更多
2022-11-11
214 浏览
上星期同媽媽預約咗呢間生蠔放題~第一次食生蠔放題,估唔到生蠔質素非常高,隻隻都非常飽滿鮮甜,經店員介紹下,原來佢哋由日本蠔場直送生蠔到港!頭盤九品有拖羅刺身、紫蘇葉吞拿魚蓉、蠔湯茶漬飯、又有燒活鰻同月見燒鳥串,頭盤都幾豐富!生蠔任食分咗3款食法:有刺身生蠔配土佐酢啫喱,非常鮮甜呀!跟住就試埋鐵板燒,有生蠔再加帆立貝,配6款醬汁,媽媽就大讚配蒜蓉汁好食😋第三款就係天婦羅炸蠔,炸完嘅蠔依家好嫩口整體日本蠔嘅質素的確不錯,隻隻都肥美鮮甜!
张贴