咖啡廳

营业中

休息中

款式不要真的想像咁多，生濠雖然新鮮,但細粒到呢~即開即食好好,但唔咪隻隻靚,又有d開得唔靚,加上又細隻,所以都揀唔落手，只係食左兩隻,希望係咁岩我地果日去係咁la~野食款式有小小令人失望，但d服務都幾好，但我唔recommend去食law~

今次比上次好好多ar今次做o既係朱古力上次做士多啤梨同香格里拉比較呢度o既氣勢真係勁好多ar野食夠多熱食有中式, 日式同西式, 分二個大bar 台放甜品都有一個大bar 台放我就中意飲忌廉湯, 所以飲jor 2碗闊條面我好鍾意食ka 但我令jor 幼條面之面就出jor 黎la沙律都係我會選擇食而面包就唔食lu面包有好多款, 都幾特式ka三文魚都食d la焗格仔包我加jor 個芒果雪糕球呢次我覺仔呢個包好食過pancake雖然今次pancake 有我最中意食o既香蕉pancake但個pancake 皮就用jor 朱古力呢d 咪就係多舊魚law西瓜都係我今次buffet 之選朱古力甜品就唔駛講la但又冇朱古力雪糕wo他媽媽真的發瘋的吃係咪都令d 野食番黎但就唔會食晒law我食到勁飽買一送一真係好抵ar不過今次就冇上次咁好坐窗邊位坐jor 近門口位, 但都唔係好多人食o者, 一定係d staff 想比門口d 人行過以為好多人食呢間野叫jor 杯綠茶飲, 好消濟ar食到咁飽, 去jor 新港度打番2鋪機運動下law

我生日個日, 男朋友係度book左dinner buffet。佢話揀呢間原因係見網上評分幾高喎我同佢覺得食物種類一般, 唔係好多選擇。特別係刺生方面, 得大約5,6種選擇, 不過都幾新鮮。沙律方面,如果有意大利黑醋更佳!BBQ方面, 燒青口唔錯。甜品方面,tiramius和cheese cake 味道不錯, 好濃好滑。不過最失望的係, 10粒士多啤梨當中有9.5粒係酸架 好酸...因此, 當我見到有士多啤梨tea buffet, 心諗應該都唔多好。

因為網上食評唔錯,所以上個禮拜六嚟食Tea Buffet補祝個friend生日,點知令我大失所望而回.主題係士多啤梨,但主要係得數款甜品用士多啤梨做,但唔見得特別好味,尤其係個Pancake,皮太厚.熱盤完全同士多啤梨無關,最搞笑係個士多啤梨壽司,只係在舊飯上面放上士多啤梨一小塊,味道完全唔Match,食完舊士多啤梨,都唔知食唔食埋舊飯好.唔理個主題,食物數量同味道都唔掂,熱盤太少,只有意粉,咖喱,菜,蝦多士,炒飯,炸雲吞,Pizza,牛肉等中式點心,哩D食物唔值收每位$185.其中可能貴一點的燒牛肉只出過一次,很快比人掃清後再沒有refill. 冷盤方面有大路的三文治,沙津等,沒有刺身,壽司除左上述的士多啤梨同芒果壽司,只有普通的太卷,另有冷麵,但麵質腍.總括來說, 喱個錢可以食到比這裡好的Tea Buffet.

Just went there on Monday, the price is $328 +10%i got the 3 membership card can get 10% off..I like seafood a lot, so that this dinner buffet can provide me a lot of choice.fresh open oyster, i pour the lemon juice in itthe side of the oyster will shrink. it is really fresh and the taste is sweet too. But the guy who open the shell is not a pro, some shell fragment was inside the oyster.. crab legs, 2 kinds of baby lobster, cold big shrimp, cold crab, 5 kind of sashimi, sweet shrimp too. .belie

男朋友生日選擇食buffet，選這一間是因為網上評分幾高，而且佢哋知我男朋友生日，所以免費送咗個birthday cake俾佢。食物方面，選擇唔夠多，只有兩款湯，刺身都只係得四、五款，但切得都幾厚，熱盤沒有太大特色，甜品有tiramius、cheese cake、拿破崙餅。但我幾欣賞佢哋的外籍staff，好nice好有禮物。

