和順記 (路德圍) (已結業)

其實和順記嘅油麻地分店之前都聽聞佢地嘅雞髀超級juicy都特登去食過一次😎依家知道佢地荃灣開左分店我當然唔會錯過🤤🤤！雖然荃灣分店係新開，但我相信佢哋嘅口碑都唔錯，因為我黎食嘅時候非繁忙時間都有好多人黎買雞髀飯😳◾️生炸雞髀王 • $45黎到呢度點可以唔食佢哋嘅招牌雞髀呢～～雞髀嘅醃法採用左韓式醃肉方法，用左菠蘿汁去醃，果酸可以鎖住肉汁🤤果然一切開雞髀肉汁都流晒出黎，肉嫩多汁！外皮唔係好脆果種雞髀，偏向食到雞皮韌韌口感，但都入味🤤◾️生炸雞髀王煎蛋飯 • $58炸髀同上面係一樣嘅🤣不過原來加埋蔥油嘅炸髀仲食，層次更豐富～基本上好多人嚟都係食呢款😹◾️藥膳豬潤麵 • $50豬潤都幾爽脆，證明佢哋處理得唔錯，加咗大量薑絲嘅湯底可以癖到腥味～不過略嫌淡咗少少🙈

今日係荃灣番工，係路德圍搵野食下，揀左呢間出名食雞髀嘅和順記😚炸雞髀蛋番茄湯烏冬 $75 炸雞髀同烏冬分開上，唔會搞到雞髀索左湯變淋👍🏻個炸雞髀勁大件，仲大隻過我隻手🤣一切開就feel到皮脆肉juicy, 而且熱辣辣新鮮炸起！食落去真係好嫩滑，啖啖肉～而且一d 雪味都冇👍🏻番茄烏冬都好正，番茄用料好足！番茄味濃厚，而且烏冬係稻庭烏冬，彈牙滑嫩😚紅豆冰 （跟餐+$13）野飲要左杯紅豆冰，覺得略為甜左d🙈炸薯角 （跟餐+$15）炸薯角都不得了，同平時見開嘅切法唔同，偏細粒。薯角加左好多特制味粉，好惹味～❤️

瑞士汁炸雞髀煎蛋飯開到黎荃灣一定要試下佢個招牌神級炸雞髀！一黎到見到隻髀真係好誇張好巨型，塊皮炸得超脆，但入面仲保留到肉汁，啖啖都好juicy，嗌左少飯，但都食唔晒！好食左勁多肉好滿足！性價比極高！食肉獸必叫！蕃茄濃湯雞扒蛋讚岐烏冬雞扒同樣皮脆肉嫩！蕃茄湯底好濃郁，好多蕃茄肉，成個湯底味道好鮮甜，每條烏冬都掛晒蕃茄汁，烏冬好彈牙！另外要讚，服務態度好好，雖然店內空間少，但環境好乾淨！已經成為和順記粉絲🥰

路德圍出名多嘢食，如果無返咁上下功力都好難喺嗰度生存！咁啱最近呢幾個月就開咗一間新嘅茶餐廳，而且成日門前都幾有人氣！🌟🌟🌟神級炸雞脾煎蛋飯神級炸雞脾以即叫即炸嘅方法整嘅，所以製作時間係需時！雞髀都算幾柔嫩！而且一直開爆多雞嘅肉汁😍果然炸雞髀係主打！非常有有水準！加埋啲蛋汁豉油汁撈飯真係一啖飯都冇剩低！🌟🌟🌟豬潤麵配上薑湯底豬潤就算浸住啲熱湯返到屋企都冇變得過熟！而且豬潤係非常厚切！啖啖肉好正！而且麵嘅質地用料講究！啱啱好可以掛到啲湯汁！🤟🏻🤟🏻🤟🏻港式奶茶都非常有水準！唔鞋口而且非常香濃！

見App有介紹過呢間和順記嘅炸雞脾，一直想黎試，是日出開荃灣就試下先啦。平日下午茶都幾多人喎，牆邊位全部坐哂。店內用qr code落單，都幾易用，一㩒完店員就送上單據，好有效率。天氣都幾熱，要飲個檸樂降下溫，多冰檸底，正。呢個係下午茶嘅神級雞脾皇餐，隻脾會唔會誇張左？大個隻木盤😯大個隻手掌😆醃得幾入味，炸得外皮香脆入面仲好嫩滑多汁㗎，啖啖肉超滿足。另外仲叫左薑汁豬潤麵，好香薑味哦～可以揀多蔥或走蔥，我呢碗係正常份量。湯底超濃薑味，係薑汁清湯呀，當然仲有啲蔥香啦。豬潤爽口無化學味，有幾大片正呀。公仔麵都好爽口，好正，成碗湯飲哂。仲有個蕃茄湯烏冬都想試呀，黎開荃灣再食先。

