和拉麵

营业中

休息中

依間離大埔地鐵站大概5分鐘路程嘅平民拉麵小店雖然面積唔大可能要等一陣位 但係絕對值得等🤤佢地門口有個大燈籠🏮都幾得意幾易搵😚佢地有好多唔同嘅小食好似係雞軟骨🤤金菇肥牛卷🤤天婦羅🤤鰻魚🤤好多小食任你揀🤤🤤🤤我同朋友就分別要咗個辣同唔辣嘅豚肉麵 依度啲豚肉入口即溶同其他拉麵舖嘅豚肉好唔同🤤🤤🤤我就鍾意食辣多啲 好似惹味啲同香啲🤤🤤🤤雞軟骨炸得好香又脆仲有金菇肥牛卷加埋個汁真係一絕🤤🤤🤤依間舖仲有自家製辣芽菜 少少辣咁幾開胃 加落麵度都幾夾👍🏻👍🏻👍🏻

香港食拉麵真係愈來愈伏，成舊水食碗拉麵隨時伏到HiHi,都唔知中左幾多次伏，有時拉麵癮都專登山長水遠出上環食（長濱NO.1拉麵）架佬主理，個人認為香港Top3。聽朋友介紹話呢間正，啱我口味，就決定試一試，當然不抱期望，預左中伏先，睇門面簡簡單單，個人宜家唔睇門面裝修，因為上得當多，精左（咩平成X年達X,一X拉麵-宜家都唔敢叫自己拉麵，改左名叫屋台料理），入去睇餐牌，三種口味，原味，辣味同味噌，正路！如果一間拉麵店有多過三種口味，可以無視，不夠料先整色整水，咩完西拉麵，伏到阿媽都唔認得！試圖用完西掩飾果碗稀到似水嘅所謂豬骨湯，但有人話好食先R晒頭。湯底有兩種，香滑同特濃，聽侍應講香滑要褒十個鐘先出湯，特濃仲要多幾個鐘，同友人各試一款，睇下有咩分別，等上麵望下麵吧師傅點整，兩個人處理一碗面，有誠意，而且功架一流，全程同日文溝通，應該係日本師傅，睇住D湯原來係滾上，D碗仲係用滾水生住，侍應standby係麵吧出麵，心諗呢次冇死，對碗麵有些期待，對拉麵迷黎講湯唔熱係死罪，幾好食都冇得傾！上麵試自己果碗特濃先，嘩！同上環果間冇分別！唔係！仲好過佢，湯熱過佢，濃厚過佢！豬骨，醬油，蒜香一應俱全，仲

見咁多好評咪去試吓囉！點知伏到媽媽聲！七十五蚊一碗麵都算啦，啲餸又少又唔好食！張紙上面濃度基本上無得揀！要濃啲就要加八蚊！其實出面一係無得你揀，有嘅話起碼分3個程度，唔會濃少少就即加錢囉！同埋其實碗麵成七十五蚊已經唔平！不過一分錢一分貨！好啦！我加多八蚊要個特濃湯底無所謂！點知個湯底出到嚟都仲要勁稀！真係好似水咁囉！傑都唔傑吓！都算！點知一飲咁都叫叫「「特濃」」？？我唔加特濃咪好似清湯麵咁？！完全唔抵食！！無下次！

今日朋友帶我黎呢間拉，原本以為大埔應該唔多人食，點知種黎到成間店都坐滿人！我地叫咗三款小食，再一人叫一個拉麵😍😋😍😋首先，小食我地叫咗雞軟骨🐥佢整得好香，咬來好有口感，我朋友一向都好鐘意食雞軟骨，佢話呢碟堅係正😻***記住要落檸檬汁，加咗會香好多架！之後我地叫咗餃子，一碟總共有四隻！佢嘅皮夠曬薄，裏面嘅肉好夠汁，咬落去好有鮮味😍記住要試埋個餃子汁呀！最後我地叫咗個肥牛金茹卷！我覺得最正就係肥牛上面嘅汁，好有燒汁嘅香味，配埋金茹就簡直係絕配！ 金茹好爽口食完小食當然係主角拉麵啦！我同朋友分別食咗兩個唔同嘅拉麵😌拉麵我地一人一個 有辣有唔辣，個蛋超好食，又入味，拍得住我係日本食嗰啲！至於拉麵我地簡咗中等硬度嘅！點菜嘅時候有張紙俾你簡你想食嘅配菜同硬度架！最後要推介就係呢個餐廳自家製辣芽菜，夠入果又爽口，其他餐廳都搵唔到架！

