唐宮小聚 (新港中心)

营业中

休息中

同屋企人食飯想搵一個舒服嘅地方咁啱起新港中心樓上有一間外表新潮嘅中菜館由於唔使等位亦俾＄25. 1隻乳鴿而吸引左，所以乖乖入座今次人比較多所以可以叫到好多菜式例如一人一隻乳鴿；蝦多士；特色醉蝦；水煮魚；炸排骨；荷葉飯。首先乳鴿亦是非常熱的可以說是即叫即做蝦多士是用完隻蝦亦加上黑松露作點綴非常香口特色醉蝦非常特別首先是用碎雞汁亦加上花椒油，配合得宜。水煮魚不太辣加上紅薯粉做底，吸左湯汁，食辣之人不能錯過。荷葉飯分量充足而且味道濃郁亦是推介之一

I had been to the Central/Sheung Wan branch before and I was firstly glad that there was no wait during dinner time. I am not sure whether that was luck or if it is always like that. I do think the other branch has a funkier vibe, but the food is as delicious. This is one place that does cute instagram-able dim sum but without reducing the overall flavors. The favorite was the mushroom truffle bun and also the zucchini salad, both were presented beautifully and tasted incredible. The only dish I

今時今日$25一隻即叫即做既燒乳鴿...仲有邊度可以食到啊?! 👍👍👍 超正呀..皮脆肉嫩! 不過就每人限order一隻, 而且只限堂食!呢籠包真係好正...超超超流沙! 手工又精緻!呢籠松露香菇吾係🍄係包..不過外形做到似菇!😂像真度非常高! 而且食落先發覺個包裏面有餡又有汁! 果然有驚喜!😋呢個手抓餅出邊未食過..味道非常吸引😋松露鮑飯..顧名思義即係松露＋鮑魚＋飯! 個飯超多汁!! 真係冇得輸!糯米包..皮做得好薄! 一啖一粒啱啱好!涼拌蟲草花..真係第一次見人用蟲草花咁樣做涼拌! 咁食法真係第一次! 味道都幾夾...幾好食!紅油炒手吾會太辣! 味道適中!呢個豆其實ok嘅..不過就偏鹹!至於雲吞麵...雲吞就好好食, 但係麵質就麻麻地!呢個炸蝦都好得! 皮脆而且啲蝦都好新鮮!炸金菇...幾特別!

今晚相約一班良朋好友來到尖沙咀的新港中心相聚。很小機會會在晚上“飲茶“,這次算是有了新嘗試,亦在網上找到了這間新派點心試試。點心籠賣相精緻,有柚子皮的蝦餃,還有好像墨魚汁皮的餃子,友人食完讚好味道。火焰菠蘿,第一次見呢,上餐時還有火燒了大概半分鍾,很新奇有趣。打開蓋,有滿滿的菠蘿和炆得好軟熟的牛腩,第一次吃菠蘿和牛腩配搭,這道菜又食得又睇得。非常新鮮的芥蘭!份量十足的荷葉飯強烈推介這道水煮魚,魚肉帶着麻香入口即溶,很正。乳鴿味道反而就普通了,相信不是這間鋪的亮點。

心血來潮突然想食小菜點心，諗起好耐無食過既唐宮小聚，新派的中菜廳。店內的裝飾打破左傳統的風格，走摩登格調路線，檯與檯之間距離較遠，座位寬闊，美中不足是環境比較嘈吵。晚飯時間地達，花了大概五分鐘時間等位。帶位的員工，帶帶下走開左，令到剛步入餐廳既我有點迷失。搵到個位後發現，其實檯係未執好，櫈仲要濕左。帶位程序真係有大大改善空間。好喜歡這裡的碗，內有小螞蟻，彷彿是美食吸引螞蟻到碗中。每人叫左一乳鴿，香脆嫩滑，每人限叫一隻，必叫之選！新潮點心，名為非常山竹。造型以真山竹為藍本，皮有點似咸水角個種，餡係龍蝦汁與龍蝦肉，由於餡料唔多，要睇餐牌先知食緊咩！ 松露鮑飯，聞落非常香，食落比較淡，飯不夠熱。仲叫左金茹翠苗同脆蝦多士！蝦多士有驚喜，多士香脆但不油膩！下次會再試試其他點心，如好多人點的黑金流沙，不過這裡的食物份量略少，如果要食到飽肚就要叫多幾樣！

