唯珍上海麵家 (已結業)

記得佷久以前食過只是覺得味道一般,今次諗住俾多次機會睇下可唔可以好過之前先昨晚我差不多晚上10點先去到,原來差不多打烊啦,但店內仲有5個食客,咁我就快手叫了雪菜肉絲雲吞幼麵,碗麵上桌時d湯唔係太熱,我覺得只是微暖,而雪菜肉絲味道幾好,份量仲好多,只是幾凍吓,要將d雪菜肉絲浸落湯度先易入口d,菜肉雲吞有4 隻,但入面d餡份量唔算好豐富,而幼麵都幾好食,不過好快淋,所以要食快些,不過碗麵食完真係幾飽可能快打烊所以比較馬虎了些,希望下次不要再令我失望

放工了, 家裡沒飯開, 又是小陳出來覓食的時候, 近來check 一 check, 發覺自己腳毛都集中在港島區, 而家晚上, 都係過返黎九龍發掘一下.一落巴士, 直接行入內街, 不計甜品店, 目標發現三間....徘徊一陣, 3選1, 選擇了上海麵. 好多人, 一丁友入去都要等一等位. 在煎餃爐旁, 是否因為太近爐, 吃畢後自身發出一陣陣的油煙味. 這個不再說.點了煎餃, 同上海雲吞麵, 每樣有4大隻, 亦即是我要吃上8大隻"混沌". 果然是好份量. 因為呢8隻大雲吞而冷落了個幼麵.麵的清湯, 加少少豆瓣醬, 襯托一下味道, 麵身比較淋, 但鋪上面的咸菜, 實在可口. 俾我齋吃了.人很多, 地方小, 廚房同煎餃房忙個不停. 老闆同伙記一口上海話, 正宗上海人開的食店. 果然帶點地道.

呢間就係近呢十年,屬於無啦啦想起菜肉雲吞就會去食嘅舖頭喇!剩菜肉雲吞----白菜加豬肉餡料,一啖咬落去有肉汁流出,沒有太多肥肉!多數時間去到都見到人手不停咁包緊,真正新鮮!唔會好似其它舖頭咁用埋D行貨雲吞!同埋叫走湯會好味好多,佢會比黑醋加蒜頭撈埋落去食！正！韮菜餡餅----通常叫唔好剪開!因為Ｄ汁會流晒出嚟, 成個揸住咬個Feel正好多,咬落去唔會好多油(相比煎餃Ｄ油勁好多)！餐牌上有嘅嘢都一早試勻晒！講真其它肉類食物真係好一般(炸豬朳,牛腩,雞翼類), 未至於唔好食但唔夠突出囉!其它類似店舖可能做得好過佢,但菜肉雲吞就暫時佢最正!

每個星期二都要去佐敦學野 .. so每次都係同朋友搵下食d咩 係open rice 見到呢間上海好似不錯 .. 就去試下 .. 我叫左酸辣麵 .. share左 朋友的 無錫排骨 同煎餃子 食完之後 .. 其實我覺得冇咩特別 .. 相反 好掛住前排讀書時成日食既 鍋貼大王 金島(係新蒲崗嫁 !!)下次都唔會再黎食lu~~

入去~問下ar姐有咩食~一句話自己睇清楚la~寫晒係到lo!嘩~你d野都唔叫平lo~咁ge 態度~會唔會有d問題呢~叫左個無錫排骨麵~一比個排骨黎~d味好似薑醋但係又好濃wor!!!d排骨重老過佢地d伙計wor!!!之後食個noodies...................help以為有幾好食~因為之前睇過d人寫好似唔錯~不過係胡椒粉+味精lo~so本人feel食一次可以byebye!!!