雖然我地係黎試食,但真係所有東西太差,一入門口見以為無伏,點知入到坐先知係另一個地獄開始,服務員首先大聲問我地黎試食架,真係有啲嚇親我,而家試食都可以咁明目張膽架,不過這方面都算了,之後聽到廚師超大聲講試食架,亂咁出就得了唔洗搞咁多,唉個感覺真係好嬲囉其實我們都係客人黎,雖然唔洗俾錢姐,拉麵方面就真係唔係好得,湯底好淡好稀,味道非常一般真係唔明點解師傅咁有自信,另外麵份量比一般小,食完好似無食甘最後希望餐廳對之後試食嘅人好一點,都係黎工作姐

今日和太太往大埔逛街, 原本想往Jumbo Café 食tea, 但等位期間發現態度欠佳, 於是改往對面的和拉麵食tea, 我點了豚骨原味拉面, 唐揚炸雞和枝豆。豚骨原味拉面叉燒是炙燒叉燒, 有濃香叉燒味, 入口即熔, 湯底的朱骨湯底, 朱骨味好香濃好味, 紫菜食落惹味香口, 蔥花能帶出拉面的惹味, 筍絲食落鮮甜醒胃, 而餐廳提供的牙菜食落少少辣味道惹味, 面條味道爽滑, 蒜味香濃, 整碗豚骨原味拉面好足料, 好豐富, 美味拉面；唐揚炸雞雞件炸得乾身, 炸雞灑上七味粉,雞肉鮮嫩, 食落惹味；枝豆熱辣辣, 食落新鮮清甜, 餐廳座位舒適, 價錢合理, 豚骨原味拉面和唐揚炸雞好美味, 值得再來。

今日工作地區大埔，做完少少野，中午去咗食拉麵，之後再見客，舊大埔警署呢邊都幾多嘢食，見到有西餐中餐同兩間拉麵，揀左間光猛，餐廳裝修充滿日本的感覺，看到㕑師在半開放式廚房乾淨企理先叫個小食芝士餃子雞翼，外層香脆芝士滿滿，一咬就流出熱騰騰的芝士，非常豐富惹味，雞肉都仲好滑我比較重口味就叫左個辛辣拉麵，辛辣湯底質地頗為濃厚，配菜有木耳，竹筍，紫菜，蔥粒及义燒，木耳為麵增加口感及層次，糖心玉子蛋有蛋香，拉麵比較清爽可口另外有自家制辣芽菜，芽菜辣度可以接受，非常爽口及開胃叫埋支忌廉解喝

正所謂瘦田無人耕，耕開有人爭。大埔區拉麵店開完一間又一間，武藏及達磨開完，之後一鳴擴充，和拉麵又開，稍後將會有俺流塩，百花齊放，對於食客是件好事。一講起新開久的和拉麵，好自然與隔鄰一鳴相提並論。一條後巷有兩間拉麵店，當然一鳴多食物款式供應，會叫自己做拉麵店或拉麵酒吧或居酒屋，而是叫自己做一鳴屋台料理，幸好此店還是主打拉麵，要是賣丼賣炒飯早巳用理會。假設你當我是金田一，我深深地覺得，和拉麵是一鳴的影子舖，一條街有兩間同樣同類的舖，其他的便不用在這條街插旗。我為何會覺得和拉麵是影子舖呢?第一和拉麵的位置較入，會給一鳴截客。第二和拉麵只營業到晚上十時，大埔運頭街是宵夜的好地方，一鳴的營業時間較長，如果非屬同一集團公司，到一排便要結業，其中原因是一鳴名氣較大，而且麵款雖然都是豚骨湯款，但别忘記一鳴的食物款式較多，所以和拉麵如果是以個體户開的便困難重重。另一方面，和拉麵的擺設招財貓，與一鳴的是同一款式，章魚燒與玉子燒兩間店都有供應，難免有點懷疑，當然兩店很多東西都太相同。為了探得真相，當然要實地觀察及品嚐。我點選了辛辣拉麵，章魚小丸子及可口可樂。眾所周知一鳴的廚師全是本地人，而這裡的是

