喜咖哩 (已結業)

今日同班中學校係虹橋球場打完波,就去附近搵間餐廳醫醫肚,見一間店裝修挺別緻,就入左去試下。入到去,餐廳竟然播住我成日聽日嘅音樂,有D驚喜。呢間舖主打係咖哩既,咁我就點左一碗豉油皇雞中翼飯加溫泉蛋。(加溫泉蛋只係要5$,唔係好貴)等左唔係好耐,大約15分鐘,野食就嚟咗啦。先試雞翼,雞翼入口嫩滑,豉油皇汁嘅味道好出,佢醃製得好入味。之後輪到溫泉蛋,溫泉蛋生熟的比例剛剛好,有入口即融之感。至於我朋友就分別點左咖哩豬扒飯,豬頸肉飯和雞扒飯。佢地都話好好食,咖哩唔會太辣,而佢地一碗賣58$,價錢也較合理。