左串燒都仲有燒海鮮食。依到啲裝飾都好特別，有小小復古懷舊風，感覺舒服到同朋友傾計好耐都唔知。講到食物方面，叫左啲海鮮同串燒，食物都好快上枱，又唔會燒得燶哂，睇得岀店員都好比心去燒依到啲串燒會用鐵板上，所以我地掛住講野好耐唔食，食物都keep住熱。最推介大家食嘅係海鹽燒牛舌，牛舌夠哂厚同大塊，食落夠軟又唔會好難咬。其次推薦大家食燒扇貝，扇貝大手掌咁大再加埋粉絲同蒜係面夠哂入味。食串燒點可以唔叫飲品，我地叫左杯益力多沙冰，益力多夠濃，唔會太甜，亦唔會多冰，最岩唔叫酒飲嘅我地叫日後有機會可以約埋朋友過黎食野吹水再encore

放工約咗朋友未夠鐘但個肚非常餓又想食少少嘢先, 就諗起朋友介紹尖沙嘴寶勒巷有間食串燒好正，就入咗去食好西。間舖唔係好大間, 不過好有日本feel，見到啲客人通常係熟客多，老細已經好清楚客人想食啲乜嘢燒紐西蘭羊架   羊架燒出來絕對無羊羶味, 好嫩滑, 又唔鞋口, 十分juice😋😋👍海鹽牛肩胛 第1次食牛肩胛燒出來好有口感, 好嫩滑, 又唔鞋口, 夠哂Juicy😋😋👍霜降一口和牛  覺得鹹咗少少，不過肉質係好嫩滑, 口感好正, 同埋唔會太熟，細細件一口一件係啱啱好😋😋👍。牛油蒜蓉焗什菇 & 燒蒜蓉茄子仔 勁多牛油同埋蒜蓉,  好夠Juicy, 雖然好多時都會食到, 又唔係啲乜野特別新菜式, 不過勝在我鐘意食, 同埋Juicy唔係間間做到😋😋。 

行街又遇着落大雨咁啱想搵個地方坐下飲吓嘢, 睇到附近有呢一間串燒店都幾吸引,好隱世 因為唔特登行入去都唔會見到因為未到食飯時間, 所以都係叫左幾款串燒。重點一提既係, 餐廳有個熱既鐵板放枱面, 串燒上枱就可以保持溫度, VERY GOOD!蒜蓉包外脆內軟, 好食!左起: 雞腎, 豬頸肉, 牛舌, 每款都燒得好好食, 唔乾又有肉汁, 特別牛舌, 1D都唔UN!!芝士響鈴好特別, 質地好鬆化, 可以一試!燒扇貝好大隻, 肉質非常彈牙. 蒜蓉好香因為太好食, 所以再追加左1串雞肉同埋燒燒賣, 呢2款醬汁多D, 更加惹味!!

依間日式串燒專門店裝潢同日本既居酒屋幾相似,細細間,岩晒放工黎邊傾計睇波邊食串燒.依間出名海鮮串燒,所以我同靚女女朋友都試左唔少新鮮海鮮串燒.泰式原隻魷魚好鮮甜,而且爽口,加埋個泰式辣醬更加惹味!珍寶蠔真係名符其實既珍寶蠔, $88/2, 成隻手板咁大,我鍾意佢唔會燒到好熟,生生地,就係食佢個鮮味,肉質好豐富,咬落去D會爆蠔汁出黎,落埋檸檬更加新鮮!仲叫左燒廣島蠔3隻,依個佢就燒得熟D,蠔肉肥,蒜蓉味濃郁，兩者加埋一齊夾！燒大蜆有成8大隻,肥美飽滿既大蜆,新鮮到無得再新鮮,值得試!芝士響鈴食落成口芝士安格斯肉眼串燒,每啖都咁重牛肉味,D海鹽令肉味更加突出.燒茄子燒得好香口，個茄子好脆，但係茄肉好淋，入口即溶。咁岩飲品有買一送一優惠，叫左杯青檸梳打同啤酒，我發覺食啤酒同串燒真係完美絕配呀！埋單$500幾，可能我地當係正餐咁食，所以會貴D，如果係宵夜咁食應該會抵食多D。

