喜咖哩 (已結業)

星期六下午無人食先到櫃臺點餐 後上菜有個男既唔知係職員定話事人，態度十分惡劣點拉麵時問點配飲品，大大聲話自己睇餐牌喇我地唔要飲野，就大大聲疾呼叫人俾錢呢d態度激差好喇。。。俾錢用支付寶系統，又嘈之巴閉其實呢。。。如果你唔想人用電子支付，你大可以唔整呢d野囉d拉麵仲令人失望圖文不符，上檯既少好多，得果幾啖湯底又淡天啊。。。雖然平民價，但d質素真係一個茶餐廳公仔麵都好食d天婦羅🍤好乾d叉燒好肥膩又鹹個麵仲好un真係好難有下次

今日去到朋友屋企探BB，佢話發現一間人細嘅小食店，帶我去試吓喎，一於跟佢嚟試吓有幾出色啦。首先我叫咗個吉列豬扒飯，好快就已經上枱喇，吉列豬扒呈現金黃色，咬落去新鮮熱辣，十分之趣，裏面嘅豬扒唔會太薄，咬落去爽口彈牙，不可不吃嘅係佢嘅糖心蛋，夠晒入味，裏面仲要係流心嘅，連平時唔係好鍾意食蛋嘅我，都覺得一試難忘。朋友食嘅係番茄螺絲粉配豬頸肉，蕃茄湯底真係用新鮮蕃茄煮成㗎，充滿着番茄酸酸甜甜嘅香味，佢個豬頸肉真係不可不吃，夠晒入味，爽口又彈牙。

今日嚟到屯門紅橋，發現左呢一間新小店，唔好睇佢咁細間呀，入面五臟俱全，梗係嗱嗱臨入去試吓新嘢先啦。首先我叫咗一碗叉燒拉麵，好快趣就已經上枱啦，服務員親切有禮，充滿舒適嘅人情味，叉燒都有好多件架，而且肉質紮實，唔會太淋身，拉麵爽口彈牙，食拉麵最緊要嘅就梗係湯底啦，湯底豬骨味，濃郁，唔會太肥膩，最重要不可不吃嘅梗係佢嘅糖心蛋，裏面真係充滿糖心架，食過真係返尋味啊。至於朋友叫嘅係咖喱牛肋肉飯，日式咖喱通常都係偏甜，主角就梗係牛肋肉啦，份量雖然唔係好多，但係每一件牛肉，都十分之精緻，又大嚿，肉質爽口彈牙一啲都唔隨便，朋友冇叫糖心蛋，但係叫咗溫泉蛋，一樣都咁出色。

喜咖哩屯門青翠徑7號金邦大廈地下1號舖去到紅橋 其實有好多餐廳 不過真係要行吓先有發現哩間喜咖哩嘅招牌就好光好搶眼而餐廳外嘅展示板上有張燒豬頸肉蕃茄螺絲粉嘅poster就吸引咗我入去啦燒豬頸肉蕃茄螺絲粉蕃茄湯好濃十分開胃而燒豬頸係另上嘅 燒到豬頸肉嘅邊邊好脆所以成舊嘅都好香口燒豬頸肉、蕃茄同埋螺絲粉真好配得好好招牌咖哩牛肋肉飯餐廳入面有不同嘅咖哩飯但好想食吓牛肋肉而牛肋肉係咖哩入面香料濃郁牛肉嘅精華發揮得淋漓盡致咖哩帶點小小小小甜 果然日式而餐廳內裡寬躺 坐得舒服最重要係唔洗排隊

今次在屯門覓食同樣在紅橋一帶搜索，發現一間應該開業不久的咖哩小店光猛的招牌照亮了暗淡的街道，同時亦吸引了我的注目，門外的餐牌展視著平民價食品，今次屯門覓食決定試試它！內裡寬躺光猛及企理，木製枱與椅子配上黑藍色牆身形成視覺上的衝擊，令室內氣氛變得生動而不沈悶餐牌為一張兩頁，除了主打不同配搭的咖哩飯外，餐廳餐製作拉麵、豉油重飯系列、番茄湯系列及數款小食，媽媽與我一於點選餐廳最著名的咖哩品嚐吧率先呈上的是招牌咖哩牛肋肉飯，擺盤為定食模樣，醬汁與飯分開盛載，餐具並與食物一同送上。咖哩內包含了薯仔及牛肋肉粒，部分薯仔更溶於咖哩中令咖哩質感呈糊狀，咖哩香料濃郁，辛辣中帶小甜，而且薯仔溶於當中令薯味及香料味更突出，咖哩更加入了牛肉的精華，令濃郁度提升，此咖哩既有日本咖哩微甜，更有印度咖哩之小辛辣，兩者融合難道就是印日fusion咖哩？也許這就是該小店之特色咖哩主角牛肋肉果真令我感到驚喜，夾起實在但原來肉質嫩腍鬆散，質感有如湯渣肉，外圍被濃郁咖哩包裹，咬下後香濃牛肉汁流出，嚐到咖哩同時又不會覆蓋牛肉汁鮮味，果然是餐廳王牌之選咖哩配吉列豬扒當然是一個不可缺少的配搭。同樣以定食形式呈上，飯與咖哩汁分開，一

