名門 (已結業)

they don’t have too many choices for lunch, just around 10 kinds of dim sum and some other dishes. They all taste good!! They also offer free daily soup which is very delicious. Nice staff like a family restaurant. I didn’t check the items in the bill in detail. I think they don’t have service charge or even tea. Ordering 5 dim sum, fried rice and one more big dish costed me only $238, which is a good deal. Will surely come back again for trying their dinner.

同事介紹原來收押所會有得飲茶，所以就在半探險的情況下去找這個地方 😆探險的意思是指地方難找啦，哈哈因為位置是在超入，又沒太多指示，沿途還一直以為行錯路呢。原來酒樓是類似會所形式，茶客中有很多懲教處阿sir，除了點心之外還有碟頭飯可選擇，看點心紙，嘩，超平！炒粉麵飯不用$40，三個人點了五樣東西：雪菜肉絲炆米 - 夠乾身又大碟，味道不錯籠仔荷香班球飯 - 班球份量比想像中多，性價比超高蟹籽燒賣皇 - 大大粒夠飽滿腐乳通菜 - 大大碟，不錯清甜密瓜糕 - 本以為是綠色，但來到是哈密瓜色，很清甜沒奶味，正不用加一，不收茶錢，超平啊！一定會再encore

今日又來食晚餐，原來都好多人，好彩訂左枱，叫左好多餸，粟米斑塊，好香脆，啖啖肉，熱辣辣，好好味田園生炒排骨，好特別，有青瓜，蕃茄，荔枝，好清新，肉唔肥，好香，甜甜地，青瓜爽口，酸酸甜甜十分開胃肉絲炒麵，乾身，有芽菜，韮菜，幼麵又唔油，正滑蛋蝦仁，仁好大隻，爽身，滑蛋加葱粒夠香又滑又香蛋白炒飯，炒飯夠乾身，有蛋白，菜粒，清清地幾好勝瓜魚肉，勝瓜爽口鮮甜，魚肉有蝦米又有葱粒，好味有咬口，加d蒜頭同薑就一d都唔腥小排骨，呢個好香，好多芫荽同蒜粒，好惹味，排骨夠淋，甜甜地的，唔肥呀梅菜扣肉，扣肉好香，唔算好肥，好淋又入味，梅菜好香，用來送飯好正粉絲雜菜煲，十分大煲，好多不同種類的菜，有菜心，白菜，西蘭花，有蝦干，冬菇絲，豆干，芹菜絲，魷魚，好豐富又鮮甜

這間酒樓在荔枝角懲教處宿舍，原來街外人也可以去的，點心選擇不算很多。叫左韮菜豬紅，份量唔少，少少辣的，豬紅也幾爽口，好惹味，唔會好硬好實，幾惹味同好香，有d蒜粒葱花粒。尖椒，炒到好香，辣辣地，有豉椒的香味同好爽口蝦餃好大粒呀，晶瑩通透勁多蝦，好爽口，好好味燒賣也十分大粒，有好多蝦，冇乜肥豬肉，正呀斑球炒飯，魚肉十分滑，又鮮甜，有些葱同蒜粒，好香，炒飯乾身，份量好多。叉燒包好軟身，叉燒甜甜地好香又甜甜地，冇咩肥肉擂沙湯丸四大粒，皮好薄身粉唔太多，入口即溶，芝麻好香又流沁，又夠熱辣辣。不用茶錢不用加一十分抵食

大年初三，赤口好日子，最適合約埋D朋友去酒樓飮茶，但怕新春期間加二、加三服務費？！我會推介荔枝角懲教處入面嘅名門，佢哋連加一都無，服務無減，點心都有70分以上㗎，係選擇少啲啫，不過大路點心都有齊，首選推介蝦餃，只係$24一籠咋，燒賣都好食，可惜無得叫我至愛京式素鵝，因為春假無貨到。炒粉麵飯都上上之選，三十幾蚊就有交易，抵到笑。溫馨提示，叫親朋戚友嚟飲茶之前，問清楚介唔介意個位置先，因為大時大節有人會覺得唔老禮㗎嘛。🤪

生日飯，想食中菜，決定試下呢間評價唔錯但幾神秘的食肆，但好擔心唔識去。擔心的事發生了，看地圖找不到入口，望著個收押所入口，真係唔敢入。答案：原來真係收押所正門直入就是了。無得泊車，亦唔俾車入，不過好似見到的士可以入。想泊車，PCCW對面同警署隔離有露天停車場，步行約5分鐘。雖然話係對外開放，但始於晌好多閘嘅地方入面，加上幾經波折先搵到，坐底後個心都未定，冇心情影相，想睇相就參考其他食評啦。7大4小，星期五訂星期日晚食，有位。預定了杏汁豬肺湯、蒸沙巴斑、扇貝、豉油鷄同腰果露，全部都好食。尤其豉油鷄，老爸激讚，說食回以前住家豉油鷄的味道。老爸解說這種豉油雞功夫多，好少餐廳會煮，而且隻雞好大隻下，食唔晒。杏汁豬肺湯同腰果露都係比較難搵到嘅野食，一樣係功夫多，呢度都煮得好好食，可想大廚真係好有心煮。再叫多了幾個小菜，埋單$21xx。6點到，唔多人。8點半走時，見出口轉角仲有幾枱客，都係食生日飯，唔知係咪懲教職員呢? 

