咖哩葉

营业中

休息中

今晚去左佐敦食印度野，類似酒吧餐廳既格局，環境氣氛都唔錯。Mango Lassi, 上網睇旅遊美食片都好多時出現既芒果奶昔，芒果味好香好甜，用既奶又滑。餐前烤片，好脆好香口，側邊兩款醬雖然唔知叫咩，但味道唔錯。Mutton Madras，咖哩唔辣，仲有好香既椰汁味，羊肉好腍之餘仲要一啲羶味都無。Garlic Naan，叫得咖哩點可以唔叫埋烤餅，新鮮出黎既好香烤餅好鬆軟，上面既蒜蓉令到餅好好味！仲要有三大塊好抵食。

衣間印度餐廳格局似D高級西廳廳, 環境比較幽雅, 好舒服同放鬆.岩岩糾工整左杯啤酒先, 1個Pint先 $58, 好抵飲.之後叫個Garlic naan. 呢個好香, 送酒一流.飲完酒叫左D主食, 叫左個 10 吋Chicken Tikka pizza $98, 10吋係細size, 仲有款14吋.10吋到已經勁大.....勁足料, 個人認為PIZZA係必點之選.食物OK之餘, 餐廳服務亦都好好, 勁有禮貌, 同埋會幫你對單.環境好, 食物平夾好食, 值得再來

呢間印度菜充滿風味，餐廳裝修得都幾靚，有兩層。我哋坐咗喺上層，呢度一般會比樽裝水你，當然你亦都可以要求要普通水。我哋就要左樽裝水。冇幾耐就有啲咖喱薄脆做前菜，夠薄夠脆 ，帶點辣辣地味。我哋叫咗馬沙文咖喱雞，呢度啲雞估唔到非常嫩滑，而且份量都幾多。咖喱汁就正常份量，咖喱充滿香料味，而且有咖喱香。我就叫咗蒜蓉味薄餅，蒜蓉味好香，另外仲叫咗手抓薄餅就比較煙韌。另外叫咗香炸空心球，整到一個個波咁，上面有個窿好薄脆，然後入邊有啲印度香料，再配羅望子醬酸酸地。餐廳幾適合香港人口味，不錯。

心血來潮想食印度菜，就係 Open rice 搵，見到佐敦有一間評分唔差嘅餐廳，一於一試！環境：呢間餐廳有兩層，地方算大，坐得都舒服，裝修都幾有印度特色，去到都有唔少香港人食，食食下睇到電視見到不停播喬保保， 就上網search，先知原來呢間餐廳係喬寶寶同朋友開，而佢亦有份做宣傳，唔怪之得香港人仲多過印度人。服務：侍應服務幾好，上菜速度都算快！食物： 南印度羊肉咖哩 $126 芝士薄餅 $28 芝士奶酪球 $68 薄脆 $0 (送嘅) 香芒特飲 $45

與朋友晚飯吃印度菜，去了佐敦道茂林街10-18號茂林商業大廈地下。餐廳內雅座清潔整齊，散發陣陣香氣，很有印度特式，服務員禮貌招待，菜式很多供人客選擇。餐前印度鹹薄脆，配上辣香青醬伴食，更覺醒胃。素食咖哩角  $35咖哩角內有薯蓉和雜菜，餡料豐富，配上印式醬料更覺美味。瑪莎拉咖哩雞 $112雞肉燜至鬆軟可口，咖哩汁滿滿香料味道，很有印度特式芝士薄餅  $28熱騰騰的芝士薄餅，濃濃奶香芝士味，外脆內軟。豌豆飯   $58印度飯粒是長條型，咬口特別，豌豆飯粒爽口不油膩。

