咖哩葉

营业中

休息中

入到餐廳，環境舒服，播着印度的音樂，正間餐廳都很有印度風味。正在看餐牌的時候，服務員已端上熱騰騰的胡椒餅，加上配料，辣辣地，幾開胃。印式烤雞塊（四塊）$80斷相桌面是，熱騰騰的，雞塊都幾大，啖啖肉，非常嫩滑，味道濃郁。南印度咖喱羊肉$125特地選了不辣的南印度咖喱羊肉，咖喱味很香濃，羊肉非常淋，唔蘇，很有咖哩羊肉香味。蒜蓉薄餅$25即件即整，熱騰騰的，共有三大塊，配上咖喱羊肉，簡直一流。椰青$38羊肉配椰青是不錯之選，清熱感覺。

是日午餐，見到Open Rice的評分尚算不錯，亦都好耐冇食印度菜，就去試下。一坐低就比左以下嘅Menu我地。但老公留意到樓下d人係有埋Lunch Menu，我地就開口問侍應拎（原來要chok出嚟）。溫馨提示：星期六都有lunch set，其實都幾抵食，但要記得問～我地叫左一個6號餐、一個8號餐share。未嚟主菜之前，有前菜。好少食印度菜嘅我都唔知呢味叫咩名，不過幾脆。紅色個配菜都幾辣。（個人唔係好食得辣）主菜到，大大力推「蒜香烤餅」，啱啱嚟到熱熱地真係香口又好味。飲品我地加錢要左杯芒果乳酸飲品，估唔到唔係咖啡都有拉花。除此之外，我地仲叫左碟類似咖哩角嘅小食，味道不過不失。（老公稍嫌層皮厚左d）雖然間野喺小街，不過都幾易認。門外有壁畫可供打卡。

真系好难食，好耐未食过咁难食既印度菜，唔似印度，又唔似中菜。蛋炒饭咸到喉咙痛。Onion bhurji 好似无味既水蛋。Paneer 65 似中式炒菜。D naan 好硬。所有野都无味或太太太咸。

跟一位話印度係半個鄉下的朋友慶祝生日，在疫情及限聚令下，挑選了這家印度餐廳來一個午餐！OpenRice 訂好位，準時到達。可能剛剛清潔好，加上有印度香料的混合味道，初初覺得～～咦！得唔得㗎～咁大陣味～? 說時遲那時快，印度經理開大冷氣，又開大風扇換一換氣。Ok! 環境過關！點菜時間，當然由半個鄉里發辦！素食咖喱角，咖喱羊肉，而我只要求一客個個推介的牛油咖喱雞！食物新鮮熱辣辣送出，1男1女竟然可以KO 兩位蒜味naan bread, 因為兩款咖喱真心好味！市道唔好，大家有時間不妨撐下場！今次仲20% off , 自己覺得抵食！連話印度係半個鄉下嘅朋友都話可以encore !!

呢度主打嘅係印度菜 餐廳裝修比起重慶大廈更有印度風味 例如隻杯我好鍾意！仲會不停播Bollywood嘅YouTube😆不過其實佢仲可以點埋土耳其菜 另外有張土耳其菜嘅Menu 入面就有土耳其嘅特大pizza!既然佢一雞兩味 咁就梗係食齊佢啦先講印度菜#前菜食印度菜必備 薄簿嘅餅仔 配搭埋佢專用嘅醬汁 清新開胃 個人超級鍾意#牛油咖喱雞 Butter Chicken Curry $115係意想唔到嘅味道！到底係落咗啲咩？？竟然係蕃茄！咖哩溝蕃茄真係估你唔到！再配搭埋牛油竟然可以整到咁香咁惹味！威力仲勁過落人民幣！從來冇食過咁樣嘅咖喱！極之好味！實在太震撼用嚟配搭薄餅梗係意想唔到嘅好味#芝士薄餅 Cheese Naan $28睇相都見到好厚好大塊一上菜嗰陣仲要係啱啱焗好 好熱好好味！同普通印度薄餅一樣 都係超級濃嘅麵粉味！超級鍾意！而且芝士多到識得拉絲！冇得彈！跟住係土耳其薄餅#Chicken Tikka Pizza 10" $118份量夠大唔使講 仲要係手工pizza!10"已經大到兩個人都食唔晒！畀料好足！見到成個Pizza上面都係滿滿嘅芝士、雞肉、青椒、洋蔥同橄欖可能同意大利嘅Piz

