唯珍上海麵家 (已結業)

住咗佐敦十幾二十年，竟然都未幫襯過，有點慚愧...人相當多，可能同價錢平有關。但價亷，並不代表物美...嚟到呢亭上海包點小店，點可以唔叫個餡餅? 餡料乾爭爭，亳不juicy，食到個口都乾埋一份；表皮又煎得唔夠燶，又不夠熱。跟從前厚福街唯一可謂差個十萬八千里...麵又如何呢? 來個豬扒雲吞麵。麵條有嚼勁，食得出係手造嘅，份量亦極多；雲吞還可以，餡入面白菜份量夠，頗對口味；豬扒顏色有點噯昧，吃落亦只是普通，而且油了一點...只吃麵條就可以嘞...

午膳時間,週圍搵下有咩食,平時經過見到裡面坐滿人,就無意欲去湊熱鬧!今日發覺間舖無咩人,就一支箭衝左入去!望下個餐牌,梗係要叫我最鍾意的炸醬面,見到佢個北京餡餅,話係韭菜,好想試,但驚食唔晒!炸醬面好正,個醬有酸味味的,O岩晒我口味!!食完碗面,其實已經好飽,但最終都忍唔住叫左個北京餡餅外賣,邊走邊吃;發覺其實同平日食O既韭菜餅無咩大分別,但又的確幾好食,不過賣$7個又似乎貴左D WOR!!

在上海麵家來吃北京麵食?也沒有大問題,在香港反正京滬差不多一家親.唯珍雖然主力上海雲吞,但其炸醬麵也很不錯.炸醬味道濃厚,略帶點辣,質感豐厚.下面的麵條又幾煙齦,北佬的麵條用來撈炸醬是一流.煎韭菜餅外表金黃,咬落香脆,餡料多汁,充斥著韭菜的甜味.$7一塊,價錢相宜.記得專兄曾說過此店的豆沙窩餅是非常出色,這夜已吃得太多了.下次來打包吧.

去完尖咀, 一路行落去睇下有咩食, 行到去白加士街, 見到有間唯珍上海野, 之前響喱到都見到有好多笑面, 應該都幾正, 我都幾like食上海野ka!入到去, 唔知食咩好, 就叫個剩水餃, 一個馅餅, 叫左d阿姐2次, 佢地都掛住傾計, 到第3次先至聽到。碗水餃黎到, 好家庭式, 試下隻水餃, 唔太掂, 皮硬, d餡好散, 味道真係麻麻。比起之前食過有d上海北京水餃, 喱間真係唔太ok。個餡餅煎左都涷冰冰, 阿姐煎左5 ,6秒就走去傾計, 傾左一陣就上碟, 有d求其。我食過一次唔會試, d野都唔太平。

我和女友大多去食飯不是西餐就是日式.今次想試試上海麵.從網上發現頗多人對此店食評不錯,一試無妨.正當和女友去到唯珍門外,我感到門面有點像診所,有種想調頭走的感覺,但反正一場來到倒去試試,可能又發現多間卧虎藏龍的食店.由於晚上七時十五分到達,人客不多,先揀選有利位置就坐,從餐牌中選取了以下:我和女友叫了雪菜肉絲雲吞麵(各$21),煎餃子共4隻($10)一件豬肉餡餅,已切開($6)兩罐裝汽水(各$5)雪菜肉絲如網友所說的不錯,散發陣陣雪菜香味,但雪菜太多,有點膩的感覺.雲吞共有五粒,大多以豬肉和韭菜為主,咬開後用料充足,口感豐富.煎餃子的餃子皮煎得香脆,頗大件.用料跟上述雲吞不無二樣,但發現用筷子夾起餃子後,因地心吸力的關係,把滲在餃子的油份紛紛落到吸油紙上,我們從紙上的油份來看,他們對於煎炸所用的油,是毫不吝惜的.所以對於減肥中的人來說,煎餃子應不是他心中那杯茶.豬肉餡餅相對沒有煎餃子那麼多油,皮薄料多,恰到好處.後來發現坐在鄰近的食客大多會叫"無錫排骨",應該是店中鎮山之寶.下次有機會一定要試試!那餐只花費$75,整體上不過不失,環境和服務也不能要求太多,我覺得價錢跟份量可以是這裏的賣

