和拉麵

营业中

休息中

又是想吃拉麵的日子。。。經過我和朋友四年經常在香港和日本吃拉麵的日常，我們對拉麵色、香、味、性價比，越來越有要求。如題目所說，就是因為這店的一碗拉麵，平時甚少寫作的我，為它寫了我第一份食評和拉麵是我們拉麵排行榜的頭三名推薦之一，對我而言它更是我現在的第一名它的濃湯底真的很濃，它不是少加點水的那種濃，而是在同一粘稠度上，它特有的豚骨香味和質感，果然是熬了十多個小時又無添加的豚骨湯，令從來怕味精湯底的我差點就把全碗湯喝完這拉麵的另一特點就是它用火槍燒出來的豚肉。一口下去，火燒豬肉的香味就充斥住我的味蕾，再咬多幾口，肉的質感和脂肪的配合進一步提升了它的層次感。這時，再喝濃厚的豚骨湯，簡直就是完美的配合 這店的拉麵師傅和侍應都非常友好，會給你真實的意見。最後意外的是，竟然連拉麵店都會送小甜品，雖然只是小小的蜜蜂糖對我來說，它是一碗可以令我非常滿足的拉麵，所以想推薦給那些喜歡拉麵的朋友，希望不要錯過大埔的美好

凍冰冰嘅天氣，最適宜食一碗暖胃嘅湯麵，我哋就去到大埔墟一間地舖叫做 和拉麵 食晚餐。餐廳裝修以木為主，而且位置好舒適，有沙發位置，亦都有四人枱位置。拉麵紙比客人圈出自己碗拉麵嘅喜好，包括麵質嘅軟硬度，仲可以要多蔥。我同我朋友同時叫咗碗豚骨原味拉麵，等左唔夠5分鐘已經有得食，碗麵好暖笠笠，而且好香嘅豚肉味道，飲一啖湯好清甜。小食我就叫咗章魚小丸子，一盒有四粒，仲有好多木魚絲係上面，食落去外皮香脆，入面有好多粒魷魚粒，非常足料啊。最後埋單都只係＄200，每人平均消費＄100就可以食到咁豐富嘅晚餐，非常抵食呀。

平時經過大埔墟有一間拉麵店，開左大約幾個月，今次經過就去試吓招牌菜-拉麵。首先我哋喺門口睇吓餐牌，原來都幾多小食款式選擇，仲有我最鍾意嘅炸魚餅。香煎魚餅煎得好香，遠處已經聞到魚餅嘅香味，食落去外脆內軟，而且煎魚餅好大塊，再點小小泰式辣醬，更加滋味。拉麵好大碗，賣相非常吸引，入面除咗有紫菜、蔥粒、荀同埋木耳條之外，仲有好大嘅豚肉，而且拉麵好入味，麵質煙煙靭靭，好有口感。每一張枱都有一個壺仔裝住啲自家製麻辣芽菜，放少少入拉麵一齊食，除咗有麻辣嘅味道之外，芽菜非常爽口入味，我哋好快就食晒了。總括而言，喺大埔墟嘅拉麵店算係數一數二高質素，下次一定會再encore，試吓其他款式嘅拉麵。

大埔真的是越來越多不同種類的食肆，如果真是需要試哂的話真的需要一點的時間！🤣放工就心血來潮想食碗拉麵做晚餐啦，當然要搵間專做拉麵的小店啦！今次就到坊左位於大埔墟的拉麵小店啦！除了拉麵外，佢地仲有不少的小吃呢，好像天婦羅、燒鰻魚、鱆魚小丸子等等，對於貪吃的我十分合適呢！它們的湯底主要有三款的選擇，全部以豚骨湯做底的！味噌拉麵～一向食原味拉麵的我，今次試下味噌味！果然湯底更加濃郁，充滿味噌的咸香味，而且湯底十口十分順滑！拉麵也煮得軟硬度適中，豚肉燒得香口！芝麻八爪魚🐙醬汁甜甜地，八爪魚也十分爽口彈牙，大大粒的更有口感呢！價錢親民，拉麵與小食同樣高於標準，真的是值得再光顧的拉麵小店！！