😳見咖喱葉係openrice一致地無咩負評，就吸引左黎，😝食完深感明白的確值得大家俾正評啊～🥙前菜 Papadum三塊 配雜菜辣椒醬同青色奶酪兩種醬🟢青色醬點少少已經好夠辣啦 （不過正🥰呢度既Papadum幾重味🙈可惜係有啲淋左 唔夠脆了 🐏香烤羊排 $185本來本人麻麻地食羊，但都覺得唔錯有四件 羊肉完全唔會un 而且夠香🥘牛油咖喱雞 $115😍呢個真係大推！！最愛🥰以為butter chicken普通無咩特別點知食落咖喱 creamy 特別香既甜味😇雞都夠嫩滑😋真係必點 配naan 一流😋Naan $20 夠軟熟Garlic Naan $25 以為好油 食落唔覺🥬印式菠菜芝士 $85第一次食呢度菜，以為芝士會比較膩，但芝士味唔會好濃，一樣適合配naanLime soda $38Mango lassi $45

Walking along Jordan, we  found a little alley way we never noticed before. It was here we found a few restaurants! Including Curry Leaf Indian Cuisine. As we hadn't eaten Indian in a long time, we decided to go in for dinner. The place didnt seem very big as there was a huge bar on on end. But apparently, they had a much larger upstairs area.  Seating was a bit fancier than other Indian places we've been to. Menu is in English  and Chinese.We were provideded with free poppadoms. These were cris

今日天氣好差，係咁落雨，所以同女朋友去搵野食，搵左呢間係地鐵站行過去5分鐘，唔係好難搵入到去安排左上樓上坐，環境好乾淨，仲播住印度地度音樂好有feel有兩個廚房，土耳其，意大利，印度野都有佢好細心介紹d菜式比我地聽叫左加理雞同薄餅，好香好好食另外叫左個香蕉酸奶，遲左上，佢係咁講sorry,仲比左枝礦泉水叫我地飲住先，服務超好，一定返轉頭個白咖哩雞好好食，好岩香港人口味，連埋薄餅食一流，個奶都好有香蕉味

比想像中好食~ 份量都唔會太多亦唔會太細我地可以試多幾道送～價錢都合理。有我最愛既papadam 個羊肉samosa都好食，個餡好多，配埋個berry sauce一齊食又唔會’流’。個Briyani chicken rice 都好香，但啲飯就林左小小～整體上都好食同抵食

前排減肥食到口淡淡決定每個星期搵一日食好野😚今次就試一間匿埋左係橫街的印度菜揀呢間其中一個原因係見到呢間印度菜唔貴甚至仲平過重慶大廈加上評論話呢度唔止有印度菜 仲有pizza😍2個人總共叫左3樣野食3樣都好想推薦🤩當中最有驚喜的係Butter Chicken Curry餐牌有介紹話有蕃茄 最初都擔心會唔會奇怪點知原來係從來未試過既好滋味！蕃茄的甜 牛油的香 加上適量香料變成creamy既butter curry一洗我對印度咖喱好辣好重口味的印象蘸烤餅食夠惹味就咁食都唔會話咸我同男朋友都鍾意🥰🥰🥰第二推薦必食就係chicken tikka pizza 🍕 兩個人叫左10吋 上到台睇佢不規則的圓形 就知真係手工pizza仲要超級大份 如果係兩個女仔 可能食完呢個pizza都飽薄薄的餅底上有滿滿的cheese 微辣的烤雞肉 青椒 洋蔥 同少少欖欖令人忍唔住一件接一件🤤 至於Cheese Naan 就係CP值最高之選28蚊4大件 中間夾滿可以拉絲既cheese而且個烤餅同pizza一樣 咬落好有麵粉香係就咁食都好味既☺️總結黎講 好食又唔貴 絕對會再返兜！

之前同阿媽黎食過，幾好味，今次就帶男朋友黎食～呢間店係小巷內，靜靜地，氣氛好好，感覺幾有情調。個職員仲好友善又親切地同我地傾下計頭盤小食呢款脆片香脆香口，仲帶有少少辣味，仲有啲胡椒味~ 配上綠色薄荷醬，非常開胃。瑪莎拉燒汁咖喱雞正宗印度咖哩真係唔同啲。味道獨特，個汁好濃香，辣度適中，伴呢個鮮嫩嘅雞肉，認真超正。最後我地連啲汁都食埋😂太好味香辣薯仔花椰菜印度菜當中薯仔同花椰菜都係不二之選。好特別，平時食中菜絕對食唔到呢類煮法的蔬菜。薯仔香口軟腍，花椰菜都十分鮮嫩。印度薄餅我地香港人喜歡食飯，印度人就喜歡食薄餅。上次黎都有試過呢個Naan印度薄餅，今次要encore😂個薄餅咬感好煙靭，配上咖喱汁黎食，真係相當一流。感覺又平民又地道嘅印度咖喱餐廳真係唔多，呢餐絕對係超值選

香港人真係好幸福只要想各國美食都擺在眼前今日又去食印度菜 因為我一直都鍾情印度菜對香料嘅運用 因為今日兩個人食叫唔到好多 我地就黎個全羊宴先黎個烤羊肉配飯 佢地嘅羊肉烤得好岀色 外面有少少焦脆 裡面依然充滿肉汁 加埋啲醬汁嘅點綴 令我胃口大開印度菜點少得印度薄餅 今日我地叫嘅都係羊 話明全羊嘛 食落一啲都唔油 而且用料充足而豐富 加埋啲小蕃茄同蕃茄醬食落清新開胃 好有飽足感~~~~~~~~~~~~~~~~~~~~~~~~~~~~~~兩個人叫兩個菜都食到飽哂咁走 證明佢地啲份量都幾多 鍾意印菜嘅朋友不妨去試下

