和牛燒肉‧純

天氣一涼，大家都陸續約埋朋友食火鍋，燒烤依啲暖粒粒嘅嘢食😌 今次就介紹日式燒肉比大家，仲要係日本直送和牛🇯🇵 餐廳平時夜晚提供啲比較高級嘅和牛，例如飛禪和牛，佐賀牛🐂叫一set都真係唔平，冇五百至千幾都落唔到樓~ 對於一班小資朋友仔們，性價比最高嘅就一定係試佢哋個lunch set! 除左有得一嚐和牛嘅滋味，仲有埋前菜，麵鼓湯，白飯同飲品，唔洗怕食唔飽🤣-三色和牛定食($250) 附送一個雜菜沙律同涼拌牛舌。主菜三色和牛就包括左上牛排肉，肩眼肉同牛排肉。要讚下牛肉嘅解凍做得幾好，而且色澤紅潤😌 三款嘅油脂分布都幾平均，油花豐富。以肩眼肉肉質最為軟淋~ 上牛排肉味濃嘅同時亦不缺油香。沾上燒汁特別惹味，真係可以送哂成碗白飯🍚*和牛涮涮鍋定食($200) 主角和牛就選用左日本赤紅肉。肉嘅顏色呈鮮明嘅赤紅色，佈滿雪花❄️ 切成薄片後，入口即化，口感非常鮮嫩細緻。涮涮鍋嘅湯底偏清淡，唔會搶過牛肉嘅原味~鍋入面亦有唔少菌類，娃娃菜，豆腐等配料。所以最後個湯幾鮮甜❤️