影片
更多
2020-06-23
3832 浏览
阿sir最鍾意食肉，生日飯又怎能錯過燒肉呢！呢間食肆主打日本和牛，係沖繩一間有名Steak House 88餐廳專程過江嚟香港開店，水準同品質應該都有保證，店舖唔算大，最好先訂座，因為平日都full house。🍴酒前菜x2 $40💎💎💎仲以為送嘅酒前菜，原來要計錢！阿sir唔太鍾意個味道，所以無食，白白蝕咗$22，我就覺得ok嘅，因為佢係金菇，同埋個汁甜甜酸酸幾開胃🍴和牛拖羅生雞蛋拌飯 $138💎失敗之作！因為牛切得太碎、份量少、牛味唔重，最重點係蔥太太太多，多到每啖都有，足以蓋過淡淡牛味，就算齋食牛，都唔覺好食，仲要食到有筋，我覺得係頭頭尾尾無用嘅肉變身出嚟嘅一碗無水準飯🍴五款壽司拼盤 $208💎💎拼盤有海膽和牛壽司、鵝肝和牛壽司、燒和牛壽司、和牛赤身壽司同和牛大拖羅壽司，五款之中，我只覺得赤身、大拖羅同海膽和牛壽司好味，牛入口即溶又食到油脂香，其餘兩款太普通，兼且一款牛太靭、另一款牛太乾，建議散叫好過🍴極上和牛燒肉拼盤 $698💎💎💎💎一共有五款肉，首先食赤身，3-4成熟剛好入口即化，但無乜油脂所以唔夠香；之後西冷、肉眼各5成，西冷肉味重啲，而肉眼就腍少少，兩款都好味；跟住牛小排
🍴酒前菜x2 $40💎💎💎
仲以為送嘅酒前菜，原來要計錢！阿sir唔太鍾意個味道，所以無食，白白蝕咗$22，我就覺得ok嘅，因為佢係金菇，同埋個汁甜甜酸酸幾開胃🍴和牛拖羅生雞蛋拌飯 $138💎
失敗之作！因為牛切得太碎、份量少、牛味唔重，最重點係蔥太太太多，多到每啖都有，足以蓋過淡淡牛味，就算齋食牛，都唔覺好食，仲要食到有筋，我覺得係頭頭尾尾無用嘅肉變身出嚟嘅一碗無水準飯🍴五款壽司拼盤 $208💎💎
拼盤有海膽和牛壽司、鵝肝和牛壽司、燒和牛壽司、和牛赤身壽司同和牛大拖羅壽司，五款之中，我只覺得赤身、大拖羅同海膽和牛壽司好味，牛入口即溶又食到油脂香，其餘兩款太普通，兼且一款牛太靭、另一款牛太乾，建議散叫好過🍴極上和牛燒肉拼盤 $698💎💎💎💎
一共有五款肉，首先食赤身，3-4成熟剛好入口即化，但無乜油脂所以唔夠香；之後西冷、肉眼各5成，西冷肉味重啲，而肉眼就腍少少，兩款都好味；跟住牛小排，太多脂肪油彈咗幾次，肉味又唔重，一般；最後和牛里脊7成，唔會韌，燒香些少好香口惹味。至於其他配菜－南瓜棉蜜而且皮又夠腍可以食、粟米香甜彈牙，不能錯過🍴一品濁酒(檸檬) $198💎💎💎
獨家果酒，5%酒精易入口，阿sir話隻酒有少少杰身幾好味，不過酒樽設計有啲奇怪，每次倒酒都會漏酒，浪費呀🍴白桃梳打 $42💎💎💎
桃味幾香又夠濃，不過冰太多又大粒，飲兩啖已經飲完P.S. 切餅費 $100 (只係普通蛋糕，Openrice註明只收$50)
二人共消費：$1476 (網上平台訂座部份食品8折)
张贴
