和順記 (路德圍) (已結業)

今次輪到係油麻地開到黎荃灣嘅超巨大神級炸髀！ 以前油麻地店晚上不營業，荃灣店營業時間就長好多喇，仲開係掃街勝地路德圍添～餐牌除左原有炸髀、滷髀同龍躉飯外, 仲加入藥膳豬潤系列同即日製蕃茄濃湯系列新元素，就只有荃灣店先食到。雖然神級雞髀煎蛋飯較抵，但最後都寧願唔好甘飽只點淨髀神級炸髀皇 $45雞髀皇果然名不虛傳，超巨大大過塊面，見到都開心皮脆juicy入晒味～神級好味！滷水雞髀皇$45滷水雞髀size比炸髀更巨，五香鹵水料頭好香甜，味道豐富，重點雞髀肉超級嫩滑，怕熱氣嘅可以試呢個！避風塘炒豬扒飯避風塘炸蒜粒好惹味，用帶骨豬扒，邊邊肥膏豐油香，肉質爽彈！用嘅係珍珠米，甜豉油好下飯蕃茄濃湯豬潤讚岐烏冬豬膶目測成寸厚，火候剛爽滑又唔會有腥臭！每日即製蕃茄濃湯好濃郁，味道充滿蕃茄嘅香甜，讚岐烏冬掛晒汁！仲有供應各款茶記必備特飲，我都試左朱古力紅豆冰、奶茶紅豆冰！

一段時間冇黎路德圍，原來已經有啲店舖變遷，隔離嘅龍門冰室執咗，呢間餐廳嘅前身（車仔麵）都冇埋，於是試吓呢間新開張嘅和順記。好多人⋯⋯both堂食&外賣不過唔係等咗好耐就有位。我估八九成嚟到呢度嘅人都係叫神級雞髀王煎蛋飯差唔多成隻碟咁大隻，賣點唔單止外形大隻，食落味道香脆可口我唔係雞髀狂熱者，佢應該係我印象中食過嘅雞髀之中最大隻最好食嘅相信雞髀關注組嘅朋友更加一定要試吓睇塊雞皮都唔算好肥膩好油炸，雞肉都嫩而多汁，幾有水準。呢個係避風塘炸豬扒飯，同我想像中嘅避風塘有啲出入，個人認為雞髀好食啲，不過我欣賞佢切好晒咁上碟，而且仲有椰菜(用手機落單嘅時候仲可以揀多菜）好多肉嘅一餐，我諗男仔會好鍾意食，夠晒飽肚，女仔就未必食得晒，建議嗌少飯凍柚子蜂蜜綠茶鹹檸七～（細嗰個係牙簽筒拍埋一齊好搞笑😆）香港地道美食真係冇得輸食得晒，唔好嘥，蔥油醬料都唔少仲有其他嘢想食就等下次啦本身想食龍躉飯不過冇個霓虹燈牌三隻字唔同色，幾靚總括而言，可以encore，特別係雞髀，10分滿分我會俾9分仲有1分係⋯⋯座位有少少迫窄，我哋今餐都係同人搭枱。不過都明店舖空間有限，冇計。

去開荃灣，順便去試試。下午茶時候入座，無叫下午茶，叫咗「蔥油炸雞髀皇煎蛋飯」（$60）+ 凍奶茶（$3）奶茶先到，但茶膽好淡味，有點像飲溶咗冰嘅奶水，有改善空間。飯隨後就到。飯軟硬適中，溫度夠熱。雞髀真的非常大件，炸得外脆內軟。但雞味不夠，而且略嫌邊位炸得有點過硬，總括質量可以接受。可惜的是，蛋並不是所謂的太陽蛋，從相片可見已是全熟蛋，有點失望。另外，豉油姜蔥份量過少，幸好在要求之後多加了一碗姜蔥。伴菜的椰菜熟得嚟不失咬口，是很好的配搭。抵讚嘅係老闆和同事都非常有禮，由於店面偏細，會主動幫你搵位。落錯單，加減東西都會主動幫忙。QR Code落單，site setting 比起我用過其他餐廳的不夠清晰，有問題可直接提問。好的是飲品種類多，還有多項選擇。如：少甜，少冰，多奶，少奶，走奶，走冰等等。會再次幫襯，希望質素繼續改善，會試其他菜式。抵讚：1. 上菜快2. 服務態度好3. 選項多改善：1. 茶膽太淡2. 太陽蛋過熟3. 醬汁份量太少6.5/10

