和順記 (路德圍) (已結業)

星期六中午黎幫襯等左五分鐘左右就入座，座位同座位之間較窄叫左瑞士滷水雞髀皇煎蛋飯$65凍檸茶加$5雞髀超大隻真係另一個餐叫左神級炸雞髀皇煎蛋飯$65我將飯轉左番茄湯烏冬加$7一樣凍檸茶加$5滷水雞髀皇比起炸雞髀皇大隻好多炸雞髀皇雞髀肉咸咸地，唔錯如果平時食得清淡嘅就可能會覺得太鹹番茄湯烏冬都有幾多舊蕃茄湯底濃郁，正不過杯凍檸茶麻麻地，有改善空間

呢間新開冇耐既餐廳聽聞佢最出名既名物係生炸雞髀今晚食完飯經過見唔係好多人排隊叫一隻炸髀外賣$45因為收到order先炸既關係等左大概15mins需然已經有個紙袋加膠袋裝住但回程在巴士上，隔住個口罩都聞到勁香😋😋😋我好後悔當佢係一個小食真係大到CLS….跟本剩係食雞髀都飽到痴線佢個醃料好香好入味肉質仲好juice 可能外賣既關係個外皮冇咁香脆但完全冇損好食既程度有機會想試埋佢個滷水雞髀🍗希望佢可以頂住…唔好好似爸爸咁快執🍂

最近比較多吃外賣，今天經OpenRice落訂單，買了位於荃灣路德圍「和順記」的煎豬扒撈烏冬。本來只打算吃一個普通的lunch, 填飽肚子。想不到很有驚喜這間餐廳主打雞髀，想不到煎豬扒也做得十分出色！外脆內軟，非常美味。烏冬的質感和韌度都很好，高質素，沒想到茶餐廳的出品可以這樣正！這是一個撈烏冬，可選擇喜歡的醬汁來撈，我選了沙嗲汁，同樣是很好味這是一間受歡迎的店，在店外等候取外賣的人很多，也有些是等候堂食的。上班的午飯時間只有一小時，大家訂購外賣早少少落單，讓舖頭有時間準備，也讓自己能早些取得美食

《和順記》路德圍以前一直光顧碧街分店，因為佢除左招牌生炸鷄髀外，豉汁蒸龍躉同芥末牛柳粒都係我喜愛💕荃灣已經開張左一段時間，今日先第一次光顧，果然水準不錯＜神級鷄髀王煎蛋飯＞$65真係唔講得笑，你睇下同隻蛋既比例就知道🤣炸得好好，鷄皮已經變左薯片咁脆，零油脂感🥰鷄肉不會過老，男士應該食得哂，女士就要好努力＜避風塘鷄扒煎蛋飯＞$60雞扒全部避左入炸蒜蓉，只係個炸蒜已經夠食哂d飯，雞扒份量偏多😌而且好入味🌟跟餐熱飲+$3，凍飲+$5

一直知道呢間店有勁大隻炸雞脾！今日下午茶好肚餓，就去試一試！舖頭裝修10分簡約，點餐竟然係用智能系統， 10分新穎！餐牌內容有點複雜，叫餐時有點不知所措，幸得員工細心教導，終於成功叫餐。估唔到呢間除咗食炸雞脾外，仲有好多唔同嘅選擇，見到佢有豬膶薑米湯米粉，呢啲乍暖還寒嘅天氣啱晒嚟暖下身。叫咗一客，配上薯角。當然唔少得要叫雞髀，特別叫咗新疆辣味，希望可以暖一暖身！估唔到呢度仲有老火湯可以叫，有杏汁豬肚湯，梗係叫過嚟滋潤下啦。雞髀先上枱，嘩！真係好好好好大隻呀！熱辣辣㗎 ！不過店員唔記得咗幫我落辣粉，佢哋好快好細心同即刻同我加返辣粉上去，隻雞比即刻野味晒！雞皮吹卜卜，肉汁鮮嫩，雞髀真係超級大隻，勁香口！一個人真係食唔晒，好彩我同朋友一齊嚟。薑米湯豬潤米粉係極其好味，嗰薑米湯我忍唔住要飲晒，因為實在太鮮甜啦!最後，一定要講吓佢個杏汁豬肺湯，湯有濃濃嘅杏仁味，極度濃郁鮮甜，有點飲糖水的感覺。豬肺好乾淨好新鮮，入口軟綿綿，吸盡湯汁，真係極好飲，飲完個肚暖粒粒，有一種極補身嘅感覺。食完邪惡嘅炸雞脾，飲返個健脾開胃嘅湯，成個人平衡返。真係非常之滿足嘅一個下午呀！