豪氣朋友買股票賺大錢，請我來食自助餐。其實唔係太好意思食佢，不過見佢咁有盛意，就照去。日本野、冷盤、熱葷、甜品幾大類當然有晒，選擇仲好多，賣相又靚，而且好新鮮，更有特色，認真正！因為款式大多，唔逐樣講。有幾樣係我特別鐘意的，分別是三文魚刺身、生蠔、熱葷的蜜汁燒羊架與及芝士蛋糕。刺身有幾種魚，但我始終最鐘意係三文魚。即叫即切，是厚厚的，有鮮味更有口感。生蠔的確有大陣的海水味，但正中我口味，一啖一隻，好爽。燒羊架又係好，我叫師傅唔好燒得太熟，免得太老。師傅果然有水準，燒至medium，亦唔怕有臊味，好易入口。芝士蛋糕其實唔使多講，又軟滑又有香濃既芝士味，我又食了三件。當然更食了不少其他食物及甜品，都是水準之作。五星級酒店，服務當然更不用多說。

周年紀念，男友一早book定呢度。我們六時半到達，只係有七成滿。先行一round，分了四個區︰頭盤、刺身&生蠔、熱葷、甜品，款式都幾多。總括來說，我覺得頭盤真係最出色，試了煙三文魚、泰式墨魚仔、華都夫沙律、蛋白魚肚、酥皮鵝肝野菌忌廉湯…味道雖不稱得上十分好，但都屬中上； 刺身有五款，試了劍魚和三文魚，我嫌師傅仔切得太厚，感覺好漏；生蠔即開，兩款也是來自美國，size細細，但唔好食，海水味太重； 至於熱葷就真係唔多掂，最好係tandoori三文魚同咖喱羊肉，男友說燒牛肉好韌，羊架又太老，另外還有爐端燒，試過蠔、扇貝、雞肉串同魷魚鬚，味淡同燒到過晒火。 最後說一說甜品，個人最buy係蜜糖蘆薈同chocolate mousse cake，tiramisu男友說有酒香但芝士味不夠，雪糕唔知係唔係haagen dazes，但好好食，同埋dark chocolate sauce真係超苦，我勁喜歡。 服務良好，冇水會自動加，以三百多元來說，都可以接受o既。

琴日同男友二人去咗喜來登食佢既自助午餐, 感覺相當好, lunch都有生蠔供應, 雖然唔係我好鍾意既細蠔, 不過都唔差, 一樣有海水味同埋夠滑。佢既刺身係即叫即切, 有三文魚, 劍魚, 魷魚, 牛油魚(第一次食)同埋red snapper, 師傅會切到細細舊, 好精緻。佢d冷盤又係好味, 有日式豆腐, 滑到飛起, 男友食咗溫泉蛋, 又係滑到飛起, 仲有幾特別既天多利雞蕃茄沙律, 辣辣地, 其他地方都有供應既例如芝士, 凍牛肉, 火腿等等佢都有, 仲係幾精緻既。熱盤我就無食, 因為一向去食buffet都好少食熱盤, 不過見佢都幾吸引, 例如有串燒, 又係即叫即燒, 仲有羊架, 男友話都ok。最後同佢搏命既梗係甜品, 樣樣都好精緻, 鮮果撻既生果睇樣都知好新鮮, tiramisu係我食過最好食既, 又夠香又夠濕, 士多卑梨拿破崙真係好脆又夠甜, 係得個白酒啫喱唔夠凍有d失色。總括嚟講, 以$178既價錢喺5星級酒店食lunch, d客又有品, 食物又精緻, 個人認為就好抵, 值得推介！

生日去食buffet，適逢美國海鮮主題，每位有半邊波士頓龍蝦送，都幾大，不過個芒果忌廉汁就唔係幾我口味。講番個自助餐，有兩款蠔，我男友話幾好食。另外又有涷蟹腳、小龍蝦仔、燒蜆....魚生order先切，有我最鍾意的劍魚腩，都幾新鮮。冷盤除一般沙律外，仲有一個魚生卷，好好食，一定要加日式沙律汁。熱盤有酥皮鵝肝湯、蒸魚、羊架、燒味.....種類算ok啦。甜品方面，tiramisu好正、另外有pancake層層餅、德國cheesecake，chocolate fountain，豆腐花、泰式糕點....如果有多d蛋糕款就好喇! service都幾好，收碟好快手。總括黎講，星期六三百幾蚊加一，算係過得去。