公眾假期預左多人，今日一個人去tst分店等左半個鐘，等候期間問下門口兩個知客仲有無乳鴿問左幾次，十問九唔應仲黑面都算，入座期已經再確認問一次，佢答我有，入到去座低又話無都算，安排左去一個區域只得一個都係十問九唔應的待應，落單後遲遲都未有野食，個知客姐姐(Carxxx)再經過問下佢，點知佢都係敷衍了事都算，最過份係佢竟然係我後面用對講機應該係同佢d同事溝通講粗口罵我，離晒譜，之後我都搵應該係經理負責人投訴了，雖然節日繁忙，但係如果因為嫌棄人少入座唔想做生意的應該係門口貼上告示說明，而且我一個人都埋單300幾蚊，竟然係尖沙咀區卻大排檔服務質素，雖然蝦多士真係幾好食，但真係幾好食無下次，簡直貼錢買難受。同中環分店服務簡直天淵之別，食物再好食都無用，未試過tst食餐飯都食到咁不愉快。

有朋友喺外國返嚟，話想食好味嘅中菜！我諗左一諗，覺得帶佢嚟呢到應該無錯㗎啦地點方便之餘，坐得又舒服！結果我嘅嘅決定係啱嘅前菜先嚟個酒埕醉雞$68，雞肉嫩滑之餘，食落仲有陣清香嘅酒香，唔錯！睇餐牌時見到呢個新菜-陳釀醉蟹$69！咁大個女都未食過醉蟹，貌相好吸引咁試完醉雞，一於唔好俾佢停！試埋隻醉蟹啦！ 呢個醉蟹真係一試愛上就咁睇，已經見到啲蟹膏爆緊出嚟！食落蟹味濃郁，而且好似醉雞咁，會食到陣陣酒香，更加提升咗嘅成隻蟹嘅鮮味，好味嚟得呢到食飯，當然唔少得佢哋嘅招牌乳鴿啦重點係只賣＄25！而且皮脆肉嫩，真係超級抵食！佢地仲要好細心咁俾埋手套我地，驚我地整污糟隻手，呢吓都已經加晒分之前新加坡大熱嘅蛋黃魚皮$79，估唔到呢到都有得食蛋黃味香濃，配埋脆卜卜嘅魚皮，送酒一流朋友見到個名龍鬚芥蘭，好似好得意咁，所以就叫嚟試吓其實龍鬚係指芥蘭界開咗之後，形狀好似龍鬚咁，幾有霸氣樣靚之餘，食落仲爽脆鮮甜，朋友都讚！差不多每次嚟，我都一定會叫呢個黑金流沙$49有圖有真相，流沙效果做得好好，而且唔會太甜，配埋黑色嘅麵包，形成強烈對比，貌相好好！一次過滿足晒視覺同味覺享受以為佢係普通煎堆，味道係甜嘅？咁諗就錯啦

唔打唔撞黎到新港中心，諗緊食咩都見到唐宮小聚門口有張poster 寫住乳鴿一隻＄25, 立即心心眼～無咩餐廳做到＄25一隻乳鴿，不過一人一隻架咋～入座之後，見到隻碗有螞蟻，當然係印左係隻碗到啦～環境以特色舊情懷為主題，座得舒服點左前菜拼盤，點心拼盤，乳鴿2隻同擔擔麵。前菜有一款台式腸，真的太咸，個人食唔落。但其他都唔錯。點心拼盤最好食係餃類，個包可以說是無餡～擔擔麵個湯好稀，有點失望，無諗過會係咁～～乳鴿真心好食，上台時仲要熱辣辣，好正！個人下次有機會都會再黎，因為環境唔錯。但職員不停係身旁行來行去，見隻碟接近吉就會想收走，希望職員可以改善下，讓客人慢慢享受。

約食飯通常揀中間位方便大家，朋友想食中菜，所以試下唐宮小聚。6位以上先可以電話訂位，唯有早d到拎飛等叫籌。晚市5點半開始，門口已經有20多人等緊，好在店入面位置都算多，好快被安排入座。一坐底見到d碟就笑咗出黎，好得意的設計： 吸引咗一堆螞蟻來偷食！但同行朋友覺得好恐怖。。。餐點選擇數量適中，價錢合理，尖沙咀黎講算平，但到上菜就發現份量比較少，每人只可分得一大啖。首先小食有＆，兩樣都係辣的。前者係微辣，粉皮夠滑，醬汁唔漏，幾清新。後者屬中辣，雞胸部分比教鞋，雞件切到好細，有輕微碎骨，要小心。然後有特價，$25，每人限叫一隻。即叫即炸，皮脆多汁，但乳鴿只一分為二，食得有d困難，一分四會方便d。再黎有，正常冇特別。主食要咗＆，賣相吸引。前者係中麻辣，食完條脷有啲痺，碗中只有面＆肉碎，靠湯底吸引主意力。後者有驚喜，味道似咕嚕肉的酸甜加小辣，年糕煙韌，仲有好多海鮮：魚，蝦， 魷魚等，好豐富。最後有做甜品，要趁熱食。餡料唔算多，有流心，但冇爆漿。總結嚟講，唐宮小聚值得一試，係尖沙咀黎講，價錢唔算貴，但分量好少，食飽每人平均 要200蚊。P.S. 入座有限時 一個半鐘，但可能當日啲人去晒睇煙花，七點