拉麵是其中一樣我很喜愛的食物，一來熱辣辣的十分適合冬天食用，二來很適合一個人吃飯之選，身為大埔之友的我，當然要試試大埔的拉麵小店啦！放工之後，我又來到食肆林立的大埔墟啦！和拉麵有點走簡約風的餐廳，以木為主的裝修增加不少日本居酒屋的味道呢！和拉麵主要有三種口味的拉麵選擇，分別是豚骨原味拉麵、辛辣拉麵及味噌拉麵呢！本人一向喜歡吃原味的拉麵，豚骨湯是我必然的選擇呢！豚骨原味拉麵～湯底濃郁，有兩片的半肥瘦的豚肉，脂肪與肉的比例一層層的，很有層次呢！雖然我選了軟的麵質地，但也不會太淋，還保持到韌度！加埋糖心蛋更是幸福的選擇！鱆魚小丸子～看到餐廳同時提供多種小食選擇，心思思點了個鱆魚小丸子！小丸子燒得外脆內軟棉棉，內裡夾著大大粒的鱆魚增強口感呢！不一定是連鎖的拉麵店先好味，有時小店也會帶來驚喜，而且還增添一點人情味呢！

成日去日本旅行，對當地拉麵戀戀不捨，每次去完旅行返黎都會忍不住去食拉麵，希望得到一點點的慰籍。今次去左一間位於距離大埔墟火車站大約十分鐘路程既和拉麵，重拾一下日本風味。拉麵店面積不算大，但裝修好有日本地道拉麵風味，而且店小服務好，服務員一眼關七，提供細心貼心服務。一打開餐牌，拉麵有不同湯底可供選擇，有豚骨、辛辣及味噌湯底，連濃度都可以選擇，特濃+$8 就可以，啱哂重口味既朋友辛辣普通湯底配普通蔥蒜普通硬度拉麵拉麵一送上嚟，一定要飲一啖湯底，湯底味道好濃郁，豬骨味好濃，辣到啱啱好，麵質亦都非常之有口感同彈牙，而且仲有留心蛋，一咬，蛋漿流晒出嚟，非常之正。而且個叉燒係半肥瘦，煎到非常之香，而且薄薄一片，又有口感又好香口，仲有紫菜，仲有好多其他配菜，非常知足料，大滿足。章魚小丸子章魚小丸子外脆內軟，口感一流，而且醬料非常之好味，紫菜碎鋪喺面，加埋小丸子食，一路完全估唔到大埔都有間咁地道嘅日本拉麵餐廳，下次一定會再嚟

一直以來大埔食拉麵都不是有很多選擇但最近發現在區內較有名的拉麵店旁邊又再新開了一間拉麵店!那次吃過之後又不禁再回來吃, 所以已經吃了2次, 每次也很滿意!他們的叉燒燒得好香, 雖然有點薄, 但是十分香口好吃至於湯底方面, 可能因為我比較愛濃湯底, 所以上次覺得比較淡(雖然也可以接受)所以這次嘗試濃湯底, 覺得剛剛好了!很滿意而且我喜歡蒜的, 雖然點餐紙上沒有, 但我也寫上希望多蒜!而男朋友則點了辣湯底(小辣), 他的感想是辣味足夠, 然而湯本身的味道不夠反而桌上自助加的配料, 廚師自己醃製的芽菜有驚喜, 雖然微辣, 我不太吃辣也覺得可以接受!上菜的時候本來覺得有點小, 怕吃不飽, 但是吃完之後覺得很飽了至於其他方面, 店面不算大, 小小的然而服務真的不錯, 不停加水, 不合不覺水杯又滿了結賬的時候會送小糖果, 雖然不值什麼錢, 但是那小小的心意也讓人感到他們的心思

幫朋友去完舊大埔警署影相，去附近搵食~~呢間舖真係好隱蔽，收埋喺街尾極唔顯眼，全靠門口有個姐姐做介紹我先會入咗去。環境：舖頭細細，得五六張枱，好彩啱啱兩點完咗打工仔食飯時間，睇住D人走先至有位。食物：淨豚肉拉麵$75, 叫套餐加$5有小食同汽水, 梗係加啦!! 我叫咗個豚肉拉麵餐$80，再加$5揀味噌湯底~ 麵嚟嘅時候，哥哥仔鄭重推介呢個辣菜，係佢地上午自己炒嘅，落少少吊下味，真係好食，有heart。呢個湯我好鐘意，好有日本食嘅味道，好濃好厚嘅味道，但又會油淋淋 。薄切嘅豚肉肥瘦啱啱好 (我肥妹唔怕，最鐘意肉有少少肥膏)，如果佢嘅麵係粗拉麵就完美。小丸子入面嘅墨魚粒唔係超大，但係真係即叫即整，外面燒得微硬、少少脆，入面居然係啱啱好謹謹熟，好好食呀~最後飲到枝裝可樂，係驚喜既，做個肥肥嘅結尾，$85一個午餐唔係平，但食到日本風味都值得~服務: 整體服務友善，上菜需時，應該係因為即叫即製，所以要等一等~ 特別欣賞熱情的職員推介~

