和拉麵

营业中

休息中

<大埔區好味拉麵店😍🍜>如果認真留意下既話 其實會發覺大埔都幾多好味既拉麵店😆 坐落喺運頭街既和拉麵🍜 環境對拉麵檔黎講都算闊落 木枱櫈 唔係對住牆嗰d 😂 但離遠都會見到師傅整緊拉麵 👍🏻 全店只有三款味既拉麵 甘樣仲好夠專一 😄 仲有d唔同種類既日本小食好似小丸子 雞翼等等🐤🍴辛辣拉麵 中辣 80 蚊🍜🌶 同平時食拉麵一樣 都係用張紙點 可揀湯底 蒜 葱🌿 麵既硬度等等 🍜 碗麵入面有木耳 葱 筍 紫菜 溏心蛋🥚 日本叉燒🐷 材料豐富😄 湯底 聲稱係傳統博多拉麵湯底 豚骨煲足10 個鐘 冇落添加 濃而不膩 點左辛辣湯底 🌶 所以味道除左有香濃豬骨味 仲帶有辣香 好味😆 筍同木耳 加上 點左硬度適中既彈牙麵身 合埋一齊好有口感🍜 叉燒 脂肪量唔會好肥帶有點彈牙感🐷盡吸湯汁 整體好好味😆🍴章魚小丸子 28 蚊 🦑細細碟有6 個小丸子 上面鋪滿木魚同紫菜絲 熱辣辣 😆 小丸子唔算好大粒 入面 茨粉密度剛好 小丸子夠彈牙🦑 加埋甜酸汁更正👍🏻Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Dec

大埔出名多嘢食，今次就嚟試吓呢間主打博多拉麵嘅小店。店舖雖然唔大但具有空間感，而拉麵選擇有三款，小食就非常多選擇。我同朋友叫咗味噌拉麵、辛辣拉麵同一寫吉列魚手指。魚手指炸得好香脆，內裏魚柳好足料又香，好高質。而拉麵配菜有半隻溏心蛋，好夠流心；肥叉燒，肥香而不膩；仲有木耳、蔥、竹筍。拉麵湯底香濃，餐牌寫住係熬咗好多個鐘而成，可信性高，而拉麵掛湯力足，辛辣味湯底唔會太辣反而好香，就算唔食得辣都可以試吓，而味噌湯底好濃郁，掛拉麵食一流。兩款湯底都好高質，唔怪得餐牌得三款湯底都夠打天下。

今日難得係大埔食日本嘢，入面裝修好日式、空間寬敞，店員同客人都會傾吓計，感覺溫馨。睇睇menu，有三款拉麵選擇，簡而精，而我同朋友就分別叫咗辛辣拉麵同味噌拉麵。而我個碗就係味噌拉麵、軟身、普通蔥量。第一啖飲個湯好有驚喜，好濃味噌，而麵夠軟。而溏心蛋流心得嚟入味，配合埋肥叉燒，整體嚟講成個拉麵好惹味。辛辣拉麵叫咗小辣、硬身、多蔥。朋友本身唔食得辣但係都完全接受到呢度小辣，而且仲話辣味幾香，湯底濃而唔會過咸，麵質硬身好夠口感同埋掛湯力夠。 總結而言，呢間拉麵店尚算高質，值得一試。

位於大埔墟站附近的一條街，短短的一條街已經遍佈了三間日式拉麵店，這次來到了和拉麵進膳。店舖只有10個座位左右，有點似日本街道裏的小拉麵店。拉麵的選擇有四個，我點了辛辣拉麵。用水筆圈出你的個人喜好，店員便會為你準備。拉麵的份量適中，並隨拉麵附送了兩塊腩肉、溏心蛋、木耳和紫菜。拉麵配上辣湯底更香，又不會覆蓋本來濃郁的豬骨味。而小食的選擇相對地有很多，這次點了芝麻雞翼。香脆，再加上芝麻的點綴，吃上去更滋味。不得不提，這裡的店員很熱情，而且有禮貌，為拉麵店加分！

一去到見到個門口已經覺得好有日本feel 裝修同日本嘅拉麵店好似 地點都方便一出太和站行咗陣就搵到 入到去見望到個室內環境同員工之後 更加覺得自己入咗日本拉麵鋪 好有日本特色 成間餐廳keep住播d日文歌 氣氛好好咁我入到去記叫左個辛辣拉麵 佢個湯湯底夠辣得尼都夠重味 值得一提既係佢個豚肉！ 真係好好味 另外仲有一份小丸子 同街邊食個d真係唔同 佢夠味得尼唔會太厚粉 章魚比較迷你 容易咬開 搞到我想食多幾隻 最後我仲加左個雞軟骨 個皮夠脆又夠味 仲有檸檬同沙律醬點 整體都好食最後要講既係佢既服務態度真係好好 落單收錢又有笑容 笑都笑得開心d!!