這店係一間老店,在這條街上唔係好顯眼, 但佢係我讀書時期經已存在嫁啦.四個人叫左酸辣豬扒麵 (出左事個酸辣湯底唔酸唔辣仲怪怪地,塊豬扒好黑好dry.放棄)雪菜肉絲麵(這個好味雪菜和肉絲份量亦足,不過一定要配粗麵)上海水餃麵(不過不失啦, 水餃皮有點過厚)排骨菜飯(水準之作)蔥油餅(必吃,好得.一定要親熱食)"陷"餅(亦係好好味,肉汁夠多)煎餃(脆口,有點多油)服務你就唔好有咩要求啦...................總結來說,不錯啦.

試左個豬扒水餃麵, 上海炒年糕 & 豆漿~先個個麵，麵既質感ok，不過好普通豬扒，炸得幾好食@.@"~ 而且炸完都唔係好多油~水餃，真係幾好食，幾足料~~整體黎講唔錯~~~至於個上海炒年糕......味道都幾好~~但係...我覺得價錢絕對有下調既空間.......講真，味道係唔錯，但係款式比較普通......好話唔好聽，周街都食倒/___\"~.......

2008年7月4號 - 唯珍上海麵家佐敦白加士街99號地下 (近寧波街)今天朋友生日，很久沒見，而今天正好是星期五，所以比較空閒，終於不用再放飛機了。朋友很久不見，但大家都沒有怎樣變到，還是差不多的樣子。今天一行有7個人，約好了八點在佐敦地鐵站等，人齊了便出發，從地鐵站走大約10分鐘便到了。入到鋪頭，給我的感覺就是這間餐廳真的十分細 ，但也十分多人來幫襯，等了差不多10分鐘後便有位了，我們一行7人坐在一張圓桌，感覺就是十分擠逼，不過算了，食物好吃便可以了。我們叫了很多東西，我也忘了叫了什麼了，有豆沙窩餅，上海粗炒，煎餃，上海炒年糕，上海雲吞- 白菜豬肉餡，酸辣湯，煎韭菜餅，豬肉餡餅。豆沙窩餅 - 正! 連平時我少吃豆沙的人也吃了很多 上海粗炒 - 感覺不錯，但比較油了一點 上海炒年糕 - 正! 炒到軟林林，但份量比較少，我最愛吃的就是年糕，可能我媽媽是上海人的關係吧 上海雲吞白菜豬肉餡 - 呢個唔錯呀，跟我屋企人自己整的有的揮 酸辣湯 - 正! 酸酸辣辣很醒胃 煎餃 - 麻麻地，餃子的那些皮不知道怎樣的，怪怪地 餡餅 - 我沒有吃到

昨晚和男友去看 <功夫熊貓>，完場後，帶著輕鬆的心情行往佐敦醫肚，因為片子實在很搞笑。想起佐敦有間不俗的上海麵小館，於是憑記憶找找看，幸好第一次便找對了街名，時為 9:45，小店竟然滿座，厲害。是夜點了無錫排骨粗麵、雲吞粗麵、一件蔥油餅和一杯豆漿。豆漿偏甜，豆味不太濃郁，勝在唔係飲豆水；蔥油餅應放了一段時間，微暖，即使攤涼了，仍吃到香口感，很好，不過我較喜歡厚身的；粗麵放了大量雪菜，湯底幾甜，麵身較腍，無錫骨醋味不足，肉質太乾太嚡，可能是滷得太耐的緣故，味道麻麻。

午飯在佐敦白加士街的唯珍吃上海菜，點了一碗牛腩水餃面、豆漿一杯、豆沙鍋餅一件。雖然我個人較愛牛腩有咬口，但這裏牛腩腍而入味，亦非常不錯，水餃完全合乎皮薄饀靚的標準，一咬開便傳出白菜的香味，當中的豬肉亦香口，麵質彈牙煙韌，湯底可能因為羼有腩汁，較濃及香口。整碗麵還鋪滿雪菜。豆漿清甜，有豆香，飲完不會像一般店子一般因糖份過多而口乾。至於豆沙餅，不同尖沙咀的唯一麵家用糯米燒餅厚皮，唯珍是薄薄的窩餅，可謂各有千秋。豆沙餅入口香脆，豆沙不會過甜，而且最為出色之處為不油膩，碟底幾乎一點兒剩油也沒有。但這間店子服務不算殷勤周到，只算是友善，環境衛生亦算普通，但純論食物質素則可為一流，加上價錢相宜，絕對為開飯之選，僅有憾為此店無蟮糊。

