喜咖哩 (已結業)

心血來潮行入呢間店度，第一眼感覺裝修唔錯，感覺好乾淨，拿拿淋坐低叫左個飯！個飯一上，未食已經知滑捋捋嘅溫泉蛋比起隔離隻雞脾更加吸引我眼球😂我已經自動ignore 左隻雞脾，即刻撩散隻蛋撈撈撈撈撈勻哂d飯。食左一半我先發覺我未掂過隻雞脾，所以就攞住兩條筷子，諗住整d雞肉出尼，點知岩岩係隔著枱送完餐嘅店員見到，佢好貼心咁遞上刀同叉比我，不過其實佢唔比我我都ok，因為隻鼓油雞脾醃得好好，三兩下就可以起到d肉出尼。整體尼講，雞脾好入味，溫泉蛋超正，仲有另一個要讚嘅係窩心嘅店員，順路行過屯門，可以一試呢間店！p.s. 隻雞脾真係好大隻

本來好地地，但突發老細放工call開會，放工返到黎都已經8:30，真係冇陰公。好啦求其急急食個晚餐維持生命。呢間外貌有啲日式嘅喜咖哩，入面食嘅嘢原來好港式，而且仲好多滷水系列，價錢貼地，一試無防。滷水脾流心蛋飯，隻脾都幾大隻，淨係份量已經贏左。滷得幾入味，啖啖肉。再加隻半熟嘅流心蛋，係好味嘅。茄湯滷水雞翼滷水蛋米線都ok，個茄湯幾好，唔太假，少少甜甜地咁。滷水雞翼就有四隻，都算係抵啦！可能夜左嚟，米線就比較碎濕濕，但口感係ok嘅，冇話煮到淋曬咁。至於呢度叫得咖哩，我估主打依然係咖哩汁，有機會先試喇，今日真心攰至喊，食乜都冇曬心機。點解係香港打工硬係要一個人做十個人嘅嘢呢？

街坊食堂喜咖喱，快餐店模式自助化。環境尚叫寬躺，有兩座位，四座位同窗口位，餐廳播住電台廣播，人流稀疏，環境相當安靜，只充斥着廣播聲音。一個人食飯就唔怕悶同尷尬啦🙊🐔豉油皇雞翼番茄湯米線呢間舖頭主打番茄湯同咖喱，咖喱今日就冇試到，但見食評佢係走巴基斯坦路線嘅咖喱。番茄湯有驚喜，番茄味頗為濃厚，有番茄粒同茄蓉，唔錯，而雞翼同米線嘅味道同質感就普普通通，唔多講。另外想點讚嘅係佢嘅糖心蛋，用鼓油浸左蛋白，蛋黃就保持糖心傑傑地，唔流又流之間蛋黃嘅質感😍簡直心心眼。🐔鼓油皇雞髀蛋飯平時呢間飯午餐$38，學生仲$30添（冇記錯的話👷🏻‍♀️）係平價hea食之選，用黎充飢一流👍🏻👍🏻👍🏻👍🏻大大碗飯大大隻雞髀, 好岩學生哥。🐣呢個飯配嘅雞蛋又唔同做法，又係大有驚喜，就咁望隻蛋好動L，看似一觸即破咁，蛋漿會一下子流落啲飯到，小妹仲因為驚呢個情況發生，專登「筆」起隻蛋係匙羹到，啜左啲蛋汁食番啖先，點知原來佢係糖心，係固態嘅狀態。雞蛋好好食，覺得佢可以做外賣糖心蛋😂😂👍

六點去到位於屯門喜咖哩，一間聽朋友說咖哩不錯吃的餐廳。喜咖哩裏面座位算多，全部四方木枱木椅，睇落夠闊落。我們點了一碟咖哩牛肋肉飯$58，豉油皇雞翼飯$48加$5食多隻溫泉蛋。咖哩牛肋肉飯$58:牛肋肉份量幾多，咖哩味香濃，質地濃稠，味道唔算好辣(辣要求大、中or小辣) ，用咖哩汁撈飯一流。仲要飯裏面加入少少紅米，可以增加煙韌口感。牛肋肉炆得幾夠淋，薯仔煮到粉粉地好入味。最特別係咖哩汁入面有青瓜，有青瓜清新感覺散發出來，既開胃又特別﹗豉油皇雞翼飯$48:雞翼有四大隻，炆到入晒味，入面雞肉仲好嫰滑，夠juicy，食得出雞翼新鮮。溫泉蛋一督就爆蛋汁，可以用黎撈飯﹗印度薄餅$28:薄餅熱辣辣上枱，口感煙煙韌韌，蘸上香濃咖哩又係一絕。

