咖啡廳

营业中

休息中

周年紀念，男友一早book定呢度。我們六時半到達，只係有七成滿。先行一round，分了四個區︰頭盤、刺身&生蠔、熱葷、甜品，款式都幾多。總括來說，我覺得頭盤真係最出色，試了煙三文魚、泰式墨魚仔、華都夫沙律、蛋白魚肚、酥皮鵝肝野菌忌廉湯…味道雖不稱得上十分好，但都屬中上； 刺身有五款，試了劍魚和三文魚，我嫌師傅仔切得太厚，感覺好漏；生蠔即開，兩款也是來自美國，size細細，但唔好食，海水味太重； 至於熱葷就真係唔多掂，最好係tandoori三文魚同咖喱羊肉，男友說燒牛肉好韌，羊架又太老，另外還有爐端燒，試過蠔、扇貝、雞肉串同魷魚鬚，味淡同燒到過晒火。 最後說一說甜品，個人最buy係蜜糖蘆薈同chocolate mousse cake，tiramisu男友說有酒香但芝士味不夠，雪糕唔知係唔係haagen dazes，但好好食，同埋dark chocolate sauce真係超苦，我勁喜歡。 服務良好，冇水會自動加，以三百多元來說，都可以接受o既。