今日去路德圍食好西，我朋友帶我去食勁勁勁大隻雞髀🍗真係大過我塊面，見到即刻嘩嘩聲😂😂😂🍗巴蜀辣味炸雞髀$57真係一定要講咁大隻雞髀，自己一個人真係食唔哂，我都要同朋友分享，佢辣辣地好香脆，雞髀沒有很多皮下脂肪，皮好脆好好食😋🍗秘製麻辣沙嗲汁$4沙嗲汁辣辣地好惹味，配雞髀勁岩味🍗奶油厚多士$15好多時熱辣辣焗得啱啱好，牛油煉奶份量啱啱好👍🏻🍗避風塘炒豬扒撈丁配熟蛋$58避風塘非常野味，豬扒口感爽滑彈牙，用避風塘蒜頭撈丁超級好味🍗神級炸薯角$38呢個價錢呢啲薯角真係勁抵食，大大碟住個係即炸，又有口感👍🏻🍗奶茶紅豆冰$28第一次飲奶茶配紅豆冰，出奇地夾，奶茶同紅豆嘅味撈埋一齊好有新鮮感🍗凍奶茶$20茶香奶滑，正常茶記奶茶味道

成日行過見到和順記個門口貼住勁多大大隻炸雞脾既相好吸引！ 今日就決定黎試試！揀左雞脾之後可以揀埋配飯或者麵，仲可以揀埋醬汁！我就揀左神級炸雞脾飯配芝士汁，同埋雞脾要孜然辣味！一黎到既時候真係嚇左一跳，隻雞髀真係超級大隻，有塊面咁大！而且即叫即炸，唔會炸到乾哂，都幾juicy!原來避風塘食品都係佢地招牌菜！所以朋友就叫左避風塘雞朳，估唔到份量都好足，炸蒜勁惹味，撈飯食一流！除左主食仲有司華加腸、魚蛋、薯條等等小食！飲品有紅豆冰呀！呢度一定滿足到食肉獸！

.📍和順記📍 #饅頭去荃灣 #饅頭的港味道------------------------------1️⃣神級雞脾皇煎蛋飯 ($65)雞脾真係神級咁大嚿😂，雞皮偏厚不過炸到脆卜卜咁，炸脾骨肉分離；生炸嚟講啲雞肉都唔會話好乾嚡，慶幸今次隻雞運動量幾足😆，所以肉質緊緻彈牙；不過調味就有啲簡單，小編試唔出其他食客講嘅果香，反而入囗係有微微蒜香，的確冇明顯嘅雪藏味。比較有驚喜嘅係佢哋嘅飯係濃珍珠米😲，質地有咬口且食落更有米香，用嚟撈飯嘅港式咖哩汁係意料之內嘅完全唔辣😂，黑椒同椰漿亦唔會好香濃，叫做可以唔使淨食白飯。至於煎蛋蛋黃好流心但冇生臭味，不過底部我覺得可以再煎耐少少。◾評分：7.6/10------------------------------2️⃣凍檸水 (跟餐 +$5)佢杯檸檬水反而幾好飲😲，冰凍得嚟又冇水喉味，3片檸檬都夠厚，篤完之後杯水充滿香味，夏天飲一定好正。◾評分：8.0/10------------------------------🔸整體評分：7.8/10🔸小編回頭率：7/10

今日同老公去左路德圍搵野食，呢度出名多野食，我地就去左和順記食炸髀，呢度除左有最出名係面咁大隻既雞髀，估唔到有薑汁豬膶麵，豬膶製作功夫多，所以出面已經好少有。一場黎到，我地叫左個薑汁豬膶牛肉麵，神級炸雞髀皇煎蛋番茄烏冬，豬手，奶油脆豬同紅豆冰。豬膶牛肉麵太陽蛋配招牌薑汁湯底-湯底好好味，薑絲湯底入面仲有杞子，豬膶同牛肉煮得剛剛好，鮮甜爽脆嫩滑。神級炸雞髀皇煎蛋配新鮮番茄濃湯烏冬-神級炸雞髀用咗秘製醬汁去醃製，炸到外面香脆，入面保持鮮嫩多汁，烏冬爽滑彈牙。秘製醬炆豬手-充滿花椒八角味既醬汁豬手炆得入味，仲啖啖骨膠原。奶油脆豬/紅豆冰-奶油脆豬，酥脆唔硬，配紅豆冰一流。

今日出咗去荃灣買交換禮物，順便去食出名嘅大大隻炸雞脾就係呢隻出名炸雞脾，真係好大隻，成隻碟咁大隻，好多雞肉，雞皮炸得好脆~~~豬膶薑湯麵，薑味都幾濃，豬潤好大塊，少少粉，厚度適中~~~~小食單點左一碟炆豬手，好淋好入味!!!!另加小食，炸魚片頭同大大粒魚蛋都幾彈牙~~~~朱古力紅豆冰，紅豆大大粒，軟綿綿，朱古力味好香，同紅豆好夾^^朋友果杯凍檸茶正正常常仲加左份黑松露炒蛋，份量唔多但黑松露好香蛋好滑