生炸雞脾皇煎蛋飯 $58個雞脾大得真係好誇張 係真係肉 唔係得塊皮大 個皮其實炸得好香熱辣辣 可惜我唔食皮 好似有啲浪費左 佢嘅骨同肉都好易分離所以切起上嚟係好方便 啲肉好滑勁多肉汁但又唔算好油不過個飯唔係好夠熱同好少汁 同埋杯熱檸水有朕怪味唔知係個杯定個檸檬出事整體真係不錯的 驚個脾太飽可以好似我咁叫少飯就應該岩岩好

上網睇到人地介紹呢間出名超巨型炸生雞髀🍗的荃灣「和順記」好想一賭風采，決意今晚試下。餐廳🍴佔地不大，普通茶記格局，但整體觀感夠光猛明亮潔淨，人龍不絕，客人用上QR CODE自行下單。一場黎到，當然要食神級炸雞髀皇煎蛋飯🍳（HKD 58): 加麻辣汁，巨型生炸雞髀呈上時完全嚇親😱，大過我塊臉吾知食吾食得曬。雞髀用上韓式醃肉方法，將菠蘿、甘筍、檸檬、番茄、水果製汁醃足4小時，所以雞肉特別香甜帶果香，經200度炸脆雞皮，外脆肉嫩，肉汁完美鎖緊水份，外皮脆到食薯片咁，終於明點解咁多回頭客。麻辣汁偏溫和，麻多於辣，用上大量豆豉提升層次，太陽蛋流心配甜雞髀🍗，好味。豬扒讚歧烏冬配蕃茄濃湯（HKD 58):豬扒同烏冬分開呈上，好細心吾會浸焾豬排🥩，豬扒略略香炸炸粉薄薄地、食落香脆帶點油脂香。蕃茄濃湯都好香濃，好濃稠，仲加埋新鮮蕃茄無得輸，烏冬食落爽彈，掛上蕃茄濃汁，好吸引。紅豆冰：紅豆好焾，大大杯，一路飲一路咬下，奶味十足。蜂蜜抽子綠茶： 用上韓國柚子蜜，甜得黎溫順，入口順滑，綠茶淡淡清香。總結：必食巨型生炸雞髀🍗回頭率高

路徳圍就如競技場，汰弱留強，短短幾個月，不少店舖又換了樣。和順記名號，以往到上海街就會光顧，抵食好食，也記得老闆的招呼人情，得知近年多開分店，來到路徳圍，支持一下。前後來了兩次，炸脾是必點的，這裡是QR CODE 自助下單，提點一下店家，有機會被惡意下單的風險。餐牌和油麻地差不多，但原舖會多點包類。點了一次避風塘炒豬扒飯。坦白講，呢個真心一般。首先無炒過，先唔好講鍋氣，見到蔥粒都仲係生嘅，就知道炸好豬扒，斬件，用盆撈啲炸蒜味粉的做法。豬扒都係即炸嘅，醃得都正常可以，份量就係一塊豬扒。鄰座點豬扒煎蛋飯，假如我知道係咁，可能豬扒蛋飯更好，多隻蛋，平2蚊。凍鴛鴦，凍就夠凍，味道還可以，就係細杯咗啲。凍奶茶，都可以。點了一次炸脾飯，本身想要咖喱汁，但當刻無，改為沙嗲汁。沙嗲汁，出唒事。首先又凍，埋生粉芡又重手，一patpat 咁，調味又差，完全係啲蠔油老抽有啲沙嗲味嘅嘢。炸脾都係大隻嘅，用嘅係無上粉生炸，顏色都幾好，油溫好。有肉汁嘅。但坦白講，調味就普通囉。記得油麻地，雖然不是即炸，但調味精彩，食到帶點生果的甜味，新店的味道，其實好多茶餐廳都有，稍勝就只係大隻啲。整體而言，味道可以，好評未滿。

以神級雞脾皇打響名堂既和順記進駐荃灣💥大大隻既生炸雞脾單係睇相都夠哂吸引😆一於睇下佢究竟有幾利害🤭🌟 巴蜀雞脾王配即日製蕃茄濃湯烏冬 $70整隻手掌咁大隻既雞脾外皮炸到勁香脆，而且有陣陣孜然香味～雞肉肉質Keep到嫩滑，而且幾厚肉。配搭既蕃茄濃湯烏冬更令人驚喜😝就咁睇都見到湯底入面有好多蕃茄，而且超熱辣辣，味道好鮮甜。加埋彈牙既烏冬超夾！🌟 芥末牛柳配黑松露炒蛋飯 $58芥末牛柳切成條狀，份量幾多但未算好入味～黑松露炒蛋既黑松露味道幾重；另外配上瑞士汁撈飯，甜甜地用黎送飯岩哂🌟 和順記麻辣雞扒撈丁 $42🌟 特飲（鴛鴦紅豆冰／紅豆冰／柚子蜂蜜綠茶）+$10

