周記油渣麵 (已結業)

同班熱血男兒相聚容記之前,一支公重臨周記吃油渣麵.已經有好幾年無涉足,近年路過,往往去劉森記或維記多.越做越大的周記,好像已經在我的飲食地圖上消失.坐低即叫油渣麵,忘記要多青,上桌就走青.吹到啤一聲.大大碗油渣麵,比英記大三份一,同樣賣$14,食味就爭得多.麵質尚可,已經不存對今日的油渣,有香脆口感.可惜周記的油渣,淋劈劈無咬口.面頭的冬菜.同樣苦過苦瓜乾.湯底淡如白開水,無言.中學年代記得屋企附近有車仔檔,推車仔賣油渣麵.幾塊錢便吃到,Crispy如Bacon的油渣,正如似水流年,此情可待成追憶.今日物質豐富,同樣眾人亦開始注重健康,連帶一些傳統草根美食,亦隨之息微.究竟要入邊個數?還我真正油渣麵來!