上次朋友介紹下，知道這間食店，之後一直念念不忘，那豆沙窩餅，早前我們兩個再來食。食物叫了淨上海雲吞、煎餃、上海炒年糕和豆沙窩餅。上海雲吞- 白菜豬肉餡，肉質幾好，味道也幾好，可惜外皮比較厚身，令口感唔多喜歡。煎餃- 煎得過久，令外皮變硬，好在肉餡幾新鮮好味。上海炒年糕- 年糕切得太厚身，雖然味道幾好，又唔會一舊舊黏在一起，但就鹹了一點和太油，感覺唔算太出色。豆沙窩餅- 最期望的一樣食物，以為係即叫即煎，但原來一早已煎定很多件，人客叫時便這樣拿給人家，唔熱又乾身，豆沙偏少又硬身，和上次食相差很遠，本來可以好出色的食物，但因人懶的關係，變得這樣難食，有點失望又可惜。唔知和老闆說要新鮮煎的，會唔會好點呢？下次再來時，一定要試試。環境唔算好，地方又比較濟迫，如製做食物也要這樣下去，實在沒有再來的需要！

尋日又去左呢度食飯呢度真係好多食物都好好味但好少見到各位朋友仔講兩款好好味既食物︰無鍚骨同炒年榚第一次食淨無鍚骨既時候真係好想問老板要多碗飯!!個汁好好味D軟骨又"林"全部都可以食哂~所以每次黎食都會叫呢一個item!仲有~如果大家叫無鍚骨飯個時記得叫多D雪菜~因為佢D雪菜真係好香架~~~至於炒年榚就好夠鑊氣年榚口感好正不過有少少油na但係久唔久食一次好野都冇咩所謂~~如果食得辣既朋友不妨落少少放係檯面上邊偏向黑色個種辣椒醬好夾架D 味~~其實仲有好多野例如豬排na、水餃等都好好味(水餃同雲吞既湯可以另上　仲好味~)另外值得一提既係個位胖胖同戴眼鏡既老板佢雖然偶爾會有少少惡其實都不過係太忙同埋新夥計幫唔到手如困留心D你不時都會見到佢同D熟客傾下計好開心架所以呢間店無論係味道定係人情都值得大家去幫襯下~

今日本來想食泰國野,但搵唔到間舖, 於是來呢間食. 叫了水餃麫, 水餃味道不錯, 餃內布肉汁,麫很大碗, 不過只有三隻水餃, 少了一點, 好彩有很多雪菜!不過食完好口乾, 應該用了味精.

中午因為趕去油麻地，見途中有這間麵店就入去。今次是第二次食，不再點酸辣，點了個雲吞水餃粗麵。麵的上面佈滿了好多榨菜，食得愈來愈開胃。食完就試下d麵，今次好似係第一次食粗麵，覺得她都幾好咬口，不錯。特別點雲吞同水餃，係想對比一下有什麼分別。樣子好難分，近乎同一樣東西，不過細心看會見到水餃的皮比較精塋通透，食下時味道清好多，品嚐到肉汁同白菜的味。反而雲吞有點失色，可能是我不太喜歡食韮菜的關係。俾錢見到十八元，真係好難得有咁高的水準，難得難得

以前去中國旅行時，食過那種薄薄的豆沙燒餅，真係一試難忘，但在香港就沒有見過；早前約了朋友去佐敦食飯，他提議來這裡，見自已又未食過，就一起來試試吧！他說這裡的酸筍麵最好食，可惜老闆話沒有貨了。之後我們叫豬肚豬紅幼麵、水餃幼麵、、酸辣麵、菜肉雲吞、煎餃、蔥油餅和豆沙燒餅。豬肚豬紅幼麵- 豬肚煮得幾淋，也洗得幾乾淨，沒有什麼怪味，豬紅就較硬了一點，麻麻地；麵煙煙韌韌，幾有咬口，都算幾好味。水餃幼麵- 皮薄餡靚，味道出色，但湯底偏淡，感覺像欠缺點什麼似的。酸辣麵- 酸味就好足，而且有點過酸，辣味就唔多夠(我唔食得辣都這樣說)。菜肉雲吞- 皮雖然唔算好薄，但肉質好有鮮味，不可不試。煎餃- 可能是煎的原因，所以皮比較偏厚。蔥油餅- 朋友說如老闆出馬煎，會好味好多，但因伙記出手，蔥又落得太少，令蔥和粉漿的比例唔正確，食落感覺很粉，今次唔多得。豆沙燒餅- 很像我之前在大陸食過的感覺，雖然煎得過硬、豆沙又偏甜，但就因這碟豆沙餅，我一定會再來的。最後一提，這裡的冷氣好唔得，真係越食越熱，看來都係等涼一點才再來吧！環境就比較細，人多都幾麻煩，可能要分開坐。