午餐點了咖哩牛肋肉飯$59, 咖哩稠稠的有點像巴基斯坦咖哩，但沒巴基斯坦咖哩的嗆口，不錯吃；另點了义燒拉麵$40, 义燒很薄身, 麵有梘水味, 這個一般。 每人消費最低$38, 所以每人要點一個餐, 沒有免費水供應, 水每杯$3, 當然可點飲品 

屯門友帶路，知道紅橋呢邊好多嘢食，有間價錢抵食的日式餐廳喜咖哩，今日特登過嚟試下。見到門口餐牌有日式拉麵，價錢低至$38一碗，真係抵食到不得了，喺任何地方都應該搵唔到呢個價，真係益街坊！店內座位頗多，而且樓底高，座位寬敞，坐得都幾舒服。點咗呢度人氣嘅野菜咖哩牛肋肉飯$58加溫泉蛋$5。朋友點咗叉燒豬骨湯拉麵$38,真係超抵食，都係加多隻溫泉蛋先過癮。先講下隻溫泉蛋，入口是冰涼的，因為煮好溫泉蛋後，以冷凍的方法，令溫泉蛋形固成半流心狀態，這個很考功夫呢！蛋浸在拉麵的湯裏，或放在熱辣辣的白飯上面一起吃，就可以令溫泉蛋回復溫暖。見到温泉蛋半凝固的狀態，震震下，就想起蛋黃哥的梳乎感覺，已經好想一口消滅佢，入口之後那種滑滑的口感和蛋黃香味，真的超治癒！我覺得可以在壓力大的時候，來吃頓飯加隻温泉蛋，療癒一下心靈。野菜咖哩牛肋肉飯$58,加温泉蛋$5。咖哩煮得不算太辣，因為日式咖哩通常是偏甜的，但這裏會多了輕微香辣口感，咖哩的五香粉香味不錯，覺得咖哩配野菜吃最特別，因為野菜用青瓜、蕃茄仔等，像吃沙律一樣，但連咖哩汁一起吃就變成清新香氣加惹味咖哩香氣，混合一起，是兩種強烈的香味對比。白飯用日本珍珠米，

屯門虹橋附近是個還未被連鎖店攻陷的範圍，小店林立，所以餓底間中都會來搵食，今日就來試下這間喜咖哩。餐廳主要有咖哩、豉油皇＆蕃茄系列，價格大概是茶餐廳價位，見menu上咖哩牛肋肉飯＆叉燒拉麵有相，應該比較招牌，於是叫了這兩款跟友人share。叉燒拉麵很快就到，先嘗一口湯，非常順口，有種令你想一口接一口喝下去的感覺，太好！餓底最怕太濃太重口味的拉麵湯底，而這個湯濃淡度適中，配上彈牙的拉麵，一流呀！至於叉燒，都被友人消滅了，因為這是他的至愛！哈！他說幾啱口味，夠腍＆甘香。食完拉麵再分食咖哩牛肋肉飯，咖哩是日式再加港式的感覺，少少甜又少少辣，味道剛剛好，牛肋肉軟腍度也是適中，嫩得來又不會太腍，而且牛肉的份量超多，跟友人夾了一舊又一舊，食完個飯仍然有肉及薯仔剩下！食物質素滿意，性價比高！另外想讚下店員，溫柔有禮，又會過來同你傾下計，隔離枱也說要寫個食評表揚一下👍🏻😌

住系屯門既我平時中意周圍食 今天比較攰 所以留返系屯門食算好耐好耐都無食過咖哩 上OPENRICE睇下附近有無啲咖哩專門店哈哈 比我搵到尼一間 喜咖哩* 首先去到門口佢個鋪面望入去好神秘入到去好多人 睇一睇餐牌 好多款選擇令我真系好難香我洛手好啦 講返我點左咩食先 * 咖哩雞扒飯 我比較麻煩叫左碎上*咖哩好香 色澤都好好* 吸收曬咖哩香氣，撈飯食一流，味道其實不辣。飯裏面有紅米，吃起來煙韌有口感，真的吃得很開胃！好味！我下次一定會再黎多幾次試其他款式*

岩岩去完景峰花園探望外婆,趁下午還有時間,就同母親去嘆返個下午茶。係虹橋呢頭附近逛逛,無意中發現一間好像新開的咖哩屋,裝修睇落都唔錯,就入左去試下。一睇餐牌,餐廳主打咖哩飯和蕃茄湯麵食,最後我地點左兩個餐,分別是蕃茄湯通粉和咖哩羊腩飯。蕃茄湯通粉-蕃茄湯有濃郁的蕃茄味,通粉彈牙,另外加了溏心蛋,溏心蛋蛋白軟滑,咬下去半熟的蛋黃流出,非常誘人。咖哩羊腩飯-羊腩不會很膻,而且燘得很淋,咖哩味香噴噴,帶有椰香味,辣度亦適中,用來撈飯絕對一流。整體來說,味道不錯,值得一試。

