名門私房菜

营业中

休息中

老闆請食飯，一定帶我地食好野，黎到灣仔名門私房菜，呢度環境企理光猛，感覺舒適，唔似酒樓甘迫夾。老闆發板，等食先。杏汁燉白肺花膠湯，好大隻花膠，個湯有杏汁香但又冇杏仁個種好搶既味道，白肺好滋潤，好飲！冰鎮鮑魚，鮑魚好爽口，一咬就開，時間控制得啱啱好，係我食過口感最好既鮑魚。鮮蟹肉瑤柱焗蟹蓋，成個畫面係好震撼既，蟹肉，瑤柱，洋蔥裝滿成個蟹蓋，而每一啖都有蟹肉既鮮甜，食落好有咬勁。燒汁洋蔥黑毛豬扒條，豬扒厚切得黎仲好腍身，個醬汁都好惹味。蝦子扣柚皮，聽過未試過，原來熟左既柚皮有小小似節瓜既質地，但就實淨一d，完全想像唔到係柚皮，都幾得意幾好味。竹笙腿茸燉菜心，雖然係平凡一個菜式，但選料新鮮，菜心好甜。鮮蝦瑤柱荷葉飯，荷葉飯幾香，飯粒有咬口，要食飯先有力嘛！燕窩蛋白杏仁茶，燕窩都唔少架，加埋蛋白，食落更有口感，杏仁茶好滑，比牛奶更滑，食完覺得自己好有仙氣，哈哈！

今晚老細請食飯，梗係帶我哋去好地方食。 上2樓既名門私房菜，原來係食正宗順德私房菜，又大開眼界。多謝老細 😍😍今次老闆發板，叫咗好多好餸，有d都係第一次食。真係有幸見識見識。今晚有杏汁燉白肺花膠湯，冰鎮鮑魚配燒汁芥辣醬，鮮蟹肉瑤柱焗蟹蓋，燒汁洋蔥黑毛豬扒條，蝦子釦柚皮，竹笙腿茸燉菜心，鮮蝦瑤柱荷葉飯 同埋 燕窩蛋白杏仁茶。坐定定無耐就上左 杏汁燉白肺花膠湯， 好足料既湯，有花膠， 豬肺，瘦肉，一啲騷味都冇，都唔油膩，杏汁仲好香添。飲完呢個湯，即刻覺得中氣十足，滋陰補肺。講嘢都大聲左。冰鎮鮑魚配燒汁芥辣醬， 咁既食法都係第一次。好厚肉嘅鮑魚，而且煮到好淋， 不費吹灰之力就可以切到， 同喺其他地方食好硬既鮑魚唔同， 嗰啲好似要同佢搏鬥咁，咬極都咬唔到。今次哩個簡簡單單，配番燒汁芥辣醬，就已經好好味，食到鮑魚嘅鮮味。鮮蟹肉瑤柱焗蟹蓋， 個蟹蓋上枱嘅時候，我哋好齊心咁 "嘩~~~~~~" 超~足~料~嘅~蟹~蓋!! 目測應該有10cm高， 唔係講笑入面只係得蟹肉瑤柱同埋洋蔥，冇其他嘢喇。 可以想像幾咁之矜貴同埋鮮味十足。呢張相 可以睇有幾多蟹肉。 鍾意食蟹嘅人，一定唔會失望。必食!! 下次返嚟

Excellent quality food with authentic Shunde flavor in a small, private kitchen. One of the best Cantonese (broadly-speaking) meals I have had in Hong Kong. Simple preparations with rich 鲜 notes.Not cheap but worthwhile. Try the pork ribs and 名门 fried rice. We also had a wonderful prawn dish but I don’t recall the name.Great, attentive service as well, eager to recommend an array of dishes.

好味的中菜在香港真的要精挑細選才會找到。這間私房菜是聽到介紹才敢有外國遠來的好友吃。畢竟好友多年居外，每每來到香港都是要我們帶去刷新店刷中式美食。粉葛鯪魚赤小豆煲豬𦟌豬橫脷湯，非常香濃的一大碗湯，看不見油，湯味不腥，味覺濃而不咸，只覺所有精華都融入湯裡味道非常豐富。豬𦟌豬橫脷都非常好吃，完全可當一道菜吃肉質相當嫩滑。冰鎮鮑魚配燒汁芥辣醬。鮑魚厚身而肉質又爽彈，非常辣鮮爽口，完全沒腥味，好味道。青芥冰燒雞，芋絲是烤過配上撕到絲絲的爽口雞肉絲，混了青瓜絲與爽彈的海蜇。又可點芥末醬的凍食，既新穎又惹味。薑蔥焗花竹大蝦配煎脆米粉。花竹蝦大大件，肉質很彈口，很鮮甜。配上香濃惹味的芡汁用來煎得香口的米粉粉剛剛好。相當香濃惹味。蝦事魚肚大芥菜煲，菜很多很清甜的湯，菜又爽嫩不會煮得久而覺粗糙。控制時間跟火力一流～陳皮紅豆沙糖水，加了糯米珍珠相當有咬感，很香濃的一個甜品。朋友吃得很滿意～我吃慣中菜也覺是一間很出色的店！值得再來。

