周記油渣麵 (已結業)

到腦場替公司買嘢!梗係蛇一蛇,食埋嘢先番工,殊不知.......一肚氣!叫了個魚肉米,阿姐叫入廚房,而唔係寫單入去,等了十分鐘都未到,於是追單,收銀姐姐替我追單,來到變了魚肉米線.心想都算,但魚肉太難食了,好粉,一D魚肉味都冇,差!差!差!凍奶茶,D冰多到,騙財!!!!氣壞的離開,不會再來!

次次去深水埗，都會去周記。一、貪佢企企理理夠乾淨二、價錢大眾化三、選擇多，粥粉麵飯樣樣有四、伙記態度好五、有電視睇不錯之算︰煲仔粥、乾炒公仔麵、砂鍋魚頭煲有待改進︰碗仔翅(水汪汪兼無料)、各式餃子(皮太厚兼入面太多似肥豬肉狀的物體)

十一月五日, 放咗學, 同老公返到深水埗, 特登走噃去《周記》食佢既油渣麵,因為過多三日就要搬離深水埗區喇! 搬走咗之後, 我諗我好會好少機會返嚟呢頭食嘢,但其實講到食嘢, 深水埗區真係臥虎藏龍架! 有《維記咖啡粉麵》、《譚仔雲南米線》、《金城苑越南餐廳》、《泰潮》、《飛鷹餐廳》、《坤記粥店》、《超幹線刺身》、《松記糖水》、《大利美食中心》(街市內), 同埋好幾間賣腸粉(《為食軒》)、牛什(《日旺》) 賣到出晒名既小食店, 當然唔少得呢間《周記油渣麵粥粉茶餐廳》!因為呢度除咗油渣麵好食外, 其餘既炒粉麵飯都好食又勁抵食呀!其實之前已經嚟食過幾次, 但次次都唔記得帶相機, 今次可以話係搬之前最後一次幫襯, 所以一定要帶定相機影底佢啦!呢個係加咗酸辣雪菜既油渣麵, 另外有原味油渣麵架,最鍾意呢度既油渣係炸過, 所以就算係肥膏部份食落都唔會覺得太膩,又脆又香, 仲勁多料, 咪睇佢細細碗咁, 其實好夠飽呢!至於老公就話今晚想食粥, 所以叫咗碗及弟粥, 以呢間唔係主力賣粥既食店嚟講,佢個粥都已經好好, 夠綿夠料, 只係唔夠香啫~老公仲叫咗個呢度似乎幾出名既炸鴛鴦餃, 次次嚟親都見有兩、三檯客會

Yesterday lunch with friend here, I've order beef + 油渣麵, and cold milk tea. Cost me $30.00 for the noodle and $12.00 for the milk tea. Tea as $12.00 are normal. But noodle cost $30.00 are abit crazy. Because if only order 油渣麵 are $18.00. I don't know add beef will take another $12.00. Because I didn't read the menu. They have give you many beef and 油渣 and its even more than noodle. Make you full already when seeing it. But I don't think any people can finish it all. Why don't they make it abit

出開嚟深水埗，每次都會心思思順便去呢度食碗油渣麵，至今仍然係食過最正嘅！今日下午茶，我哋又去 encore 嘞，呢次要咗： 油渣麪：湯底幾清甜，豬油渣係用滾油炸到佢又香又酥，食落都唔算太肥膩反而幾爽口添，香脆嘅油渣索咗湯嘅鮮味之後仲好味！ 麵係上海粗麵，煮得啱啱好夠煙靭但係又好滑溜！呢間店每張枱上面都放咗蒜油、冬菜、自製辣菜甫同埋蔥粒任你加到啱味先至最正！ 蕃茄豬膶麪：湯底好大朕豬膶味，蕃茄係新鮮嘅不過就冇乜味，豬膶好嫩好軟，麪就夠爽口彈牙！ 炸鴛鴦餃：即係韮菜餃同埋北京水餃，餃皮都幾厚，麵粉味好濃，不過炸過之後就變咗外脆內軟！韮菜餃餡都幾多，北京水餃就有好多豬肉，比韮菜餃更好味！點埋佢個酸酸哋嘅汁就最夾嘞！ 馬蹄露：又爽又甜，好過飲汽水，我哋次次都會叫！呢餐下午茶好滿足嘞！

Lunch試了周記的雞柳油渣麵，有點醎，亦有點膩(但不是肥)，但不太差，只是自己不太習慣d豬油味那些雞柳.....真的很雞柳 @@" (有些很大舊)而且$28一碗雙拼是有點貴環境方面也值得一提，初時坐一個角落位，嚇見很多蒼蠅飛來飛去，有些還飛落蔥花上，很嚇人，即調位

七月三十一日, 老公今晚買咗外賣上嚟食, 不過我已經食過晚飯, 所以老公只係買咗一盒「牛肉炒飯」($23) 咋!但都試咗一啖, 又幾正幾好味喎, 啲飯炒得好香, 又有菜碎又有蛋, 又唔會太鹹, 啲牛肉其實都唔算少, 亦唔會覺得啲牛肉唔新鮮。鍾意食炒飯既朋友真係可以試吓!! 好食又抵食!! 更詳細資料及圖片請看 : http://hk.myblog.yahoo.com/joycewai616/article?mid=9721