同發Gor嚟到尖沙咀寶勒巷食隱世串燒，點解叫隱世？因為佢嘅店鋪位置係「屈」入咗大廈入面，唔似其他地鋪，但佢地嘅宣傳招牌、菜單就會放到街邊，所以都算係易搵嘅。呢排鍾意食串燒，一嚟啱哂一邊傾計一邊食，二嚟好香口又多款揀。呢間店鋪雖細，但係環境唔錯，係一個放工可以約朋友嚟chill一chill嘅吹水好地方。而且店內有電視機，有時會播放足球比賽，啱哂約埋朋友一齊食住串燒睇波。🔹 燒芝士響鈴(兩件) $19呢個好特別，要推薦。響鈴只係喺打邊爐食過，但就未試過燒同埋入面有芝士流出嚟！好特別，正喔！🔹 燒雞肉串 (沙嗲味) $24 + 燒沙嗲燒賣 $21首先要讚下個沙嗲醬，因為無論配落雞肉定燒賣都好夾同埋好惹味；再者燒燒賣好特別😂 發Gor本身已經鍾意食燒賣，依家更愛上燒燒賣😂🔹 炸日式餃子 (五隻) $45餃子皮薄餡多，炸得幾香口，幾好味。🔹 鹽燒清香翠玉瓜 $18呢個有意外驚喜，翠玉瓜好厚身，燒完仲保留到入面嘅鮮甜翠玉瓜汁，唔會乾身，正。🔹 燒芝士西班牙黑毛豬五花肉 $46 + 燒芝士蘑菇雞翼(兩隻) $45五花肉好juicy，啖啖肉好邪惡，但芝士蘑菇雞翼就較為普通，如果咬落去芝士湧出

最近發現尖沙咀寶勒巷有間隱世串燒店，價錢頗大眾化。不過，門口位置就真的不太顯眼，若不是在Openrice內得知，大概不會知道有這間餐廳。環境昏暗，採用了木枱櫈，不過地板就不太平滑，坐的時候，有點郁郁下，舒適度一般。雖然如此，但價錢和食物味道令人眼前一亮！大約每串串燒$1x~$4x不等，價錢大眾化，且有多款食物選擇。由左至右起，燒韭菜/$18，燒雞胃串$24及芝士豆卜/$21。燒韭菜是每次串燒必點之一，淘上惹味的燒汁，入口更可口。而燒雞胃爽彈，實在不錯。自己就愛芝士豆卜/$21，入面也是有厚厚芝士，略為融化在豆卜，並與融合，芝士控必定喜歡吧。至於這裡的芝士系列之一的芝士響鈴/$19亦有驚喜，燒得外皮脆卜卜，內裡夾着濃厚的芝士，又不會感到過量而膩口，剛剛好。港式懷舊燒魷魚/$48，比預期中更有驚喜，不失彈牙之餘，留有少量燒過後的焦香味道，而亦大條，份量足！鵝肝多士/$44，鵝肝燒得外脆內軟，配上香脆多士，非常好吃，可能是太味道關係，嫌份量不太多，真的想Encore多吃幾口。燒香脆日本鱈魚乾/$42，質感有點像小時候吃的魷魚絲一樣，腍得來亦不失脆口，個人認為沾上沙律醬更顯美味！燒珍寶大扇貝/

突然很想食串燒，所以在附近找到這間串燒店，店舖的位置比較隱閉，所以我地都花左d時間先搵到間串燒舖頭因為我地比較早到，所以串燒店都冇乜人串燒燒得不錯，有小小焦焦地香味！ 最驚喜的是 燒午餐肉👍🏻👍🏻 第一次食燒午餐肉👍🏻👍🏻 又焦又香🤤🤤🤤坐係餐廳一路睇住師傅係度整雞腎、雞心，燒蠔、燒雞軟骨～～～ 好治癒😍😍😍

一入去好有日本居酒屋feel，好復古嘅感覺，播緊啲八九十年代嘅廣東歌。環境都幾闊落。先黎牛舌同雞腎，估唔到燒完都仲保持到juicy同彈牙感。調味得好好！跟著黎豬大腸同雞軟骨，夠哂脆，好惹味！然後黎雞翼茄子就相對上比較普通，有啲似大陸食木屋燒烤個種香料味，因為上面嗰啲嘢食雖然都有用香料燒但肉鮮味都仲突岀到。茄子真係淨係好重香料。益力多沙冰好清新既感覺，調適左香料既濃味，夠大杯，好正。仲有夏日限定特飲添

尖咀d串燒店食過唔少，呢間--喜膳燒，算我食過尖咀酒吧街一帶較平而又好食嘅。珍寶蠔 幾大隻飽滿，有蠔味都幾新鮮。魷魚筒 燒得啱啱好，好柔軟，無燒得過乾。燒金菇牛肉捲 牛肉同金菇味道好夾。山賊雞翼香脆微辣，夠晒惹味。燒鵪鶉蛋 流心鵪鶉蛋正。燒車厘茄煙肉捲 燒煙肉韭菜捲 燒雞肉串 必配沙嗲醬，同嫩滑雞肉串係完美組合。燒雞軟骨 軟骨燒到焦脆，又有有雞汁。燒雞皮 超脆，卜卜脆。燒多春魚略嫌細條左小小，不過算啦，起碼夠“春"。蔬菜點了以下:燒到表層好香味。鹽燒秋葵 燒露荀意大利大蘑菇比我之前食尖咀嘅串燒店更平靚正，好食又超抵