和牛88 (已搬遷) 新店位置

第一次同朋友來呢間專門食牛嘅餐廳lunch，我同朋友都係牛牛愛好者來呢度就啱曬我哋啦我同朋友都點咗個火灸和牛拌蛋飯，份量啱啱好，味道就少少淡，不過整體好好食。可惜疫情期間，佢無壽司，我哋無緣試到，希望下次來果陣可以有機會試和牛海膽壽司啦～但佢個小食我大推啊，好好味，拿來撈飯簡直一流，食到我停唔到口，好想encore再encore好可惜宜家有限聚令，只可以2人一枱，所以叫唔到好多嘢食，我仲有好多嘢想試啊，我已經諗到下次過來要食乜啦，我要拉朋友陪我來食先得 😂😂😂😂

黎到哩度必食嘅真係大大塊嘅牛和壽司，大到真係想即刻攞黎當面膜敷面。侍應拎到黎我地面前，我地不禁"嘩"左一聲兩聲三聲四聲都未完，佢拎埋火槍出黎燒嗰下真係不得了，睇住就生牛變成半熟牛哩個過程真係好治癒，燒完一放上枱，當然係相機食先，但根據經驗，和牛哩家野真係唔好影太耐，基本上我係我係15秒內KO左張相，真係要即刻放入口，品嘗佢最佳佳嘅芝味，明冇?????

禮拜六晚銅鑼灣食乜都多人，最後就去呢間和牛88，佢喺指定食物有8折，有498燒肉放題優惠 最後我哋散叫咗幾樣嘢，蟹皇甲羅燒、火焰和牛扒、紅酒牛柳、芝士豆腐、清酒煮蜆、火焰和牛飯和牛煮得好淋好好食甲羅燒配青瓜好清新紅酒牛柳送飯一流😛😋😋😋埋單900幾但真心好好食下次會試佢208任飲🥃🍻🍻🍺服務員態度幾好，會幫你轉細碟基本上好啱一家大小，一班朋友來吹水😛最緊要佢係黃店，醫護人員持證有8折❤️❤️

發現星期日岀街，唔洗訂位就有位食飯既餐廳，多數都係伏🙂————————————————:🔶極上和牛燒肉拼盤$698 (7/10)店內poster話選用日本石垣牛，期待質素無A5都有A4😂結果期望過高😅赤身直頭韌到唔似和牛，其他部位有返啲雪花都ok，但偶然都會食到有筋🤪:🔶 炸泡菜豬肉芝士卷$88 (5/10)一個字👉🏻油泡菜味過咸，同完全搵唔到豬肉🧐好唔抵食————————————————另外，入座就會遞上餐前小食，但原來會計錢，承惠每人$20😳？其次，餐廳裝修都好有問題，燒肉店但完全冇抽風系統，食完個身臭到喊🤯重有店員嚴重不足，態度雖然好，但上菜速度極慢，要杯水都要等15分鐘🥱希望店家留意及改善🙈

開始恢復辦公室工作，約朋友在銅鑼灣午飯，想搵方便就腳嘅餐廳，又想食牛肉，就試吓呢間。先訂位，侍應安排了卡位，坐得好舒服可以慢慢吹水。牛柳法包有驚喜，鐵板牛柳餐亦算好味。

如果要講喺香港食牛正嘅 呢度絕對係會即時諗起嘅其中一間🐂以日本產黑毛和牛為主我都係第二次嚟 對上一次已經係大概3年前 今次再訪仍然覺得很滿意🤤▪️和牛88火焰牛扒一上枱店員就會點火 都好eyes catching 其他客人都望晒過嚟 medium熟度啱啱好 見到中心粉嫩嘅顏色同埋佢嘅紋理已經好吸引 肉質亦夠晒稔▫️黑毛和牛西冷牛扒店員推介我哋食呢個 無介紹錯 同樣好正 而且牛味更加濃▪️黑毛和牛他他個人喜好 因為本身好鐘意食生牛肉 所以有牛肉他他我一定會order 配埋個醬汁好開胃 做前菜啱晒▫️和牛海膽壽司▪️和牛鵝肝壽司▫️和牛大拖羅壽司而壽司係我最喜愛嘅❤️朋友第一次嚟 我話一定要order壽司 的而且確 最後喺佢要求之下 我地食咗兩轉😂

疫情限聚令下，食肆無得做晚市，真係要諗計捱落去。減價做套餐，外賣餐，希望薄利多銷。和牛88都推出日式午市套餐，有主打牛，燒鳗鰻魚，炸雞等多款定食。如果外賣仲有八折。疫情下，多數人選擇外賣，堂食既食客唔多。叫咗浦燒鰻魚，鰻魚皮燒到脆皮，味道一流。個蟹膏甲羅燒，上菜夠別緻，蛋黃混上滿滿蟹膏，下面細火微温，味道口感令人回味。蟹膏可以配青瓜片一齊入口，又係另一種口感。亦都試咗佢個和牛，套餐價錢，高級享受！

