和牛88 (已搬遷) 新店位置

如果要講喺香港食牛正嘅 呢度絕對係會即時諗起嘅其中一間🐂以日本產黑毛和牛為主我都係第二次嚟 對上一次已經係大概3年前 今次再訪仍然覺得很滿意🤤▪️和牛88火焰牛扒一上枱店員就會點火 都好eyes catching 其他客人都望晒過嚟 medium熟度啱啱好 見到中心粉嫩嘅顏色同埋佢嘅紋理已經好吸引 肉質亦夠晒稔▫️黑毛和牛西冷牛扒店員推介我哋食呢個 無介紹錯 同樣好正 而且牛味更加濃▪️黑毛和牛他他個人喜好 因為本身好鐘意食生牛肉 所以有牛肉他他我一定會order 配埋個醬汁好開胃 做前菜啱晒▫️和牛海膽壽司▪️和牛鵝肝壽司▫️和牛大拖羅壽司而壽司係我最喜愛嘅❤️朋友第一次嚟 我話一定要order壽司 的而且確 最後喺佢要求之下 我地食咗兩轉😂