朋友生日宴， 選在這間冷門的酒樓舉行， 懲教署名門，平常人都唔敢入嘅地方。可以比到房間，聚舊時聲浪大都唔會騷擾到人， 考慮周到。當晚菜譜，精心挑選，very good !環境唔錯杏汁豬肺湯飲過好多間, 以這一間最好, 湯濃料多， 一層白滑杏霜鋪在湯面， 入口充滿杏仁和肉的鮮味， 湯渣雞腳軟熟膠質豐富， 滑滑豬肺用豉油點食， 好好味。秘製陳皮骨第一次食這個餸， 肉排先用陳皮水浸透， 陳皮味道完全滲入肉內， 但沒有一些苦澀味， 炸得恰到好處， 肉的水分沒有流失 ， 好似食新鮮肉一樣蒜蓉銀絲蒸元貝元貝唔算好大， 但蒸的時間剛好， 因為海鮮蒸過久會變靭。 粉絲完全吸收咗蒜蓉同元貝嘅鮮味， 可惜每人只得一只!蜜椒薯仔牛柳粒上枱已經即刻想食， 賣相吸引， 牛肉粒鮮嫩，用黑椒粒同蜜糖汁一齊炒， 非常惹味。當紅炸子雞名門招牌菜之一， 炸過嘅雞皮， 脆脆可口，新鮮雞食落口感同雪雞冇得比， 完全沒有粗諧感覺。名門炒飯分量大得驚人， 成個瓦煲完全裝滿， 其實個個都已經飽， 都食少少避免浪費。 炒得非常好， 飯乾身咬落唔會硬， 實在太多要打包帶走 。生磨腰果露呢個甜品唔係好多地方有得食， 腰果味濃 ，入口滑溜

 之前看到社交平台的群組轉發過關於名門的資訊，才得知懲教署的員工餐廳是對外開放；加上群組都一致對這間餐廳好評，所以決定去試一試。 餐牌簡單易明，炒粉麵飯的價錢比較市場上的餐廳明顯是便宜得多。欣賞它在餐牌上有提醒字句～如有需要，可要求減少份量～現時香港每天都會產生幾千噸廚餘，希望各位能夠多加注意，減少浪費。  各式各樣的餸菜都清楚地分好類，價錢方面相當合理。  南北杏紅蘿蔔豬骨湯。無論食客點甚麼食物，他們都可以自行盛湯，每晚的湯都會不同，這晚是南北杏紅蘿蔔豬骨湯。味道偏鹹，應該下了不少味精，所以喝後感覺十分口渴；但是用料尚算足夠。  籠仔荷香斑球飯 $34。大家沒有看錯！這麼大的蒸籠飯只需要34元！那麼便宜，抵食方面不給滿分我也對不起自己。明白所有東西都是講質素，只是便宜是不夠，但它是便宜之餘又有質素！斑球去骨啖啖肉，口感嫩滑。飯底是炒飯底！魚汁、蒜蓉汁、香葱的味道經過蒸熱後，滲入飯底，令飯多了一種鮮味，真是令人回味無窮。  羅定豆豉雞煲 $58。很普通的豆豉雞煲，配料分別有洋蔥、大葱、青椒，雞件的份量大概有半隻左右，配上豆豉汁是一到好餸飯的菜。  西蘭花雜菌炒牛肉 $55

   星期三一家人去了位於荔枝角懲教署職員宿舍裡面的“名門”食生日飯, 聽說這裡的杏汁白肺湯非常好飲, 但需要預訂的, 所以在訂位時已預訂了, 他的位置很方便, 在荔枝角港鐵站大約行5-10分鍾就到, 今次帶著期待的心情試這道招牌菜, 到了坐定定後就立即叫菜, 除了之前預訂的湯之外還叫了十道菜, 落完單後不久, 期待的杏汁白肺湯就到了.招牌杏汁白肺湯 嘩 ̴ ̴ ! 好大煲湯喎, 每人可以分到兩碗幾左右, 我當然第一時間飲一碗試下先啦, 果然係招牌菜, 杏汁味超香濃, 個湯奶白色無嘜油, 正! 這個湯只有三個字形容 ̴ ̴ ̴“無得輸”.另外Ｄ湯料分量都很足料, 豬肺, 豬展, 雞腳都一大碟, 豬肺洗得很乾淨沒有異味, 豬展和雞腳都燉得好腍, 沾一點豉油好好味.京都焗肉排 味道OK, 但骨頭較大, 肉少了一點.石鍋一字骨 這道菜也是名門的招牌菜, 味道酸酸甜甜, 我覺得有點蜜糖的甜味好好食, 加上用石鍋上, 可以將一字骨的熱度保持一段時間, 令酸甜汁不會在短時間凝結影響口感. 香煎倉魚倉魚經過油炸後加少少甜豉油和蔥花, 外脆內嫩, 直得一試.家鄉豆腐煲 啫啫生菜煲 生菜很爽口, 有點椒絲和肉碎,