和拉麵並不位處最繁華的地段，人流多在街口便流走，但大埔以拉麵為專門店的實在不多，這天便特意來挑戰一下。雖然沒有bar枱可以觀賞拉麵的製作過程，比較接近的座位倒是有的。聽到師傅不時叫員工調火，製作認真。豚骨拉麵一直是我的首選，這次當然也不例外。下單時更可揀選拉麵的硬度及湯底可加配特濃，於是我點選了特濃湯底和一般的硬度。湯底雖是淡淡的黃竭色，但入口卻是濃濃的豬骨湯味，由於我揀配了特濃版本，因而湯汁黏稠得有點像花膠湯的質感，對於特愛濃湯的我別有一番驚喜。拉麵本身彈身爽滑，用新鮮拉麵來做材料就是與連鎖的不同，吃得出的蛋香味也是與別不同。半隻流心蛋，紫菜、日式叉燒和露䇞都是基本的配菜； 叉燒份量不算多，但豚肉也是燜得非常入味，而且肥瘦適中，叉燒的油潤感填滿口腔，質素絕對是上乘。拉麵以外額外加一份小食，小食款式可算多元化。豚肉露筍卷一客四件，賣相也不敷衍。豬肉薄片捲著幼露筍伴以日式燒汁，沙律亦很新鮮。略嫌露筍過熟所以沒有爽脆口感，但味道老少佳宜，醬汁更能大開胃口。

今日出開大埔 見到嚟一間拉麵店好吸引咁 就入咗去試下入面格局好有日式店舖嘅感覺 仲可以見到師傅親自整拉麵 好吸引🤤拉麵我同朋友叫咗一碗味增湯 一碗豚骨原味湯底拉麵 大大碗份量好足😋味增湯味好濃郁 適合食得重口味嘅人豚骨原味湯都好正 豚骨嘅味道好突出 又唔會大油😋我仲試咗硬身嘅麵底 個人幾鐘意佢個硬身拉麵 硬度啱啱好 口感不錯🤤拉麵配菜有炭燒過嘅叉燒🤤 肥脂同叉燒肉嘅比例啱啱好 好正😋 佢嘅唐心蛋都好好食 整得唔會太熟 仲食到半流質嘅蛋白添🤤值得一提嘅係店舖提供嘅辣味芽菜佢係師傳親自炒嘅 佢辣味十足 就咁食都好好食 仲配上麻醬嚟炒 同拉麵嘅味道都好配合 成碗麵味道更濃郁好食🤤🤤 所以食麵個陣一定要落埋芽菜🤤

呢間拉麵門面好隱閉，佢個名都係因為大埔群組街坊中推介先知。同一條街有兩間拉麵舖競爭實在大。 兩間拉麵舖各有千秋， 有讚亦有彈，所以我決定試個究竟。該舖位記憶中原先係甜品舖， 可惜已經結業轉為呢間拉麵鋪。拉麵我揀咗辛辣拉麵，湯底顏色同我以往認識的日本連鎖拉麵店有少少唔同。日本拉麵店嘅地獄拉麵係用紅油，但呢度就會將辣味融入湯底 。拉麵嘅配料幾正宗，有齊筍，木耳，蔥，紫菜，同埋叉燒。最欣賞係糖心蛋，半生熟蛋一啖入口超正！隻蛋仲要冇腥味，雖然外表白雪雪，但其實滷過好入味。叉燒唔算多只有兩片亦唔係厚，不過味道取勝。半肥瘦五花肉脂肪位竟然爽口，有啲似譚仔腩肉既質感。個人非常鍾意下次再食一定要加多幾塊叉燒。我叫小辣湯底，佢係輕輕刺激喉嚨的辣，唔會辣到要飲水。辣味為主豬骨湯味相對無咁濃，想試豬骨味嘅朋友最好叫原味湯底啦。店舖都幾細心，提供紙巾同其他醬料。呢款磨芝麻器我係第一次見，除咗即磨之外佢仲可以調教芝麻嘅顆粒大小。 對比另一間拉麵店，我覺得呢間更加適合我口味，湯底更接近日本嘅口味，唔錯唔錯

