和拉麵

营业中

休息中

一人午餐，嚟食和拉麵。店舖細細，啱晒想快快食個拉麵嘅上班族。一入店就聽到播緊日文歌，又幾有日本FEEL~ 日本拉麵都算係日本飲食嘅代表作之一，去到日本，我都會去街邊檔口食碗拉麵，感受一吓日本風味。拉麵加埋日本歌，確係別有一番風味，當中仲有一啲耳熟能詳嘅歌，係一啲懷舊粵語歌嘅曲，而唱緊日文詞，估唔到呢啲歌係有日文版，雖然第一次聽，但已經好有親切感。店入面得三款拉麵，order紙可以自行選擇唔同配搭。我揀左︰豚骨原味拉麵$75 (不要蒜、不要蔥、麵普通硬度)、加叉燒$20、加日本糖心蛋 半隻 $6。一整盤上枱，擺得幾精美。拉麵較幼身，掛湯能力特別高，爽口彈牙。加叉燒$20有三片，好肥美，肥肉多過瘦肉，入口軟腍軟糯，面頭仲有少少微焦。日本糖心蛋 半隻 $6， 一隻$12，拉麵係包左半隻糖心蛋，略嫌唔夠喉，所以加左半隻。金黃色嘅蛋汁，特別香甜。枱上有店家自家製辣芽菜，辣辣地又爽口，幾惹味，配拉麵食都唔錯。