朋友帶我遊大埔，肚餓個陣路經哩間隱世日本拉麵，作為拉麵迷，梗係二話不說食咗先講！入到去間野幾靚，waiters仲要齊聲講歡迎光臨いらっしゃいませ！ 感覺好親切，真係諗起之前去日本食野嘅感覺。哩間野係自選形式去揀拉麵，湯底我要咗濃味小辛辣，真係好濃郁，好香蛋黃味，有種漿住係口嘅感覺。麵我揀咗正常硬度，食落啱啱好，有啲彈牙爽口，幾岀色。仲有佢嘅叉燒，大大塊，好入味，而且厚身。我另外加多咗半粒溏心蛋，好幼滑，流心蛋黃好香甜，一極棒！今日果然無入錯黎！地點雖然係難搵少少，但好野通常都係隱世之地，大家快啲去發掘佢岀黎，支持小店。

今日同個朋友收工返大埔食好嘢，我地搵到間日式傳統拉麵，見到店面裝修好靚，決定入去試下。一入去，店員態度超好，全間店員係異口同聲用日文黎講歡迎光臨，有種受寵若驚嘅感覺，好有日本feel!我叫咗個辛辣（小辣）拉麵，湯底好濃郁，小辣對我黎講啱啱好，怕辣味太重又中意食辣可以揀呢個湯底！ 另外，麵條方面，我就揀咗普通軟硬度，所以食落口都唔會太硬或者太軟，師傅控制煮麵嘅時間都掌握得好好。份叉燒比出面一般拉麵店略有不同，食落比較爽口，而且肥瘦適中，好欣賞佢地整嘅叉燒呀！仲有，佢地每張枱都有自家製芽菜，帶有啲辣味，好開胃，食拉麵嘅時候記得加埋落去，更加惹味！幾中意哩間日本拉麵拉麵，佢張menu上面仲有好多小食，下黎要再黎試下！支持小店！

大埔墟呢頭出名多好野食，同朋友黎到見到新開的拉面店，於是入去試下新野😋拉麵的選擇主要有三種，我地叫左普通豚骨原味。麵的軟硬、配料等都可以選擇，同其他拉麵店差唔多。至於小食，呢度有好多選擇，有餃子、燒帶子、章魚燒、天婦羅等等🤤閒日午市仲有個套餐，$80就有拉面、汽水同埋3粒章魚燒/2件餃子，都幾抵食💵我同朋友就叫左呢個餐～拉面份量都幾多，我地兩個女仔食到好飽。㕚燒燒得出色，肥瘦均勻，溏心蛋都冇過熟，仲好入味。特別一讚佢地自家制的炒辣芽菜，真心幾辣但好惹味，加入拉面食又有另一番滋味。至於湯底都幾重豬骨味，唔會話好重味精味，整體黎講$80有咁既質素幾抵！！☺️佢小食都好好食。章魚燒外脆內軟，餃子亦煎得香脆。我地仲叫左個芝士玉子燒，好惹味好邪惡😈 如果再少d沙律醬個芝士味會更出更正！午市冇加一，埋單仲送埋糖，都幾貼心👍🏻 大家黎到大埔墟又多一個新選擇～

難得放孖day,就同老死入大埔玩,跟住見肚餓就走左入間無客人嘅餐廳.不過真差到一個點,差到忍唔到要爆下首先一間拉麵店點解可以做拉麵做到咁差,我叫加濃湯底點知又好似水咁，餐廳個湯底味道都真係唔多Ok,似味精湯,食完碗野我不停仲要飲水.章魚小丸子呢個真係經典,我未見過餐廳用咁細粒魷魚,小丸子一食成口粉唔再講,一粒咁細嘅魷魚粒係咪咁黑心先.......醬料咸就算,俾多小小野食客入下肚都應該吧老實講真係無諗過入左餐廳食完,要去m記食個餐先飽架,兩個人係拉麵店食到成肚火,唉真係唔明,點解呢間拉麵舖仲可以生存到

放假入大埔踩一下單車跟住係還車附近食野,跟住突然見到呢間餐廳見無咩人有位就走左入去試下. 點知真係好伏呀！！！事實證明無咩人去嘅餐廳係有原因嘅！！！首先章魚小太子,根據餐廳職員講呢個係即叫做,我地咁岩無咩客人可以即整,我地仲以為今晚會有食神,點知又係惡夢嘅開始呀,一上枱聞到幾香,點知一食全部都係粉漿,除左一粒豆豉咁大嘅魷魚粒就咩都無,醬料勁咸,餐廳對唔對得住我地呢啲食客呀大佬,我等左成幾個字,你俾啲街邊檔都不如嘅貨色我。拉麵最重要係湯底要夠香濃，餐廳呢個湯底真係稀到不知所謂,而且我仲要係已經額外加左錢要濃湯底,你地要賺錢大家都明白,但唔好太過份,俾小小正常野都應該吧.幾個人黎食到真係好嬲,唔推薦任何人黎,真係希望老板正視下問題

