和拉麵

营业中

休息中

大埔小巷入面有間拉麵，叫「和拉麵」，位置上的確有啲難搵，但入到去就好似去左另一個境界咁。和式設計，播放住日文歌，店員會用日文歡迎你，個感覺已經贏左。所謂貴精不貴多，湯底只有三款，豚骨原味、辛辣同味噌，仲可加$8試特濃（會黏稠，重膠質），不過今次無試～麵揀左普通硬度，係正常嘅麵質。糖心蛋做到有一半熟一半唔熟，食落有兩重口感，再加埋滑滑嘅蛋白，加分！叉燒一邊烤過，又係有雙重口感，烤個邊好香口，唔錯！另外叫左小食—紫芋甘栗薯餅$28，意外地好味！炸粉唔會好多，食落岩岩好。重點係入面個料，好香芋頭味，仲有甘栗粒，泥狀感覺，仲可足料，好好味！沙律醬亦唔會搶左個味，勁想再叫多碟。好少拉麵店小食都做得咁好，所以有驚喜！！

拉麵不嬲係我最愛，尤其是麵底好重要！今日係大埔試咗哩間日本拉麵鋪，真心想推薦俾大家！大埔不嬲多野食，我同朋友兩個人放工，行經哩間小店，見價錢幾親民，就諗住試下！哩度揀麵係自由度非常高，自選湯底麵嘅軟硬，甚至配料嘅多少都有得揀，可以滿足到唔同人嘅口味！我叫咗一碗辛辣拉麵，小辣，有叉燒，麵底揀咗普通硬度，其他配料都係正常份量！叉燒都幾大塊，而且好滑，肥瘦適中，入口即融！湯底先係精髓，濃郁香醇，加少少辣味好開胃！佢自家嘅辣芽菜可以任添，更加惹味！哩間鋪頭細細地，勝在幾骨緻，仲幾有日本feel!店員亦都好好服務態度，招呼周到！整體黎講哩間餐廳味道算係唔錯，支持小店！

一講起大埔美食，相信好多人都會即刻諗起八號花園果邊，因為果邊連續幾個商場連接住，加上又近太和站，成為左好多人既飯聚必去之地。但係估唔到一河之隔的大埔舊墟，仍然都仲有好多特色的隱世美食。和拉麵的位置雖然唔太顯眼，但係門口擺放左寫住豚骨的日式坐地燈籠以及店外傳統的日式風格，遠遠就已經見到呢間日式拉麵餐廳，十分吸睛！餐廳主打3款日式拉麵，分別是豚骨原味拉麵、辛辣拉麵以及味噌拉麵，選擇雖然看似較少，但係細心一想，這三款口味基本上是最熱門的口味，加上對於我地呢d有選擇困難症的寶寶嚟講，的確係好方便，好易就選擇到自己想要的拉麵。豚骨原味湯底拉麵保留左豚骨的精髓，唔似味精湯底，食得出師傅的心機，味道不濃亦不淡，如果鐘意食濃味d既朋友可以試下加8蚊轉成濃味湯底。麵條亦都可以選擇硬度，我比較鐘意普通硬度，剛剛好，基本上自由度好大，而且份量夠足，好難忘。唔夠辣可以加啲辣泡菜脆炸龍王鬚外層的皮炸得夠脆，炸粉唔多，好脆口，而且魷魚鬚唔難咬，好有驚喜，但得一試！

和拉麵主要有三種口味的拉麵選擇，分別是豚骨原味拉麵、辛辣拉麵及味噌拉麵呢！本人一向喜歡吃辛辣拉麵，辣是我必然的選擇呢，連濃度都可以選擇，特濃加$8 就可以，啱哂重口味既朋友。辛辣普通湯底配普通蔥蒜普通硬度拉麵，拉麵一送上嚟，一定要飲一啖湯底，湯底味道好濃郁，豬骨味好濃，辣到啱啱好，麵質亦都非常之有口感同彈牙，而且仲有留心蛋，一咬，蛋漿流晒出嚟，非常之正。而且個叉燒係半肥瘦，煎到非常之香，而且薄薄一片，又有口感又好香口，仲有紫菜，仲有好多其他配菜，非常知足料，滿足！味噌拉麵，我就揀咗普通軟硬度，所以食落口都唔會太硬或者太軟，師傅控制煮麵嘅時間都掌握得好好。份叉燒比出面一般拉麵店略有不同，食落比較爽口，而且肥瘦適中，好欣賞佢地整嘅叉燒呀！雖然肉份量唔算係多，不過真係幾好食。有陣煙過同燒過既味道，個豬皮好彈，肉又夠林！好食啊另有，佢地每張枱都有自家製芽菜，帶有啲辣味，好開胃，食拉麵嘅時候記得加埋落去，更加惹味。

