喜膳燒

营业中

休息中

一入去好有日本居酒屋feel，好復古嘅感覺，播緊啲八九十年代嘅廣東歌。環境都幾闊落。先黎牛舌同雞腎，估唔到燒完都仲保持到juicy同彈牙感。調味得好好！跟著黎豬大腸同雞軟骨，夠哂脆，好惹味！然後黎雞翼茄子就相對上比較普通，有啲似大陸食木屋燒烤個種香料味，因為上面嗰啲嘢食雖然都有用香料燒但肉鮮味都仲突岀到。茄子真係淨係好重香料。益力多沙冰好清新既感覺，調適左香料既濃味，夠大杯，好正。仲有夏日限定特飲添

尖咀d串燒店食過唔少，呢間--喜膳燒，算我食過尖咀酒吧街一帶較平而又好食嘅。珍寶蠔 幾大隻飽滿，有蠔味都幾新鮮。魷魚筒 燒得啱啱好，好柔軟，無燒得過乾。燒金菇牛肉捲 牛肉同金菇味道好夾。山賊雞翼香脆微辣，夠晒惹味。燒鵪鶉蛋 流心鵪鶉蛋正。燒車厘茄煙肉捲 燒煙肉韭菜捲 燒雞肉串 必配沙嗲醬，同嫩滑雞肉串係完美組合。燒雞軟骨 軟骨燒到焦脆，又有有雞汁。燒雞皮 超脆，卜卜脆。燒多春魚略嫌細條左小小，不過算啦，起碼夠“春"。蔬菜點了以下:燒到表層好香味。鹽燒秋葵 燒露荀意大利大蘑菇比我之前食尖咀嘅串燒店更平靚正，好食又超抵

未食過咁難食既串燒, 個價仲要set得貴. 好似個明太子雞亦, 大約$50, 有2隻, 另外要加一. 個樣睇落去OK, 食落咸到一個點, 本身明太子已經係咸, 佢個雞亦再放味去醃, 咁就咸上加咸.燒洋蔥本身以為係一圈圈, 點知係D洋蔥碎, 燒洋蔥個汁仲要好難食, 完全唔夾, 正常黎講夠新鮮放小小鹽去燒已經好好食.個燒薯仔又係唔得, 好似放左係冰箱好耐, 個皮好硬, 好似食緊紙皮. 入面又無味. 4粒收$24, 再加一. 差唔多7蚊一粒. 貴唔緊要, 但真係好難食. 手另外佢D生啤around $80蚊一杯, 仲貴過去酒BAR飲. 成晚得串燒鱔OK, around $70一串. D座位好細, 椅子好頂背, 好唔舒服. 食完拿拿聲走, 2個人食左唔係好多野, $600埋單.

因爲我地在附近食飯，所原本見到呢間串燒，好多好評！所以就想試一試！ 點知😔😔😔 串燒店全部位都係酒吧檯，而且又冇咩人客，串燒既價錢又貴，味道都ok ge！ 因為我地坐低左，所以唔好意思即刻走，就求其點左幾樣野食！ 埋單都要3百幾！ 太貴了！

晚飯時間唔係太肚餓，又突然想食串燒，就上網搵咗間喺附近嘅串燒鋪食。 雖然係寫地舖，都要行入個商場先見到舖頭。還好商場門口已經有大大塊牌寫住有咩食，夠搶眼。鋪頭裝修頗為有格調，又要有足球直播睇，啱曬一班波友邊睇波邊食串燒。先要一讚嘅係墊底嗰塊黑色鐵板， 係一塊已經燒熱咗嘅鐵板，等串燒唔會咁快變凍而唔好食。左起分別係沙嗲燒烤魚肚、海鹽燒皇牌牛舌、海鹽燒牛肩胛、燒玉子。魚肚好厚實，咬落去完全感受到魚肚吸收曬沙爹汁嘅味道。 牛舌唔會燒得太乾，加上表面加上海鹽調味，更帶出牛舌嘅肉味。燒肉桂焦糖金菠蘿平時燒菠蘿多數係一片上，呢度一粒粒上，食落更有口感更多汁。 菠蘿上嘅玉桂同焦糖好足味，咬落去先感受到肉桂同焦糖嘅甜味，再感受到菠蘿嘅酸味，兩味交集滋味非常。頂級海鹽燒多春魚／燒煙肉韭菜卷多春魚唔會燒過龍同燒得太乾，食落有鮮味。燒美國珍寶生蠔最後當然唔少得生蠔。 生蠔既大件又厚肉，食落好有鮮味