讚1.支持下舊同事，嘢食同其他分店既水準差唔多，椒鹽豬扒飯既金蒜炸得好，香得黎唔苦，豬扒切得嚿嚿差唔多大細，煎得香口，入味同埋唔油膩，飯既醬汁就有少少甜，整體做得幾好2.環境幾乾淨，一定好過佢油麻地果間彈1.熱奶茶都幾澀一卜

我係去荃灣嗰間，之前有食過油麻地嗰間，見到近排佢開多左好多分店所以再去試下，呢間近住垃圾房，坐門口會聞到陣陣垃圾味🥘神級雞脾皇煎蛋飯 $58 (7/10)生炸雞脾嚟講，佢真係炸得幾好，食落去好濕潤一啲都唔乾，唔會覺得好油，個半熟蛋都ok，我呢個飯係揀左瑞士汁，揀左多菜😕，佢都係比得好少，如果冇食過舊鋪嘅話，我可能會覺得個雞脾超大隻😂，以前食嗰個係豉油皇雞脾，大隻好多（最後嗰張圖🧋凍奶茶 +$3 (6/10)杯奶茶冇咩茶味，少甜左但都覺得麻麻地🍹鴛鴦紅豆冰 $28 (6/10)冇得揀甜度，飲落普通，飲落好似坪洲間祺森冰室嘅味

🍗荃灣新開超巨大嫩滑多汁炸雞髀飯🍗之前一直好想試下位於油麻地一間出名食炸雞髀飯的小店，因為佢成日星期日唔開，收工去又閂左門，不同原來在荃灣靜靜雞開左分店，仲要有晚市，今日終於要去試下個雞髀係咪咁好食先🍗神級炸雞髀皇煎蛋飯 $58 凍飲+$3一場來到一定要試下佢地聲稱神級炸雞髀飯，可以自選配瑞士汁/咖哩汁/沙嗲汁/黑椒汁，今次我哋揀左黑椒汁，黑椒味好重而且都幾夠辣，雞髀size 係非常大，大過手掌，切開入面雞肉很嫩滑多汁，醃得入味很傳統炸髀味道，但雞皮唔夠脆，如果你係鐘意勁脆乾身炸雞髀既話感覺點落差🍗避風塘炒豬扒飯 $56 凍飲+$3心目中的避風塘係非常多炸蒜藏住豬扒，menu 張相都少少係舖滿炸蒜，但上檯時炸蒜不多，雖然豬扒炒得幾香口入味，但一心想食避風塘豬扒既我有點失望，呢個豬扒飯最多叫可叫「椒鹽豬扒飯」另外個飯只有豉油汁，份量比較少好，成個飯食完好口乾🍗另外凍檸茶超級甜，記得少甜🍗其實都算好食，只係同心目中嘅炸雞皮同埋避風塘豬扒有一點唔一樣，味道就未算去到神級

荃灣新開超巨大嫩滑多汁雞髀飯之前都知佢有總店喺油麻地度，但係對於唔係成日去嗰頭，所以一直都冇食到，難得佢喺荃灣開舖咁近返工附近，中午梗係去試一試。今次我哋星期六差唔多1:30鐘先到，星期六果然係多人啲，好彩等咗一陣好快可以入座。今次試咗佢個招牌菜，神級炸雞脾皇煎蛋飯配瑞士汁（$58）再加多杯凍奶茶（+$3）。仲有芥茉牛柳配黑松露炒蛋飯（$58）凍奶茶（+3）。先剛剛炸雞髀飯，真係好大份，足足有一隻手咁大，雞皮炸得好脆好香口，啲肉仲要好嫩好多肉汁，唔會話炸到老晒。蛋可以自己選太陽蛋荷包蛋炒蛋，蛋就正正常常。朋友揀嗰個芥茉牛柳，佢話牛柳煎得比較老，有啲韌。佢話佢下次都係食返炸雞脾😂下次如果我去會試埋佢個避風塘豬扒飯，賣相好似唔錯。去開荃灣又想食炸雞脾嘅不妨一試。

生炸細髀薯條$45，味道剛剛好，唔會太鹹，賣相十分之好，用心製作+$12奶茶紅豆冰 ，對於奶茶同紅豆冰愛好者嚟講，絕配啦。又有奶茶又有紅豆，一次過享受到兩種味道。