大埔都算係新界一個出名多嘢食嘅地方，一提起大埔嘅嘢食大家都會即刻諗起車仔麵串燒同埋雲吞麵，不過今日就同朋友試咗間日式嘅拉麵店水準非常之高，叫和拉麵。餐廳嘅裝修都係沿用日式嘅設計，門口釣住一個好大嘅紅色燈籠寫住豚骨，唔知係咪同呢度嘅湯底有關，座位都尚算寬躺，內部裝修同埋燈光都幾舒服滿有日本風味。既然見到門口釣住大大個紅色豚骨字燈籠我同朋友都叫咗個豚骨湯拉麵，小食方面我哋就叫咗個芝士玉子同埋芝麻雞翼。拉麵即叫即做大概需時15分鐘到拉麵嘅湯底散發住好濃郁豬骨嘅香味，首先真係要讚一讚佢哋嘅豚肉，豚肉每一塊都經過封煎嘅處理，有少少脆口同埋炭香嘅惹味。湯底有非常之濃郁嘅豬骨味道，湯嘅色澤比較上冇平日食開知名拉麵鋪湯底咁化白，感覺上湯底比較清澈但係絕對唔會淡口，反而呢一個豬骨湯底比出邊比較知名嘅連鎖食拉麵鋪做嘅湯底味覺層次上更加豐富，唔會係一尾只係濃味同重口味，我個人就幾鍾意呢個湯底。拉麵嘅質地比較有咬口，慢慢食拉麵食到最後會開始吸收豚骨湯嘅湯汁，你就食到每一啖拉麵都有非常之濃郁嘅豬骨風味，再加上佢哋嘅漏心蛋滿足感滿滿！之後就要講講佢哋兩款小食，芝士玉子比較偏向一口小食，芝士味雖然唔係太重但係就突出

位於大埔的和拉麵係以自選形式去揀拉麵，點餐時用點餐紙，入面有三種拉麵供客人選擇，分別係豚骨原味拉麵，辛辣拉麵，同埋味噌拉麵毫不猶豫咁叫左碗小辣既辛辣拉麵，湯底我要左特濃味小辛辣，真係好濃郁，好香蛋黃味，有種漿住係口既感覺味道真係好香，麵質彈牙，唔算好辣，但會令人一食再食少辣豚骨湯底夠惹味，湯底望上去顏色偏淡，但係飲一啖，覺得好足料兼聞到豬骨湯味。加上少少辣味，令整個湯嘅味道提升哂，連埋拉麵一齊食，正！另外，麵條方面，我就揀咗普通軟硬度，所以食落口都唔會太硬或者太軟，師傅控制煮麵嘅時間都掌握得好好。份叉燒比出面一般拉麵店略有不同，食落比較爽口，而且肥瘦適中，好欣賞佢地整嘅叉燒呀！溏心蛋，係我至愛！食到加左味醂，而且好溏心，個蛋心仲有d蛋黃汁流出來，好好食，早知追加多半隻，食夠一隻先滿足！日式煎餃子，一碟有四隻，食之前點一點醬料，正！入面肉量足，啖啖肉

今次我哋發掘左一間拉麵舖，位於大埔墟火車站附近既和拉麵。餐廳門口用傳統嘅日式風格。一入去，店員態度超好，全間店員係異口同聲用日文黎講歡迎光臨，有種受寵若驚嘅感覺，好有日本feel!一打開餐牌，拉麵有不同湯底可供選擇，有豚骨、辛辣及味噌湯底，連濃度都可以選擇，特濃+$8 就可以，啱哂重口味既朋友食豚肉原味拉麵，豚肉鬆化，很有食日本拉美風味，如食開淡口的人，會更加覺得湯底香濃少少，因是用醬油及海塩，豬骨煮出來，濃味十足！麵食落可以好食唐心蛋又滑又多汁，食兩淡再飲少少湯係我至愛!!!雖然豚肉黎講係比較薄，但正正因為甘而吸收晒濃湯既鮮味！而且和拉麵仲有自製辣芽菜，拉麵加湯加少少芽菜既配搭係不可思議地match！配菜方面，餃子都係細細份，唔會食到好飽，餃子足料又有脆脆薄皮，係有心機既！總結餐牌選擇都幾多,賣相吸引,價錢平。

