和順記 (路德圍) (已結業)

今日喺荃灣睇家電，順便喺路德圍食，行咗一圈，發覺都有唔少選擇，最終俾呢間食店門口嘅巨髀poster 吸引左😄避風塘炒豬扒配撈烏冬除咗豬扒外，其它位置全鋪滿炸蒜葱花😘撈匀後每條烏冬都沾有香口炸蒜😋😋加埋有驚喜嘅麻辣汁，夠香辣，掂。薑汁鮮牛肉豬潤麵未食麵先飲湯，好夠薑，正😄，豬膶和牛肉熟度剛剛好，冇過火食落唔硬，而且牛肉冇鬆肉粉怪味👍點少得招牌滷水雞髀皇 真係好巨型🤣大細幾乎同隻碟差不多，唔係照騙😁😍雞髀肉好滑又夠味，鹵水好香亦唔會太鹹👍，用刀叉🍴切得好輕鬆。兄弟醬炆豬手豬手份量都唔少😄 夠稔一咬就離骨，食多幾舊都唔會覺得膩。兩個人清晒咁多嘢食，再加2杯飲品，紅豆冰和柚子蜜，好飽足🥰