有一段時間曾經常光顧這裡的自助晚餐, 後來轉移陣地去了Cafe Kool, 最近偶爾也會來一兩次. 昨天supplier請食lunch, 又來了這兒. 開始總是先由sashimi開始, 我只吃這裡的butter fish, 入口幾滑亦有質感的, 問廚師它的中文名稱, 他說廚房叫它做白TORO, 食完我都係唔知乜來.是日有芝士焗開邊龍蝦, 雖然芝士味欠奉, 但聊勝於無. 1點後龍蝦換了釀蟹蓋, 吸引力大減. 另外, 烤蚊型扇具, 魷魚鬚和雞肉串, 就同晚上差不多. 同事對一小盅的菜膽雞湯最有興趣, 一喝就3盅. 食物如地方細細一樣, 選擇不多. 作為自助午餐來說其實也算足夠, 不過個人覺得晚餐其實分別不大, 所以平一半的午餐, 當然抵好多. 昨天其實還有我至愛的粥麵, 但因為唔覺得酒店的粥麵會比街外廿蚊碗的好味, 所以就沒有吃了. 早前因吃得太多蠔而至腸胃炎要打針, 針口位依家仲痛. 目前仍在戒蠔中, 所以暫時1隻都不會吃. 是日吃的最多的, 應該是白汁煙肉意粉和芝士&克力架, 仲有雪糕^^

星期五,2005年last day 返工!一早約定公司一班好姐妹去慶祝!起初只book了係紅磡火車站附近的一家酒店食個dinner buffet！突然大家心血來潮，想玩得晚一點！便決定先唱ｋ，之後再去食ｏ野。說真的，我們一班好食女對食宵夜Buffet沒有經驗。只好打電話，問問那兒有宵夜Buffet！問了好幾間，發現Sherton (The Cafe)係最平。人真矛盾，知道它最平，又最多星ｏ既酒店，但要擔心它沒什麼東西食！終於，跑了好幾家酒店。相比下Sherton (The Cafe)真的是又平又多不同食物又有舒適的環境！HK$128+10%...由晚上10:30至1:00!真的係一個不錯的宵夜地方！

12月23日18:30又到聖誕，今公司一年一度的聚餐選了這人氣餐廳。生蠔：分兩種，大隻的極肥美，另一種小型的海水味極重，超鹹。魚生：即切，新鮮衛生。煙三文魚：甘香，配有酸豆和南歐鹹香的小魚醬。燒羊扒：少少膻，算嫩滑，混上香草哩狀醬汁，更滋味。炸軟殼蟹蓋：蟹粉比麵粉多，差點連殼都幹掉。還有小龍蝦、燒味、燒牛肉、火雞。亦有數款濃湯，其中一款酥皮海鮮湯受兩隻魔怪歡迎。甜品和糕點陣容亦不弱，但我不好甜食，不可評，祇覺得賣相吸引。這店的食品款式和份量足，不斷地補充，客人要等食物的機會少。服務亦有水準，反應快而有禮貌。

早兩星期在此吃過下午茶。3:00入座，服務態度一流。可惜沒有魚生。有BBQ Chicken Wings, corns 同埋sausages, 味道唔錯。熟食有魚有肉，好一般。甜品種類多，仲有blueberry, strawberry, banana ... etc. smoothie. 好味。最正係臨尾杯capuccino, 用靚咖啡。A relaxing afternoon.

My bf, his parents and I went to eat dinner buffet because of his father's b-day. We were all excited about the food. They were good tasting.- wide selection of buffet dishes.- many choices of seafood - diff kind of desserts with ice-cream ~ wow!but the service wasn't good enough. The waiters were not attentive. Anyway, happy to have a dinner buffet here. I was so full! ^^