原來運頭行小卷都有唔少野食～ 今次就食食和拉麵～係門口睇緊menu時 店員已經好熱情咁邀請我地進店坐店面不算好大 算係多客人同坐得都舒服 感覺比較似家庭式餐廳店內播音樂是用黑膠唱片加多左種享受-呢度有三種面可選擇我就揀左豚骨湯底同芝麻雞翼男友個麵一樣 配左芝士玉子燒個湯底有濃郁既蒜味 聞到都覺得好吸引！雞翼炸到外脆內嫩玉子燒同芝士好夾上面仲加左木魚絲 仲有要講下佢塊豚肉相信係誠意之作 就咁睇都已經見到一層層透透地食落唔似得好多連鎖拉麵店既豚肉外面好多時都鞋口 而呢間係滑口 皮位置仲富有彈性tim 麵質揀左硬身條條都好分明 好彈牙！溫泉蛋亦係剛剛好 蛋黃好流心 ～-另外見到老闆每一個客人入場離場都會同客人打招呼感覺好有人情味當我地食緊時 都聽到在場既街坊客不停讚不絕口話好食好味 相信除左我點既拉麵款外 其他款式都做得不錯！

岩岩出糧，就諗住同朋友食番餐好少少又唔太貴既日本餐，咁岩有FD介紹我黎呢間日本餐廳。係門口望已經好有日本風，同埋店員態度真係好好！我隔籬有枱客唔係好識落芝麻，入面師傅見到即刻出黎教客人點用！真係好窩心。我地叫左碗豚肉拉麵做主餐，配上日式煎餃子。D野食一上枱，不得了，餃子果到皮好薄，望上去已經見到透透地，一咬落去，口感不得了，啖啖既肉感滲入黎，真係好享受。食埋碗拉麵，舊蛋真係好滑，舊豚肉咬落去質感好好，D肉既厚度真係岩岩好，麵質又靚，湯味都唔可以話濃或淡，只能講係岩岩好，恰到好處。呢間應該係我食過最好食既日本餐廳，真心推介！

星期二晚放工後，一個人行咗去大埔舊墟搵吓有咩好食，期間俾我從遠處見到有一個紅色大燈籠🏮。行過去一睇，除來係一間叫「和拉麵」既傳統日本拉麵檔🍜。佢裝修保留了傳統日本拉麵檔的格局，枱櫈都係用木材的，環境都算舒服。😌一入到餐廳內，就會聽到播放著輕快的日本歌曲，令人有少少置身係喺日本拉麵檔既感覺。餐廳只有三款拉麵，分別係豚骨原味拉麵（$75）、辛辣拉麵（$80）和味增拉麵($80)。拉麵方面，Order紙上，除了可以選擇邊一款拉麵湯底外，還可以選擇湯底的濃度，蔥、蒜蓉多少和麵的硬度。而且餐牌上寫明係堅持正宗日本博多系豚骨拉麵，湯底經大火超過10小時熬製而成，無添加，濃而不膩。點餐的時候，我發現餐廳也非常有心思。原來點餐的顏色筆，有很多不同的顏色，色彩鮮艷奪目🌈，客人可以隨着自己的心情，選擇當天喜歡的顏色筆去點餐。我點了豚骨原味拉麵🍜香滑湯底、多蒜、多蔥和普通硬度的拉麵。在等待拉麵期間，我觀察到師傅做拉麵嘅時候，非常認真，看得出他對拉麵嘅執着，絕不馬虎！拉麵大約五分鐘就已經送到，拉麵上面有日本叉燒🐷、木耳、蔥🌿、蒜、筍、紫菜和半隻糖心蛋🥚湯底果然係香滑豬骨味，不會太油膩，湯底會令人想一喝再喝。叉

今日有想食拉麵嘅胃！ 係！我感受到所以就二話不說去尋找拉麵店因為喺大埔火車站附近嘅關係，就嚟咗和拉麵究竟和拉麵呢個名係點解呢好鐘意留意店舖嘅名容納到5張枱左右⁃炸魷魚鬚 $48炸粉唔多 咬落去脆卜卜，又食到煙煙韌韌嘅魷魚香口小食必選之一份量唔多 頂多可以兩個人分⁃原味豚骨拉麵 $75拉麵嘅選擇只有經典三款湯稱不上濃郁的豚骨味，但可食上熟悉的日式拉麵感覺豚肉係腩肉嚟，有兩大塊呢度有自制嘅辣芽菜加入麵入面，令到湯變辣辣地，更加好食！

