喜多嬉牡蠣屋 (已搬遷) 新店位置

$398起任食日本生蠔🤩🤩🤩冇睇錯呀，平時求其食一隻都幾十蚊，而家竟然可以任食，仲可以揀刺身或者燒嚟食，而且新店開張，仲有埋燒帆立貝，真係要試吓啦。開頭會先上前菜，賣相勁靚嘅九宮格，有生蠔、日本象拔蚌刺身、手工月見燒鳥、活燒白鰻魚、牡蠣茶漬飯。。。當中最鍾意食佢兩款天婦羅，吞拿魚碎紫蘇葉天婦羅同埋天婦羅秋葵，勁香脆😍之後就上主角。。。蠔蠔蠔🤩佢嘅刺身食法比較特別，係配土佐酢啫喱，再加少少蘿蔔蓉同埋蔥，蠔肉好肥美，隻隻都好飽滿，日本嘅蠔海水味唔算重，偏鮮甜。因為燒生蠔需要啲時間，食住刺身等就啱晒啦，燒生蠔更加特別，佢同平時食嘅加好多蒜蓉或者調味料唔同，佢會比幾種唔同嘅醬料你，我就每樣都試咗啦😆每種醬汁都各有風味，泰式辣醬比較開胃，芝士就好濃郁，仲有海鮮醬、蒜蓉。。。都好好味。另外燒帆立貝都一樣，可以加唔同醬料唔同風味。如果食得唔夠喉，可以另外加串燒或者主食。推介天婦羅炸蠔，香脆又充滿蠔味。仲有燒牡丹蝦，非常彈牙，有一隻仲有膏☺️仲有雞鳥三角胸軟骨，好爽口。佢嘅串燒都冇加太多調味料，原汁原味，如果覺得乾嘅話，可以加啲醬汁食，另外仲有辣椒粉都可以加，啱晒每個人唔同嘅需求。另外仲有好多款主食，我

我不嬲係個海鮮迷，前排行經擺花街見到呢間喜多嬉牡蠣屋，望落好有水準咁，今日就同frds嚟會吓佢個90分鐘buffet，可以任食牡蠣鐵板烤同刺身，同埋散叫咗其他嘢☺️牡蠣刺身好鮮，一入口海水味就湧上嚟，土佐酢啫喱令其鮮味更為突出，而且牡蠣天婦羅大大隻，食落外脆內嫩，口感一流；鐵板烤牡蠣更有風味，有溫度嘅牡蠣食落更加飽滿，而且有保留到固有嘅鮮美，食到我哋舔舔脷， encore咗好多隻😍燒帆立貝都好大粒，勁有肉地，又夠鹹香前菜拼盤九宮格都好正，象拔蚌刺身爽脆，沙律酸甜開胃，白燒同汁燒鰻魚都好出色，肉質軟嫩😆炸秋葵都好有質素，炸粉唔厚又夠濕潤☺️串燒方面燒鳥三角胸軟骨口感脆口，手工月見燒鳥口感札實，配搭蛋漿風味更佳🤩燒鰻魚串同牡丹蝦都好香口😚燒鳥皮釀蝦膠口感好豐富，而且鍾意佢雞皮燒得夠脆😍牡蠣五島手延烏冬好暖身，烏冬幼細滑身，仲有滋味嘅溏心蛋；牡蠣五島秘製醬撈手延烏冬都別有一番風味，份量又夠大😋鰻魚牡蠣便當好大份，鰻魚燒得好香，食落夠入味彈牙；牡蠣釜飯風味更甚，一開蓋就香氣撲鼻，仲有隻流心蛋，撈埋一齊食一流啊🥰飲品叫咗四季春茶同白土烏龍茶，兩種茶飲落都清清地，帶少少微甘，配搭肥美嘅蠔一齊，特別解膩