過完年以為會開始變熱 點知呢幾日又凍返🤯即刻捉緊冬天嘅尾巴 食串串燒暖下胃先😛 呢間餐廳喺出名多嘢食嘅寶勒巷 大廈地舖 環境企理得十零個位 幾有日本居酒屋嘅風格Menu幾多選擇 講真我覺得唔算貴 平過好多喺太子佐敦嗰啲嘅街邊舖 我哋兩個人食咗下面咁多嘢都係$300鬆啲 唔錯喎😯😀海鹽燒皇牌牛舌又大又多汁既牛舌 燒得又淋 有口感之餘 仲好有牛味🤫流心燒鵪春蛋外面燒到脆卜卜 一咬落去 爆哂菂蛋汁出黎 味道同外觀都100分 有驚喜🤣沙嗲燒豬頸肉串豬頸肉燒得夠淋 外脆內軟 咬咬好爽口 加埋沙嗲汁 👍🏻👍🏻👍🏻鹽燒雞軟骨雖然話係雞軟骨 但係唔會淨係得骨 加埋少少雞肉 口感層次大增 回味無窮孜然燒雞腎雞腎唔會太un 咬落岩岩好 加埋孜然 夠哂香口蜜糖燒墨魚丸係BBQ既味道啊！不過比著我自己就燒唔到咁好味啦！外層燒到脆卜卜 入面就係彈牙既墨丸 希望下次BBQ可以燒到呢度既8成 我就心滿意足lu孜然燒雞脾菇到底有啲乜係用孜然燒唔好味😂雞脾菇又大塊又厚 食落好滋味 好有口感蒜蓉法包燒得好脆 蒜香四溢 不過份量可以多啲 3塊唔夠喉🙊燒一口甜薯熱辣辣咁上 好大粒既甜薯 咬落香甜硬度又適中 當甜品就岩哂燒珍寶

今個禮拜落雨足足落左7日，搞到想襯春天雨季黎之前BBQ都唔得。咁我朋友就提議去居酒屋食串燒，都係一個好提議，又唔使自己落手整又可以食到燒烤嘅味道。菜類、肉類、海鮮類、牛羊豬什麼都有，仲有小食飯同麵叫。明太子釀雞翼好似荷包一樣咁飽滿既，已經去左骨，好方便入面滿滿既明太子餡料：）山賊雞翼王有孜然粉，聞落特別香，有種野味既感覺外皮脆脆既，但入面肉又唔會乾而且入曬味煙肉鵪鶉蛋鵪鶉蛋滑滑既，用味重既煙肉去包裹住最適合不過。龍躉肉京蔥卷好特別，包著既係龍躉肉，肉滑嫩，味鮮！加埋京蔥就鮮上鮮：）流心芝士豆卜好有heart，每一粒豆卜內都堅流心芝士，而且仲有一粒墨西哥辣椒片。豆卜外面烤得脆脆，襯埋濃郁芝士，正蒜容烤茄子蒜容量好足夠，皮脆肉滑辣酒煮花螺佢既花螺好大隻，啖啖肉！而且個汁夠辣，好惹味，送飯都得啵！蒜蓉粉絲桂花虲大大粒，鮮甜美味，主角係粉絲，吸收曬精華！招牌燒菠蘿唔怪得知有三個手指公，因為真係好特別，個菠蘿沾左肉桂粉，而且brulee過，所以面層香香帶焦糖脆。入面肉又好鮮甜而且多汁，作為飯後果真係好好！

相約友人到尖咀吃串燒，為疲累的一天補充一下能量。餐牌食物選擇非常多，串燒有肉，海鮮，就連丸和餃也可以燒。亦有特色小食，烏冬和飯。我們選了：1. 海鹽王牌牛舌：厚肉軟腍，牛味濃，正！2. 日本霜降和牛：肉香有𡁻口，但有筋3. 燒山賊雞翼：惹味重口味，配啤酒正！4. 燒流心鵪鶉蛋：的確流心，但略欠調味5. 燒雞心：超好食！軟腍入味！！6. 沙嗲手打魚皮餃：創意菜式，可以一試7. 燒肉桂焦糖金菠蘿：超香甜，加埋肉桂更出色8. 胡麻醬涼拌稻亭烏冬加溫泉蛋：夠凍，夠麻醬，蛋夠溫泉，份量較多，飽足感滿分整體食物質素高，下次想吃串燒會再來！