同事介紹，所以走黎試下！星期五晚去，7點前都唔使等位！book 位就要6人以上先得，食飯限時個半鐘。不過果晚冇想像中的多人，所以我地食左成晚都冇叫我地交枱！個凍醉蟹好好味，細細隻，整得好入味乳鴿好抵食又好味！佢地既野食平均都好味，點心大部分都係3個為一個單位，所以3個人去食就啱啱好喇不過果到既服務態度就一般般喇....間間多人去既餐廳就係會咁嫁喇，所以預左啦！呢個叫山竹，但其實係包炸魷魚鬚，呢個算係全晚最唔好食，不過份量算係多，但都幾油下呢個芥蘭好味雞絲粉皮同泥鯭粥，都係唔算既選擇不過價錢就........3個人平均都要二百蚊囉⋯⋯

一向覺得新港中心無咩嘢食。星期六下午經過見到呢間餐廳，好似幾 full，而餐牌亦幾特別，不妨一試吧。雖然要等位，不過很快便被安排入座。 reception 小姐提醒用餐為一個半小時，反正兩個人，應該足夠吧！兩個人叫了1. 燒乳鴿見到差不多每一枱也叫，賣相不差，價位亦很相宜。熱辣辣亦醃得入味。2. 角包超邪惡呀！包內包著有一塊少少肥的豬肉！3. 葱油樹雞例牌份量也不少。被分配到雞胸位置，啖啖肉。蔥油味香, 亦食到淡淡的沙薑味！4. 點來聚聚個名幾得意，其實係點心拼盆。賣相ok，有鬆糕，芋蓉包，三款餃類。鬆糕唔夠鬆，餃類以賽螃蟹餃較為出色。5. 泥鯭粥唔夠果皮香，魚肉亦唔多，最大敗筆係唔夠熱，只係微暖！Service 尚算attentive，價錢ok，可以再來！

再強調一次，本人真係好鐘意食中菜，近排成日追求高水準既中菜食。今日朋友帶我地食呢間佢試過話好好食既中菜。隻碟唔係真係有螞蟻😂，而係花紋黎。叫左幾款前菜，雞絲拉皮，出面叫開雞絲粉皮。但呢個味道好濃同掛到係粉皮上面，第一道前菜大家都已經讚。👍🏻青芥木耳，你以為咪又係普通木耳甘樣。但佢係爽，有芥末味，成碟清晒，真係好好食。我自認口水雞達人，呢個口水雞肉滑，但個醬係特別不過唔辣，冇麻辣既感覺，吸引唔到我。蟹粉豆苗好好味，蟹肉多同豆苗好嫩。重點推介黑金流沙，朋友話之前食過俾99分佢。而我第一次食佢真係外形吸引之餘，個奶黃命要係好似湯水甘流出黎，超超超好味，俾100分佢。第二個包係叫左松露香菇，又係一個吸精之作。好香松露味，我都唔係好記得有咩材料係入面，總之就好味啦！跟住又係包😂😂😂猛虎咬豬個名好好笑。係一塊包加舊肥豬肉加左配菜同辣辣地既醬汁，又係好好味😂食左甘多樣，樣樣都俾好高分👍🏻👍🏻誠意推薦最後係鮮蝦脆麵，我地當佢係主菜，黎到見到點心樣甘差d唔認得佢。可能尾聲已經飽啦，所以對佢評價少左。但係佢個脆麵好有小食feel 類似食媽咪麵甘。總結，我真係愛上呢間餐廳，平少好少食包今次食左三款包都好滿意