上星期同媽媽預約咗呢間生蠔放題～第一次食生蠔放題，估唔到生蠔質素非常高，隻隻都非常飽滿鮮甜，經店員介紹下，原來佢哋由日本蠔場直送生蠔到港！頭盤九品有拖羅刺身、紫蘇葉吞拿魚蓉、蠔湯茶漬飯、又有燒活鰻同月見燒鳥串，頭盤都幾豐富！生蠔任食分咗3款食法：有刺身生蠔配土佐酢啫喱，非常鮮甜呀！跟住就試埋鐵板燒，有生蠔再加帆立貝，配6款醬汁，媽媽就大讚配蒜蓉汁好食😋第三款就係天婦羅炸蠔，炸完嘅蠔依家好嫩口整體日本蠔嘅質素的確不錯，隻隻都肥美鮮甜！

來自日本北木島嘅喜多嬉牡蠣登陸香港，係中環擺花街開設第一屋居酒屋🏮由日本蠔場直送牡蠣到港，隻隻都鮮甜肥美😋任食牡蠣放題可選60分鐘或90分鐘，我哋就揀咗90分鐘😆▪️頭盤「喜多嬉九品」九宮格擺盤非常精緻，分別有九款不同嘅食材，有茶漬飯、燒活白鰻、天婦羅秋葵、月見燒鳥串、牡蠣刺身、紫蘇葉吞拿魚蓉、日式漬物、時令沙律等等，極豐富！特別推介牡蠣茶漬飯係用牡蠣高湯炮製而成，味道濃郁又充滿蠔香。估唔到紫蘇葉同吞拿魚蓉又咁夾，有驚喜😝仲有手工月見燒鳥串，燒得外脆內軟😋食完頭盤九品就馬上試試由日本直送嘅生蠔先！🦪牡蠣刺身配土佐酢啫喱來自日本蠔場嘅生蠔，隻隻都非常白滑肥美，鮮味十足，配埋特製土佐酢啫喱，酸酸甜甜，勁開胃吖🦪鐵板燒牡蠣 + 帆立貝主廚係將生蠔放係大鐵板上燒，配埋特製大蓋子連殼煎烤，風味十足！將新鮮飽滿嘅蠔肉即時爆汁。 仲有6款醬汁配搭：有XO醬、芝士醬、蒜蓉醬、泰式辣醬、孜然醬。而我哋最喜歡就係蒜蓉醬，推介必試😋😋🦪天婦羅牡蠣炸蠔平時就食得多，以天婦羅式炸蠔就第一次試，本身有啲怕會好油膩，但完全沒有。即時經過油炸嘅生蠔，入口依然好鮮甜又彈牙自選菜式：🍢燒鳥三角胸雞軟骨：用雞隻前胸嘅三角軟骨

比個名吸引到。先有個九宮格。但唔係有9樣野，有一格係配雞串嘅蛋。有一格係明明可以任叫嘅生蠔。個飯最好味，有蠔香，重好食過啲蠔。燒鱔正常。天婦羅好差，個粉就厚，秋葵唔爽，濕濕想稔稔咁。生蠔冇味。冇甜味，又冇海水味。只有口感似蠔，純講味道食唔出。白桃烏龍茶水都冇，要叫野飲。不過$28咁大枝，而且有啲白桃香，都可以嘅。燒帆立貝燒到乾爭爭，好似食緊零食帆立貝乾咁。燒蠔算係有啲蠔味， 又未至於乾柴咁。得3樣食物㨂嘅放題，第一次見。然後呢3樣又唔係驚為天人，食完想再食咁好味。點完一轉就冇再加了。重有，燒蠔啲煙燻得好勁。總結：中伏。加一句，個九宮格嘅飯係ok嘅，可能啲釜飯褼日有驚喜。