今日行開去大埔，見到個咁大個燈籠，就發現在呢個小店。間店唔係好大，但因為我同朋友12點就去到，所以就唔洗等位就有得食啦。麵食就有三種湯底，豚骨、辛辣、味噌，除左拉麵，仲有好多小食可以叫，價錢都唔貴。午餐時段去，可以叫佢嘅午時套餐，80蚊，有一碗拉麵，一份小食同一枝汽水。一入到去，就已經有人同丟地介紹有咩食，服務好好。諗好食咩之後，就自己係呢張紙到圈，咁我就揀左豚骨湯，普通硬度嘅麵。落左單後，大概10分鐘就有野食啦，等嘅時候可以飲住汽水先XD麵嘅硬度可以按喜好決定，我就揀左普通硬度，我覺得已經好好食，唔好太硬或淋。豚骨湯好濃郁，但唔會好稠，好正，鍾意稠身啲嘅都可以加錢要特濃。每碗有兩塊豚肉，半隻流心蛋，肉就不過不失，流心蛋都幾好食。跟餐仲有小食，我同朋友就一個叫餃子，一個叫章魚小丸子。餃子有兩隻，啲皮幾薄。小丸子就有三粒，同平時食開同啲差唔多，不過不失啦。整體黎講，個麵幾高質，服務亦都好好。

朋友推介之下，去到好多餐廳嘅大埔墟小巷仔搜尋拉麵店嘅美食。午市時間唔需要等位，我哋就揀選左門口嘅位置四人枱，枱面有餐牌之外，更有拉麵紙可以比客人自己選擇自己喜好再落單。見到啲套餐咁抵食，我哋每人就叫咗一份。拉麵方面有三款選擇，我就揀咗味增拉麵，餐紙上更可以選擇麵條嘅軟硬度、湯底嘅濃度同埋追加嘅食物，一目了然、清晰可見，圈出之後比店員落單，非常方便。味增拉麵嘅味道遠處都已經聞到，試一啖湯底，味道非常濃郁，而且質感香滑，仲有我最鍾意嘅竹筍係入面，食落去好入味。除此之外，豚肉半肥瘦，肉質鮮嫩，非常滿足呀。小食方面，我就揀選左套餐中嘅章魚小丸子，另外再叫小食唐揚雞塊。章魚小丸子外皮香脆，薄薄的外皮配以入面一粒粒嘅章魚粒，食落去香脆之餘，更加非常滋味。係進食過程，客人不斷光臨，最後全場滿座了。食咗咁多野都只係＄200左右，每人平均消費＄100已經可以食到拉麵、小食同埋有飲品贈送，套餐非常超值，而且食物質素高，必定會再次光臨。

最近大埔開咗幾間拉麵店，今天特意去試吓大埔墟細巷仔入面一間叫做<<和拉麵>>，招牌字眼非常大隻，好易就搵到。店員服務周到，隨即俾咗兩杯水我哋，還向我們推介拉麵店嘅招牌食物。餐牌有午市套餐選擇，當然我哋每人叫一個套餐，套餐除咗跟隨小食一客之外，仲包埋汽水，而且免加一，非常抵食。朋友就揀選味增拉麵，我就選擇咗豚骨原味拉麵。豚肉味道湯底非常香濃，而且配料甚多，驟眼見到有蔥粒、紫菜、溫泉蛋，仲有一大塊豚肉片，拉麵非常入味，食落去好有口感，唔錯。小食方面再叫左一份唐揚雞塊，賣相非常吸引，而且份量都比較多，炸得非常香脆可口，食落去雞肉肉質鮮嫩，好滑。最後飲品叫咗支裝可樂，飲完即刻成個人爽晒加飽曬。唔好睇一間細細間嘅拉麵店咁普通，原來食物嘅味道都好好味，一定會再推介比其他朋友。

聽朋友說大埔開左間新拉麵店🍜，所以放工與朋友去食走到街尾終於見到了，門口光亮而且充滿日本的風格只有三款湯底的拉麵，本身想食辛辣味但今日唔係咁舒服為有簡唔辣餐廳採用紙來點餐，很方便店員說這是他們自家制的芽菜少許辣味，味道不錯！味噌拉麵我簡左味噌口味，都很足料湯底選左香滑而麵軟硬點了普通唐揚炸雞還點一個小食share 食，炸雞炸得好香脆份量都很足夠，味道都不錯有午市套餐，拉麵+小食+飲品都是$80，都很抵食