有一段時間沒有來路德圍覓食了，特別記掛和順記的巨型炸雞髀，今晚終於有機會再度光顧！衝着巨型炸雞髀而來，所以透過QR code點開餐單後不久，立即點選了「神級炸雞髀皇煎蛋飯」($65)！有上一次的經驗，知道一個「神級炸雞髀皇煎蛋飯」的份量對我來說實在太多，所以雖然這裏用的米飯是我最喜歡的日本珍珠米飯，但還是刻意選了少飯，加瑞士汁，而巨型炸雞髀則另外加配巴蜀味粉(+$2)，飲品方面則選了「咸檸七」(+$15)。不消一會兒，「神級炸雞髀皇煎蛋飯」到！巨型雞髀還是非常吸睛，面積依然是我兩隻手掌大！急不及待馬上品嚐。神級炸雞髀熱辣辣的，外皮非常香脆，內裏的雞肉則十分香軟，咬一口肉汁和香味一擁而出！加上巴蜀味粉，整體味道更為鹹香惹味！添加了瑞士汁的日本珍珠米飯更為滋味，口感煙煙韌韌的。太陽蛋新鮮，味道甘甜，伴着炸雞髀來吃，味道和口感也沒有那麼單一。冰凍有氣的「咸檸七」，甜中帶鹹，解喝又解膩。整塊都外脆內嫩的巨型雞髀確實讓人一試難忘，有機會還會再來光顧！

#和順記 💛今次講嘅係位於荃灣路德圍嘅和順記💕相信大家都知佢巨大化雞脾好岀名🌹所以小編就去專登去試下啦✨✨店員服務態度好好 環境都坐得幾舒服🤤🤤一定要去支持下黃店💛💛瑞士汁雞髀王配太陽蛋飯 $65💰（7/10）真係真係不得了‼️‼️嗰瑞士汁雞脾王係巨大化佐💥💥係大到小編嚇親🙈🙈完全係大過小編塊面😳😳而且完全入味 好香瑞士汁味 又唔會過咸 雞肉都唔會好韌 仲好有咬口✨✨食完呢餐會好滿足💓💓 太陽蛋撈飯世一❤️❤️芝士雞扒煎蛋撈丁 $59💰 （7/10）好香濃芝士味 有好多芝士汁但又唔會變到好咸😻😻雞扒都幾大塊 而且外脆內軟💗💗 又唔會好韌 配埋嗰岀前一丁食 真係邪惡得嚟好滋味☺️☺️而煎蛋篤爆之後撈埋食 好香嘅蛋汁配芝士撈丁 絕對可以試下🤤🤤睇到呢度 快啲約埋朋友一齊去‼️‼️推薦指數🌟 7 / 10 🌟和順記 (路德圍) (荃灣)⚜️荃灣路德圍6號地下A1號舖⏱星期一至日 1130-2200

優點-雞肶超大超滑-雖然話用QRcode點餐，佢地都樂意幫忙人手落單-要熱水有熱水。-有禮貌和快手-餐具系金色，令人感覺高檔一點，改善點- 價錢貴小小，就算外賣都要45蚊一隻- 如果當要求時，可以提供圍裙同膠手套就perfect，咁45蚊感覺會好D,因為雞肶真系太多汁，幾個客都彈到身，另外雞肶好多人會喜歡用手拿住食會開心D。（不會影響分數）今天星期六下午三點15分,門口無人等，入佢一睇剛剛好只有兩個位，鋪頭細細，座位比較逼，每個雙人檯都有透明隔板，檯面寫明要QRcode 落單。炸雞肶皇（$45）5分- 一上檯真系幾吸睛，因為好大隻，比通常炸雞肶起碼大2/3。聞落好香，咬落皮脆肉滑，吾系講笑，打開塊皮下面都有汁，。滷水雞肶（$45）5分-同雞肶皇一樣大隻，皮好完整同吾會太薄，如果吾系滷一段時間一定已經爛曬，咬落有咬口；上下肶肉質都好滑，滷水吾會死鹹，所以保持雞肉味。

［荃灣］和順記.神級炸雞髀皇食剩指數:0/100嚟得呢度十個有九個會叫炸髀雞髀真係好大隻大到好似食左幾塊雞扒咁雞髀係生炸個皮炸得好脆雞肉切開果陣肉汁係咁流肉質都幾嫩滑醃料好均勻個個位都有味.豬膶米薑湯餐食剩指數:0/100豬膶厚薄適中質地唔會太淋太散重點係無奇怪腥味湯底有杞子同薑冬天食好啱.豉汁蒸龍躉食剩指數:1/100蒸龍躉既肉都唔少有幾舊仲要無骨龍躉肉質有彈性加埋佢個豉汁有薑絲果皮送飯一流.神級黑松露煎蛋食剩指數:0/100蛋炒到好滑黑松露都夠多係撈勻左蛋漿先炒香氣好足夠.紅豆冰食剩指數:2/100紅豆好淋唔會話甜得太離譜奶味都夠香不過唔好叫少冰會好快變暖😂

諗住買外賣番屋企加餸，之前去過和順記堂食，見到好幾個人都嗌豬手，仲成日賣到無哂，咁今日就諗住試下佢。番到屋企打開，啲汁好多，蓋過哂啲料。啲骨仲多過啲肉。因為忟到好冧，骨、肉、皮全部分開哂。$50嘅外賣得4舊完整豬手......