今日朋友放假又同我去食食食🤤今次試咗呢間CP值極高嘅🦪屋我做晒資料蒐集🙊北木島喜多嬉牡蠣屋係上個月10月先開嘅居酒屋，位於中環擺花街。佢哋喺岡山縣嘅北木島有牡蠣養殖場，歷史悠久，盛產高品質嘅生蠔，佢哋嘅牡蠣更獲得 2022年度 OMOTENASHI SELECTION 大獎，一定要試！IMG:12]佢哋有60分鐘$398/90分鐘$498 放題惠顧放題都會有一份頭盤喜多嬉九品，各款菜品會因應時節改變嘅，確保係時令新鮮嘅食品。-日本直送象拔蚌刺身-喜多嬉牡蠣茶漬飯-二色燒活白鰻-天婦羅秋葵-手工月見燒鳥串-天婦羅紫蘇葉吞拿魚蓉-喜多嬉牡蠣刺身-時令沙律-日式漬物九宮木格賣相非常精緻，有幾種特別推介，喜多嬉牡蠣茶漬飯以牡蠣高湯炮製而成，濃郁嘅精華滲入每一粒米飯，齒頰之間滿佈蠔香。天婦羅紫蘇葉鋪滿吞拿魚蓉，咬落去同時有香脆同綿軟嘅雙重口感！放題可以食燒帆立貝、鐵板烤牡蠣、牡蠣刺身，我想講一定夠飽！我自己食咗十幾隻🦪🙊同埋食咗下面呢啲👇🏻我想講Lunch食完到夜晚我都唔肚餓囉😮‍💨我地都估唔到試咗咁多嘢，好似餓鬼上身咁🤣🤣-鐵板烤牡蠣香濃嘅蠔味飄散出嚟，每一隻都肥美飽滿，鮮甜多汁。配上秘製酸汁

中環新開小店。全部🉐️18個位，晚上一定要預約。$398放題60分鐘，$498放題90分鐘。記住放題只係包生蠔，燒蠔同立貝，其他另計。放題送你9宮頭盤，賣相非常好但係凍咗啲一般味道。生蠔好大隻日本味道，唔同法國海水味。燒生蠔同立貝都唔錯啊但係乾身嘅。送凍茶一支。服務比期待仲好但係都係一般。如果唔係同朋友吹水，只是食嘢60分鐘足夠。有排都唔想再食.蠔。

中環新開喜多嬉牡蠣屋日本生蠔放題🦪前菜拼盤九宮格已經好有特色，分別有日本直送象拔蚌刺身、喜多嬉牡蠣茶漬飯、二色燒活白鰻、天婦羅秋葵、手工月見焼鳥丸、天婦羅紫蘇葉呑拿魚蓉、喜多嬉牡蠣刺身，一共9款！呢個前菜係幾有誠意，擺盤精美，除左打卡之外，味道都唔錯👍🏻象拔蚌刺身好新鮮！天婦羅紫蘇葉包住呑拿魚蓉食都好有驚喜，外脆內軟，勁鐘意啲紫紫香味😍任食生蠔有分牡蠣刺身伴土佐酢啫喱同鐵板烤牡蠣🦪個人鐘意食生蠔多啲😍好大隻，鮮甜肥美，加左土佐酢啫喱酸酸地，鮮味更出😋烤蠔就有6款醬汁點，即叫即燒，唔會過熟剛剛好🦪另外Menu 仲有好多款日本料理、串燒🍢就算唔食放題，都可以逐隻生蠔叫。特別推薦牡蠣天婦羅，外脆內軟，咬開充滿鮮味，好正🥰午市套餐亦有釜飯、烏冬等料理，一樣都係生蠔做主角🦪生蠔愛好者即管試一試🤓🔸牡蠣天婦羅$38🔸燒鳥三角胸軟骨$38🔸手工月見燒鳥$48🔸燒鳥皮釀蝦膠$48🔸活燒白鰻魚串$68🔸牡丹蝦$68🔸牡蠣釜飯$128🔸牡蠣五島手延烏冬$128🔸白桃烏龍茶、茉利薰花茶🔸米酒牡蠣放題🦪💰60分鐘 $398 💰90分鐘 $498 📍#喜多嬉牡蠣屋 (#中環美食)中環擺花街1-7號一號廣場地下9

