周記油渣麵 (已結業)

看了openrice 的資料，今天早上10:00am 去了周記油渣麵，怎料摸了一個門釘，原來10:30am 才開始營業。大淨渣加價了，要$25 一碗，油渣麵就$15 一碗。加上辣味菜甫，非常美味。如果大家食的油渣值85 分，周記的油渣有95 分。

因為對面既維記大排長龍, 所以轉左試新口味對上個次食油渣麵, 可能都係讀中學時期係旺角街頭食的隔左十年有多, 再次試番, 但失望而回首先, 個D豬油渣, 同無炸都無乜分別印象中豬油渣係炸到得番少少啡色既渣滓所以再煮出來都會好香口但我食到個碗, 充其量只能叫稍炸的肥豬肉我俾左一件我老婆試, 嚇到佢掂都唔敢掂大家就可以想像到有幾肥我老婆叫的豬潤牛麵, 份量相對比起維x , 少左好多唔係甘值得再來試

今天去溜冰前, 搵地方一個人食, 想起以前在這裡食豬潤手攪面, 個湯底好正, 於是今天唸住去再食, 但由於我知道食內臟的膽固純都幾高, 於是今次轉食牛肉面.湯底係豬潤湯底, 好好味牛肉份量都算多, 同埋有厚度, 絕對吾係牛肉絲面, 我覺得同"大家食" 的手攪面類似, 冇分別.美中不足, 飲品要額外叫, 冇餐, 所以我都係習慣食完出去出面買飲品.

下午去鴨記買嘢,好日唔嚟呢區,順便食個晏先回公司,本應想去維記試吓,但天氣真係好熱,响周記門口附近就入去食番碗豬油渣麵同叫咗罐可樂,碗麵先到呷啖湯先,尚算清甜跟心落冬菜同辣椒油,想起兒時四周圍都有得食嘅食物宜家買少見少,食起嚟覺得特別滋味,一班阿姐招呼唔錯,話可樂唔凍跟個冰底,咁我問邊隻汽水凍,佢換咗忌廉點知都唔凍,同佢講轉頭俾個冰底不另收費兼無黑面,地方比上次乾淨可能時間尚早,盛惠$21

八年前好奇什麼是豬油渣, 於是由朋友帶我到這裡來膽粗粗吃了第一碗油渣麪, 八年後順路經過又想再緬懷一下, 獨自一人膽顫心驚地吃了第二碗. 怕且應該沒有第三碗了. 看見"新"店內已安裝了一部大電視,便走到電視前坐下. 邊看糖心暴暴, 邊吃已不像樣的油渣. 心想還是對面的維記好. 誰知吃到一半, 正當常在心同水擘擘和好如初的時候, 突然有隻肥田鼠在電機後走了出來, 極速鑽進放在旁邊的喇叭洞中. 當中人皆驚我獨醒的時候, 對正在前面的冷氣機中又爬了一隻小強出來... 牠們這樣歡迎我, 我又怎好意思急急走, 至少都呆了幾分鐘, 等到alfred俾車撞死, 再為那肥田小洞拍多張照片才依依不捨地離開...

專程從銅鑼灣到九龍，本來是想一嚐馳名的譚仔雲南米線，結果是譚仔提早休息，初五啟市；於是與寶貝在同一條街覓食，發現了這家「周記油渣麵」，決定試試看。很久以前已經聽說過油渣麵這樣食物，說是舊社會低下階層的美食之一，但就一直沒有機會品嚐。叫了一碗酸辣雪菜油渣麵+鮮牛肉+韭菜水餃（竟然是35元！！！），寶貝叫了鴛鴦水餃（韭菜水餃及豬肉餃）；等了一會兒，終於來了一大碗麵及一碗鴛鴦餃，酸辣的味道尚算可口，可是那些豬油渣（要另外加10元），真的很難入口，可能與我心目中的油渣是兩碼事，可以說是幾乎沒有炸過的油渣，看上去只是一條條肥豬肉，麵湯佈滿很多肥豬膏，一點一點，有點影響食慾，鮮牛肉就很嫩滑，粗麵卻有點硬，但還是可以接受。最想說的是當中的水餃（包括所有我們吃的水餃），每有一隻是完整的，全部都是在碗內自破，裡面的肉末及菜餡都散到清湯中，粒粒皮厚肉散。我和寶貝最後也吃不完整碗就宣佈投降。離開食店時，經過一檯檯的食客，看來大家的胃口不太好，很多吃剩的情況。這應該是我最後一次吃油渣麵了。

食左好多年的油渣面,由以前返學時代成日都食,因為無咩錢又大碗又好食,之後食左幾次都愈來愈不像樣....到宜家.尋日去食過..唉~~~油渣都無咩炸過就比客人食...有無用過個心去煮野比客人食?從此好食的油渣就變成絕種.不過講真就真係幾平既...好彩佢個炸蛟子都仲係ok既.