估唔到係呢條橫巷入邊，有間咁印度嘅印度餐廳，確實係有驚喜，我自己覺得佢嘅回頭率都幾高，如果你哋食過嘅話，你哋又點睇呀？呢間餐廳原來有兩層，一入嚟就會見到呢個五光十色嘅吧枱，感覺都已經好有印度 feel 㗎啦，加上店員都係有印度血統，佢哋真係講印度文㗎，不過當然會同你講英文啦，服務態度都幾好添㗎睇吓餐牌先，佢都幾多選擇，由蔬菜到肉類，前菜都甜品，都一應俱全，大部份更加有圖片推介，所以都幾容易睇嘩！係呢個咁嘅時勢，見到有啤酒做緊優惠，梗係要叫番杯啦！ Hoegaarden 大杯裝都係做緊$58一杯咋，抵飲呀！嘢食未到，都飲杯先啦！希望今晚大家又食到好嘢！好多國家嘅菜式，都會有供應前菜，而印度都唔例外，有 薄餅脆脆 作為佢嘅前菜，都應該唔使多介紹啦呢度既薄餅脆脆做得好好，因為做得好乾身，仲有少少燶邊，所以食起嚟更加香，非常脆口，係一個非常好嘅前菜呢個鐵板，如果大家食過嘅話，就知道佢係咩嚟啦，佢就係 印度燒雞 Chicken Tikka ! 呢個高度強烈推介俾大家，除咗韓國及其他地方嘅烤雞好食，其實呢個印度烤雞都非常唔錯㗎！鐵板形式呈現既佢，非常夠熱，但係就做到外脆內軟嘅感覺，因為外層嘅雞肉烤

今日有個朋友好唔開心，要同我訴苦，係要我陪佢，但我其實一早又約咗人，咁點好昵？咁另外個朋友又話我一早約好，唔准甩底，但老友唔開心😫，點都要陪下去，終於唸咗一個兩全其美嘅方法，就係約呢個朋友上半場，再約另一個朋友下半場呢到入面環境優美，帶佢睇下D靚嘢，人都好開心D😇😇我呢個朋友有乜嘢都鬼咁硬頸，永遠唔會係人面前喊，只會係我面前喊下訴苦⋯⋯😅咁佢約我係佐敦食嘢，我記得之前我去過一間食印度菜，座位幾舒服😌，食物亦都唔錯，而且入面既職員全部係印度人，唔怕聽到我朋友講乜，咁我朋友訴苦就無有怕😏😏😜😜😜😎😎😎😎😎😎😛😛😛😛😛前菜Na Na係舖頭送比我哋食既前菜，呢個我好鍾意食，每次食印度菜都有呢個食👏👏👏👏朋友點樣咗綠色既醬汁，眼范涙光，皆因我呢個朋友一D辣都食唔食到，帶佢去食辣…。等佢喊下就無事。我就當然覺得辣味無問题，而且仲好好味⋯⋯再叫埋個咖喱🍛雞🐔比佢嘆下，其實咖喱🍛不是太辣，不過對於一個從不吃辣的人，她的昧蕾就可能會覺得辣一點，而我就覺得咖喱🍛🐔雞的味道非常有椰香，而且更加適合大眾化口味，好嘢，朋友食小小辣就眼范涙光，喊咗出嚟，即刻無咗心事頂住係心，同我訴完苦，立刻又開心哂👏👏👏👏👏👏👏

疫情好轉終於約男朋友出街食飯，於是決定試下去食平時少食既印度菜前菜：印度薄脆，味道咸咸脆脆的點薄荷醬食另有一番風味！印度羊肉角：呢個食落較乾身，食面包住豆、羊肉粒，外皮似角仔脆得黎係鬆化既，但會比較乾身鐵板香料燒雞：呢個燒雞上台就令人wawa聲，因為好有穫氣識噴煙，空氣中濔漫住好香既香料味，而且雞肉唔鞋，份量十足但最令人驚喜既係芝士薄餅cheese naan，岩岩烤出黎個麵皮好有勁度有咬口，入面滲住陣陣既芝士香。另外點了butter chicken(牛油雞）送薄餅,butter chicken甜甜地帶番茄和牛奶既香味，同平時食既咖哩唔同，同薄餅十分配合侍應們服務都勤快，環境舒適企理，好岩二人聊天談下心