喜多嬉牡蠣屋🦪🏡｜中環 新店 牡蠣放題 仲有鐵板帆立貝💕🤘🏻｜👀最近都間唔中見到媒體報道呢間位於中環嘅新餐廳。羊先生最近都鍾意咗食蠔，所以見到呢間新餐廳都特登帶佢去試吓。喺中環站落車，搭扶手電梯上去，就好快到啦。整體餐廳唔算大，位置都比較少，所以如果想試吓嘅朋友一定要book位😂✅今次我哋就試咗佢新開業嘅90分鐘牡蠣放題，其實都可以揀60分鐘或者90分鐘，放題嘅內容就包括每人一份前菜（喜多嬉九品）同埋任食生蠔，鐵板烤蠔同鐵板烤帆立貝 $398/$498————————————————————————-🦪喜多嬉九品前菜整體來講，前菜都真係幾豐富。味道方面都幾驚喜，質素係真係高，擺盤又好有心機✅日本直送象拔邦刺身：好爽脆，味道調配都啱啱好🍵喜多嬉牡蠣茶潰飯：尼樣真係絕品，好濃郁嘅鮮味，但唔會好鹹，入面仲有粒粒海鮮，但我會話佢似粥多過茶漬飯🐟二色燒活白鰻：食得出鰻魚本身嘅鮮味，終於唔洗食黎食去都係個隻鰻魚汁味，肉質好彈牙🌱天婦羅秋葵：正常味道，不過好鬆脆🐣手工月見燒鳥串：又係推介之一，味道唔洗講，係好味，配上蛋黃就更加濃郁，我最鍾意係口感豐富🐟天婦羅紫蘇葉吞拿魚蓉：幾得意嘅配搭🦪喜多嬉牡蠣剌

幾個鐘意食蠔既朋友，都話要約黎試下，因為60 分鐘$398 可以任食生蠔、燒蠔、元貝，計落同係出邊餐廳叫一打蠔差唔多都可以回本，所以幾個食量唔大都決定試下！ 黎到知道原來唔任食既話都可以單點，不過既然一心想黎挑戰下就選左60 分鐘。一開始先黎個9 宮格前菜拼盤，用蠔製作唔同既特色前菜，個人覺得個茶漬飯幾驚喜！之後就開始食生蠔，隻隻開出黎都好新鮮同飽滿。另外餐廳會提供6 款調味醬，不過我個人偏好食原汁原味，因為咁先可以食到生蠔既鮮味。食完幾Round 生蠔，我地都叫左熟蠔。個熟蠔的咸鮮度更加濃郁，煮熟左既蠔依然粒粒飽滿。除左蠔之外，另外仲單點左啲串燒，幾好味。最後加加埋埋都唔知食左幾多，不過已經好滿足！ 唯一就係餐廳坐位位置比較少，眼見得幾張台，要一早預訂先食到！

Order左90分鍾放題,已經係sd QR code落單,電腦計時90分鐘,但食到64分鐘店員上完食物就話已經係最後一round,仲有25分鐘唔比再叫. 加上感覺到店員好似崔人食快d,仲有3隻蠔未食就企係度望住我地食完等收野,搞到吹緊水都全世界靜左等我地食埋佢先肯走😐,成件事好尷尬. 生蠔算中型size,味道唔算差但味道真係偏淡,佢有個醬重番小小味,但燒蠔同帆立貝都燒得好乾身,完全唔係幾好味. 🙃最後三個人食有兩個都痾,淨係禁都唔會再食.🙃

辛苦爬完石板街 摸到擺花街店門 店員會和你說要等到30/11才有位 而且不設Walk-In 體力和心情雙重打擊如果要訂位才可以入座 為什麼不設一個訂位網頁+在賣廣告時強調一下 結果讓一堆慕名而來的客人摸門釘

