唯珍上海麵家 (已結業)

每個星期六上完日文之後都會黎呢路食午飯。次次黎都係食淨雲吞﹔咳緊的時候就食淨水餃﹔有人陪的時候就會黎多個餡餅。雲吞係白菜豬肉餡，皮唔會太厚，個餡好鮮味，仲有汁添架﹔一碗十隻，唔多唔少，飲埋豆漿o岩o岩好。水餃就係韮菜豬肉餡，形狀同雲吞唔同，不過個餡都一樣咁鮮，又有肉汁，不過就濃味d。餡餅都係韮菜餡，超多肉汁，又唔算太油膩，好好味。下次要試下豬扒至得。不過次次去親都好多人架，唔算坐得舒服，不過都唔算太迫。想平平地食個好味的午飯，呢度都算係咁啦。P.S.$26係一碗淨餃加一杯豆漿的價錢。

見到有咁多笑笑,就同肥b食下,我叫酸辣雲吞麵同雪菜肉絲水餃麵,雲吞同水餃食唔到好乜分別,無乜味,皮厚但都滑,都係北京水餃d水餃好食好多,麵叫幼麵,無乜特別,酸辣湯肥b話都ok,不過不失咁,不過唔夠辣,而我碗雪菜肉絲無d人寫到咁好食,好鬼死失望呀!仲有呢度d全部都偏咸,我諗唯一正常係杯豆漿!

今天叫了饀餅($6)和酸辣幼麵($18)饀餅新鮮熱辣辣, 韮菜豬肉饀料, 有肉汁/油滴出, 好吃.酸辣麵五分鐘後上, 有燶味, 看見豆腐有黑色焦皮, 失敗. 嘗試不理燶味繼續食, 酸辣湯底幾傑, 但味道普通. 份量夠大.看着廚房煎餅幾吸引, 下次可試豆沙窩餅($6), 葱油餅($6), 煎餃($10/4隻)

真係好多人同埋地方唔算大，都要快食，試咗酸辣雲吞有5粒雲吞加煎餃($10有4粒)，料唔算多不過都幾好味，唔會太過酸辣，食幼麵冇試粗麵，不過幼麵都幾滑；煎餃ok又唔覺特別好食，不過見好多人叫饀餅，唔知係咪好味d呢？　

嘩呢間野勁啦~~食過n咁多次. 每次經過都會有好多人. 叫外買就有時好快有時好耐但d面+菜肉餃真係得呀~食佢地d麵我鍾意食粗麵因為似烏冬

午餐食左個酸辣雲吞麵，唔記得講粗麵，變左幼的睇落唔覺佢係酸辣，點知食落又不錯，好開胃！雲吞大大隻，不過個湯蓋過了他們的味道，好難講好食與否總體而言，它是令人開胃醒神的麵，服務態度都幾好，值得試試

昨晚看演唱會前和pauline,奀妹到此食麵,點了上海炒年糕,肉汁菜,荳沙鍋餅,雪菜肉絲幼麵,另點了蔥油餅外賣。她們兩人是第一次到這裡, 只是覺得荳沙鍋餅太甜和似荳沙蓉餅乾外, 其他都非常好食。奀妹還說已很少店鋪煮上海幼麵不會變成漿糊, 但這間煮得很好。

o係佐敦兜尼兜去,唔係食過就係唔想食,終於搵到好正o既上海麵店.小店形式,叫個酸辣雲吞麵同煎餃.酸辣雲吞麵無端端變左喱碗野,不過無所謂啦,都係極之正,雲吞"食函"為白菜豬肉,皮厚但超滑,"食函"裡居然仲有肉汁.麵叫左粗麵,感覺到食烏冬差唔多.最正係D雪菜,一般食到o既劣質雪菜係好鹹,而佢喱間D雪菜係極小鹹味,純粹係雪菜味,食多多都唔"漏",出色.煎餃又係一絕,佢o係近門口有個煎野o既部分,D煎餃除左係即叫即煎外,仲見佢D餃子係即叫即包(可能我撞o岩佢包餃子啦),所以食落感覺係D肉好新鮮,韭菜仲有陣菜腥味,煎起尼真係皮脆肉,亦有肉汁,煎餃必吃之選.