呢間和順記都可以話係油麻地名店但次次去都超多人令我卻步今次黎到我地頭開分店，又點可以放過佢（Ｄ雞脾）？野食選擇唔算特別多但係淨係生炸雞脾已經有四款而且黎呢到最望要目的都係食雞脾岩晒我果飯！食過好多生炸雞脾呢間真係做得好好首先當然要叫原味既神級生炸雞脾先啦隻雞脾真係勁大隻成隻手掌咁大！誇張！仲要係新鮮生炸上台係超級熱辣辣！一件靚既生炸雞脾既精髓就係可以炸到外皮金黃香脆既同時入面依然嫩滑多汁呢到既生炸雞脾就完全做到呢一點一咬落去，熱辣辣既雞油同肉汁即時必晒出黎真心每一啖都好令人回味而且佢既調味亦恰到好處你可以食到雞肉既鮮甜，同時食到佢既咸香麻辣雞脾皇食過咁正既原味之後毫不猶豫再加碼！呢款口味係以原版生炸雞脾做基底再配上麻辣汁呢個麻辣汁真係超有驚喜佢唔會好辣但係佢既麻味超級香！而且極有層次令唔太食辣既朋友都可以享受到麻辣既美味更令成隻雞脾既美味更上一層樓巴蜀雞脾皇呢一款口味比起麻辣版，佢更注重係香料帶比你既層次感佢用上左唔同既香料撒係雞脾面令佢本身已經香脆既雞皮增添左一份香氣，更加惹味食過呢三款炸雞脾都真係超級勁滿足不論係雞皮既香脆度，雞肉既嫩滑度，肉汁既多少，調味既深度全部都可以話係完美無

聽朋友講，荃灣開左和順記，一於試下個炸雞髀，上碟既時候，見到個炸雞脾，真係o左咀，又大又厚，心諗早知走飯😂😂本身諗住減肥唔食雞皮，點知忍唔住食哂成隻雞脾，因為真係几好食😋😋我鐘意佢無炸甘熱氣，但又有炸個種外脆內多汁，裡面d雞肉仲好幼滑👍🏻👍🏻不過，最最最令我驚喜係， 蕃茄濃湯底既讚岐烏冬，重點當然係個蕃茄湯底！！！作為蕃茄嘅粉絲，由細到大都好鍾意食蕃茄，但係只係鐘意屋企人煮既蕃茄，原因係外面餐廳嘅蕃茄都「唔林又好硬」，無咩點「熬」過，我鐘意蕃茄煮到爛哂！而呢一碗嘅蕃茄濃湯底正合我心意，真材實料，冇味精，真係忍唔住成碗飲晒佢，佢亦都係我第一次係外面餐廳會飲晒嘅蕃茄湯底！！完全無猶豫，我一定會再幫襯呢一個蕃茄湯底♥️♥️♥️因為冇諗過甘好食，所以就冇影到相，用咗官方相片，但係飲晒湯底嗰張相就係我既😂😂😂

今天和朋友一起到荃灣新開張的「和順記」吃晚餐。來到這裏，當然要品嚐它最著名的炸雞髀！晚市時間，來到店門外，已有幾位客人在門外等待。店內空間不大也不小，裝潢跟一般港式茶餐廳差別不大。這裏的食物選擇比想像中多，但既然來到這裏，就必須嘗試招牌的炸雞髀。這裏是以QR code自助點餐的，我和朋友分別點了兩款神級雞髀皇套餐，餐飲則點了鴛鴦紅豆冰。生炸雞髀皇煎蛋飯($58)套餐一上桌，就被炸雞髀的份量震懾了！名副其實的「大過你塊面」！足足有兩個手掌的大小吧！吃一口炸雞髀，外皮香脆，內裏肉質嫩滑。用刀切割時，雞肉和骨容易分離，切的時候肉汁一湧而出，實在令人好奇，如此大塊的雞髀是何以做到整塊都外脆內嫩的效果。跟餐配了瑞士汁，沾上它吃增添惹味，不過個人覺得即使不沾上醬汁，雞髀原本的味道也足夠。巴蜀雞髀皇煎蛋飯($60)炸雞髀的份量同樣「大過你塊面」！皮脆肉軟，十分香口，沾上巴蜀粉的炸雞髀，味道更為鹹香，喜歡重口味一點的朋友可以嘗試這款！鴛鴦紅豆冰(+$12)鴛鴦紅豆冰味道香濃，不會過甜，紅豆軟稔，整體味道不錯。雖說荃灣路德圍的餐廳和小吃店不少，不過這間「和順記」的食物份量十分充足，尤其招牌雞髀的質素確實