現在tvb播緊"名門暗戰"，因KKF湊住孖寶，已經冇追電視劇好耐，無緣收看。"名門暗戰"無得睇，唯有自己"名門再戰"，再到訪之前去過一次的名門。名門位於荔枝角收押所內的職員會所內，地點隱蔽，來了兩次，客人均不多，座位闊落，坐得舒服。可口的炸豆腐:石仔鍋醬爆一字骨，食過番尋味:蕃茄炒蛋，沒有特別，只是給小孩好送飯:其餘均是很抵食而味道又不差的菜式:明明上次講過桶蠔唔抵食又冇sizzling sound，唔知做乜今次又叫了這道菜(只能怪太愛吃蠔了!)，下次點餸前要記得睇番自己的食評;-p上次和今次送的甜品都唔錯，唔太甜，啱我口味:非常非常抵吃的一餐，除了那道又再中伏的薑葱桶蠔!

入口:看似很神秘的地方:幸好不是要去探監，只是往毗鄰的懲教署職員宿舍搵食。員工飯堂佈置當然不太花巧，平平實實，勝在座位寬敞，坐得舒適。我想吃的杏汁豬肺湯、炆柚皮等菜式均需預訂，這下我可有點失策，只預訂了蒜蓉粉絲蒸蟶子和薑蔥桶蠔：可惜預訂的菜式全令人失望，蟶子有點過熟略韌，桶蠔捧來時全然沒有煲仔上桌時的"吱吱咋咋"聲，味道不太差，就是沒有了那種熱騰騰的感覺；30元一隻的蟶子，148元4隻桶蠔，這個價錢，這種質素，唔值囉!反而即叫不用預訂的小菜，價錢便宜之餘味道也不錯:侍應推介的石仔窩醬爆一字骨，說是新出菜式幾乎枱枱都點，味道很好，用來送飯一流。順德煎焗雞不過不失，略嫌不夠入味。上湯菜心，幾好，起碼菜心唔老。兩隻小鬼因之前去了游泳而倦極，整餐晚飯均昏睡了，唯有叫個乾炒牛河外賣，待他們睡醒才吃。乾炒牛河不俗，所以話，貴嘢未必一定有水準，這裏平平地的小炒反而比預訂較貴的菜式為好。免費附送的綠豆沙(忘了拍照!)甜度適中，我吃了一整碗!雖然預訂菜式令人失望，但其餘小菜尚算不俗，地方隱蔽，座位闊落，價錢相宜，離家車程不遠，可以再來(我要記得先預訂杏汁豬肺湯和炆柚皮!)。

早已聽聞晌荔枝角懲教署有個職員會所中菜廳，店名叫「名門」，一般會所飯堂都唔喺咁對外公開，感覺已經帶有少少神秘感，仲要喺懲教署嘅職員會所，感覺就更鬼秘 。老婆同一班舊朋友晌度搞局，問我有無興趣一齊嚟食飯，當然頗有興趣啦，故此，有幸踏足依間「神秘」餐廳，不過，原來都只喺一個錯覺 ，等我依個「餓底」分享一下啦。其實名門位處荔枝角懲教署職員宿舍裡面，跟荔枝角收押所喺完全分隔開，所以，基本上喺可以出入自如 。而餐廳裡面嘅佈局跟一般較時尚嘅中菜館分別亦唔大，L型大堂，又有啲廂房，卡位就覺得較為闊落好坐，然而大廳中嘅大圓枱就感覺有啲逼。是晚菜單由老婆朋友一手搞晒，小弟樂得清閒，坐享其成。聽佢講，打去同個經理講低個人數，預算，就會傳真個菜單俾你過目，唔啱再改，少少私房菜形式，而且實價包晒茶芥加一等等。就以今餐為例，6道菜，1個飯，加兩道甜品，實價$1,688，我哋想食多啲蔬菜，另外加多個南乳齋煲（$47），埋單平均每人$217，撐得飽飽咁走 。 招牌杏汁白肺湯 一睇兜湯渣，就知有幾足料。潤肺養生嘅杏汁白肺燉湯不愧店家招牌，奶白嘅燉湯，杏味清香無苦澀，白肺清洗透徹無異味，軟腍彈性，沾少少豉