本人為維珍常客,每月都會去最少一次。維珍餔細,但人流極多,必有其原因。而該店各食品都甚有水準,除左酸辣湯,其他食品如各款餃子、麵食亦屬上佳水準,本人最推介炒粗,雖並不傳統,但有鑊氣,十分惹味。其價錢與水準不成正比,強烈推介！

食左雲吞麵,酸辣湯麵,豆沙燒餅...真係平平無奇,個燒餅仲好油添...下次唔會再黎食

睇大家講好似幾好,而自己又鐘意食上海野,於時去左試一試~入到去自己招呼自己,老細問:食咩呀妹?睇左一輪餐牌決定叫酸辣雲吞粗麵，北京餡餅同豆漿~煎野果位阿姐好快手比左個餡餅我,雖然唔係即叫即煎，但個餡餅好熱好辣口，而味道唔算話特別好食，ok啦~跟住黎個豆漿，嘩~正~夠凍又解渴~~最後黎個酸辣雲吞粗麵，個酸辣雲吞粗麵好滿，雲吞有4 大隻，全部響哂底(佢黎個麵果陣我見到面頭冇雲吞...仲想同老闆講添...哈哈)湯唔算辣，但有陣酸味，都OK好食至於雲吞睇大家既食評話分唔到佢既雲吞同餃子有咩分別...就咁睇的確.....係冇咩分別.....不過食落都OK~食食下既時候都有幾個人叫外賣，當中有位哥仔叫上海粗炒過左兩個字左右，廚房先出黎話:冇粗麵，幼麵得唔得?個客未講要咩既時候，老闆已經係咁向個客講:真係唔好意思..又同廚房既人講:下次冇既就早D講丫嘛!都幾企響客人方面諗架播~之後我食完埋單$34(OK啦價錢，食到我好鬼死飽)老闆找錢既時候唔少心跌其中一個一蚊落地,我想執起佢既時候，老闆即刻話:唔好!我黎我黎!,仲比過身二個一蚊我添或者呢D就係小店老闆既可愛之處

眼見眾食友如此用心地交流飲食心得,看來不再振作起來更新食評是不行的這店離我家不算太遠所以一旦水餃癮起,這兒就是我"上電"的好去處該店的水餃和雲吞的分別其實不大,兩者都"皮薄餡靚",以豬肉和蔬菜包成視乎你比較喜歡吃韭菜還是白菜個人則比較偏愛白菜口味,吃下去口感比較清新但相對來說,味道則不如韭菜般強烈,$16 有8大顆,分量剛剛好炒年糕的味道也不俗,但略嫌油膩了點有機會也要來試一下餡餅和湯年糕才行~*

話說星期六晚要搵地方食飯, 又想食上海野, 上黎搵搵, 見到呢間既食評都ok, 就去試試.七點鐘到, 岩岩要等一陣, 環境尚算可以, 當然以廟街或者佐敦區計, 要酒店級環境既呢間就唔駛諗啦. 服務就一般, 唔算好, 但亦唔係粗聲粗氣. 食物上枱既時間都唔算耐.係門口見阿叔係度煎緊一D餡餅, 睇落幾好味, 幾似清真牛肉館既牛肉餅, 但由於係自己印象中清真牛肉餅太好味, 所以無叫呢樣. 我自己叫左煎餃同酸辣湯面, 都好得, 湯夠酸夠辣, 面都好好味, 齋叫可能會寡左D, 加埋個煎餃就岩岩好! 另外試埋朋友既菜肉雲吞, 都係水準之作. 埋間計埋豆漿, 兩位都只係五十幾蚊, 抵到爛, 絕對可以列入番食之一.