阿sir最鍾意食肉，生日飯又怎能錯過燒肉呢！呢間食肆主打日本和牛，係沖繩一間有名Steak House 88餐廳專程過江嚟香港開店，水準同品質應該都有保證，店舖唔算大，最好先訂座，因為平日都full house。🍴酒前菜x2 $40💎💎💎仲以為送嘅酒前菜，原來要計錢！阿sir唔太鍾意個味道，所以無食，白白蝕咗$22，我就覺得ok嘅，因為佢係金菇，同埋個汁甜甜酸酸幾開胃🍴和牛拖羅生雞蛋拌飯 $138💎失敗之作！因為牛切得太碎、份量少、牛味唔重，最重點係蔥太太太多，多到每啖都有，足以蓋過淡淡牛味，就算齋食牛，都唔覺好食，仲要食到有筋，我覺得係頭頭尾尾無用嘅肉變身出嚟嘅一碗無水準飯🍴五款壽司拼盤 $208💎💎拼盤有海膽和牛壽司、鵝肝和牛壽司、燒和牛壽司、和牛赤身壽司同和牛大拖羅壽司，五款之中，我只覺得赤身、大拖羅同海膽和牛壽司好味，牛入口即溶又食到油脂香，其餘兩款太普通，兼且一款牛太靭、另一款牛太乾，建議散叫好過🍴極上和牛燒肉拼盤 $698💎💎💎💎一共有五款肉，首先食赤身，3-4成熟剛好入口即化，但無乜油脂所以唔夠香；之後西冷、肉眼各5成，西冷肉味重啲，而肉眼就腍少少，兩款都好味；跟住牛小排

每隔一陣子都會犯起燒肉癮今次去呢間食燒和牛(⁎⁍̴̛ᴗ⁍̴̛⁎)價錢唔係太貴，食物質素可以不過呢間和牛唔係軟滑帶香油0既和牛，食落去比較瘦，肉質都未係入口即化，想食油香0既朋友可能會失望啦⋯個和牛拖羅飯就相對比較出色，和牛拖羅+蛋黃係無得輸組合！一啖啖充滿油香！可能個燒肉真係瘦，再食埋個飯都唔覺膩！飯係日本米飯，香甜軟熟，係今餐0既推介(●°u°●)​ 」同埋個sake都幾抵飲，食個拖羅飯再飲啖酒，好爽吖💪🏻

第一次來一家專門吃牛的店，我們的策略是點愈多種類愈好，那就能嘗到牛的不同部位。服務員的服務很周到，由帶位、到介紹菜單、講解如何品嘗不同牛的部位、配什麼醬料，服務都非常好先點了五款壽司拼盤，包括了生熟牛，我們就可以試一下自己較喜歡哪一種，最後我encore了和牛鵝肝壽司薄燒和牛壽司、日本產黑毛和牛他他使我胃口大開個人不太喜歡蟹膏甲羅燒，但友人卻吃得很滋味和牛火焰牛扒不只是有噱頭，讓你拍照上傳到社交網站，用火燒一燒讓牛的香味更出；本來以為西冷牛扒跟平常在其他餐廳得差不多，但原來可以這麼美味還點了和牛拖羅生雞蛋拌飯，可能吃太多太飽了，覺得有點濟菜點得太多了，食得滿載而歸，最後抱住大肚子離開

同老公兩個人去食，首先第一樣就係餐廳環境好舒服因為早排去完沖繩冇耐，個裝修都好日本風令到我好掛住日本職員服務態度好好，好有禮貌～店內亦都有提供酒精消毒噴霧同埋信封比客人存放除低的口罩坐低無耐職員拎餐牌比我地時順便介紹左幾款返食物嗌左幾款佢推介的～過左一陣之後首先有頭盤：炆牛腩個汁好香濃同埋牛腩已經溫到好林好入味之後都陸續開始多客～本身叫左個燒肉拼盤、壽司拼盤同埋牛肉他他雖然係等得耐左少少不過為左食好嘢就唔怕等啦～和牛壽司拼盤：店員建議由上至下開始食起，個人偏好第二同第三件～入口即溶燒肉拼盤：呢個係好正～食得出啲肉真係靚肉個人比較鍾意食牛板腱～老公就話偏心西冷牛味好濃～一咬啲油香真係忍唔住爬多幾啖飯當然其他部位都係十分唔錯💯牛肉他他：其實食完個燒肉拼盤都差唔多滿左八成～但我最後都當然唔放過甜品（因為始終甜品同正餐係分兩個胃的）個蜜瓜真係好甜好甜另外仲叫個蜜桃🍑sorbet食埋個甜品之後就圓滿結束～兩個人埋單差唔多$14xx食到石坦牛價錢來講已經相當唔錯林尾店員仲送左支消毒搓手噴霧俾我地～仲有最重要係：呢間係黃店期待下次去可以試埋其他菜式利申：見好多人叫sabusabu套餐