14/6 星期二，老公話約咗同事係荔枝角會所餐廳食晚飯，咁收咗工就拿拿聲搭東鐵轉港鐵去荔枝角囉，轉車轉到頭都暈。嗰晚食咗六度菜，其中兩味我最喜歡就有影相，其餘就無喇。一來就上咗嗰湯，係杏汁豬肺湯，好味，嗰經理話無落味精，聽著先。跟著有陳皮骨、山葵大蝦、金銀蛋菜、炸子雞、同最尾兩度我最鍾意啲；第五度菜名唔記得，我就叫蒸荷包，用春卷皮加入肉碎、姑粒、西芹、甘荀等材料，蒸熟後加上蛋絲，清淡得來有香味，最啱我D怕肥啲人食。最尾一度係一半用蝦膠鑲入荔枝之後炸、另一半就原粒荔枝鑲入蝦膠之後蒸，兩種口感，清甜爽口，無得頂。最後就係名門抄飯同甜品，飽到想...，又要做番成個星期運動先得。不過要同各位食家分享啲就係這間餐廳只接待懲教署職員同家屬，外來的就無福享受喇。點解我知，嗰晚行到去閘口，前邊就有班人比阿 sir 問去邊，之後調頭就走咗，跟著到我又比阿 sir 問，不過我講得出係邊個老婆同去邊，所以就放行。上到餐廳，見到老公同班同事已經等緊我，我就拿拿聲座底講聲 sorry。點之跟著我有班人入嚟，企咗一陣就比餐廳伙記問佢哋係邊嗰，講咗一輪，原來全部都係街外人，全部比人請走晒，所以我先知餐廳係唔招呼外人

上星期睇到報紙賣海關總部餐廳同香港電台餐廳比記者攻陷，突然想起08年都去過老荔職員餐廳幫襯喇，有咩嘢咁叻。諗著係14號去一去幫襯，跟著賣料比報紙，食完重有錢收，無得頂。當日我就打電話去餐廳，，話自己係咩 SIR ，今晚訂張檯請客，聽電話嗰個重傻吓傻吓咁SIR 前SIR後，話今晚有咩有物食添，咁諗著嗰晚就座定粒六，做番晚阿 SIR。我都醒咖喇，旁晚同班 friend 座地鐵係美孚落車，之後沿路搓線，望到原來餐廳裝修咗，靚嗰以前多多聲。行到長沙灣道路口，同班 friend 講好，如果更亭嗰阿 SIR 問就話係伙記，約咗係裡面食飯，講好喇就三三兩兩、前前後後咁沖關囉。我就帶頭一班行先，更亭嗰阿 SIR 真係走出嚟問去邊，咁我有經驗又頭髮短短咁，粗粗老老話約咗 D 伙記係裡頭食飯，佢望兩望真係比我哋入去，咁就慢慢行諗著等埋第二班 friend 喇。點知嗰個阿 SIR 又截著後面嗰班 friend ，問咗一陣，嗰班友調頭走咗，咁我為有繼續行同撥個輪比佢哋問吓做咩嘢走晒，原來班友比阿 SIR 問兩問口鎮鎮咁唔知點答，為由話搵錯地方走咗，咁我無理由咁就走，就為由同第一班 friend 行入餐廳準備開

當公務員真好, 之前試過民安隊, 林士街海關, 抵食, 好食, 大件的公務員會所餐廳. 埋藏在港九新界各政府部門內. 如不是有識路之人介紹或是由公務員朋友帶路. 這些美食, 是公務員福利, 凡人根本不會知道或享受到.得知灣仔名門的胡師傅投了這個會所餐廳來做, 托PJ之福, 相約了一班好食之人, 入冊食皇家飯. 在收押所門口企著20幾人, 我們把看更嚇倒. 這一幕, 有如當年古惑仔電影中, 陳浩南帶左一班人圍差管的情景. 看更力拒, 不准進入, 要勞煩餐廳經濟大人接門, 方能放行. 經理說: "家下入冊呀, 咁高調做乜" ( 設計對白.)本來由非常清甜的白肺湯開始, 但已有餓囚, 忍不到開飯. 發現出面大堂湯任裝, 先來了一大碗例湯. 其實我們一班被關進偏廳之極度重犯, 是另有安排的. 經理為免我們一班極度重犯搞事, 於正式上菜前, 每人醒返一碗例湯.看圖配文, 先說個焗魚腸, 魚腸不腥已經是很好的, 但論質素, 始終感覺差少少野, 未夠香未夠糕吧. 煎焗雞, 香口而不覺熱氣, 是一個佳之作, 呢味菜, 有食友覺得不夠喉, 後來, 要來多一個. (後事再說)扣鵝掌, 鮑汁扣上鵝掌, 鵝掌