影片
更多
2019-12-19
1272 浏览
螺片雞湯湯底+重慶(BB辣湯底)：雞湯個湯底比較滋補型，好岩秋冬呢個時節補一補。之前有黎過食過佢地個螺片花膠雞煲，同一個底黎做火鍋。個火鍋湯底濃郁雞味又有膠質，至於個重慶bb辣相對會重麻香味，但又不失刺激柚子特飲:其實呢個都幾大杯，飲極都有，酸酸甜甜幾解膩。友人就叫了芒果特飲，朋友就表示果味濃過酒味，好岩佢唔飲得酒既人飲。鮮蝦韮黃雲吞:平時出面好多雲吞都會食到碎肉同蝦做內餡，呢道特別少少會食到原粒蝦肉。菜菜籃：入面有鮮菇、金針菇、生菜、白菜仔。菜既質量都新鮮，最重要佢個量十分大，食極都仲有，$70有性價比。特選美國肥牛片：肉質鮮紅色，可見新鮮十足。落鍋時朋友大讚牛味好夠，同埋唔會鞋口。芝心響鈴：香脆既響鈴入面包住芝士，由於佢新鮮炸起，唔會有油耗味。蟹籽墨魚滑：呢個滑次次黎都會叫，滑漿有彈性得黎入面食到粒粒墨魚肉，鮮甜得黎有口感。滾住火鍋🍲談下天食好西又可以睇到靚景
螺片雞湯湯底+重慶(BB辣湯底)：雞湯個湯底比較滋補型，好岩秋冬呢個時節補一補。之前有黎過食過佢地個螺片花膠雞煲，同一個底黎做火鍋。個火鍋湯底濃郁雞味又有膠質，至於個重慶bb辣相對會重麻香味，但又不失刺激
柚子特飲:其實呢個都幾大杯，飲極都有，酸酸甜甜幾解膩。
友人就叫了芒果特飲，朋友就表示果味濃過酒味，好岩佢唔飲得酒既人飲。
鮮蝦韮黃雲吞:平時出面好多雲吞都會食到碎肉同蝦做內餡，呢道特別少少會食到原粒蝦肉。
菜菜籃：入面有鮮菇、金針菇、生菜、白菜仔。菜既質量都新鮮，最重要佢個量十分大，食極都仲有，$70有性價比。
特選美國肥牛片：肉質鮮紅色，可見新鮮十足。落鍋時朋友大讚牛味好夠，同埋唔會鞋口。
芝心響鈴：香脆既響鈴入面包住芝士，由於佢新鮮炸起，唔會有油耗味。
蟹籽墨魚滑：呢個滑次次黎都會叫，滑漿有彈性得黎入面食到粒粒墨魚肉，鮮甜得黎有口感。
滾住火鍋🍲談下天食好西又可以睇到靚景
张贴