話說我本來想食既餐廳今日無開，咁唯有行去附近睇睇有咩食，都係啦，望到幾抵食，無咩人，openrice全正評，行入去啦。本身都無咩野既，我去到坐咗係到，個男人係廚房好似忙緊，我就慢慢等佢出黎，我又唔趕，無所謂啦～佢出咗廚房，又忙咗陣，終於同我對眼，我就舉手話：唔該～都好正常。跟住佢就話（塊面都好黑下），要我行過去比錢先。（間鋪好細又得兩枱人 你會覺得佢個態度好奇怪 好似好唔想我食咁）都好多餐廳要比錢落order先既，咁我就行去落order啦～張枱都係咩都無，得d糖同tabasco。don't know why，得汔水飲落咩糖？【鼓油皇豬扒飯】$48無鼓油既？真係糙米飯加豬扒加兩粒菜。好彩加咗粒溫泉蛋，諗住可以撈下飯，熟到溏心蛋咁，fine!!!! 唔好食，豬扒唔掂，乾到爆，仲頹過自己煮。個兩塊菜唔得，佢既蒜味好disturb其他食物既味道。張圖都說明一切啦。故事未完，我食野既途中，比我先黎既兩枱客走，佢地係離開先埋單，i was like very ng understand lor。點解我去到比人黑面無服務仲要比錢先整d無質素既野比我食？總結，我咁大個人第一次遇到服務咁差咁奇怪既餐廳，

#咖哩牛肋肉飯 $58 (溫泉蛋+$5)咖哩入面有薯仔 青瓜同埋牛肋肉🤤牛肋肉份量都幾多 好腍薯仔煮到粉粉地又腍咖哩好香香料味 而且會稠少少味道唔會太辣 鍾意食辣嘅朋友可以要求辣度🤓再加埋隻溫泉蛋撈飯真係一流🤩-#蕃茄湯豬扒通粉 $48 (糖心蛋+$5)以為得咖哩食 原來仲有多款式蕃茄湯通粉豬扒用豉油燒過 好香好腍好入味 一啲都唔韌唔難咬 糖心蛋係日式嗰隻 鹹鹹地甜甜地🤤蕃茄湯清清地原汁原味 唔似出面落好多番茄醬 抵讚👍🏻

紅橋附近越嚟越多好嘢食😆有屯門朋友仔介紹呢間食咖哩同蕃茄湯嘅餐廳，一於去試下啦😎Btw我3點幾去食，睇openrice呢段時間應該係落緊場🤣.我地都嗌咗咖哩飯，係中辣🌶都幾辣下咖🤣係紅米飯，感覺幾健康😎就咁睇餐廳個門面招牌以為係日式咖哩，但食落感覺唔係，比辣同香濃，有啲似印度咖哩啲fd😂薯仔細細粒炆得幾淋😚#咖哩雞扒飯 ($58)😋好味指數：(7.5/10)雞扒煎得好香，肉質嫩份量又多😆👍🏻#咖哩牛肋肉飯 ($58)😋好味指數：(7.5/10)平時啲咖哩都係薯仔就大大舊，肉唔算多🤷🏻‍♀呢到就相反，牛肋肉食極都有咁濟😙食落去一啲都唔韌有質素😋

今日阿媽突然抽起條筋話想入屯門食飯，咁我哋捨命陪君子一齊入去屯門吹風囉。咁我就問下以前同事有無邊間新開可以試下，佢地就介紹喜咖哩。地點唔算就腳，但勝在輕鐵、巴士都到，可接受。 睇睇餐牌，估唔到鋪頭細細，都有咁多餐點。最近食滯左，我叫個清淡既蕃茄湯豬頸肉通粉，估唔到湯底咁濃蕃茄味喎，有加分！豬頸肉既外表香脆，煮法類似台灣香煎個種，香口。細佬就叫豉油溫泉蛋豬扒飯，本來以為係頹飯黎，但細佬盛讚溫泉蛋，佢話佢呢種口感既溫泉蛋，加分！媽媽就重口味d，佢叫咖哩羊腩飯加薄餅。薄餅係叫比我地食既，可以點佢既咖哩汁。咖哩口味近印度個邊，帶少辣，唔係日本甜咖哩。注意番，羊腩唔「蘇」，仲好冧，應逐炆左好耐！