隱藏於小巷中既CURRY LEAF, 見佢係OPEN RICE 既分數好高下 就想去食食 加上朋友係異地回港 第一時間 已經話想食印度菜因此帶朋友去食下。相對之前食過既印度餐廳 CUEEY LEAF有2層, 即使限聚令下 入座時間都唔需要等太耐當然有BK位 會更好。用餐期間都有好多人入黎食野 ，證明它多有名。餐廳內外佈置都富有印度色彩 畫像 裝飾都有濃濃宗教色彩坐下是上胡椒餅前菜，香脆微辣。就咁吃或沾茄汁、乳酪汁或鹹檸檬吃都可以。有好多食法。Chicken Tikka Masala 瑪莎拉咖哩雞咖哩必吃推介，瑪莎拉咖哩雞，是用不辣的咖哩燉煮而成，適合不能食辣既人士。雞肉煮得很軟身，滑嫩雞肉易入口咖哩質感濃稠, 微微甜香啖啖CreamyMasala Omelette 瑪莎拉咖喱奄列眼見Chicken Tikka Masala醬汁多 因此叫了奄列 (洋蔥 蕃茄 辣椒煎雞蛋包 ) 就咁食 好香蛋味 , 沾Chicken Tikka Masala醬 可以食幾碗飯Duck Pizza ( 新出)店員推薦我地試食DUCK PIZZA,雖然食印尼菜食PIZZA都真係幾搞笑但佢味道又真係唔差 最緊要份

呢條好隱蔽既小巷平時真係唔會行 但其實就係彌敦道行行下聽到後面一男一女討論點會未黎過呢度呀八卦既我就走入去一探究竟🤣🤣🤣其實主要係有車泊同有一兩間地鋪餐廳 行左個圈都係唔明個男人口中所講既「點會未黎過」哈哈但就誤打誤撞發現左呢間環境氣氛幾好既印度餐廳價錢中等 但勝在選擇夠多 連pizza都有！唔知係咪同隔離餐廳有partnership呢第一個上竟然係pizza 特別之處係有3款唔同既dip 香港食pizza好少會有dip 綠色白色既應該係sour cream 其餘兩款食唔出 但唔錯 大家有興趣可以試下 咁足料既pizza價錢只係$98再黎就係未見過既小食叫炸芝士球 侍應建議我地倒醬汁係入面再一口食哂 味道係酸酸地 而外皮好薄好脆 非常特別仲有呢個既雜菜脆薄餅 清新得黎好脆口 又抵食！最後仲叫左個烤雞塊 好惹味 亦好有印度風味 配埋pizza一齊食仲有意想不到既風味🤣🤣😋

此日行經佐敦，心血來潮又想食印度餐，對印度烤餅真係一試難忘，於是就上網揾下附近有咩選擇。黎到咖哩葉，門口裝修都幾靚，新潮之餘又帶少少印度風。入面有好多好有特色既擺設，餐廳入面播住印度音樂。今次再食印度餐，為既都係印度烤餅，所以烤餅係必點，當然咖哩都吾會例外。最後點左奶油咖哩雞，雞肉炒飯同牛油烤餅。本身想試多幾款烤餅，不過本身有d飽所以都係留待下次吧。等左5分鐘左右，侍應先遞上一盆脆餅同兩個醬，我就先試其中一款先靑色醬個味道係靑咖哩的味道，個脆餅好香，有少少胡椒味，吾點醬就咁食都好味。連個水杯都好印度風呀之後就係雞肉炒飯同牛油烤餅上場，二話不說食一塊烤餅先，熱辣辣好香牛油味，我個人反而鐘意就咁食個餅，吾點醬，因為我鐘意食到面粉既味道雞肉炒飯既飯係長長幼幼的，平時睇電視就見過，今次第一次食覺得食落口感幾特別，不過我就冇試用手食飯入面落左好多香料，就咁食都可以食晒成個。奶油咖哩雞係帶有少少甜味，岩晒吾食得辣既我，雞肉都係煮得剛剛好今餐食得好滿足，好似有少少愛上印度菜既感覺，下次一定要再試其他口味既烤餅