今日下午同朋友係大華唱完K有D餓,四個人去咗唯珍食麵;我點咗雞翼幼麵,四隻鷄中翼炸得唔過火又大隻;其餘三人兩個點了雪菜米,一個點了水餃幼麵,加一個北京饀餅。三人異口同聲話連麵的雪菜好正!又平又大碗!饀餅多料又唔油,掂呀!P.S.上嚟同林小B嚟,佢食個上海炒連糕都話好食(不過我覺得個味太濃),仲有豆漿真係有豆味唔係水,糖,豆三隻味分開。

上星期六朋友唔得閒,見呢間食評唔錯於是走尼試下,但自己一個想叫多樣都唔得,唯有取捨就叫左個雲吞幼麵$18,想叫杯豆漿但當日只得凍無熱,身子唔好都係唔飲喇.我坐係門口第一張檯所以見到呀姐係到煎餅,真係好想叫一份但又唔想浪費食物唯有下次啦.大約等了10分鐘有麵食喇,雲吞有4粒,size適中,有些雪菜.雲吞菜多肉少但呢度既豬肉味似唔係幾岩我,肥肉又比較多,幸好麵質幾彈牙,整體其實係okay既,下次會試下排骨飯同的餅餅.p.s.油煙味都幾重

今日黎食午飯同朋友仔兩個人叫左酸辣水餃($22),無錫排骨飯($24)同豆漿($6)無鍚排骨份量都唔少, 一碟飯有四大件, 甜酸味適中, 好開胃, 可惜d肉有少少韌, 跟飯上左一大埋雪菜, 唔會過鹹, 朋友仔都話成個飯好味, 佢竟然可以撈晒d汁食晒成碟飯酸辣湯好似無以前咁杰, 但又覺得剛剛好, 料好多：豆腐, 肉絲, 紅蘿白, 筍, 冬菇絲等等, 酸同辣味都幾平均, 唔會偏重左一邊水餃菜多肉少, 皮亦係正宗厚身, 一碗有足足八隻, 飲完湯食埋餃飽左成個下午豆漿有豆味又唔太甜,幾好午飯時間好多人人流不停咁轉又不停有人入黎叫外賣有好多明顯係熟客仔同阿姐好好傾雖然多人但阿姐仍然好有禮貌又會好有心機咁解答問題阿姐話雲吞同水餃分別係雲吞係白菜豬肉, 水餃係九菜豬肉呢度唔知係咪裝修過明顯比以前光猛同乾淨

叫左上海湯年糕，個人鐘意清清地，所以好好味！加多杯豆漿環境迫D ，人又多.........落柯打就慢，但上菜好快

一間家庭式經營的小店, 這裡的上海麵份量和味道都不錯, 而且可以食到上海雲吞和水餃的分別, 唔似有些麵鋪咁兩樣都差不多.. 我個人推介上海湯粗麵, 好似上海粗炒咁, 但係有湯既...另外餅和豆沙餅都係熱辣辣lunch同晚上都好多熟客買外賣架, 不過店內就面積比較迫和衛生差些少...有時地下仲好滑...

其實佐敦平民化既上海小食唔多，呢間都算幾多人幫襯。昨天來呢度試無鍚排骨麵，味道算不錯，不過排骨太瘦（瘦肉太多），雖不至於癡牙但亦不遠矣。另外份量唔夠，用薑片同菜托底攪到大碟D，只不過得兩件大小小既排骨。肉地唔得反而骨感一流（唔係講街口果D），軟骨部份口感爽脆不會太軟。麵和湯完全吃不到同唯一麵家有甚麼分別。另外是這兒提供既桂林辣椒醬好似唔多辣，落左5匙都唔多出汗，不過就咸到抽筋！22蚊碗麵，豆漿仲要加6蚊就好貴；人地「唯一」下午茶時段都全包啦，裝修又好過你，地點又旺過你......

見咁多人讚，早排有個星期六去幫襯。下午兩點幾去到，坐低都冇人理。我同老婆睇完餐牌，遞手想搵人寫，點知門口「差」粉個位阿姐，我背後(當時我係背住門口坐)大聲講：「叫咩講喇！」喂，我見你度「差」粉，鬼知你可以落單！好，算數。我叫炸醬面、無錫排骨飯、一杯豆漿同北京餡餅。老實講，食冇乜特別，個飯重係暖咋。不過當時幾肚餓，所以再叫多樣豆沙窩餅。個阿姐真係好，佢對手黐滿粉，居然一邊「差」粉一邊煎我豆沙窩餅，整好重哎我過去拎。喂，阿姐，你邊位呀？！邊有咁樣做架！冇下次！