小女子係佐敦返工琴晚放工唔知食乜好, 係openrice search下附近有乜好食我同bf同時睇中呢間, 就決定試試七點半去到, 好full岩岩好淨返兩個搭檯位點了酸辣麵, 上海炒年糕, 香茅炸雞翼, 凍豆漿年糕先上, 勁香, 好入味 (如果加埋冬菇絲就好了)再來酸辣(幼)麵, 唔太辣, 岩晒我, 不過略嫌少湯, 雞翼唔油, 皮脆肉嫩, 冇得彈!!!!!可惜試唔到煎餃, 因為收左爐 (咁早?)對面個男人一口氣點左廿隻水餃, 食晒, 哇! (d 水餃好大隻架喎!)下次再來!!!!

尋日上堂之前男朋友帶我去左呢度食上海面叫左:豬扒水餃粗面 $24酸辣水餃幼面 $24塊豬扒新鮮炸起~~另上都醃得幾好味~~~個人認為酸辣面好食過普通面(無咁淡)~~鋪頭衛生情況就一般 la見到有幾隻烏蠅飛黎飛去....= ="

:先講環境：大至乾淨，坐等仔，無小小強，無頑固污即，十分比五分態度：可見老闆誠意真情，員工熱心，落單快宜準，準備速度明顯即叫即做食物：上海炒年糕 炒得煙UN 油比例較多 好味 小小扁咸 出來食 禺左 雪菜肉絲水較粗 雪菜小小SEND 肉絲入味 重點水較 一個字 掂！ 一碗四隻 上海水較 皮滑 涵靚多汁 大大隻 如果你要皮薄肉嫩 你要既係日本較子 ，粗獷既口感 多汁龍厚既味道 有著中國風味道傳統 豆沙餅 唔太甜 脆餅口感 水分控制較差 不過有一試價值 我自己下次去都會叫匆油餅 比較多油 不過又唔會太誇張可以咇到D油出來 味道一般 薄薄地 飯先小食不二之選 價錢：我本身做飲食業 不過唔知點解佢平到咁都唔關門大吉 大家唔好出街食飯價錢合理時，唔好話貴啦 … 我地利薄又苦 餓唔死食唔飽 開門做生意都係為同D客吹水 有感情唔通有人鐘意 大集團犯人食堂 快餐文化 食店仔先細味出本地文化 大家食飯時唔好忘記飲水思源

有次搭車經過見到呢間, 好似好好味, 所以去試一試.牛腩麵都幾好, 味道唔會太濃, 牛腩又好"淋", 不過牛腩少O左D ^_^無鍚排骨麵味道估唔到咁好, 個汁又夠多, 無鍚排骨好入味, 又唔會成舊都係骨.煎餃就即叫即煎, 所以都要等一陣先有得食, 味道都OK!

十年前, 因舊公司地點起佐敦, 差不多每間餐廳都食過, 唯一令我成日都想再食既, 就係唯珍既豆沙窩餅, 她們做到不如外間的皮厚, 呢度做的, 皮非常薄, 面頭仲曬上芝麻, 薄到可以從外望到有豆沙餡, 甜味適中, 我暫時仲未起其他地方食到, 如果每一次當我自己一人經過佐敦時, 我都會買一件外賣, 有時會加多件餡餅既! 佢地做既全部都係新鮮熱辣起佢地呢度食過上海麵, 雲吞, 酸辣湯, 煎餃, 但最好味既我只覺得係豆沙餅, 有時餡餅都好好食, 以往食開既餡餅多汁, 但尋日食果個真係乾左dd囉, 可能放得太耐喇...每次去到, 都見到d員工起度包餃子(本人覺得皮厚左d), 但都算新鮮既! 而尋日飲左個酸辣湯, 料係好多, 但酸左d囉!