朋友介紹，屯門紅橋有間日式咖哩好好食，帶我來到，見到都幾多街坊幫襯，價錢唔算貴，$48起一個飯。裝修幾特別，牆身全是藍黑色為主的波浪線條。裏面座位非常多，又睇唔出原來裡面咁大喎，全部四方枱，夠闊落。咖哩飯方面，有唔同肉類選擇，全是$58一份。豉油皇飯方面，也是有不同的肉類配搭，全是$48一份。咖哩牛肋肉飯$58,加$5食多隻溫泉蛋。第一次見咖哩裏面有青瓜。日式咖哩味道一向偏甜，不辣，但就好香香料味，加埋薯仔煮到起曬粉，質地會濃稠一些，在吃咖哩 香濃味道時，有青瓜清新感覺散發出來，好特別。牛肋肉炆得好淋，吸收曬咖哩香氣，撈飯食一流，味道其實不辣。飯裏面有紅米，吃起來煙韌有口感，真的吃得很開胃！好味！溫泉蛋睇見都好自癒，因為見慣卡通公仔梳乎蛋，真係好得意，第一時間想消滅佢，將佢撈埋飯食，增加飯嘅濕潤和滑嘟嘟口感。豉油皇雞翼飯$48,加糖心蛋加$5。豉油皇雞翼，超好味！炆到入曬味之餘，裏面嘅雞肉仲好滑，有肉汁，食得出雞翼新鮮。雞皮又唔會太鹹，餸飯食一流！超推介！$48好抵食。溏心蛋用滷水滷過，但係唔會好咸。因為滷水令蛋白更香，蛋黃一咬開就流曬出嚟， 要小心啲食，唔好滴到周圍係。蛋白仲正，仍然

今日在屯門附近工作，於是便舊地重遊到了以前讀書的地方附近走一走，看見了一間門面很吸引的餐廳，便吸引了進來。原來是吃咖喱的。餐牌選擇有很多，但今天天氣比較涼，所以想吃一碗咖喱羊腩飯取暖。店舖不算太大，但勝在夠親民，附近都係街坊學生黎食，相當大眾化。我也趁此機會約了幾位好友相聚，細說當年情。朋友們也很快到了餐廳。分別點了咖哩羊腩飯加薄餅，正合我意。果然是好姊妹。咖哩羊腩飯辣度適中，羊腩好入味。她們就點了蕃茄湯豬頸肉通粉，朋友話蕃茄湯好出色，好濃既蕃茄味同埋有蕃茄係入面，唔似係由茄膏整出黎。仲有豉油王豬頸肉飯，仲有溫泉蛋嫁，好正。最鍾意食溫泉蛋，佢都整得好出色，夠流心。一個完美既閨蜜聚會正式完結。

新正頭唔想煮飯，但屋企樓下又無乜好食，亞女話紅橋附近一帶有好多嘢食，於是就由佢帶路做搵食飯團，搵到呢間食咖哩嘅，辣辣地開吓胃先餐牌咖哩牛肋肉飯牛肋肉炆得又淋又入味，而咖哩味香但後勁微辛好有層次咖哩豬扒飯豬扒用豉油皇醃製非常惹味，配搭的咖啡汁則比較香甜似日式咖哩蕃茄湯豬頸肉米線蕃茄湯做得非常出色，湯底濃稠但食得出無落茄膏，用鮮茄餚製非常鮮甜，而豬頸肉則燒得金黃焦香，而且厚切，食落更加爽彈豉油皇雞扒飯加配溫泉蛋雞扒煎得香脆但仍保留肉汁，豉油皇醬汁調得出色，香甜不會過咸，至於溫泉蛋嫩滑之餘又流心，用來撈飯配合豉油皇醬汁同色非常好味豉油皇雞翼尖雞翼尖炆得非常入味，豉味香甜，有點像瑞士汁的甜但帶豉香