講起巨型炸脾，之前已經bookmark 左幾間和順記都係其中一間，佢油麻地主店18:30就close , 星期日仲要唔開添，真係好難食到，知佢最近係荃灣開左，仲要有做晚市，拿拿臨去食下打下卡都好.估唔到佢有qr code 落單，方便又衛生，仲要好多option, 多飯少飯走飯，葱既份量，汁醬，飲品既糖同冰都有得揀，幾貼心__________________________🔹 神級生炸雞髀王煎蛋飯 $65成碟飯份量好足，雞脾即叫即炸，上枱仲好熱辣辣，隻脾真係好大隻，睇下雞脾同隻碟既比例就知有幾大隻.雞脾目測有廿幾cm咁長，真係好誇張，大隻過我隻手，雞髀炸得幾香脆，尤其是邊位，卜卜脆，唔會炸得太乾，外皮鎖住左肉汁.醃得唔會過咸或唔夠味，係傳統炸脾既味道。肉質都幾嫩，啖啖肉口感好正.飯果度加左甜豉油，撈埋隻太陽蛋既蛋汁，好滿足，太陽蛋稍稍熟左少少，如果可以生少少，多啲蛋汁會更好.見到咁大碟真係擔心食唔晒，如果食量少既朋友建議要少飯，唔係一定食唔晒！我呢碗已經叫左小飯.🔹麻辣葱油雞扒撈丁 $52叫葱油但好似葱多過油，唔係好夠撈丁好彩麻辣油俾左一大碟，結果用左佢黎撈麻辣係小小麻小小辣但唔太咸香.

係荃灣行左成日街，行到好累就入去呢間和順記食下野飲杯野休息下。客人可以掃自助落單，方便更能確保唔易漏單。滷水雞髀太陽蛋配蕃茄濃湯烏冬滷水雞髀：震撼地巨型雞髀，可以兩個人share黎食。雞髀用滷水料頭帶點果香味，雞肉嫰滑易切，醃得好入味！蕃茄濃湯烏冬：太陽蛋煎得靚，流心狀態，一吸爆蛋汁。極濃郁蕃茄湯底，好多蕃茄肉，酸甜開胃，忍唔住飲左好多啖，烏冬爽彈~凍柚子蜂蜜綠茶：好清香柚子綠茶，甜度剛好，解渴一流。炸薯條：見到QR code點餐牌寫住老闆心情好先炸薯條，就好好奇地點左。炸薯條係粗身，炸得好香口，外脆內軟，灑上七味粉，唔洗點蕃茄醬都夠味。紅豆冰：奶味重，紅豆都夠淋身行左成日路忍唔住叫埋杯咸檸七爽一爽，我最愛都係柚子蜂蜜綠茶~差唔多食完時見到不少客人等候外賣同排隊入內進餐，雞脾大件抵食，炸薯條香口，凍柚子蜂蜜綠茶香甜。

天氣突然間轉涼，放工都要食得飽啲，感覺會暖啲。食肉獸帶我和同事去食和順記，有大大隻雞髀，保證滿足。原來除了大大隻雞髀，還有其他招牌菜，例如薑汁豬潤麵、撈麵，飲品特別推介有香港人特色的紅豆冰、咖啡紅豆冰、奶茶紅豆冰。食肉獸當然要吃他的最愛，神級雞髀皇煎蛋飯$65, 一上桌，見到雞髀真的是手掌加手指咁大隻，我和同事都嘩一聲，食肉獸說這樣的一碟飯吃下才叫夠飽，讓我們都試試這隻生炸大雞髀，皮炸得好脆！雞肉還有肉汁，而且嫩滑，覺得幾新鮮，醃製的醬汁味道，微微鹹香，有秘製香料，真的很好味！下次我都要留胃口來吃這隻生炸大雞髀！我就試試香煎豬扒撈讚岐烏冬$56,本身配有瑞士汁的，我喜歡多蔥，掃QR code自助落單，幾方便。 又要讚一讚，原來豬扒都大過你塊面！煎豬扒肉質新鮮爽口，煎得夠香，啖啖肉，係幾好味。覺得瑞士汁淡了點，喜歡濃味的話，落單時就要備註多汁。同事怕凍，要食碗熱辣辣的薑汁豬潤麵$50, 這個養生湯有落杞子同薑，同事說味道都幾濃，飲湯都成身溫暖，我要同事給我裝一小碗試下，真不錯！湯麵麵質不會煮得太淋，豬潤煮得夠爽又入味，不是每間餐廳都做到的！食物好味，飲品也不錯，跟餐的飲品，我點了港式茶餐

