喜咖哩 (已結業)

岩岩去完景峰花園探望外婆,趁下午還有時間,就同母親去嘆返個下午茶。係虹橋呢頭附近逛逛,無意中發現一間好像新開的咖哩屋,裝修睇落都唔錯,就入左去試下。一睇餐牌,餐廳主打咖哩飯和蕃茄湯麵食,最後我地點左兩個餐,分別是蕃茄湯通粉和咖哩羊腩飯。蕃茄湯通粉-蕃茄湯有濃郁的蕃茄味,通粉彈牙,另外加了溏心蛋,溏心蛋蛋白軟滑,咬下去半熟的蛋黃流出,非常誘人。咖哩羊腩飯-羊腩不會很膻,而且燘得很淋,咖哩味香噴噴,帶有椰香味,辣度亦適中,用來撈飯絕對一流。整體來說,味道不錯,值得一試。