咖啡廳

营业中

休息中

豪氣朋友買股票賺大錢，請我來食自助餐。其實唔係太好意思食佢，不過見佢咁有盛意，就照去。日本野、冷盤、熱葷、甜品幾大類當然有晒，選擇仲好多，賣相又靚，而且好新鮮，更有特色，認真正！因為款式大多，唔逐樣講。有幾樣係我特別鐘意的，分別是三文魚刺身、生蠔、熱葷的蜜汁燒羊架與及芝士蛋糕。刺身有幾種魚，但我始終最鐘意係三文魚。即叫即切，是厚厚的，有鮮味更有口感。生蠔的確有大陣的海水味，但正中我口味，一啖一隻，好爽。燒羊架又係好，我叫師傅唔好燒得太熟，免得太老。師傅果然有水準，燒至medium，亦唔怕有臊味，好易入口。芝士蛋糕其實唔使多講，又軟滑又有香濃既芝士味，我又食了三件。當然更食了不少其他食物及甜品，都是水準之作。五星級酒店，服務當然更不用多說。