近排愛上食串燒，所以成日都周圍去試唔同嘅串燒店今日喺尖沙咀附近，所以揀咗呢間食，果然有驚喜餐廳嘅設計精美簡單，影相都好靚㗎不過係座位迫左少少🙈見佢嘅Menu大部份都有兩款選擇：沙嗲汁同鹽燒我個人就比較喜歡呢度嘅鹽燒，燒得好入味！好似燒雞皮咁，一咬落口就脆卜卜，食落裏面就好軟熟，好新穎嘅感覺！本身以為燒冬菇會好乾，但係原來唔係，咬一啖已經爆左啲汁出嚟，正仲有燒山賊雞翼同埋燒車厘茄煙肉卷～ 我最鍾意就係車厘茄煙肉卷，淡淡都係汁，煙肉唔會太硬咬唔開，同車厘茄好match呢度都有海鮮食架，叫咗個蠔！估唔到，超級新鮮！ 超級鮮甜，另外燒菜心苗超級有驚喜😍 菜心唔使點任何醬，外面就有一層調味，食落好好味，好推介！其實重點左金菇牛肉卷，海鹽燒牛肩胛，不過自己最鍾意就係燒豬頸肉串 每一塊豬頸肉都肥瘦均勻，沙嗲汁滲入肉，食落好有口感，啲肉好彈牙，醬汁調得啱啱好，另一好味之選😊整體來講，都幾唔錯！而且上菜速度好快，服務好有效率，推介👍🏻

今日喺尖沙咀等咗好耐好耐，whatsapp A姐又無人覆，而我只係痴痴的等，等咗差唔多1個鐘，A姐先打俾我，話約咗人，又唔記得話我知，就係咁我俾A姐放咗飛機喇！成個痴漢咁，我就去到喜膳燒食串燒，最鍾意呢度嘅串燒放喺鐵板上，所以啲串燒放耐咗都仲好夠熱。海鹽燒皇牌牛舌其實食燒烤真係唔駛多醬料，簡簡單單用鹽燒，反而更容易帶出自身嘅香味。牛舌厚切得嚟，又燒得軟腍，牛肉味香濃，好juicy！燒蜜糖雞中翼雞翼大大隻，用蜜糖嚟燒，就最啱喇！蜜糖甜甜哋，好惹味，一串仲有成3隻，夠晒抵食。明太子釀雞翼除咗燒蜜糖雞中翼，仲叫咗明太子釀雞翼，雞皮燒得好脆口，入面仲有好多明太子，好滿足！燒珍寶蒜蓉大扇貝隻扇貝都幾大隻，鮮甜爽口。而上面仲有粉絲同蒜蓉，好香呀！燒粟米燒到燶燶哋嘅粟米仲好鮮甜，粒粒都脆卜卜。燒煙肉韭菜卷煙肉韭菜卷好香，唔太油膩，最正係韭菜味夠香！

尖沙咀N2出口附近成條街都是餐廳，選擇極多，今次揀咗呢間串燒試下❤︎裝潢幾別緻，燈光氣氛超好〜頭盤先來一碟燒魷魚，非常新鮮，配埋秘製醬汁辣辣地，唔錯之後其他串燒陸續上菜，竟然是用鐵板上，保持住食物的溫度，非常體貼，值得一讚！雞心不是周圍都有得食，串燒店有真是第一次見呢到又大粒又新鮮另外呢個燒芝士黑毛豬五花肉有驚喜，芝士好香，豬肉又夠軟腍。燒肉桂焦糖金菠蘿，用新鮮菠蘿，不是罐頭貨，焦糖燒得金黃，甜甜地正好中和水果酸味❤︎最後叫咗兩隻生蠔，連海水一齊燒，非常清新

