周記油渣麵 (已結業)

印象中呢個web有人講過油渣麵,自己細個o既時候又係深水土步食過,咪以為係呢間law. 放工後o黎開呢頭,入o黎食o左一碗酸辣油渣麵.... 唔得.首先麵身好似煮得耐o左,入口時已有d "山". 油渣唔見咁香. 我係旺角花園街中間一小食亭食過火腿冬菇油渣麵,仲好味. 所謂酸辣,其實係雪菜加d紅色辣辣地o既醬係面. 攪到碗麵好咸,想加d 辣菜莆都唔得.適時只係六點半,又唔係多人,唔知點解d 質素咁弱... 我諗有機會, 應該去大角咀o既英記.

次試過茄蛋牛同油渣，都算係食得過。

8月28日16:30在高登購物後，順道到這店，見店外大大隻字，生滾粥。便棄油渣麵，要了魚腩粥。粥：薄底，有點點魚味，有很多蔥段和薑絲。魚腩：不夠滑和肥，有點不新鮮的感覺(可能因沒有活魚供應。)下次還是要油渣麵吧了。從食品款式，而此店已由麵店，變成茶餐廳。但客人比從前少，可能是同區食店太多了。

琴日行完電腦商場就去左周記食晚餐,叫左碗牛肉麵食,真係好大碗,牛肉新鮮,麵彈牙,加左少少辣蕉油.辣蕉油真係好辣,見意加少少好.

今晚7點多睇完跌打,行過黎福榮街搵平野食,見呢間好似幾多選擇,於是入黎一試;我地2個人叫左鴛鴦餃麵$16,支竹魚腩煲+白飯+凍檸茶$35.鴛鴦餃麵---韭菜餃及北京水餃各2大隻,餃皮非常粉兼厚,吾掂!上海粗麵則不錯!男友還以為系烏冬.支竹魚腩煲---份量比一般煲仔細,魚腩無腥味但勁多古月粉味.凍檸茶---幾好!有茶味而不澀.埋單$51,阿姐收左$41,抵食!

炒貴刃，河粉夠乾身煙ｕｎ，但餸好少，蝦又係無味得個爽字，無乜特別。馬蹄露，好甜，馬蹄太碎，無乜口感，太糖漿感，飲完仲口渴。

油渣鴛鴦餃麵：油渣唔算話好肥，但唔爽，肥瘦都有，但食得多會膩，亦唔覺太香口，普通罷了。湯係冬菜味精湯，差左點。麵係粗上海麵，好似烏冬咁粗，但比烏冬更煙ｕｎ，非常好口感，亦大碗。鴛鴦餃有北京同九菜餃。北京餃係肉餡為主，沒乜菜，汁亦好濃，皮厚，大隻，但煮得太熟，連厚皮都好易穿。九菜餃一食落好似食茶樓點心咁既味，但皮厚。

成年幾無食過, 近期去發現佢地原來搬左間大舖. 自己叫左碗豬潤油渣麵, 男友叫左碗水餃油渣麵. 兩碗都極之大碗, 油渣依然好味道, 唔油唔太肥, 好有咬口. 我果碗d豬潤不過不失, 無維記咁好食. 水餃勁大隻, 都都勁厚皮, 但真係好飽肚囉.

油渣麵佢至掂,佢d油渣炸得唔太肥唔太,非常好食,又有plasma 電視睇,掂呀!

油渣香口又夠飽!!一d 都唔會有肥的feeling

上星期去黃金商場幫部電腦upgrade後，忽然想起附近有檔油渣麵，因小弟家住港島區好難有機會食得到，雖然個肚仲飽飽地都唔理la..，叫碗油渣麵加多杯凍奶茶先。味道同上次黎差不多，始終覺得大角咀英記好似好食d。碗麵可能太多味精，乘車回家途中要不停飲水。

對油渣並不熟悉，之前只在廟街吃過一次，後來才知道油渣是豬肉經炸出豬油後的渣滓。雖說是渣滓，卻是物盡其用，既不浪費，又將美味提升。周記位於福榮街，其油渣選用半肥瘦豬肉，故入口能同時嘗到一半香滑一半爽脆，質感剛柔相濟，而又不會有任何油膩的感覺。此家與一般麵檔一樣，選用上海粗麵配油渣，充實的麵香遇上油渣的型格，像一個你我之間的平凡愛情故事，卻又常被我們忽略、遺忘。另外，食客無需在落單時吩咐伙記走青／多青，事關所有配料、醬汁均放於桌上，蔥花、冬菜、菜甫、辣椒油、醋等，讓讀者為故事添上色香味，有點像裝置藝術，提供了不少再創造的空間。除油渣麵外，店裡亦有供應豬麵、北京水餃麵、雞柳麵等，都是平凡的故事，每個＄１４，等待發現。

上個月,我同男朋友試過呢間舖頭o既油渣麵..其實,我同男友都覺得食物o既味道算係唔錯..但係,衛生方面就唔係好得la!!!我o地食完之後,個肚仔都唔係好舒服.我o地一致認為係間舖頭o既問題law >.< >.<

現在的位置已經變了一間雲南米線店了。不過新店只是很多兩步隔兩三個店位而已。現在生活難了，這裡都多了很多茶餐的食品。上兩個星期同三個朋友來吃，沒有人叫油渣麵，反而要了滑牛麵，兩份黑椒雞意粉，我就要泰式豬頸肉炒公仔麵。每人的食物份量都好夠，大男孩都叫飽。黑椒雞意粉好多汁，多到見唔到d意粉。牛肉麵有好多肉，不過朋友說湯好多味精。我的炒公仔麵看來是最好的夠乾食但唔多油，豬頸肉有點不似豬頸肉似瘦肉。叫了四罐氣水，最後八十多埋單，價錢都算ok。備忘錄:店面大了多了幾部電視有有線看，不過d人好似轉曬唔似以前那班伙記。如果午市來的話都多人的，位多都要同人搭檯。

在我印象中這店巳開了近十年，應該是最早用油渣麵做主打的食店。可能因早年經濟好，每碗"油渣麵"由HK$8.-漲價至HK$16.-，現因受到付近食店圍攻，已回落至HK$14.-。這店不停增加食品花式，所以油渣麵已不是主打了。以價錢而論，他在同區算貴了。但是我還是忘不了那辣辣惹味的冬菜和炸菜。