近排好多時都work from home, 多咗時間。睇返好耐之前嘅野食相，見到曾經食過哩間和牛88，都想post返啲相，寫返篇嘢...但喺我印象中哩間嘢性價比唔算高，因為價錢都唔平，但食物嘅份量、味道與質素無我想像中咁好...以下係我當時喺間鋪食嘅嘢...因為都過咗一段時間，所以可能餐廳菜單已經有所改變，同埋我哋嗰日係聖誕節，有可能有特別啲嘅菜單，不過我見到有一樣係依舊存在嘅...就係哩款「和牛蘑菇炒飯」啦除咗個炒飯，我哋仲嗌咗以下食物食物份量唔算多，但我記得人均消費都要$300-$400左右，所以我係覺得貴咗啲囉

CP價不高價錢偏高而食物份量太少。$500多元200g的和牛肉眼有1/4是脂肪。注意！不是雪花般分佈的脂肪，是一整片肥膏，鐵板燒用來起塗鐵板起鑊那種。還有⋯和牛壽司不只一件是有筋的，怎咬也咬不斷。吃和牛吃到筋真的好少見。所有食物都是偏咸，絕對談不上鮮味。$6x元的魔鬼魚乾，送來是只有大約12條，比牙簽粗一點。用App訂了有八折，但老老實實，五折後也不會再去吃。不過員工的態度友善好客，也緊守防疫措施，值得一讚！

3個女仔點咗3樣嘢：和牛88火焰牛扒💰$288/100g & $428/200g和牛和風紫蘇蘿蔔蓉汁炒烏冬💰$138和牛壽喜燒💰$588成餐最值得介紹係石垣和牛壽喜燒🍲唔好以為四塊和牛薄片好少，其實好大塊，而且鍋入面仲要有好多配料: 有豆腐、蘿蔔、雜菇、洋蔥、日式粉絲……3個女仔已經食咗3樣份量唔少嘅菜式，仲想追加咗配料!! 唔知點解明明已經飽到傻咗，但就係越食越想叫多D ..食上癮 😅 湯底可選日式清湯/#壽喜燒/#泡菜湯！和牛雪花分佈均勻，配蛋汁係絕配喔！小編真係好鍾意食#和牛! 我地仲開咗支梅酒$398，小編一向唔鍾意飲酒，經店員介紹後決定試下佢，甜甜地好鍾意

好朋友為我慶生，請我到這間和牛餐廳晚飯。肺炎肆虐之際，每枱均有搓手液供食客消毒，十分細心。我們點了和牛壽喜燒火鍋跟和牛拖羅生雞蛋伴飯，食量正常的我自己吃得非常之飽，朋友則剛剛好。這個伴飯非常之好吃！和牛粒、紫菜絲、生磨山葵、青蔥粒、生雞蛋，佐以一碟醬油，將所有材料伴勻之後，白飯因為和暖，餘溫讓和牛粒有稍微炙燒的效果，口感滑溜而有少許脂肪香，份量比例剛好，不會過膩，高質素之作！兩人份量的和牛壽喜燒火鍋，本來看見只有四塊和牛薄片覺得有點少，不過和牛片其實十分大片（摺起了擺碟），加上火鍋材料十分豐盛，有雜菇、洋蔥、蔬菜、豆腐、大蔥及日式粉絲等等，吃完整鍋足以令兩人捧著肚子走牛肉脂肪分佈均勻，好漂亮配料之中，令我們意料之外的是他們的豆腐，細看之下，估計餐廳有先稍微煎過再放入鍋，並且豆香頗重，細心之作！湯底方面，起初擔心會不夠湯，還在討論若果要加湯，店家會加湯還是加水不料原來湯量剛剛好，我們先開最大火，滾著吃配料，待湯收乾到變為濃汁，才收中細火放和牛片進去煮，煮至還有少許微紅之際，就夾起放進伴勻了的蛋汁，蘸過蛋汁的牛肉薄片，滑溜到可以直接滑進喉嚨！蛋汁建議可以同時用於蘸配料，因為湯汁收乾之際，會