喜咖哩 (已結業)

咖哩不嬲都係我好鍾意食嘅野，屯門好少地方可以食到好食嘅日式咖喱，雖然景峰個位置唔算好近市中心，但都係屯門小店既集中地，作為咖哩fans，今次點都要去試下啦。餐廳係要order 俾左錢先，好似有啲日本餐廳買左飛先有野食。首先叫左個咖喱牛肋肉飯，咖哩偏甜有點日式風味，香料味重。牛肋肉唔會過韌好入味，撈飯一流。當然咖哩係一定要配印度薄餅，少少脆口唔會太油。原來呢間餐廳都有啲fusion 野，朋友俾個豉油王雞髀飯配糖心蛋吸引住，一上見到大大隻雞髀好impressive。肉質好嫩又有甜甜既豉油味，值得一提既係，佢個飯配糖心蛋，蛋味好出，真心餐廳可以諗下主打下糖心蛋，做得真係好出色。