買咗支平啲嘅意大利醋，天廚就唔係咁滿意， 佢話做人梗係要upgrade， 點可以退步 ，好！今餐就唔去一番， 試呢個私房菜， 唔知點解心理認為午餐百多元西餐較中餐抵， 但今次真係值！先來個魚湯， 奶白色， 濃香，掂！一碟白灼菜心， 爽， 雖然麻麻地甜，無油，夠健康。薑蔥魚頭腩煲，新鮮，香，不會太燶太咸，骨香脆家鄉桂花炒魚肚， 蛋有蛋香，魚肚有魚肚海味味兩樣餸都能保持原材料味道，但又不會淡。白粥，米香，軟綿，白雪雪最完美結局，白果薏米腐竹糖水，係出乎意料，香濃足，由心笑出又行咗一條不歸路

第一次食，是旦叫左3樣小菜加個中湯，意外地好好味😋😋😋個順德焗魚腸做得非常好，係名門的招牌菜， 雖然係魚腸，但完全不會腥，很難拿捏，讚。 整到成個cake 咁，幾搞笑。面醬啫啫唐生菜煲，好入味， 用來送白飯就好perfect!!!! 最令我驚喜的就是呢個鼓油雞， 個賣相都好吸引架啦， 一口咬落去，雞肉仲好嫩口，又唔會太鹹太甜，味道控制得剛剛好，有少少酒味的鼓油汁調得恰到好處。 *** 最後仲有個杏仁茶做個完美既結局。推介！

想食到優質特式私房粵菜, 其實選擇有好多, 更不絕樓上舖喺灣仔83號2樓呢度就搵到呢間極具氣派既名門私房菜室內裝修得好豪華, 喺優質環境下進食絕對係享受粉葛鯪魚赤小豆煲豬𦟌豬踭豬横脷湯 - $448/例個人鍾意粵菜既原因之一係因為有老火靚湯飲😍名門呢款湯, 成大款湯料煲埋4,5碗湯咋, 味道之濃可想而知, 唔好話味精丫, 連鹽都唔洗落添呀, 連個湯料都非常入味👍冰鎮鮑魚配燒汁芥辣醬 - $78/隻(兩隻起)鮑魚係預先加左些少醃料製好, 經歷左24小時既炮製, 入味加爽滑口感令你回味無窮, 加埋佢個燒汁芥辣醬, 特別得黎帶一點辣味, 令人更加上癮😍荔芋乳鴿酥 - $128/件（兩件起）呢款乳鴿酥比較少見, 未咬開前以為係d 普通炸野, 上面加左少少冬菜蝦乾一齊食, 一咬開陣陣香芋味撲面而來, 乳鴿味亦很香濃, 係個芋蓉比較厚身, 如果薄d 會更好👍生炒臘味糯米飯 - $188/例生炒臘味糯米飯向來都受人熱愛, 呢度既炒飯炒得好乾爽, 粒粒分明, 唔會一pat 野咁, 所以口感會比較豐富👍配埋惹味臘味, 令人欲罷不能🤤

年尾將至，朋友飯局開始頻繁，選擇困難的我們還是選了私房中菜，質素較有保證。荔芋乳鴿酥 $128/件（兩件起）時令的芋頭粉嫩綿滑，炸得酥脆的外皮加上軟腍有嚼頭的乳鴿肉非常搭調，層次多變惹味。薑蔥焗花竹大蝦 $148/隻（兩隻起） 配煎脆米粉 $148/例（8件）特意挑選的花竹蝦比手指頭還大，光潔飽滿的肉質爽甜厚實；而濃厚的芡汁與煎得皮脆的米粉亦令口感更多元，蝦香經米粉滲透而出，很有質感。避風塘炒龍躉球 $498/例撲鼻而至的辣香與魚香未上桌已教人唾延三尺，恰到好處的辛辣將魚鮮味再提升一個檔次，魚肉處理得細膩嫩滑，愈嚼愈香。蝦乾魚肚大芥菜煲 $178/例相對清新的一道，咸香的蝦乾加上幼滑的魚肚及嫩綠的芥菜，入口滑甜柔和，非常鮮美。