今次交俾男朋友話事，結果佢帶咗我嚟佢學校附近食正宗印度菜咁話喎🤔估唔到佐敦呢個位會有間特色印度餐廳！餐廳入邊播住印度嘅MV，平時真係唔識自己揾嚟睇...唔知呢啲係咪就係印度嘅靚仔同靚女呢？餐牌同個水杯都勁夾個場內嘅裝修～店員都係講印度文嘅，不過可以用英文溝通， 佢哋都幾有禮貌，同我印象中認識嘅印度人唔同🌙Tandoori Chicken 唐多野烤雞 $112呢個烤雞嘅香料味都幾重，應該用咗好耐嘅時間用香料去醃製，出嚟嘅香味係一種聞到嘅香，男朋友就話唔係太鍾意佢個香料味，我反而幾鍾意，因為唔會同平時食開嘅烤雞一樣咁乾身之外仲帶有一種淡淡的香味！🌙Kadhai Chicken特製咖喱雞 $112男朋友就鍾意食呢個，一來咖喱嘅味都算夠，二來個雞肉比較比想像中嫩身，同我印象中嘅印度藥唔同，以為啲肉類都會煮到偏乾身🌙印度薄餅 $20呢個最估唔到係佢好大份，同埋食出嚟都係軟綿綿，加埋個咖喱一齊真係食到停唔到口🌙Fruit Punch$45兩個人食咗$500左右，初嘗印度菜感覺不錯～

餐廳位於茂林街，呢一條隱蔽嘅細街距離彌敦道只係數十步之遙，絶對旺中帶靜。胡椒烤餅，嗌完嘢食之後侍應就會即刻擺低一份胡椒烤餅，係每枱免費奉送嘅前菜，烤餅係薄脆嘅，口感類似薄版嘅 Nachos，味道偏鹹而胡椒味未算十分突出，但係連奉送嘅前菜都有兩個醬汁跟埋真係相當有誠意，深色嗰個醬帶微辣，喺類似菜脯嘅物體裏面竟然搵到一啲細嘅蓮藕片，都幾好食；綠色嗰個就係 classic 嘅薄荷醬，同烤餅最夾。Garlic naan 蒜蓉薄餅，薄餅口感煙靭，散發住攝人嘅蒜蓉味，烘烤嘅火候亦都控制得相當之好，一整塊都有微微嘅焦脆。Chicken Tikka 印式烤雞塊，Chicken Tikka 係源於南亞一帶嘅傳統菜 Tandoori Chicken 演變而嚟嘅，Tikka 呢個字指嘅係一塊一塊嘅意思，將雞肉去皮去骨切塊，先用印度香料醃一段時間，然後串起放入烤爐裡面烤，最後伴住生菜、生洋蔥同檸檬一起上枱，上枱嘅時候鐵板同雞塊發出激烈嘅咋咋聲，切開雞肉裏面係出奇地咁嫩滑，印度香料嘅味道入哂落啲雞肉入面，係正宗嘅印度風味。Chicken Vindaloo 鮮辣咖喱雞，喺點菜嘅時候個印度人侍應聽到我地本地人嗌呢一

唔想得罪任何人 , 但諗落實在好搞笑 ....因為每次見到印度餐廳嘅評論 , 就總係離不開 "正宗印度咖哩" 又或者 "今晚食咖哩" 之類的 title ....可能係因為我係 葡萄牙&中國 混血兒 , 而我自細就同印度人一齊長大嘅關係 , 我開香料公司, 同對印度菜實在太熟悉 , 所以自不然覺得好好笑 .... 其實咖哩只是一種統稱 , 印度人/巴基斯坦人 , 係唔會話 "我去食咖哩的" , 咁樣好奇怪 , 因為每道菜都有名 ; 奇怪程度就好似 , 某一些外國人對中餐不認識 , 就以 fried rice 同 dim sum 來代表所有中國菜一樣 ~ 我唔係想得罪人 , 但真係笑Q死我 ~而且印度菜變化多端 , 就是南、北印度菜的煮法、味道和香料嘅配搭 , 都已經大不相同 ; 當然亦都存在了傳統同 & 新派的菜式 ~OK 啦 , 為配合大家 , 咁我寫 , "今晚去食咖哩" 等大家開心下 ~印度菜餐廳 Curry leaf 咖哩葉 , 餐廳裝修得富時代感 , 有酒吧餐廳 feel, 氣氛夠 chill ~Menu ~坐定定 , 讀餐牌的時候 , 侍應生就端來新鮮又熱辣辣的 胡椒餅 p