行過見到有個牌寫住八十蚊包豚骨湯底拉麵(有半隻溫泉蛋、紫菜，同埋叉燒), 小食有兩隻煎餃子或者三粒八爪魚丸揀，套餐亦都包汽水😍 好豐富呀😙大食既我地仲叫多咗碟炸雞軟骨😝拉麵有得揀軟硬度，不過跟餐既話只可以揀豚骨湯底，如果單叫既話，就有辛辣味，同埋味噌湯底，多元化啲😄個人認為八爪魚丸好味過餃子😝 不過呢啲真係見人見智啦😋 兩款小食都好食既🤩正😁 鍾意佢地有俾沙律醬去餸個炸雞軟骨😙環境好整齊乾淨，廚房係open kitchen, 可以睇到衛生好好

好耐未食過拉麵囉 ，今次喺大埔經過一間拉麵舖頭，決定入去一試。餐廳環境闊落 ，坐得好舒服😍間餐廳嘅午市拉麵套餐好抵食， 每人有一碗拉麵之餘，仲包埋小食，可以有餃子或者章魚小丸子揀，而且仲有送汽水添!豚骨拉麵嘅湯底 好濃郁 ，再加埋紫菜同埋糖心蛋 ，食完成碗之後好滿足呀!選擇拉麵嘅時候，客人可以因應自己嘅口味調教拉麵既粗幼度，同埋湯嘅濃度，仲可以選擇加唔加配料添😍😍我哋仲嗌咗一碟 雞軟骨 佢炸得好脆，仲可以畀我哋撈埋啲沙律醬一齊食，一流!

今日男朋友陪我食lunch之後返工，於是我們去了大埔揾食，沿着街市行到運頭街附近，沿途有很多選擇，最後被大大紅色的豚骨字燈籠吸引我行去沒有華麗裝修，簡約日本風橫裝，有一部舊式唱機播放着日式歌曲，感覺更像日本小店辛辣拉麵$80選擇了中辣味增，口味比較重，吃的比較過癮。軟嫩的叉燒肉片，而麵條帶著彈性很順口，但是沒有到讓人驚艷的程度豚骨味噌拉麵$75味噌拉麵的味噌醬料，本身是相當強烈的調味料都搭配豚骨湯，讓味覺更有深度。濃郁的味噌湯頭配上竹筍、青蔥、木耳、紫菜、糖心蛋、叉燒等配料，讓濃厚味噌拉麵變得更加美味

今日又黎到大埔開工，行到運頭街個邊，見到有條小巷林立著唔少既食店。 見到有間拉麵出面有好多人排緊隊，充滿好奇心既我一於決定去試。 一入到去就覺得好有日本風味，仲見到兩位師父努力整緊拉麵。佢地仲著住印有'和'字既衫係度煮麵，勁有spirit。佢有3款口味:豚骨拉麵，豚骨辛辣拉麵同埋豚骨味僧拉麵。 另外，仲有香滑或者特濃湯底選擇。不過無論係香滑或者特濃，熬製既時間超過十小時，而且不含任何添加劑，非常健康有益。我睇完個menu介紹之後就決定要左個豚骨味噌拉麵(HKD80)，麵要香軟(個人不太喜好硬既麵)。另外，再加左個厚燒芝士玉子 (HKD28)。先黎既係個小食，玉子非常厚，上面有熱溶左既芝士，令到成個玉子更加香滑。最上面個層仲有木魚，令到個口感更加豐富。跟住黎既就係個拉麵。賣相一流，湯底非常香濃但毫不油膩。叉燒肉質非常嫩，加埋隻糖心蛋，100分呀。店員有建議我地嘗試佢地既辣芽菜(免費)，一試之下爽口惹味，同拉麵好配搭呀。

