影片
更多
2017-09-13
7827 浏览
好多年前開始，返大陸食飯，好多時都會揀去深圳東門間唐宮，因為由屋企去到東門都係幾個字時間(比我出九龍仲快)。屋企人又鍾意食中餐，而唐宮好多年前已經係東門入面嘅大酒樓，入去食野，好多都係香港人。仲有會員制度，充值又有回贈，食野又有優惠，屋企人都整左張，得閒上去行街食飯。原來唐宮已經喺香港開左分店，我真係好鬼OUT!!! 今日都係朋友約食飯，我先知原來尖沙咀都有唐宮，另外仲有間分店喺中環添。齊人之後急急點菜，叫左好多野食: 火焰菠蘿 $109 原隻菠蘿上枱， 最啱相機食先嘅朋友， 店員將酒加上菠蘿上， 即場表演火燒菠蘿，睇完表演後， 再俾客人享用。 烈火熊熊，都燒左好耐，菠蘿釘更燒到一點點紅光，好靚呀，未食先嚟個視覺享受~一打開，入面原來係滿滿嘅菠蘿同牛腩 ，新鮮菠蘿鮮甜美味， 牛腩肥瘦適中，炆得入味而軟腍，大家搶住夾，食到一半先記得影相添! 椰皇燉雞 $69 用原個椰皇燉雞湯， 原汁原味又環保，一打開蓋就椰香撲鼻， 飲落仲鮮甜清潤，好想再encore ! 用返椰青水燉，湯水清澈清甜。龍鬚芥蘭 (薑汁) $69 龍鬚係乜？原來呢道菜係手工菜 ， 大廚將芥蘭逐條鎅花再加入薑汁大火炒，可見廚師
火焰菠蘿 $109
原隻菠蘿上枱， 最啱相機食先嘅朋友， 店員將酒加上菠蘿上， 即場表演火燒菠蘿，睇完表演後， 再俾客人享用。
烈火熊熊，都燒左好耐，菠蘿釘更燒到一點點紅光，好靚呀，未食先嚟個視覺享受~
一打開，入面原來係滿滿嘅菠蘿同牛腩 ，新鮮菠蘿鮮甜美味， 牛腩肥瘦適中，炆得入味而軟腍，大家搶住夾，食到一半先記得影相添! 
椰皇燉雞 $69
用原個椰皇燉雞湯， 原汁原味又環保，一打開蓋就椰香撲鼻， 飲落仲鮮甜清潤，好想再encore !
用返椰青水燉，湯水清澈清甜。
龍鬚芥蘭 (薑汁) $69
龍鬚係乜？原來呢道菜係手工菜 ， 大廚將芥蘭逐條鎅花再加入薑汁大火炒，可見廚師的心思! 賣相可愛，夠鑊氣，好翠綠，味道唔錯， 清甜爽囗。
白玉王鴿 $25/隻
餐廳提供膠手套同濕紙巾，好體貼。帶左手套後用手扯開大口大口食，雖然冇儀態，但確實好爽快! 鴿肉細嫩多汁， 好厚肉。炸到皮脆肉嫩，味道唔錯!由五月開始做推廣，$25一隻(但每人最多只可以要一隻，一定要堂食)，抵食之選，當然梗係要食啦 ！
咸點食完，再嚟甜食-手工包點，價錢都幾貴。
玫瑰饅頭 $23 /件 ，女士最愛收花，「玫瑰饅頭」外表好靚，好似玫瑰花咁， 加上乾玫瑰， 未食已經心花怒放。入面係紅豆餡，仲有陣陣玫瑰花味道，幾特別！
紫蓉豬豬 $23 /件，小豬頭外表可愛，小朋友一見就想要啦! 紫薯餡做得唔錯，甜度適中，但味道普通。 
原味奶黃月餅 $35/個，細細個。
堂食可以單個叫，餐廳會加熱埋先上枱。
奶黃香甜，但如果有流心效果會好啲。
桂香啤梨$49 - 以原個啤梨上枱， 外表漂亮， 煮成棗紅色，頂上加左片薄荷葉裝飾，配上一點點黃色桂花，高雅！豐富「果香」、 芬芳「酒香」， 加上桂花的「花香」，已經令我愛上呢道甜品。朋友見我話正，紛紛試左一小口！
焦糖布甸$29 - 超細杯，焦糖面脆口，係即燒，配搭布甸香甜，一脆一滑溜，雙重口感。
鴛鴦雙凍$36 - 超迷你。黑白配，黑杯配開心果奶凍，白杯配榴槤奶凍。 開心果奶凍味道較出，偏甜! 而榴槤奶凍味道好淡，只係底部少少有榴槤果肉！
菠蘿汁 $29 - 必飲推介，好濃郁嘅新鮮菠蘿汁，好正!
黃蜂啤酒 $49 - 帶有蜂蜜香氣，就算唔飲慣酒都容易入口。
飲飽食醉，順手影吓個餐牌先:
埋單走人，臨走時客人散去，店員忙於清場，就散席了，人客急將美酒喝掉……
张贴