很久沒吃過咖哩了，今次和朋友來到這間印度餐廳大吃一頓。這間印度餐廳裝修很典雅，座位十分舒適。有上下兩層，上層比較隱密，私隱度十足。還有一些特色印度象徵的雕像。整體的價錢不太貴，Naan都有很多款呀！每款都很吸引，很難選擇呀haha上菜前會送上贈送的Papad脆餅，讓我們快速開胃。沾上秘製醬汁食更加惹味。我們點了自家秘製醃烤炸雞，賣相超吸引。醬汁與炸雞融合，味道相當濃郁，不會太辣。還點了Cheese Naan，酥軟的Naan夾著濃濃奶香的芝士。另選了一個Chicken Masala，把Naan沾著醬汁吃，口感更有層次。雞肉很鮮嫩，火侯剛剛好。總括而言，很久沒吃過正宗咖哩，這間印度餐廳很一個不錯的選擇。

之前專登去重慶大廈食印度咖哩朋友話要食其實可以去佐敦 環境仲舒服因為喺政府實施新措施下下層得返四張枱空曠到覺得有啲凍😂但個環境昏暗 配合音樂其實都幾舒服落咗單就上咗啲薄脆比我地仲有青醬同紅醬但我怕辣就無蘸到我地前菜嗌咗炒雞，係冷盤有青瓜、蕃茄、紅蔥頭等十分醒胃！Main dish 嗌咗蝦仁炒飯印式飯粒係長條形 食落好特別！仲有我今晚最欣賞嘅芝士薄餅充滿芝士香 熱辣辣好香！我地仲飲咗印度拉茶好彩啲糖係另外加其實唔落糖咁飲先最飲到佢嘅醇香☺️我地埋完單老細仲叫我地拎個口罩！超有心！仲有啲免費搓手液比客人拎！大家去開佐敦真係要幫襯下小店！

好想去旅行，邊到都冇得去，食吓其他國家嘅菜解下愁都好。經過佐敦見到依間印度野好似幾古色古香 就一於trytry記得同店員講野要要轉返英文Channel😚🤪-嘢食黎之前 有個前菜小食印度🇮🇳薄脆餅配薄荷醬好開胃。脆卜卜-🍛🍗咖喱雞肉pizza（💰90）店員推薦的不在Menu內🥺本身勁驚伏意想不到勁大份！芝士🧀係特別啲又少少奶羶香雞肉🍗都印式烤過附帶兩款沙律醬俾你點-羊肉咖喱角（💰40）食印度野都會想食羊肉羊肉超多超香🤩鐘意羊羶味既我比勁多like💕仲食得出入邊落左唔同嘅香料🌱附有一個類似中式喼汁醬解下膩-咖喱鷹嘴豆 配 naan（💰78）粒粒原粒鷹嘴豆💕🤤個咖喱好岩大部分香港人口味咖喱香辣惹味唔鍾意食芫荽記得走青啊 記得search定芫荽英文🤪🤪🤪-芒果🥭酸奶昔🥛（💰45）笑哈哈🙂like!!次次食印度野都會飲覺得啲芒果硬係特別甜芒果好清新好重酸奶味 仲有陣奶羶香-好抵食大份又傳統正宗😋-

Curry leaf📍.成日都食日本菜 韓國菜甘呢日朋友就就帶左E.L去食印度菜👳🏻‍♂️呢間餐廳雖然係印度餐館 但裝修比較似酒吧 但同時又有啲印度裝修 幾有feel😆.🐔牛油咖喱雞🧈（$115）咖喱幼滑香甜 雞肉嫩滑🐥完全唔同平時食開重口味既咖喱食落都幾特別.🌮Garlic nann ($25)一上台已經聞到好重蒜味🧄餅皮鬆軟 邊位香脆 齋甘食都好好味 .🐑羊肉咖喱角（$48）咖哩角炸得香脆 裡面有羊肉碎同豆肉味好濃 可惜乾左少少左.仲試左🥭mango lassi($45)芒果酸奶芒果味濃 味道都唔錯 仲好飽肚🥛.人均消費：$88美味指數：😋😋😋😋😋😋😋（7.5/10）抵食指數：💰💰💰💰💰💰💰 （7/10）打卡指數：📷📷📷📷📷📷📷（7/10）.店名：咖哩葉 (佐敦)地址：佐敦茂林街16-18號茂林商業大廈地下