今晚有朋友誠邀我地再來灣仔食呢間只招待會員的名門私房菜，當然馬上訂位。餐廳出名菜式創新特別，味道正宗。餐廳環境寛落，坐得舒適，待客服務十分有禮貌，仲會細心介紹每款菜的煮法同味道。青芥冰燒雞， $388/隻， 類似手撕雞咁係雞絲一條條的，帶有香辣的芥末味，感覺創新，上檯係冰凍的，加上有香脆炸過的芋絲，爽口的海蜇，同清甜青菜瓜絲，口感層次豐富。荔芋乳鴿酥， $128/件，即炸即上檯，熱辣辣，外皮好酥脆，入面係满满的芋泥蓉，好香甜，餡係冬菜加乳鴿肉碎撈均，味道濃郁，肉質嫩滑。避風塘炒龍躉球，$498/例，帶有少少辣，龍䠢肉質厚身嫩滑，魚香味濃郁，咬落多汁香甜。生炒臘味糯米飯，$188/例，臘味份量多，香氣撲鼻，糯米飯粒粒分明，飽满煙韌，炒得好入口，係轉涼季節的必食之選。

中菜館達到食材新鮮、選材嚴謹、菜色精緻、味道出色、服務高質的私房菜館實屬不多，而名門私房菜正正達到並遠遠超越，菜色惹味卻不咸不油膩，吃出店家的用心。不論上次還是今次，味道同樣出色。粉葛鯪魚赤小豆煲豬𦟌豬踭豬横脷湯湯頭濃郁卻不見有任何豬油，詢問下才知道豬踭是豬的前腿和後腿內的踭肉，每隻豬取出的數量很少，但因肉質嫩而有彈性又並油膩，為食家熱愛。湯入口香濃醇厚，鯪魚味配上赤小豆，魚香與豆香相襯更顯豐沛。豬踭入口軟滑，肉質帶帶豬腳的膠質及韌性，又有腩肉的嫩滑，直接當餸享用。冰鎮鮑魚配燒汁芥辣醬鮑魚個頭很大、外型完好、鮑身肥厚、底板闊，質感彈牙爽口，味道清新。薑蔥焗花竹大蝦 配煎脆米粉時令花竹大蝦大大隻脹卜卜，外殻脆身，內里肉質充滿水份而蝦頭滿滿豐腴金黃的蝦羔，味道清新鮮甜。食客可根據個人喜好，讓脆米粉沾相應薑蔥汁。避風塘炒龍躉球龍躉球外層咬下薄脆，內里肉質結實嫩滑鎖住魚的鮮汁，味道鮮香，店家以避風塘炒，整體香而惹味帶點微辣。說實在，這店價錢定位不算低，但食物材料高質，師傅於選材、料理也花盡心思，食物色香味俱全，絕對物超所值。

今晚同同事聚餐黎食晚餐，不過今日唔好彩隔離果張檯d人講野好大聲，另一張檯重要有小朋友，好似係酒樓食飯咁，同事講咩都聽唔到，同同事講野要大聲過隔離檯，環境間隔做得唔好，之後叫左幾個菜有名門秘製陳皮骨，不過我就覺得麻麻地因為大多肥肉，有d骨入面重係凍ga，“杏汁燉白肺湯”好飲，但本人覺得杏汁味大重，如果冇咁重杏汁味，我會覺得好好飲，魚香茄子煲呢個超級好食，唔會煮到d茄子過軟化，煮得剛剛好，有個係順德煎釀鯪魚，同事話d魚可能冇咁新鮮，差過上次午飯時間黎食果次，重叫左個菜同生炒臘味糯米飯，個飯好食，不過都係食唔晒

由於係客人介紹，而且一齊食既關係！我實在唔好意思拎電話出黎影相。由於佢食過好多次，所以點菜既責任就由佢負責。皮蛋酸薑用既係無染紅色既薑。加分！但皮蛋唔流心呢度失色晒。叫左上湯菜心。清甜！黃金蝦外層有杏仁碎吸油，蝦夠大隻，唔油，蝦頭仲有肉同膏，唔好食左個身忘記左個頭。客人叫左一款可以送酒既骨，仲要我地估係點煮，一入口我只係覺得有一種好熟悉既味道，甜既！到食到骨骨既最尾先至食到陳皮味！呢個陳皮骨仲要唔油添。又叫左清酒煮鮑魚！鮑魚凍食，有淡淡清酒既味道，餐廳仲配上辣豉油加wasabi. 各有各特式！我就一半原味，一半點汁。薑蔥龍躉煲！龍躉唔係炒球而係一片片煎香再落煲加薑蔥煮。海鮮炒飯香口唔油！又係一個出色之作。最後黎個蛋白杏仁茶結尾。