原來有間很正宗的日本拉麵隱藏在大埔區，這裡的博多豚骨湯底是以往在日本才吃到的味道。第一，湯頭味道超級正，食到很濃豬骨味， 咸度適中，湯底唔會太膩，可以全飲完w因為太好飲，所以這次不用加七味粉調味。第二，叉燒是採用薄切，全塊沾滿湯汁非常美味。習慣拉麵再額外追加一份叉燒(有3塊)第三，拉麵的配料也是滿滿的，拉麵是幼麵款，質感很爽口，硬度是普通。*午市有套餐只限平日供應(附贈汽水+餃子)汽水是支裝，個人喜歡可口可樂，感覺與食物特別相配。餃子味道是偏淡，我發現忘了落餃子醋><還是連同醬汁才會突顯出味道。第三，環境方面，餐廳雖然空間不大，但坐得舒服。店鋪播放的日本音樂很好聽，是很柔和的。還有提供的是檸檬水xd第四，店員給人的感覺很舒適，臉上充滿笑容。

向來鐘意食日本野既我，今次經朋友推薦黎左位於大埔既和拉麵嘗鮮。入到去，餐廳整體氛圍不錯，環境溫馨舒服。朋友叫左個拉麵而我肚唔太餓就叫左兩個小食。章魚小丸子-上檯果陣仲見到冒煙，上面既鰹魚片同紫菜密鋪，好足料！小丸子入口即溶，外表鬆脆可口，咬落去既口感好好，明顯優越過坊間d章魚小丸子，趁熱食真係好好味。紫芋甘栗薯餅- 我就一向對紫薯好執著，一見到菜單上面有我就即刻點左，果然無令我失望！薯餅個皮炸到好脆，裡面d栗子涵又大大粒，咬落去陣陣既紫芋味慢慢滲出黎。呢個薯餅有個幾好既位，平時我食完都會有d濟，但呢個就反而無呢種感覺！仲有d店員態度真係好好，佢地全程對住我地都面露笑容，飲完D檸檬水又會即刻refill，咁好既服務竟然唔收加一！全程我都食得好開心，下次一定會再黎！

［拉麵食評］食物是傳遞情感的媒介拉麵是留下靈魂的橋樑我一直深信依一點係世界既真理...好耐好耐未試過有一碗拉麵感動到我，而和拉麵做到依樣野。一碗令我感受到廚師熱誠同誠意既一碗拉麵。...夜晚9點係陳漢記叫左外賣煲仔飯，拉麵癮起，行過見到一堆日本餐廳，咁就逐間睇下邊間拉麵吸引啦。行左幾間見到有一間入面一個客都無拉麵店，出於好奇心同又中伏既心態入去坐底左。...全世界望全我果種感覺真係都幾怪，好彩侍應姐姐都幾熱情，落完order之後5min內到左碗麵。...麵到左之黎我只諗到兩個字：詭異.點解一碗咁既正常既麵會一個客都無？.點解會冇客，個湯頭同個麵會係有幾恐怖？..湯頭：飲第一啖，好正常喎，冇味精。.飲第二啖，好濃味噌，淡淡既豬骨。.飲第三啖，濃厚既湯頭。...麵：第一啖，哇！掛湯喎第二啖，哇！小麥味？第三啖，哇！無鹼水味呀..叉燒：一望：挑，普通炙燒一聞：哇，幾香喎一咬：油脂同肉香係個口腔內爆發出黎😍😍一個字：幸福呀...我好似從來未試過咁認真去打食評，但今次真係要咁樣先表達到我果種反應。...之後有一個好唔好意思既要求，我問待應可唔可以比一碗仔個原味湯頭我試試，廚房走出一老闆？.問我係

有一日同朋友好想食拉麵，突然諗起之前有其他朋友同我推薦過和拉麵，所以我地就去左試喇。唔好睇佢舖面細細就以為佢好迫，餐廳入面d位置都算闊落架。佢地既拉麵主要有3款湯底揀，我就試左豚骨湯喇，個拉麵既份量都算多，而且都有唔少配料，有木耳、筍同溏心蛋等等，雖然個蛋同平時其他拉麵店唔同，唔似有滷過，但係佢個溏心已經真係整得岩岩好，好綿好多蛋汁，而個麵就幼身d，個食落都好有口感唔會話整到淋哂，夾埋d配菜食口感都幾豐富，味道都唔會話食完覺得好漏，食完好滿足！另外，我又叫多左個小食，碟玉子燒上枱有3舊，件件都好厚身，而且都冇過熟，加埋木魚碎同芝士食真係好好味！