呢排天氣又涼番d，就會想食下燒物。見到喜膳燒就入左黎啦。呢度既環境好舒服，有種隱世既感覺。木牆上有木牌寫低推介既串燒。環境既設計都幾有特色。首先我地叫左燒玉子、鹽燒西班牙黑毛豬腩肉、海鹽燒牛肩胛。燒得甘香、加上滿滿肉汁 既 豬腩肉，配上呢個醬汁味道更加昇華。另外，海鹽燒牛肩胛都係我推介既串燒之一，灑係牛肩胛上面既海鹽，可以更加吊出燒牛肩胛既肉汁同香味，而且牛肩胛好淋身，一d都唔怕痴牙。除左串燒，亦都叫左個日式煎餃，食落外脆內軟。最抵食莫過於燒雞翼。雞翼都幾大隻，而且仲係蜜糖燒雞翼呢！平時燒烤必燒既食物，係呢度又點可以錯過呢。除左牛類，當然都要叫d蔬菜類既串燒。菇類既串燒係蔬菜類入面，必定係我既最愛，因為佢咬落去既時候好彈牙，而且好有汁，感覺上好健康。燒燒賣係幾有驚喜既串燒，本身叫左沙嗲醬，以為會同出面既車仔檔感覺會好相似。不過原來燒一燒粒燒賣，外皮會係好脆，所以感覺好特別呢。最後叫左個炸雞塊，份量都幾多，而且外皮超脆口，加上有醬可以沾，感覺唔會好乾架。總結黎講，食住好味既串燒、同朋友傾住計，會係一個好寫意既晚上呢。

昨日和朋友去了尖沙咀寶勒巷的喜膳燒，這間餐廳似日本居酒屋，氣氛有温情小店感覺此店以串燒為主打，確是和朋友吹下水，飲下啤酒的好地方，價錢也實惠，地點就腳海鹽燒王牌牛舌($49) 燒山賊雞翼三隻($39)牛舌1串3塊，肉汁豐富咸香，剛燒好即食，好味雞翼用秘製醃料醃製， 應該有些孜然粉味道， 配啤酒是不錯的選擇燒廣島蠔三隻（$58）配料用蒜蓉香蔥燒， 蒜蓉汁帶少少甜味， 蠔剛熟不過火，多汁味鲜燒龍躉黑豚肉捲三件($59)材料配搭有創意, 外面黑豚肉有咬口， 內裏龍躉肉軟腍多汁， 一口一件，口感豐富蒜蓉燒珍寶大扇貝（$48）扇貝配粉絲蒜蓉，燒得剛剛好，味道鮮美蒜蓉燒茄子（$24），即叫即燒，熱騰騰蒜蓉味香象啤($32) 雪梨水（$32），現還有所有飲品買一送一，所以飲得特別暢快

有成半年冇飛日本啦，好掛住日本嘅串燒店，今日搵左呢間喜膳燒，是要尋找日本嘅味道。首先點左海鮮系列先，叫左珍寶蠔同珍珠蚌！珍寶蠔有我隻手咁大隻，仲食到有少少海水味～珍珠蚌亦都好鮮甜，而且好大隻呀！之後叫牛舌同和牛，牛舌好彈牙，和牛亦都十分鬆化。竟然有燒魚皮餃，我一直都好鍾意食魚皮餃㗎，佢哋加咗特色醬汁去燒，我覺得超好味呀！最後點左燒茄子仔，上面有勁多蒜蓉，令到啲茄子好惹味呀！整體來講呢間日本串燒店都唔錯，價錢都算適中，仲加入左好多香港傳銷嘅元素添！

朋友帶我去寶勒巷食串燒，店舖小小有點似日本居酒屋⛩🔸海鹽燒皇牌牛舌。三片厚切，肉質爽中帶軟。🔸山賊雞翼。秘製香料帶微辣，外皮燒得脆脆，肉質卻嫩滑。🔸蒜蓉廣島蠔。味道鮮甜，肥美多汁🔸燒黑䐁肉龍躉卷。用䐁肉包住龍躉一齊燒，確係幾特別。串燒用石板上能保持溫度👍🏻🔸燒蒜🍆子，滿滿蒜肉舗滿茄子面上，香噴噴，只略為薄身，不夠厚🔸燒珍寶蒜蓉大扇貝。大大隻嘅扇貝上鋪滿粉絲加咗蒜蓉，粉絲吸收了蒜香及扇貝精華好美味😋食串燒通常配啤酒，但我卻點了一杯用❤️製的特色飲品～～自家製冰糖雪耳雪🍐水，正好解解串燒的🔥 適逢今個月飲料做繄買一送一推廣，同價錢的皆可選擇👍🏻