今日同班中學校係虹橋球場打完波,就去附近搵間餐廳醫醫肚,見一間店裝修挺別緻,就入左去試下。入到去,餐廳竟然播住我成日聽日嘅音樂,有D驚喜。呢間舖主打係咖哩既,咁我就點左一碗豉油皇雞中翼飯加溫泉蛋。(加溫泉蛋只係要5$,唔係好貴)等左唔係好耐,大約15分鐘,野食就嚟咗啦。先試雞翼,雞翼入口嫩滑,豉油皇汁嘅味道好出,佢醃製得好入味。之後輪到溫泉蛋,溫泉蛋生熟的比例剛剛好,有入口即融之感。至於我朋友就分別點左咖哩豬扒飯,豬頸肉飯和雞扒飯。佢地都話好好食,咖哩唔會太辣,而佢地一碗賣58$,價錢也較合理。

作為屯門人我,平時搭車返工都會搭44出上水, 出上水之路必定會經過虹橋。同朋友傾開計,佢推介咗一間係虹橋開左沒耐既餐廳叫我去試吓。今日難得星期日,就突登搭輕鐵去呢間餐廳試試。雖然係禮拜日,但係唔算多人,好快就有位。因為係下午夜,唔想食太飽,就點左一客蕃茄湯煙肉轉通粉,同埋一碟豉油皇雞翼尖。雞翼尖先上,一碟原來有10隻0.0 雞翼尖既味道唔錯,醃得好入味,好快10隻雞尖就俾我清哂。之後輪到蕃茄湯通粉。蕃茄湯有好濃郁既蕃茄味,通粉每一啖都有甜甜的蕃茄湯味,真係唔錯既配搭。至於煙肉佢整得唔會太咸,食起上黎都唔會感覺好乾。今次試既野唔係好多,相信下次會再試下其他菜式。

咖哩不嬲都係我好鍾意食嘅野，屯門好少地方可以食到好食嘅日式咖喱，雖然景峰個位置唔算好近市中心，但都係屯門小店既集中地，作為咖哩fans，今次點都要去試下啦。餐廳係要order 俾左錢先，好似有啲日本餐廳買左飛先有野食。首先叫左個咖喱牛肋肉飯，咖哩偏甜有點日式風味，香料味重。牛肋肉唔會過韌好入味，撈飯一流。當然咖哩係一定要配印度薄餅，少少脆口唔會太油。原來呢間餐廳都有啲fusion 野，朋友俾個豉油王雞髀飯配糖心蛋吸引住，一上見到大大隻雞髀好impressive。肉質好嫩又有甜甜既豉油味，值得一提既係，佢個飯配糖心蛋，蛋味好出，真心餐廳可以諗下主打下糖心蛋，做得真係好出色。

小弟就係佢開業無幾耐就去食既係虹橋黎講 日式咖哩都係一個新嘗試同舊時 間台式餐廳差唔多格局 都係3分1廚房 3分2樓面左右好唔好坐就見仁見智當日我地一行人就叫左雞扒咖哩飯,豬頸肉蕃茄螺絲粉,羊腩咖哩飯頭兩款就真係不過不失 , 就唔可以話唔好食 但又唔算有特色同去普通冰室、茶記差唔多咁上下但個羊腩咖哩飯 真係離哂譜羊腩size 就好似五香肉丁咁一粒粒成碟野得個4粒五香肉丁羊腩 仲要咖哩夾雜碎骨小朋友同老人家食就真係要小心D無叫野飲就叫樓面比杯水 結果每杯水都係半杯都唔夠 唔知係咪驚飲水飲窮佢無咩說服力再試 , 見平日下午同夜晚都係無咩生意

呢日去開屯門探朋友，俾佢左兜右兜帶左黎呢間餐廳食飯晚飯都係$48-58，聽講午市仲抵食，吸引唔少附近既街坊同學生黎幫襯～店名叫喜咖哩，當然要試下佢既咖哩飯係咪真係咁出色$58有牛肋肉揀，白飯混左紅米，食起黎帶咬口，煙煙韌韌軟硬適中。牛肋肉份量唔算好多，但每舊都炆到好淋，一咬即化咖哩味道果然惹味，裡頭既野菜煮至稀爛，令咖哩口感變得綿密帶顆粒，送飯一流。朋友揀既係豉油皇雞脾飯，一上枱頓時嘩一聲好大隻！半隻碗咁大隻！！+$5仲有隻糖心蛋，蛋黃質地軟糯，加埋微黏液狀既蛋白撈飯一流。一拮就離骨，肉質厚身嫩滑，啖啖肉，剩係食雞脾都夠飽呀