影片
更多
2017-09-12
4312 浏览
位新港中心既唐宮小聚，好似同鼎泰豐打對台咁，都係同一層但一個係南方野一個係北方野，我揀南方野!!據我所知，唐宮係內地都頗有名氣的，係數一數二既中菜館，今次一於試下係咪咁有特色!門口既promote好吸引!25蚊一隻乳鴿，好平另外唐宮有自己出品既月餅比較少見不得不說，雖然佢做中菜，但完全偏離傳統既設計同裝潢，好多比較近代甚至係西式既擺設一入門口睇到呢個櫃，以為係西餐廳添餐廳花左唔少心思係餐廳既格局擺設方面，景觀已經先聲奪人用鐵架劃分唔同區域，因為鐵架可以望穿對面，貌似中間有點隔膜，但實質伸手可及。正因呢個設計，可以望得見整個餐廳，空間十足，令人覺得餐好大唔同地方都有唔同既收藏品，書，用具，到茶葉都有餐具反而無太花巧，普通筷子杯匙!飲品上反而無中國既酒，五糧液，雙蒸米酒等，可能香港少人飲?所以都係啤酒，汽水，紅白酒但手工啤好吸引，每一款都有一個好特色既名，大浪灣啤?真係第一次見!食物種類非常多，而且菜名改得好特別!搞到我每款都想試先黎兩個冷盤!陳釀醉蟹十分推薦大家食!!69蚊一隻，而且厚身又多膏!醃得非常入味，蟹下邊既汁有好醇好易入口既酒香，非常甜美。而且見得到蟹肉醃到離哂殼，好易食!蟹肉
據我所知，唐宮係內地都頗有名氣的，係數一數二既中菜館，今次一於試下係咪咁有特色!
門口既promote好吸引!25蚊一隻乳鴿，好平另外唐宮有自己出品既月餅比較少見
不得不說，雖然佢做中菜，但完全偏離傳統既設計同裝潢，好多比較近代甚至係西式既擺設
一入門口睇到呢個櫃，以為係西餐廳添
餐廳花左唔少心思係餐廳既格局擺設方面，景觀已經先聲奪人
用鐵架劃分唔同區域，因為鐵架可以望穿對面，貌似中間有點隔膜，但實質伸手可及。正因呢個設計，可以望得見整個餐廳，空間十足，令人覺得餐好大
唔同地方都有唔同既收藏品，書，用具，到茶葉都有
餐具反而無太花巧，普通筷子杯匙!
飲品上反而無中國既酒，五糧液，雙蒸米酒等，可能香港少人飲?所以都係啤酒，汽水，紅白酒但手工啤好吸引，每一款都有一個好特色既名，大浪灣啤?真係第一次見!
食物種類非常多，而且菜名改得好特別!搞到我每款都想試
先黎兩個冷盤!陳釀醉蟹十分推薦大家食!!
69蚊一隻，而且厚身又多膏!
醃得非常入味，蟹下邊既汁有好醇好易入口既酒香，非常甜美。而且見得到蟹肉醃到離哂殼，好易食!蟹肉入口鮮味，加上陳年酒既香甜，超正!!!我連蟹殼都舔埋!
之後黎左一份酒埕醉雞，相比之下呢個醉雞既酒應該比較新，雞肉入口又凍又滑，酒香好重，但佢回甘既酒味有點苦辣。按酒味黎講，我鍾意醉蟹既酒味多啲!!
星洲骨茶食中國野當然唔少得藥膳類!肉骨茶每個地方做法都有唔同，但材料都基本有杞子，當歸，黨參。行氣活血，驅寒去濕一流
講返呢個湯，藥材味好重，另外仲有香辣既胡椒味，鍾意重口味既朋友一定要試，飲完成個人好暖。而且入邊既豬排骨煮到又香又腍，一咬就散開，好好食
25蚊一隻既乳鴿一定要試! 乳鴿入口非常嫩，食落既味道似用滷水汁調味再炸。但可能放耐左少少，已經食唔到佢既香脆，但佢肉質既嫩滑多汁真係呃唔到人
龍鬚芥蘭比較平庸，芥蘭好嫩好腍，薑汁味亦算香，但我比較鍾意老身少少，味道會更濃，纖維會更粗更有口感
麥片雙薯既味道好有趣! 有紫薯同普通蕃薯，食落超軟身! 應該先蒸後炸吧。除左口感外脆外軟，味道甜鹹既配搭亦都非常新奇有趣。外邊係鹹味既麥片，入邊係甜既蕃薯。好似我第一次食鹹爆谷一樣!!我覺得呢碟野好岩做下酒菜
蛋黃魚皮
食落比一般既硬身，而且多左蛋香既味道，食落的確鮮味左又香口，但性價比唔太高，都80蚊一碟呢啲香口野好快就食哂，眨下眼就無左
黑金流沙
算係奶皇包既新轉變，傳統白換成黑金既顏色配搭，視覺上好搶眼!而麵包既口感柔韌鬆軟，比傳統所用既麵粉稍有不同，超碼啲包唔會食到漿口。中間既奶皇亦比較濃厚挺身，好香蛋黃味
猛虎咬豬!
個名好威，唔知係餐廳原創定係中國真係有呢一道菜。中間夾住豆瓣醬，花生醬，鹹菜，仲有一塊厚厚既扣肉!呢個真係重口味既!食落比較鹹，但朋友話覺得酸.......味道上唔太特別，因為我只食到醬料既味道，五花腩係食油脂為主，係幾香口既，問中仲食到少少花生醬香。
我發覺呢度既包好岩我!不論黑金流沙定係猛虎咬豬，麵包既質感都柔韌鬆軟，質感好正!!!
之後試左幾件自家品牌既月餅，味道唔錯!會先預熱再上碟，但我覺得可以再熱啲會更香!中間既蛋黃非常香口!!而且感覺唔會太油膩，值得一試
餐廳內點心同包點部都係開放式!而佢地前枱既擺設幾特別!
將醬料擺放整齊，唔洗留位做倉庫放材料
呢度仲放左好多別緻既點心擺設，又靚又得意架!
最後一定要提下呢一支菠蘿汁!!飲落口你就知係用新鮮菠蘿榨架! 唔係普通菠蘿汁或罐頭菠蘿既假甜，而且入邊仲有大大小小既菠蘿蓉同纖維，性價比極高。十分推介!!!
张贴