早就聽說名門的私房菜很贊，就是沒時間來，剛好今天和好友出來吃飯就來品嘗一下這私房菜的味道。一開門就有一股香味撲鼻而來，環境很好很有自己私房菜的特色坐在裡面讓人感覺很舒服，大家都覺得這家的菜味道很好。杏汁豬肺湯:這香味讓我迫不及待，果然沒有讓我失望！杏汁豬肺湯清甜好喝，口感很滑順，吃得出用料新鮮，是很滋潤的湯水！潤一潤補一補之餘，更是舌尖上的真享受！燕麥蛋黃黃金蝦:還是第一次嘗到裹著燕麥的黃金蝦，外香內嫩有營養，非常特別，喜愛極了。鮑汁柚皮花膠扣鵝掌:一看似碟頭飯的，每人一份，精緻華貴！鮑汁香濃完美地襯托出柚皮的鮮嫩，一吃在口中溶化，花膠煮得非常可口，每一啖都感受到柔軟的骨膠精華，鵝掌的味道更是扣人心弦，美味無窮。上湯菜心:菜心青青綠綠的好好看，吃起來很健康。壽包:好好看的壽包，它不緊好看，裡面的料有一顆大蛋黃，好吃，吃得出窩心的美味！蛋白杏仁茶：目前吃過最真材實料的杏仁茶，香或柔順，完美至極！能夠兩朋友相聚在這裡開開心吃餐飯真的是一件幸福的事的，有美食相伴就令整個相聚時刻更加完美！

平日工作時間長，好少時間陪屋企人，一直都好想將最好ge野俾佢地。今日難得我同啊媽兩母女齊齊放假，一定要帶佢食好野，中菜最岩啊媽口味！最後揀左係網評很讚ge名門私房菜，同啊媽享受左一餐高尚ge中菜，幸福，滿足！杏汁燉豬肺湯：這個湯非常鮮甜，帶有杏香，而且口感幼滑，連平時經常煲靚湯ge啊媽都大舉拇指，讚口不絕👍🏻真是既滋潤又美味可口！特色冰鎮鮑魚：鮑魚鮮美十足，口感味道好，沾沾那個自家秘製醬汁，辣中一點甜，惹味無比！麥片蛋黃黃金蝦：非常香脆彈牙ge黃金蝦，加入蛋黃元素令黃金蝦更滋味！鮑汁柚皮花膠扣鵝掌: 好有味道的鮑汁，配上柚皮花膠和鵝掌，簡直身在豪宴中。花膠熟度剛剛好，想著吃了滿滿的骨膠原開心不已，鵝掌吃起來非常入味，柚皮這功夫菜終於嚐了，令人幸福。生磨蛋白杏仁茶：這個是杏仁控必點的！杏仁的香氣芳香四溢，口感幼滑，令人回味無窮，對於這個飯後糖水十分滿意！我地兩母女都對呢餐飯非常滿意，無論係服務同食物ge質素都好好，同啊媽悠閒地享受美食，真是幸福滿溢！

五月廿八日 晚市 巧手私房菜是日蒞到位於灣仔既名門私房菜，出地鐵站幾分鐘路程左右，入口亦不算難找。店內裝光潔雅致，沒有過份浮誇的裝修，挺配合私房菜氛圍。自家製的酸薑爽口開胃，皮蛋晶瑩潤澤，沒有半點粘糊。杏汁燉白肺湯清甜順滑，杏汁口感清新，同樣開胃的一道。蜜餞藕盞煎金蠔王首先入口是金黃的蜜汁，香脆的藕片及煙韌的外皮，再來是滿滿的肉汁，層次感十足。帶甘的蠔汁與蜜汁在口腔內融為一體，沒有半點違和，誠意之作。 名門富貴八寶撈麵用料上乘，鵝掌、鮑魚、海參、花膠及龍蝦丸等惹味非常；而幼身的撈麵加上秘製飽汁，充分帶出以上材料的精華。除鮑汁外，自家製的ＸＯ醬亦很有水準，加上少許蝦籽吊味，更是香口，整體層次再提升。紅棗蓮子百合燉桃膠最後甜品亦同樣落足料，值得一讚是桃膠燉至完全軟化，與湯水融為一體，質感一流，為這頓盛宴好好謝幕。