本來去景峰係想食米線但係去到發現新正頭仲未開業；見到附近有間餐廳主打咖哩好似唔錯就入左去咖哩牛肋肉飯咖哩馥香後勁辛辣而且質感濃稠；薯仔燘煮入味仲有翠肉瓜粒爽甜；牛肋肉肉味濃郁而且肉質軟腍唔韌咖哩豬扒飯豬扒醃得鹹香而且肉質緊實加上焦香但唔乾身蕃茄湯豬頸肉米線蕃茄湯底茄香濃郁微甜唔會太酸；豬頸肉肥厚爽彈略帶脂香好出色豉油王雞扒飯雞扒肉質嫩滑而且醬油甜香；溫泉蛋香滑嫩撈飯啱哂豉油王雞翼尖雞翼尖份量都幾多而且豉油味濃但唔死鹹

難得有個空閒既”Ruby” Tuesday🤣黎屯門附近行下街食下野就最好不過☺️適逢朋友介紹呢間咖哩不錯吃😋還掂近近地一於黎食下咖哩飯啦☺️🍛位於屯門金邦大廈地下既喜咖哩以咖哩食材為主既街坊小餐館🤤🍛卻帶出一點日本環境風☺️🇯🇵周圍掛滿唔同日式風味既擺設同埋布簾😆牆身周圍環境更以藍黑波浪潮流設計😆🌊充滿潮流色彩既日系小餐館🍛🇯🇵😋亦煮出高質素既咖哩及小吃食材🍛🤤👨🏻‍🍳🍴咖哩牛肋肉飯牛肋肉夠哂爽口之餘煮得夠腍嫩😋🐮脂肪比例均勻食落亦油香滿溢🤤另外亦有入味既咖哩薯仔🥔😋配合濃郁滑香無味精既咖哩汁慢煮更是入味🤤🍛Perfect Match😋🇭🇰🍴豉油王雞翼尖配合濃香鮮味既豉油汁😆炆得入味既雞翼尖🤤油香滿溢更要食過返尋味🤤🐔

屯門紅橋一帶小店林立，最近和友人相約到此揾食，發現紅橋盡頭，即威震全港的龍床盤青雋附近，開了一間全新的咖喱店，我和友人當然決定入內嘗鮮！當日是平日夜晚，加上位置遠離市中心，人流偏少，到訪之時只有幾位街坊和老外用餐；餐廳是地鋪，空間尚算充足，裝修偏向日式料理店風格，加上門外餐牌用字，會以為他們是主打日式咖喱（實情不是），兩面有窗，感覺開揚，整體格局就像本地化的日式餐廳，餐枱的距離適中，加上人流有限，不會太容易聽到旁人的對話。我們點了兩款餐， 蕃茄湯雞扒和咖喱羊腩飯。蕃茄湯雞扒 ($48)湯和雞扒分開上的。雞扒肉質普通，不過燒得很好，脆身，表面略有甜味，份量也沒有什麼驚喜，標準的一塊扒肉切成八份；蕃茄湯和通心粉放在一起，基本無其他配菜，感覺就像自己在家的製作一般，對比附近餐廳的價格，$48是偏貴的。咖喱羊腩飯 ($78)整道菜的外觀感覺就像日式咖喱，一食才發現不是，感覺更像巴基斯坦咖喱，味道香濃，帶有辣味，羊肉煮得夠腍，而且鬆化入味，這種味道令我聯想起以前太安樓對面咖喱屋的出品；份量是足夠的，飽肚；價錢相對雞扒較合理。以上兩款食物質素均好，但雞扒餐實在太貴，幸好咖喱質素高，令我感覺都不錯，

農曆新年就到，我提早收爐，今日就去探朋友，順便睇吓附近有咩好食！朋友屋企樓下附近發現有一間新開張嘅小店，當然要支持小店，我哋就入咗去食啦。嗰陣係大概下晝一點，餐廳坐咗八成滿啦，好多人都支持新店！見到餐牌寫住餐廳主打嘅係豉油皇雞扒飯加溫泉蛋，梗係試下啦！食物非常之新鮮，又熱辣辣，雞扒煎得好好味，唔會太硬，但係又唔會好似加咗好多化學嘢整到佢好滑嘅感覺，好好味，即使係豉油皇飯，但係一啲都唔鹹，重有淡淡嘅豉油香，溫泉蛋就更加係精髓所在，隻蛋好滑！份量仲好多，就算男人食都一定夠晒飽！而我嘅蕃茄湯通粉配豬頸肉，豬頸肉好爽口，通粉份量好多，一個人食其實都好飽架啦，我哋仲加咗一個豉油皇雞翼尖小食，非常入味又唔會過鹹，認真不錯～見到餐牌重有好多選擇，兩個人都係食咗一百二十幾蚊，有飽又好味，抵食～