今日係咁諗食咩好之際，我老公話好想試呢間新開雞髀飯上網睇開始時係58蚊，今日入黎食$65神級雞髀飯先唔好講價錢，呢個炸脾真係好！個皮好脆口，卜卜聲！啲雞肉勁嫩口原本琴日剝智慧齒，冇咩胃口，食呢個飯超好食！食晒成碟隻脾同iPhone 12咁大，可能我pizza面大唔過我塊面🤣🤣🤣啲飯好好食！好似珍珠米咁，粒粒煙銀有咬口不過個瑞士汁唔及我老公個兄弟醬正兄弟醬炆豬手飯個汁撈飯一流啲豬手炆得勁冧！同埋細細舊岩晒我剝完智慧齒擘唔大個口食🤣🤣🤣嗌左多葱，勁香撈飯撈飯！食完覺得好膩，有青瓜食下勁清新環境地方唔算好大，不過好在係掃code落單，啲姐姐就唔洗行黎行去頂住，淨係做送餐搞掂！另外佢哋啲匙羹金色好靚，不過都有啲重量，同埋好似筆咁幼，揸得耐隻手會有啲攰服務我哋坐喺岀菜個個位，勁大鄉里🤣掃完code落單，仲研究緊幾時會收到 orders 🙈轉個頭我個炸脾飯就到。到我食完想飲杯水沖下個口，就問姐姐拎，佢仲好細心問我要凍定熱。我話我牙痛，可唔可以要凍水。佢就加幾粒冰俾我

聽朋友介紹荃灣有間炸雞髀好出名，咁我當然要去試試啦！一去到門口已感覺到有啲不妙！因為有好多人排緊隊呀！！等咗一輪終於入到去，入面環境都幾企理，不過鋪頭唔大，會坐得逼咗少少！呢到係用電話落單嘅，咁就少啲機會落錯單啦！我揀咗炸雞髀配蕃茄烏冬，一上枱真係俾佢個Size嚇親，都有啲擔心食唔食得晒😂😂😂雞髀個皮好Crispy，切落去嗰下啲聲好好聽😂 醃得好入味，不過唔係鹹味，係有啲甜味，肉質都夠嫩滑！個湯真係好正，唔會太鹹，蕃茄味濃郁，而且有好多蕃茄肉，真材實料一路食一路俾烏冬索下啲湯，最後都差唔多飲晒😂😂朋友都叫咗隻炸髀配撈麵，佢話個汁好惹味，同埋個麵份量唔算多，可以留返啲Quota食炸髀，Perfect！

今日喺荃灣睇家電，順便喺路德圍食，行咗一圈，發覺都有唔少選擇，最終俾呢間食店門口嘅巨髀poster 吸引左😄避風塘炒豬扒配撈烏冬除咗豬扒外，其它位置全鋪滿炸蒜葱花😘撈匀後每條烏冬都沾有香口炸蒜😋😋加埋有驚喜嘅麻辣汁，夠香辣，掂。薑汁鮮牛肉豬潤麵未食麵先飲湯，好夠薑，正😄，豬膶和牛肉熟度剛剛好，冇過火食落唔硬，而且牛肉冇鬆肉粉怪味👍點少得招牌滷水雞髀皇 真係好巨型🤣大細幾乎同隻碟差不多，唔係照騙😁😍雞髀肉好滑又夠味，鹵水好香亦唔會太鹹👍，用刀叉🍴切得好輕鬆。兄弟醬炆豬手豬手份量都唔少😄 夠稔一咬就離骨，食多幾舊都唔會覺得膩。兩個人清晒咁多嘢食，再加2杯飲品，紅豆冰和柚子蜜，好飽足🥰