在朋友的推介下決定一嚐這間座落在大埔的和拉麵。由於拉麵店位於橫街內，比較不好找。店內座位不多，只有十多個，但勝在座位寬敞，鋪面整潔。相較起其他日式拉麵店，和拉麵提供的拉麵種類不多，但都是大眾口味，絕對不怕不合口味；而且餐牌上提供了很多種類的小食，最適合相約三五知己，一份金錢，數份享受！今次選擇了原味拉麵，麵質選了較硬的（畢竟硬的拉麵口感比較多層！）拉麵的賣相不錯，豚肉和拉麵的口感出奇地好吃，湯底香而滑，不是一般用味精粉可調出的香、濃、鮮味。唯一可惜的是沒有加錢改特濃湯底（個人口味較重的緣故）。整體而言，這碗拉麵揹上招牌菜之名的確當之無愧！最後點了雞翼小食作為這頓飯的終結。雞翼肉嫩，雖然經過油炸，但不但沒肥膩的感覺，咬開後流出的鮮甜肉汁反而是精粹所在，畫龍點精之選！

喺大埔返學，最重要嘅就係識搵食，放咗學之後，就同幾個朋友落去大埔，我哋最鍾意食嘅拉麵。喺大埔舊墟，總係會隱藏左好多唔同特色嘅餐廳，不知不覺間，會發現一啲意想不到新嘅餐廳。好好彩地，今次我哋發掘左一間拉麵舖，位於大埔墟火車站附近既和拉麵。餐廳門口用傳統嘅日式風格。入面點餐用點餐紙，入面有三種拉麵可以比我地揀，分別係豚骨原味拉麵，辛辣拉麵，同埋味噌拉麵。無辣不歡嘅我，好不猶豫咁樣叫咗碗中辣嘅辛辣拉麵，味道真係好香，麵質彈牙，唔算好辣，但會令人一食再食。只小食方面，我哋叫咗芝麻雞翼，食落去有驚喜，雞翼炸得金黃鬆脆，一咬落去雞肉嘅肉質非常滑嫩，即是放左一陣，仍然保持着好高的溫度，如果食拉麵唔夠飽嘅話，配想上呢個雞翼，真係會大滿足！總括來講，地點方面，餐廳離火車站都好近，由大埔墟火車站行3分鐘就到，超級方便，而且收費方面唔收＋1 ，非常值得，如果經過大埔舊墟，又唔知食咩嘅話，呢間都會係一個唔錯嘅選擇，值得一試！

和拉麵位於大埔墟的橫街內，位置較難尋找。食店面積不少，只設數枱，但裝修舒適，環境㓗淨，甚似日本拉麵小店的格局。和拉麵的食物選擇也很多，具拉麵及多款小食以供選擇。拉麵方面，食客可選擇自己喜歡的口味，另外可追加各種配料。 是次筆者品嚐了豚骨原味拉麵，軟的麵硬度。拉麵麵質軟滑，沒有一般港式日本拉麵的梘水味。湯底豬骨味香濃，加上叉燒、糖心蛋等豐富配料，非常美味可口，一試難忘。除品嚐了拉麵外，是次筆者亦品嚐了芝麻雞翼。雞翼即叫即炸，配上芝麻的香味，同樣非常吸引，與其他食店的炸雞翼分外不同。總括來說，和拉麵的食物和環境都十分理想，店員招待熱情有禮，絕對值得再次光臨和推薦開去。

搵食你以為做足功課就唔會瀨撻？我認係我年少無知！「你呃人！」雖然我唔係咩食家，但自問做咗幾廿年人，都食過唔少拉麵嘅！如果唔係追求有日本師傅整，我不如去（味精拉麵）食碗麵就算說好的日本師傅呢？說好的有人企喺到等有麵就即上呢？說好的熱辣辣濃湯呢？原來間野連拉麵吧枱位都無！即係叫完碗麵如果想睇到熱辣辣嘅場面，就要企出去等，如果想同師傅交流，睇怕都要立食先得，完全無親切感！都廢事同日本比較，香港好多小店都做得好過佢！塊紫菜送到黎都已經濕到叉唔多林晒！無須多講⋯多人同少人⋯一眼睇見⋯

美食哥倫布今次去咗大埔搵野食!有乜野咁伏？一齊睇下啦!尼間新開嘅拉麵，唔知係未準備好就開定未搵到廚師啦，食到我真係哭笑不得！拉麵似係掛名多⋯拉麵得3種湯底，但啲小食炸野就有成十幾廿款！幾好呀咁多選擇！點知一食就出事喇！因為碗麵嘅分量太少！所以就叫多份章魚丸子，諗著會飽啲！睇落去都圓淥淥幾靚仔！咬落去真係笑咗出嚟！唔係掛，技術高超到⋯成粒空心嘅！空心蘿蔔！得個殼包著粒細到喊嘅章魚粒仔！真係又嬲又好笑....睇下張圖...無花無假...想點丫最後食完成碗麵再食完碟空心章魚丸，咁就百幾蚊！但都唔夠飽！唉！走人啦！仲邊敢叫其他野！減肥去一流！