經朋友介紹，大埔附近有一間有特色嘅拉麵館，名叫《和拉麵》。今日去開大埔， 不妨一試！ 地方乾淨舒服，門外掛上別緻嘅紅燈籠， 麵館以紅色及淺木色為主色， 用了淺木色嘅餐枱， 感覺有點似在日本食拉麵。 入座後不久， 店員給我一張order紙， 客人可以選出自己喜愛的拉麵， 有三種拉麵： 1）豚骨原味拉麵2）辛辣拉麵3）味噌拉麵甚至乎麵嘅軟硬度亦可以自己調教，我選了 《豚骨原味拉麵》， 追加了《日本糖心蛋 $12》 同 《Zero 可樂 $12》。 豚肉湯底非常香濃， 豚肉美味，肥瘦各半， 配上大盛嘅蔥花同蒜， 加上自家制嘅辣味， 非常惹味。 加上自家制嘅辣芽菜， 特別醒胃。 拉麵有咬口， 富有彈性亦十分煙韌。追加日式溏心蛋，糖心蛋外觀美麗，時間掌握得啱啱好，半流質嘅糖心， 香滑嘅蛋白配上半熟嘅蛋黃， 一口咬下去， 非常滿足， 蛋黃香濃， 蛋味十足。 食物有水準， 店員態度有善，環境舒適， 份量適中， 價錢亦算大眾化。

一人午餐，嚟食和拉麵。店舖細細，啱晒想快快食個拉麵嘅上班族。一入店就聽到播緊日文歌，又幾有日本FEEL~ 日本拉麵都算係日本飲食嘅代表作之一，去到日本，我都會去街邊檔口食碗拉麵，感受一吓日本風味。拉麵加埋日本歌，確係別有一番風味，當中仲有一啲耳熟能詳嘅歌，係一啲懷舊粵語歌嘅曲，而唱緊日文詞，估唔到呢啲歌係有日文版，雖然第一次聽，但已經好有親切感。店入面得三款拉麵，order紙可以自行選擇唔同配搭。我揀左︰豚骨原味拉麵$75 (不要蒜、不要蔥、麵普通硬度)、加叉燒$20、加日本糖心蛋 半隻 $6。一整盤上枱，擺得幾精美。拉麵較幼身，掛湯能力特別高，爽口彈牙。加叉燒$20有三片，好肥美，肥肉多過瘦肉，入口軟腍軟糯，面頭仲有少少微焦。日本糖心蛋 半隻 $6， 一隻$12，拉麵係包左半隻糖心蛋，略嫌唔夠喉，所以加左半隻。金黃色嘅蛋汁，特別香甜。枱上有店家自家製辣芽菜，辣辣地又爽口，幾惹味，配拉麵食都唔錯。

朋友介紹過新開左間拉麵店，就決定去試一試。一入到去就見到師博係度準備緊拉麵，店員都好親切。拉麵有原味、辣味同味噌味三種，可以自由選擇湯底濃淡同麵質軟硬等等。我叫左原味湯底，硬麵質，另外加左半隻糖心蛋。湯底濃而不膩，有濃郁的豬骨味，十分美味。而且有齊木耳、竹筍同紫菜等等配菜。硬麵質好有口感，軟中帶弱，而且彈牙。糖心蛋呈完美既半熟狀態，蛋黃好濃厚美味，蛋白夠滑嫩而且有淡淡的醬油香。原來棄上仲有自家製辣牙菜，牙菜卜卜脆，唔會太辣，好惹味。不過最難忘係個叉燒片，本身對薄切冇咩特別期望，但一入口勁香火灸味，味道好濃郁好好食，薄薄一片己夠味，而且仲好彈牙。另外叫左個雞軟骨小食。粒粒都炸到卜卜脆，非常香口，加小小檸檬汁都好好食。