去到荃灣唔知食咩好就，去咗食街路德圍度覓食，六點幾食飯，見到呢間和順記已經坐滿人，人氣熱爆，就入咗去試吓入到去見到個個都攞住一大舊炸雞髀咬緊，就跟人叫咗一份炸雞髀飯薑蔥油炸雞髀蛋飯$72見隔離枱個炸雞髀飯好似好正，就跟住叫咗一份個炸雞髀大到FatBrown 塊面，真係分量驚人因為個個都係叫炸雞髀，所以廚房一路默默炸，基本上一叫就有炸雞髀新鮮熱辣辣Juicy好多汁，真係好味個太陽蛋吉穿左撈埋瑞士汁再撈飯，成碟飯都食得晒 蕃茄濃湯豬扒蛋烏冬$62另外叫咗個豬扒蛋烏冬，蕃茄濃湯酸酸甜甜都幾開胃不過豬扒煎得有啲乾，下次都係叫返炸雞髀好D

今日叫了外賣，有神級雞比飯同避風塘炒豬扒飯，兩個都好好味。食到lam lam lei 份量又大，要分兩餐食。Sorly，太心急唔記得餵咗相機先，下次補番！媽咪話下次想試豬手，我就想試芥末牛柳配黑松露炒蛋飯！😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋🉐️🉐️🉐️‼️

👻大過塊面既炸雞脾🍖呀 @ 《和順記》呢排成日聽到神級炸🐤髀，荃灣都開左分店，急不及待想試！🐤🍝神級炸雞脾皇飯$58 (轉撈公仔麵+$5) -🍖外層冇裹粉，食落感覺似半煎炸，唔係好似三多咁啖啖都脆卜卜，但邊邊位都香脆的(外賣都keep到)，唔油膩。聽講醃料花左好多心機@@，好入味但調味唔算好驚喜，單食唔會覺得好咸。佢唔止大舊，肉質透亮勁飽滿🥳，絕無欺場，未食過咁多肉既雞脾，每一啖都係超滑嫩juicy！💕🥣個汁本身叫左沙爹汁比錯左瑞士汁-.-唔係幾中意，得個甜味，攪到撈麵唔夠惹味！下次想試下滷水雞脾同其他汁！🐷🍛避風塘炒豬扒飯 $56-呢個好普通，味道正常發揮，可能大火炒過啲豬扒肉質有啲乾（但唔會柴）。🌝豬扒少，飯量比一般茶記少，避風塘炸蒜都少，唔太抵食。最正係用咗我中意食既珍珠飯！對黑洞黎講一盒飯唔夠飽😺。

聽聞哩一間聲名遠播既餐廳最近係新界區插旗🚩，作為炸脾🍗同好既我梗係立即黎試試佢係咪傳聞中咁有料。佢既選擇其實都唔少，特大雞脾可以配飯🍚或者粉麵類甚至淨食都得。除左招牌既大雞脾之外，仲有好多茶餐廳日常選擇，驚食唔哂特大雞脾🍗都唔洗擔心，提供埋普通size俾你揀。咁我地就叫左兩個餐，一次過試哂滷水同炸脾，小朋友先做選擇咋嘛😎。神級雞脾皇煎蛋讚歧烏冬配蕃茄濃湯 轉紅豆冰 $78特大雞脾🍗果然名不虛存，仲大過我隻手掌。生炸形式上枱夠哂熱辣辣♨️，外表好香脆，但佢雞皮好厚，所以入面個層仲係軟林林，做唔到成塊薄脆索索聲既效果。而肉質都算juicy💦，醃料都好夠味，整體上相當唔錯。另一邊，佢既蕃茄濃湯🍅睇落紅卜卜，外貌相當吸引，飲落都好濃蕃茄味，雖然食得出唔少係茄膏，但都仲有少量茄肉，唔係科學味，算係誠意之作😊。讚歧烏冬軟身得黎，仲有口感，配上蕃茄湯無得輸。紅豆冰🍹就有啲甜過頭，啲豆好似未煮熟咁硬😓，飲左幾啖忍唔住放棄佢。神級雞脾皇煎蛋配沙嗲汁撈丁 凍檸茶 $66滷水雞脾同樣有份量，比較睇得出雞皮幾厚，肉質都幾好幾滑，食落啖啖肉🍖。調味方面都唔錯，食到花椒八角個種五香味，咸甜都適中，但就唔係好入味，比