影片
更多
2011-06-18
1730 浏览
14/6 星期二，老公話約咗同事係荔枝角會所餐廳食晚飯，咁收咗工就拿拿聲搭東鐵轉港鐵去荔枝角囉，轉車轉到頭都暈。嗰晚食咗六度菜，其中兩味我最喜歡就有影相，其餘就無喇。一來就上咗嗰湯，係杏汁豬肺湯，好味，嗰經理話無落味精，聽著先。跟著有陳皮骨、山葵大蝦、金銀蛋菜、炸子雞、同最尾兩度我最鍾意啲；第五度菜名唔記得，我就叫蒸荷包，用春卷皮加入肉碎、姑粒、西芹、甘荀等材料，蒸熟後加上蛋絲，清淡得來有香味，最啱我D怕肥啲人食。最尾一度係一半用蝦膠鑲入荔枝之後炸、另一半就原粒荔枝鑲入蝦膠之後蒸，兩種口感，清甜爽口，無得頂。最後就係名門抄飯同甜品，飽到想...，又要做番成個星期運動先得。不過要同各位食家分享啲就係這間餐廳只接待懲教署職員同家屬，外來的就無福享受喇。點解我知，嗰晚行到去閘口，前邊就有班人比阿 sir 問去邊，之後調頭就走咗，跟著到我又比阿 sir 問，不過我講得出係邊個老婆同去邊，所以就放行。上到餐廳，見到老公同班同事已經等緊我，我就拿拿聲座底講聲 sorry。點之跟著我有班人入嚟，企咗一陣就比餐廳伙記問佢哋係邊嗰，講咗一輪，原來全部都係街外人，全部比人請走晒，所以我先知餐廳係唔招呼外人
14/6 星期二，老公話約咗同事係荔枝角會所餐廳食晚飯，咁收咗工就拿拿聲搭東鐵轉港鐵去荔枝角囉，轉車轉到頭都暈。嗰晚食咗六度菜，其中兩味我最喜歡就有影相，其餘就無喇。一來就上咗嗰湯，係杏汁豬肺湯，好味，嗰經理話無落味精，聽著先。跟著有陳皮骨、山葵大蝦、金銀蛋菜、炸子雞、同最尾兩度我最鍾意啲；第五度菜名唔記得，我就叫蒸荷包，用春卷皮加入肉碎、姑粒、西芹、甘荀等材料，蒸熟後加上蛋絲，清淡得來有香味，最啱我D怕肥啲人食。最尾一度係一半用蝦膠鑲入荔枝之後炸、另一半就原粒荔枝鑲入蝦膠之後蒸，兩種口感，清甜爽口，無得頂。最後就係名門抄飯同甜品，飽到想...，又要做番成個星期運動先得。不過要同各位食家分享啲就係這間餐廳只接待懲教署職員同家屬，外來的就無福享受喇。點解我知，嗰晚行到去閘口，前邊就有班人比阿 sir 問去邊，之後調頭就走咗，跟著到我又比阿 sir 問，不過我講得出係邊個老婆同去邊，所以就放行。上到餐廳，見到老公同班同事已經等緊我，我就拿拿聲座底講聲 sorry。點之跟著我有班人入嚟，企咗一陣就比餐廳伙記問佢哋係邊嗰，講咗一輪，原來全部都係街外人，全部比人請走晒，所以我先知餐廳係唔招呼外人。
张贴