不嬲同男朋友都係生蠔嘅fans見最近呢間舖頭賣廣告賣得咁勁，即刻趁佢開張送頭盤同帆立貝就即刻book咗當日我哋揀咗60分鐘放題($398)，當中包括有頭盤、生蠔、燒生蠔同帆立貝任食。我哋嗰陣12:00入座，嗌完套餐之後等咗10分鐘先有份頭盤。頭盤係睇得出有俾心機整嘅，味道幾好有誠意。之後就到期待已久嘅生蠔環節，聽講呢度啲生蠔來自日本自己嘅蠔場。上碟嗰下見到都叫做飽滿，點知一食落口點解冇味嘅🥲係食極都冇味。不過唔緊要當試吓燒嘅生蠔同帆立貝。燒嘅比生食嘅生蠔好味啲。但係因為通風麻麻哋嘅關係，周圍都會有啲油煙。如果間餐廳剩係得生蠔任食，其實60分鐘真係乜都夠。店員都好好，有問吓飲食體驗點樣。但係明明未夠鐘就叫人走，就有點兒不合理🥲。試完一次，覺得其實性價比真係麻麻哋😹呢個價錢應該有啲更加好嘅質素。

女友告知中環區新開日式蠔屋，特意去試，可惜未能分享食物質素，因點餐前已選擇離開。訂枱時間昨晚7時，自己在7:05前先到入座，女友因公事遲到。自己在餐廳內座了約10分鐘，待應前來並詢問是否可以點餐，我禮貌地回應說不好意思，是否可以多等3-5分鐘(因收到女友訊息說已在餐廳不遠正走路過來），待應的回覆另我感到愕然，他說隨你，你用緊自己時間，放題是入座時間開始計算。這答覆另我感覺很差，自然地馬上回應說哪麼我單點吧，單點就沒時間限制啦。可能我以不奇然地露出不悅的語氣，該待應沒再給予回應。女友隨後來到座下，跟待應説可否給予多一份餐牌，同一待應回答可用枱上小字條QR code 自行download 去看，但偏偏他手上卻已拿著餐牌，而我座下時待應是有給予餐牌但沒有主動說明枱上字條QR code 作用。加上女友來到之前跟待應的溝通，這時女友察覺我臉上明顯浮現了不悅，她詢問之下我約略說明經過，她結論說放題/單點不是問題，但既然經歷不快，就沒必要一定勉強留下用餐。就這樣，我們就在點餐之前離開。事後回想，或許餐廳下意式期望晚市客人只點1/1.5hr 的放題，可以好控制翻枱速度，但提供的餐牌卻明確給予多項單點選

上網見到好多廣告，比佢個任食生蠔吸引，所以就Book咗12點準時到埗，一入到去12:02就叫咗個放題套餐（點解會咁準確講埋時間睇埋落去就知），侍應叫我哋唔好嗌生蠔扇貝住，食咗前菜先結果等咗接近10分鐘，大概12:10先上前菜，前菜其實唔錯，尤其燒鰻魚燒得香，雞串都好入味，食完都對之後嘅任食時間有期待🫡但結果主菜唔多掂，生蠔睇落飽滿以為ok，但點知完全冇海水味冇蠔味，食完唔知食緊乜，點埋醬食都淨係食到個醬味😅講真放題任食我都唔會有太高要求，但你作為牡蠣專門店連酒店buffet都好食過你好似講唔通😅燒蠔同燒扇貝夠大隻，味道正常冇話特別好食特別難食，只係比起生蠔好食，起碼有味😄最唔順氣係，12:50隊張單埋嚟，埋完單諗住飲埋支嘢hea到夠鐘先走，12:57就話要準備下一檯客😅但明明仲有空檯😅都唔講等咗成10分鐘先上前菜已經呃咗接近10分鐘，你唔補時唔緊要但我哋本身都可以坐到13:02先走啦雖然你12點先開門但又比人book得12點，唔係應該要一早準備定前菜？講真就算唔係放題等10分鐘先起前菜都算慢啦，何況依家係放題時間更加重要😅結論：一心嚟食生蠔，結果變咗食燒蠔燒扇貝，兩位盛惠$900🙁就算