六月三日晚, 上完攝影班, 又係諗食咩宵夜既時候,今晚我哋選擇咗返深水埗間《周記油渣麵》買外賣返屋企開餐。我要咗個「魚香茄子炆伊麵」($23),出奇地幾正喎! 魚香茄子味夠香, 啲伊麵又唔會太乾或太濕, 好味! 老公就揀咗「菜遠牛腩河」($23), 嘩! 咁大份既??? 啲河粉普通啦, 啲牛腩唔太夠腍, 菜太大條... 不過整體上味道同質素都算合格既, 唔會話覺得難食, 可能係我自己對呢個菜冇乜興趣啦! 但呢間嘢既份量真係好大, 我同老公食完後, 仲可以畀我帶咗兩個 lunch box .......佢仲有勁多菜色, 服務亦算唔錯, 雖然未至到好好食, 但就幾抵食! 應該都係我既飯堂之一啦! 更詳細資料及圖片請看 : http://hk.myblog.yahoo.com/joycewai616/article?mid=8444

同donut周圍食,周圍試,周圍吓周圍吓周左嚟周記油渣麵 坐低之後一人一碗,麵係上海粗麵嗰種粗身麵,本來唔滑,但係用豬油渣煮過,每條麵本身都有一d豬油傅上,令麵身變得滑口,食落好好味!豬油渣俾滾油爆完,每件食落香噴噴,好味!湯係普通骨湯,加了蒜頭油等等味道更豐富!一碗十八蚊,但享受到美食便不覺得貴了!

早前食完維記,下定決心要幫襯番周記.曾幾何時我讀大學時有個補習學生住係深水,俾我發現原來d豬油渣都可以好好食,自此以後匪每逢有想食油渣麵衝動都會走去周記.由於未食飯關係,於是order了一碗多渣同埋一碗剩北京餃......碗油渣麵食了2"住",就發現了小小動物,叫侍應換過碗她們亦好樂意,而且仲更多油渣....哈哈,我習慣係碗麵加上大量佢地自製辣辣菜莆同蔥粒,真係想叫多碗食...碗剩北京餃都保持水準,雖然佢d餃皮確實有點兒厚兼且有點麵粉味,但裡面料實在太多,要厚厚餃皮才能將料包實.

今日去黃金砌機後肚子有點餓.去到附近一條食街都唔知食也好見到一間麵檔門口有個好有禮貌店員招呼一流,然後入去吃了過油渣麵和一過淨九菜餃,麵身爽口油渣好香脆香從來都未吃過,九菜餃子好多九菜豬肉好好吃好大粒,.如果我住在附近就好.又沒有分店缺點人多有點迫每次到深水埗我一定再去吃.......

其實第一次走去呢間餐廳食野感覺好迫好迫因為實在太太太多人下午2 點左右入去食係門口等左幾分鍾入到去即刻同男朋友每人叫左個油渣面同水餃面野食10秒送上快到我嚇親落左d辣油去食油渣感覺普通都好肥, 但冇任何配菜大角咀英記有冬姑等等我自己就覺得大角咀果間好吃d呢間太過名過於實水餃皮厚過北極熊脂肪真係呢個普通...呢間野唔算難食但一d都唔可以同好食掛勾因為見對面維記太多人等所以先轉過黎食!應該冇下次!

年初四同友人經過, 見佢無加價, 碟頭飯$22-$23, 幾抵咁, 又幾多食客, 就滿心歡喜去試試.朋友叫魚香茄子飯($22)+$4飲馬啼露, 而我就叫招牌牛腩面($16), 面底係佢地打正旗號既油渣面既面. 個飯都ok, 馬啼露好甜, 同d色偏黃. 我個面就有筋有腩, 都淋既, 但d面仲淋, 同埋好多粉搓咁, 唔好食. 最難頂係一路食要一路係度夾走d唔知係人定牛既毛, 越食越嘔心, 最後食剩半碗都要放棄.太不愉快既經歷, blacklist 咗佢

其實一路都好鍾意食呢間野~~不過成日尼呢附近的時候都會好自然咁去佢隔離的譚仔今次叫左油渣面同可樂油渣面今次d 面丸過林...林到好似爛左咁....不過佢的湯底真係好正~~~而且仲要咁平....乜都抵晒

某人說想去電腦廣場睇嬴, 收工夜孖孖, 我都懶得反駁, 雖然知道肯定悶死, 但有時都要尊重下人家的選擇的。找吃的是幾有難度。想吃得頹d, 但係幾家出名的麵檔又有排等, 只有這家是很勤力地拉客, 往績也不過不失, 便決定入去一吃。叫了油渣豬扒米線, 人家叫了油渣豬膶麵。上檯時, 我的麵碗是浮上了厚厚一層懷疑是煎豬扒油, 賣相絕對不吸引! 豬扒是鬆肉口感, 醃了咖喱味, 完全不明所以地難吃; 油渣是煮到淋淋糊糊的, 不奢求往時吃的炸油渣, 但係都唔好離題成咁至得架! 豬膶只可以說, 吃過維記的, 係絕對唔會吃周記的。吃到這麼難吃的東西, 我認為, 錯的不在周記, 而是好死唔死走去叫豬扒油渣的本人。唯一可取的, 是那用來伴麵吃的辣疑似菜莆, 可是, 吃起上來我認為較像搾菜! 將所有調味料放上檯固是可取, 甚至連蔥都無遮無掩地放在檯中心變乾蔥就有點那個罷!以後吃頹食, 吃大家食甚至大家樂都唔會再回來周記!