先說傳統油渣麵或油渣狗仔粉。油渣是肥豬肉經油炸之後的下欄作物，在物資欠缺的老香港，油渣經上湯煮透，內裡隨了上湯之鮮味外還有豬肉的餘香，而因炸透，故口感相當，而中間稍有漏網之餘的瘦肉，必是當時的貧苦大眾的滋味極品，另油渣當中的餘下的丁點膽固醇，就是當日體力的來源，跟現在一聽到膽固醇就退避三舍已不可同日而語；上海粗麵或狗仔粉淋上油渣及上湯，加上大量蔥花冬菜，在當時社會，慕仙也！好幾年前幫襯襯這裡，當時的油渣仍是炸透後的下欄作物，沒有多餘脂肪，盡心盡力做回當油渣的本份；時移勢易，肥豬肉的主要任務不是炸出豬油，而是稍經油炸而變成充當油渣的肥田版胡杏兒，好像有點過膩吧！油渣基本上沒經炸透，不能像海綿的吸收上湯鮮味，而炸不透的情況下豬油仍充斥，都幾肥濟頂胃；而粗麵又不夠腍及入味，更得整碗油渣麵失色不小。現在的油渣麵只獨有其貌，基本上跟以往的差天共地，這裡的已經不行，是否港式油渣麵從此失傳……。

經朋友介紹去左周記食油渣麵,可能係星期六嘅關係,所以要等位,不過好快記有位!坐4之後叫左一碗油渣麵+豬潤牛肉,大大碗好抵食,湯低好鮮甜,d豬潤牛肉好新鮮,而d油渣比我想像中好食,感到唔會好肥!真係值得一吃再吃!

記得在數年前吃過這裏的油渣麵，覺得它是全香港最好食，但最近食番，明顯退步了很多，油渣好像沒有炸過，只用上湯淥熟似的。鋪內衛生仍好像差了。希望有關店鋪老闆能夠加以改善，畢竟周記曾是一間非常出名食油渣麵的地方。

之前在此處看過食評後選擇一試，小時候生活在旺角附近，那時吃的油渣麵好像不是這樣，我記憶好像是脂肪多肉少的，坐下後叫了一碗炸餃子麵+油渣，已經26元，我心想一定不錯吧這樣的價錢，後來來了一碗油渣麵，那位姐姐說餃子在炸，叫我先吃麵邊等，唯有如此，看一看那些油渣，怎樣是廋肉那樣呢?可能我小時記憶錯吧就沒理會，先喝過湯，湯的味道不錯很甜美，而麵也很入味，但那些油渣好像沒有主角的感覺，記得小時候的油渣吃下油油的而且很爽口，好像完全不是這回事，可能大家都注重健康了，真正的油渣不合時而改成這樣，但都是舊有的感覺好一點，麵差不多吃完那碟炸餃子才來，只好分開評價，咬下去感覺很硬，那些炸的粉太厚了，內裡的肉調味很不錯，但我明明是叫"九"菜餃，但變了什錦餃，算了，我不想再等，吃過後評價就是，可能出了名，人多了人手不足吧，只評論麵及湯也很好，反而油渣及餃子沒預期那麼好吃，我想下次不會再去了，找不到我想要吃的味道。

同班熱血男兒相聚容記之前,一支公重臨周記吃油渣麵.已經有好幾年無涉足,近年路過,往往去劉森記或維記多.越做越大的周記,好像已經在我的飲食地圖上消失.坐低即叫油渣麵,忘記要多青,上桌就走青.吹到啤一聲.大大碗油渣麵,比英記大三份一,同樣賣$14,食味就爭得多.麵質尚可,已經不存對今日的油渣,有香脆口感.可惜周記的油渣,淋劈劈無咬口.面頭的冬菜.同樣苦過苦瓜乾.湯底淡如白開水,無言.中學年代記得屋企附近有車仔檔,推車仔賣油渣麵.幾塊錢便吃到,Crispy如Bacon的油渣,正如似水流年,此情可待成追憶.今日物質豐富,同樣眾人亦開始注重健康,連帶一些傳統草根美食,亦隨之息微.究竟要入邊個數?還我真正油渣麵來!

一條"冷"食lunch，見到維記門口排晒隊，雖然係好食，都唔使咁誇ma..見好耐冇嚟呢度，嚟懷舊吓la..冇叫油渣食，因為覺得佢哋嘅出名越嚟越差，只係白雪雪一條嘢，連炸都懶炸，完全唔掂...第一次响度食牛肉麵，再加鴛鴦餃(即係北京加韮菜豬肉餃)...牛肉竟然比我想像中Ok，幾鮮，用鬆肉粉就一定有gar la..但係唔算太多，算有heart...餃子皮好厚，有D人會唔太喜歡，我又ok wor；北京餃入面有木耳絲，筍粒及豬肉，係呢度算係食得過嘅餃子...平平哋又一餐..

周記油渣麵地方不大，但食物絕對ok，尤其是辣菜莆，必定要試，辣菜莆配油渣麵非常夾味，包你一試愛上。push！

有朋友介紹食豬潤麵，初時怕好肥膩，其實都唔係，湯好清，又多豬潤，都係賣$14喳！