有朋友極力推薦去此處聚餐，終於約齊「飯腳」，立即起行。原來今年是唐宮小聚25週年，所以推出優惠菜-白玉乳鴿（$25),咁抵食又點會放過，乳鴿醃製得恰到好處，又香又脆，必選食品之一。陳釀醉蟹（$69)也是值得一試，好香酒味，仲有好多膏添，不過畧嫌蟹細了一點。腐乳蟶子（$99）也是值得推薦，其實我也是第一次食這個配搭，但出奇地很夾又好味。松露香菇包（$39）樣子整得很像，松露迷也不可以放過，很香的松露味。黑金流沙（$49）賣相好型，流沙包奶黃香而且不太甜。同甘共苦（$79）原來䶢蛋和苦瓜也可以很夾，出乎意料的好食。素菜煎餃（$39）賣相精美，有賴那塊脆片，令素菜餃增色不少，加上皮簿餡靚，值得一試。松露飽飯（$109）如果是松露喜酷者，一定喜歡這碟炒飯，松露香味滿瀉。鮮泥蜢粥（$39）粥底很綿，若你不喜歡吃陳皮味道，或會嫌棄陳皮味濃了一點。甜品是湯圓，非常之大，恰像乒乓球一樣，薑味好濃。原來這兒也有月餅賣，有兩種款式：原味奶黃月餅（$138/盒 $35/個）和芝士奶皇月餅（$158/盒 $39/個），我們即興也叫了月餅一試，可能食慣了傳統的月餅，還是較喜歡原味，皮脆奶皇香，芝士味雖然同樣香濃

好多年前開始，返大陸食飯，好多時都會揀去深圳東門間唐宮，因為由屋企去到東門都係幾個字時間(比我出九龍仲快)。屋企人又鍾意食中餐，而唐宮好多年前已經係東門入面嘅大酒樓，入去食野，好多都係香港人。仲有會員制度，充值又有回贈，食野又有優惠，屋企人都整左張，得閒上去行街食飯。原來唐宮已經喺香港開左分店，我真係好鬼OUT!!! 今日都係朋友約食飯，我先知原來尖沙咀都有唐宮，另外仲有間分店喺中環添。齊人之後急急點菜，叫左好多野食: 火焰菠蘿 $109 原隻菠蘿上枱， 最啱相機食先嘅朋友， 店員將酒加上菠蘿上， 即場表演火燒菠蘿，睇完表演後， 再俾客人享用。 烈火熊熊，都燒左好耐，菠蘿釘更燒到一點點紅光，好靚呀，未食先嚟個視覺享受~一打開，入面原來係滿滿嘅菠蘿同牛腩 ，新鮮菠蘿鮮甜美味， 牛腩肥瘦適中，炆得入味而軟腍，大家搶住夾，食到一半先記得影相添! 椰皇燉雞 $69 用原個椰皇燉雞湯， 原汁原味又環保，一打開蓋就椰香撲鼻， 飲落仲鮮甜清潤，好想再encore ! 用返椰青水燉，湯水清澈清甜。龍鬚芥蘭 (薑汁) $69 龍鬚係乜？原來呢道菜係手工菜 ， 大廚將芥蘭逐條鎅花再加入薑汁大火炒，可見廚師

位新港中心既唐宮小聚，好似同鼎泰豐打對台咁，都係同一層但一個係南方野一個係北方野，我揀南方野!!據我所知，唐宮係內地都頗有名氣的，係數一數二既中菜館，今次一於試下係咪咁有特色!門口既promote好吸引!25蚊一隻乳鴿，好平另外唐宮有自己出品既月餅比較少見不得不說，雖然佢做中菜，但完全偏離傳統既設計同裝潢，好多比較近代甚至係西式既擺設一入門口睇到呢個櫃，以為係西餐廳添餐廳花左唔少心思係餐廳既格局擺設方面，景觀已經先聲奪人用鐵架劃分唔同區域，因為鐵架可以望穿對面，貌似中間有點隔膜，但實質伸手可及。正因呢個設計，可以望得見整個餐廳，空間十足，令人覺得餐好大唔同地方都有唔同既收藏品，書，用具，到茶葉都有餐具反而無太花巧，普通筷子杯匙!飲品上反而無中國既酒，五糧液，雙蒸米酒等，可能香港少人飲?所以都係啤酒，汽水，紅白酒但手工啤好吸引，每一款都有一個好特色既名，大浪灣啤?真係第一次見!食物種類非常多，而且菜名改得好特別!搞到我每款都想試先黎兩個冷盤!陳釀醉蟹十分推薦大家食!!69蚊一隻，而且厚身又多膏!醃得非常入味，蟹下邊既汁有好醇好易入口既酒香，非常甜美。而且見得到蟹肉醃到離哂殼，好易食!蟹肉